Tag: صرحا اصغر

پاکستانی شوبز انڈسٹری کی اداکارہ منشا پاشا اور صرحا اصغر کی ویڈیو سوشل میڈیا پر وائرل ہوگئی ہے۔

فوٹو اینڈ شیئرنگ ایپ انسٹاگرام پر اداکارہ صرحا اصغر اور منشا پاشا نے مشترکہ طور پر ایک ویڈیو شیئر کی ہے جس میں دونوں کو پہلے جھگڑتے ہوئے اور بعد میں بگل گیر ہوتے ہوئے دیکھا جاسکتا ہے۔

ویڈیو شیئر کرتے ہوئے اداکارہ نے کیپشن میں لکھا کہ ’ اداکارائیں میک اپ روم میں اور اداکارائیں سیٹ پر ‘، شیئر کی گئی مختصر ویڈیو کو دونوں اداکاراؤں کے مداحوں کی جانب سے خوب پسند کیا جارہا ہے۔

 

View this post on Instagram

 

A post shared by Srha Asgr. صرحا اصغر (@srhaasgr.official)

اس سے قبل اداکارہ منشا پاشا اور صرحا اصغر کی رقص کی ویڈیو سوشل میڈیا پر وائرل ہوگئی تھی، ویڈیو کو اب تک ہزاروں کی تعداد میں صارفین دیکھ چکے ہیں اور اس پر ملے جلے ردعمل کا اظہار کررہے ہیں۔

 

View this post on Instagram

 

A post shared by Srha Asgr. صرحا اصغر (@srhaasgr.official)

واضح رہے کہ صرحا اصغر اور لالہ عمر مرتضیٰ دسمبر 2020 میں رشتہ ازدواج میں منسلک ہوئے اور ان کے ہاں نومبر 2022 میں بیٹے کی پیدائش ہوئی تھی، تاہم اب وہ ڈراموں میں کم نظر آتی ہیں۔

دوسری جانب اداکاہ منشا پاشا اور جبران ناصر نے اپریل 2022 میں رشتہ ازدواج میں منسلک ہوئے تاہم اب اداکارہ منشا پاشا بھی ڈراموں میں کم نظر آتی ہیں۔

شوبز انڈسٹری کی معروف اداکارہ صرحا اصغر نے انکشاف کیا ہے کہ سحری اور افطاری شوہر لالہ عمر مرتضیٰ بناتے ہیں۔

اداکارہ صرحا اصغر نے حال ہی میں نجی ٹی وی کی رمضان ٹرانسمیشن میں شرکت کی اور زندگی میں شادی کے بعد آنے والی تبدیلیوں سے متعلق اظہار خیال کیا۔

اداکارہ نے کہا کہ شادی سے قبل بہن کے ساتھ سحری اور افطاری بناتی تھی لیکن اب یہ تمام ذمہ داری شوہر نے سنبھال لی ہے اور میں صرف کھانے کو چکھتی ہوں۔

صرحا اصغر نے کہا کہ شوہر یہ سب محبت میں کرتے ہیں اور رمضان ان کے لیے ایک تہوار کی طرح ہے۔

View this post on Instagram

A post shared by Srha Asgr. صرحا اصغر (@srhaasgr.official)

انہوں نے کہا کہ میرے سسرال والے یہاں نہیں رہتے، ان میں سے زیادہ تر بیرون ملک مقیم ہیں اور میری ساس بھی سفر کرتی رہتی ہیں، گھر میں کم لوگ ہی موجود ہوتے ہیں۔

صرحا اصغر نے کہا کہ میرے شوہر کو کھانے کا کافی شوق ہے اسی لیے وہ چاہتے ہیں کہ دسترخوان وسیع ہو۔

واضح رہے کہ صرحا اصغر اور لالہ عمر مرتضیٰ دسمبر 2020 میں رشتہ ازدواج میں منسلک ہوئے اور ان کے ہاں نومبر 2022 میں بیٹے کی پیدائش ہوئی تھی۔

شوبز انڈسٹری کی معروف اداکارہ صرحا اصغر نے اپنی ہمشکل بھارتی اداکارہ سے متعلق دلچسپ قصہ سنا دیا۔

اداکارہ صرحا اصغر نے حال ہی میں نجی پوڈ کاسٹ میں شرکت کی اور اس دوران بھارتی ڈراموں کی اداکارہ سے متعلق واقعہ سنایا۔

میزبان نے سوال کیا کہ آپ کو کبھی سے کام کی پیشکش ہوئی؟

صرحا اصغر نے کہا کہ ابھی تک تو کسی ڈرامے یا فلم کی پیشکش نہیں ہوئی البتہ اگر پیشکش ہوتی بھی ہے تو میں یہ دیکھوں گی کہ کام کس نوعیت کا ہے۔

انہوں نے بتایا کہ عرصہ دراز تک مجھے بھارت میں نشر ہونے والے ڈرامے ’تھپکی پیار کی‘ کی اداکارہ جگیاسا سنگھ کی ہمشکل سمجھا جاتا رہا ہے۔

واضح رہے کہ ’تھپکی پیار کی‘ کی ہیروئن جگیاسا سنگھ صرحا سے قدر مماثلت رکھتی ہیں جبکہ مذکورہ ڈرامہ 2015 سے لے کر 2017 تک جاری رہا تھا اور اس کی 704 اقساط نشر کی گئی تھیں۔

یاد رہے کہ اس سے قبل انٹرویو میں صرحا اصغر کا کہنا تھا کہ جب وقت موٹی تھی تو لوگ باڈی شیمنگ کرتے تھے، خواتین کی جسامت پر تنقید کا سلسلہ اب ختم ہوجانا چاہیے۔

معروف اداکارہ صرحا اصغر نے ایک انٹرویو میں کہا ہے کہ جب میں گریجویشن میں تھیں تو اپنی زندگی کا بہت مشکل دور دیکھا، میری یونیورسٹی میں کچھ ہوا تھا۔

سوشل میڈیا پر ایک چینل سے گفتگو میں ان کا کہنا تھا کہ گھر والے اور خاص کر بڑے بھائی بہت اعتماد کرتے تھے جس کی وجہ سے انھوں نے مجھے بہت سپورٹ کیا، مجھ سے گھر والوں نے پوچھا کہ یہ لوو افیئر ہے تو میں نے کہا کہ ایسا نہیں ہے، گریجویشن کا وہ دور بہت مشکل تھا۔

صرحا نے بتایا کہ بھائی بہنوں میں ان کا پانچواں نمبر ہے، انھیں گھر والوں نے زندگی میں کچھ کرنے سے منع نہیں کیا، مجھے آزادی دی ہے۔

اپنی یونیورسٹی کے دور کو یاد کرتے ہوئے انھوں نے انکشاف کیا کہ یہ ایک بہت سنجیدہ مسئلہ تھا، اس موقع پر بھائی نے مجھے کہا کہ تم پر بہت اعتماد ہے، جب انھوں نے ایسا کہا تو مجھے لگا انھیں واقعی مجھ پر بہت اعتماد ہے، میرے دوستوں نے بھی مجھے اس موقع پر چھوڑ دیا تھا۔

انھوں نے کہا کہ گھروالوں نے مجھ پر بہت اعتماد کیا جس کا بوجھ ہمیشہ میں نے محسوس کیا اور اب بھی میں اس اعتماد پر پورا اترنے کی کوشش کرتی ہوں۔

اینکر نے کہا کہ یہ اعتماد کا بوجھ سختی سے زیادہ برا ہوتا ہے کہ اب آزادی دے دی ہے تو اس کا غلط استعمال نہیں کیا جائے، اداکارہ صرحا اصغر نے کہا میں فیملی کی ‘چھوٹی‘ تھی اس لیے زیادہ خیال رکھا گیا۔