Tag: صفائی

کراچی: وزیراعلیٰ سندھ مراد علی شاہ نے شہر قائد کے مختلف علاقوں میں صفائی کی صورت حال کا جائزہ لیا، وزیراعلیٰ الیکٹرونک مارکیٹ پر گاڑی سے اترے اور روڈ پر کچرا دیکھ کر برہمی کا اظہار کیا۔

تفصیلات کے مطابق وزیراعلیٰ سندھ مراد علی شاہ نے سعید غنی اور مرتضی وہاب کے ہمراہ کراچی کے مختلف علاقوں میں صفائی کی صورت حال کا جائزہ لیا۔

مراد علی شاہ نے کہا کہ جو دکان دار روڈ پر کچرا پھینکے اس کےخلاف کاروائی کریں ، کوڑا دان رکھے ہیں تو کچرا روڈ پر کیوں پھینک رہے ہیں۔

وزیراعلیٰ سندھ نے وزیراعلیٰ الیکٹرونک مارکیٹ پر گاڑی سے اترے اور روڈ پر کچرا دیکھ کر برہمی کا اظہار کیا۔

یاد رہے کہ گزشتہ ماہ 24 ستمبر کو وزیراعلیٰ سندھ نے صفائی مہم کے سلسلے میں گلشن اقبال بلاک 6 کا دورہ کیا تھا جہاں دورے کے موقع پر کچرے کو ڈمپنگ کرنے کے لیے ٹرک میں بھرا گیا تھا جس کو ڈمپنگ پوائنٹ پر جا کر خالی کرنا تھا لیکن جیسے ہی وزیراعلیٰ علاقے کا دورہ ختم کرکے وہاں سے روانہ ہوئے تو کچرے سے بھرا ٹرک عملے نے دوبارہ اسی جگہ پر سڑک کنارے پھینک دیا تھا۔

مراد علی شاہ نے کراچی صفائی مہم کا جائزہ لینے کے لیے شہر کے مختلف علاقوں کا دورہ کیا تھا، لوگوں سے مسائل سنے اور موقع پر متعلقہ افسران کو ہدایت بھی جاری کیں تھی۔

کراچی: عید الاضحیٰ اور بارشوں کو کئی روز گزر گئے ہیں تاہم شہر میں صفائی نہیں ہو سکی، مختلف علاقوں میں گندگی کے باعث شہریوں کو شدید مشکلات کا سامنا ہے۔

تفصیلات کے مطابق کراچی شہر میں کچرے کے ڈھیر کا مسئلہ حل نہیں ہوا تھا کہ بارشیں شروع ہوئیں اور پھر بقر عید آ گئی، جس کے باعث کچرے اور گندگی میں مزید اضافہ ہوا۔

عید گزر گئی ہے لیکن شہر میں تا حال صفائی نہیں ہو سکی ہے، متعدد علاقوں میں گندگی کے ڈھیر پڑے ہیں جن کے باعث شہریوں کو پریشانی کا سامنا کرنا پڑ رہا ہے۔

اے آر وائی نیوز کی رپورٹ کے مطابق ملیر الفلاح، ملیر سعود آباد، بلدیہ ٹاوٴن، اتحاد ٹاوٴن اور اورنگی ٹاوٴن میں جگہ جگہ گندگی کے ڈھیر لگے ہیں۔

ادھر ناظم آباد اور نارتھ کراچی، مسلم ٹاؤن سمیت دیگر علاقوں میں بھی گندگی کے ڈھیر پڑے ہیں، متعدد علاقوں میں سیوریج لائن اوور فلو ہونے کے باعث گندے پانی کے تالاب نظر آتے ہیں۔

یہ بھی پڑھیں:  متعلقہ ادارے سوتے رہے، شہر قائد گندگی و غلاظت کے ڈھیر میں تبدیل

بیش تر علاقوں میں ہزاروں ٹن کچرا گلیوں اور چوراہوں پر تا حال موجود ہے، نکاسیٔ آب کا کام مکمل نہ ہونے کے باعث مچھروں کی افزایش میں بھی اضافہ ہوا، ماڈل کالونی ریلوے اسٹیشن کچرا کنڈی میں تبدیل ہو گیا۔

ادھر بلدیاتی اور سندھ حکومت کے مابین اختیارات کی جنگ چل رہی ہے، جس کے باعث کراچی سے کچرا اور آلائشیں نہ اٹھائی جا سکیں، موصولہ اطلاعات کے مطابق شہر میں 13 ہزار ٹن کچرا نکلتا ہے، 8 ہزار ٹن بہ مشکل اٹھایا جاتا ہے۔

بتایا گیا کہ شہر میں بارش کے دوسرے سلسلے کے بعد سے کچرا اٹھانے کا کام بند تھا، ڈی ایم سیز اور سندھ سالڈ ویسٹ مینجمنٹ آلائشیں اور کچرا اٹھانے میں نا کام رہیں، لینڈ فل سائٹس کے داخلی و خارجی راستے کیچڑ اور پھسلن کے باعث بند تھے۔ روزانہ اٹھایا جانے والا 8 ہزار ٹن کچرا بھی 4 دن سے نہیں اٹھایا جا رہا۔

کراچی : وزیراعظم عمران خان کا کہنا ہے کہ قیام امن کے لیے پولیس اور رینجرز کی کوشیشں قابل ستائش ہیں۔

تفصیلات کے مطابق کراچی میں اسٹیٹ گیسٹ ہاؤس میں وزیراعظم عمران خان کی صدرمملکت عارف علوی، گورنر سندھ عمران اسماعیل اور وزیراعلیٰ سندھ مراد علی شاہ سے ملاقات ہوئی۔

آئی جی سندھ سید امام کلیم ، ڈی جی رینجرز، حلیم عادل شیخ، فردوس شمیم نقوی بھی ملاقات میں شریک تھے، وزیراعلیٰ اور گورنرسندھ کی جانب سے وزیراعظم کو صوبے کی صورت حال پر تفصیلی بریفنگ دی گئی۔

گورنرسندھ عمران اسماعیل نے وزیراعظم کو وفاق کے تعاون سے جاری منصوبوں پرپیشرفت سے آگاہ کیا۔

اس موقع پر وزیراعظم عمران خان نے کہا کہ کراچی میں صفائی کا بہترنظام اورپانی کا منصوبہ اولین ترجیح ہے۔ انہوں نے کہا کہ قیام امن کے لیے پولیس اور رینجرزکی کوشیشں قابل ستائش ہیں۔

گورنرسندھ عمران اسماعیل نے وزیراعظم کو بتایا کہ آپ کے وژن کے تحت صوبے کو ترقی کی راہ پر گامزن کریں گے، کراچی کی روشنیاں واپس لائیں گے۔

وزیراعظم بننے کے بعد عمران خان کی مزارِ قائد پر پہلی حاضری

واضح رہے کہ وزیراعظم عمران خان آج ایک روزہ دورے پر کراچی پہنچے، انہوں نے دورے کا آغاز مزار قائد پر حاضری سے کیا۔