Tag: صنم جاوید

  • صنم جاوید کو عدالت سے ریلیف مل گیا

    صنم جاوید کو عدالت سے ریلیف مل گیا

    پشاور: پشاور ہائیکورٹ نے پی ٹی آئی رہنما صنم جاوید کو سات دن کی حفاظتی ضمانت دے دی اور درج مقدمات میں گرفتار نہ کرنے کا حکم دے دیا۔

    تفصیلات کے مطابق پشاور ہائیکورٹ میں پی ٹی آئی رہنما صنم جاوید کی مقدمات تفصیل کیلئے درخواست پر سماعت ہوئی۔

    وکیل عالم خان ادینزئی نے بتایا کہ درخواست گزارکےخلاف کچھ مقدمات کا علم نہیں، درخواست گزارکو حفاظتی ضمانت دی جائے تاکہ وہ متعلقہ ہائیکورٹ سے رجوع کریں۔

    جسٹس صاحبزادہ اسد اللہ نے کہا کہ ہمارے سامنے کوئی ایف آئی آرنہیں، ہم کیسے حفاظتی ضمانت دے دیں، 7 دن کی حفاظتی ضمانت دیتے ہیں، درخواست گزار متعلقہ عدالت سےرجوع کریں۔

    وکیل کا کہنا تھا کہ خاتون ہے جیل بھی کاٹی ہے، گزشتہ روزجیل سے نکلی ہے، 14دن کی حفاظتی ضمانت دی جائے۔

    جسٹس صاحبزادہ اسد اللہ نے ریمارکس دیئے پہلے بھی بہت سے کیسز میں حفاظتی ضمانت دی ہے، اس کیس میں ہمارے سامنے کوئی ایف آئی آر نہیں ہے، آپ ایف آئی آر لے آئے ہم حفاظتی ضمانت زیادہ دن دیں گے۔

    عدالت نے صنم جاوید کو سات دن کی حفاظتی ضمانت دیتے ہوئے درج مقدمات میں گرفتار نہ کرنے کا حکم دے دیا۔

    پی ٹی آئی سے متعلق خبریں

  • پی ٹی آئی کارکن صنم جاوید  کو ضمانت مل گئی

    پی ٹی آئی کارکن صنم جاوید کو ضمانت مل گئی

    لاہور : لاہور ہائی کورٹ نے پاکستان تحریک انصاف (پی ٹی آئی) کی کارکن صنم جاوید کی سرکاری ادارے کیخلاف نامناسب زبان استعمال کرنے سے متعلق کیس میں ضمانت منظور کر لی۔

    تفصیلات کے مطابق لاہور ہائی کورٹ نے و پاکستان تحریک انصاف (پی ٹی آئی) کی کارکن صنم جاوید کی سرکاری ادارے کیخلاف نامناسب زبان استعمال کرنے سے متعلق کیس میں درخواست ضمانت پر سماعت ہوئی۔

    جسٹس فاروق حیدر نے سماعت کی، عدالت نے درخواست ضمانت منظور کرتے ہوئے پانچ لاکھ روپے کے ضمانتی مچلکوں پر رہا کرنے کا حکم دیا۔

    یاد رہے رواں ماہ کے شروع میں وفاقی تحقیقاتی ایجنسی (ایف آئی اے) نے ریاست مخالف مواد کو پھیلانے کے الزام میں حراست میں لیا تھا۔

    ایف آئی اے لاہور نے یہ مقدمہ انسدادِ الیکٹرانک کرائمز ایکٹ اور پاکستان پینل کوڈ کی متعلقہ دفعات کے تحت درج کیا تھا۔

    پی ٹی آئی کارکن کی نمائندگی وکیل میاں علی اشفاق نے کی اور عدالت کے روبرو دلائل دیتے ہوئے کہا کہ درخواست گزار نے کوئی بیان یا پوسٹ نہیں کی جسے ریاست مخالف قرار دیا جا سکے، الزامات بے بنیاد اور سیاسی محرکات ہیں۔

    وکیل نے عدالت سے استدعا کی کہ مجرمانہ شواہد کی کمی پر غور کیا جائے اور اس کے مؤکل کو ضمانت دی جائے، انھیں سیاسی وابستگیوں کی وجہ سے نشانہ بنایا جا رہا ہے۔

    تاہم ایف آئی اے نے ضمانت کی مخالفت کرتے ہوئے کہا کہ صنم جاوید کی جانب سے اپ لوڈ کیا گیا مواد ریاست مخالف پروپیگنڈے کی تعریف میں آتا ہے اور مزید تفتیش کی ضرورت ہے۔

    فریقین کے دلائل سننے کے بعد عدالت نے درخواست منظور کرتے ہوئے ضمانتی مچلکے جمع کرانے پر صنم جاوید کو رہا کرنے کا حکم دیا۔

    خیال رہے پی ٹی آئی کارکن کو 9 مئی کے فسادات کے بعد پارٹی کارکنوں کے خلاف جاری کریک ڈاؤن کے درمیان حالیہ مہینوں میں متعدد قانونی چیلنجز کا سامنا کرنا پڑا ہے۔

  • اداروں کے خلاف سوشل میڈیا پر پوسٹ، صنم جاوید کی ضمانت مسترد

    اداروں کے خلاف سوشل میڈیا پر پوسٹ، صنم جاوید کی ضمانت مسترد

    لاہور : سیشن عدالت نے اداروں کے خلاف سوشل میڈیا پر پوسٹ شیئر کرنے کے کیس میں پاکستان تحریک انصاف کی کارکن صنم جاوید کی درخواست ضمانت خارج کردی۔

    تفصیلات کے مطابق سیشن عدالت میں اداروں کے خلاف سوشل میڈیا پر پوسٹ شیئر کرنے کے مقدمے میں پاکستان تحریک انصاف کی کارکن صنم جاوید کی درخواست ضمانت پر سماعت ہوئی۔

    ایڈیشنل سیشن جج سلمان گھمن نے وکلا کے دلائل مکمل ہونے پر فیصلہ سنایا، جس میں پی ٹی آئی کارکن کی درخواست ضمانت خارج کردی۔

    ایف ائی اے نے  رہنما پی ٹی آئی  کے خلاف مقدمہ درج کر رکھا ہے۔

    مزید پڑھیں : صنم جاوید اور ان کے شوہر کو گرفتار کرلیا گیا

    یاد رہے گذشتہ ماہ پاکستان تحریک انصاف کی رہنما صنم جاوید اور ان کے شوہر کو 9 مئی جلاؤ گھیراؤکے مقدمات میں گرین ٹاؤن سے گرفتار کیا تھ،

    حکام کا کہنا تھا کہ پاکستان تحریک انصاف کی رہنما اور ان کے شوہر کیخلاف دہشت گردی کے مقدمات درج تھے۔

    واضح رہے گذشتہ سال جسٹس اسجد جاوید گھرال کی سربراہی میں دو رکنی بینچ نے صنم جاوید کے خلاف گوجرانوالہ میں 9 مئی سے واقعات سے متعلق درج مقدمے کی سماعت کی تھی اور انہیں مقدمے سے ڈسچارج کرنے کا حکم دیا تھا۔

  • صنم جاوید اور ان کے شوہر کو گرفتار کرلیا گیا

    صنم جاوید اور ان کے شوہر کو گرفتار کرلیا گیا

    لاہور : پاکستان تحریک انصاف کی کارکن صنم جاوید اور ان کے شوہر کو گرفتار کر لیا گیا، دونوں کیخلاف دہشت گردی کے مقدمات درج تھے۔

    تفصیلات کے مطابق پاکستان تحریک انصاف کی رہنما صنم جاوید اور ان کے شوہرکو گرین ٹاؤن سے گرفتار کرلیا گیا۔

    پولیس حکام نے بتایا کہ رہنما پی ٹی آئی اور اس کے خاوند کو 9 مئی جلاؤ گھیراؤکے مقدمات میں گرفتارکیا گیا۔

    حکام کا کہنا تھا کہ پاکستان تحریک انصاف کی رہنما اور ان کے شوہر کیخلاف دہشت گردی کے مقدمات درج تھے۔

    واضح رہے گذشتہ سال جسٹس اسجد جاوید گھرال کی سربراہی میں دو رکنی بینچ نے صنم جاوید کے خلاف گوجرانوالہ میں 9 مئی سے واقعات سے متعلق درج مقدمے کی سماعت کی تھی اور انہیں مقدمے سے ڈسچارج کرنے کا حکم دیا تھا۔

    پی ٹی آئی سے متعلق خبریں

    صنم جاوید کو لاہور سے گرفتار کیا گیا تھا اور ان پر 9 مئی کے حوالے سے مختلف شہروں میں متعدد مقدمات درج کیے گئے ہیں، اس کیس میں رہائی کے بعد انہیں دوبارہ گرفتار کرلیا گیا تھا۔

    بعد ازاں اسلام آباد ہائی کورٹ نے صنم جاوید کو کوئٹہ پولیس کے حوالے کرنے سے روکتے ہوئے متعلقہ حکام کو طلب کرلیا تھا اور سماعت مکمل کرتے ہوئے انہیں رہا کرنے کا حکم دیا تھا۔

  • 9مئی کے مقدمات؛ ‘ملزمہ صنم جاوید بیمار ہیں عدالت نہیں آئی‘

    9مئی کے مقدمات؛ ‘ملزمہ صنم جاوید بیمار ہیں عدالت نہیں آئی‘

    لاہور کی انسداد دہشتگردی عدالت نے پی ٹی آئی کارکن اور سوشل میڈیا ایکٹوسٹ صنم جاوید کی حاضری معافی کی درخواست مسترد کر دی۔

    انسدادد ہشتگردی عدالت میں مسلم لیگ (ن) کا آفس جلانے سمیت 9 مئی کے دیگر مقدمات کی سماعت جج ارشد جاوید نے کی۔

    عدالت نے صنم جاوید کی حاضری معافی کی درخواست مسترد کرتے ہوئے استفسار کیا کہ ملزمہ کے گزشتہ سماعت پر وارنٹ گرفتاری جاری ہوئے آج کیوں پیش نہیں ہوئی؟ جب وارنٹ گرفتاری جاری ہو چکے ہوں تو حاضری معافی کی درخواست دائر نہیں ہو سکتی۔

    صنم جاوید کے وکلا نے مؤقف اختیار کیا کہ ملزمہ بیمار ہیں۔

    اس پر عدالت نے استفسار کیا کہ اگر بیمار ہیں تو ملزمہ کا میڈکل پیش کیوں نہیں کیا گیا؟ ملزمان کے غیر حاضر ہونے سے ٹرائل تاخیر کا شکار ہو رہا ہے، آئندہ سماعت پر تمام ملزمان ٹرائل کیلیے پیش ہوں۔

    یاد رہے کہ عدالت نے عدم پیشی پر صنم جاوید کے قابل ضمانت وارنٹ گرفتاری جاری کر رکھے ہیں۔

    10 اگست کو انسداد دہشتگردی عدالت میں تھانہ شادمان حملے سمیت 9 مئی کے دیگر مقدمات پر سماعت ہوئی تھی اور عدالت نے ملزمہ کے قابل ضمانت وارنٹ گرفتاری جاری کیے تھے۔

    عدالت نے روبینہ جمیل کی حاضری معافی کی درخواست مسترد کر دی تھی جس کے بعد روبینہ جمیل حاضری معافی کی درخواست خارج ہونے پر عدالت پہنچ گئی تھیں۔

    عائشہ علی بھٹہ بھی حاضری معافی کی درخواست خارج ہونے پر پیش ہوئی تھیں تاہم پیش ہونے پر عدالت نے 2 خواتین کے وارنٹ گرفتاری جاری نہیں کیے تھے۔

    عدالت نے کہا تھا کہ ملزمان کے غیر حاضر ہونے سے ٹرائل تاخیر کا شکار ہو رہا ہے۔

    صنم جاوید پر مختلف سیاسی واقعات کے سلسلے میں متعدد مقدمات درج کیے گئے ہیں۔ ان کا نام 9 مئی کے واقعات کے سلسلے میں درج مقدمات میں شامل کیا گیا تھا۔ انہیں ان واقعات میں ملوث ہونے کا الزام لگایا گیا تھا۔

    ان کے خلاف دیگر مقدمات بھی درج کیے گئے ہیں جن میں ان پر نامناسب زبان استعمال کرنے اور دیگر الزامات شامل ہیں۔

  • صنم جاوید پھر بڑی مشکل میں پھنس گئیں!

    صنم جاوید پھر بڑی مشکل میں پھنس گئیں!

    لاہور : پاکستان تحریک انصاف کی رہنما صنم جاوید بڑی مشکل میں پھنس گئی اور عدالت نے قابل ضمانت وارنٹ گرفتاری جاری کردیے۔

    تفصیلات کے مطابق لاہور کی انسداددہشت گردی عدالت میں تھانہ شادمان حملے سمیت9مئی کےدیگر مقدمات پر سماعت ہوئی۔

    عدالت نے صنم جاوید کی حاضری معافی کی درخواست مسترد کردی اور ان کے قابل ضمانت وارنٹ گرفتاری جاری کردیے

    عدالت نےروبینہ جمیل کی حاضری معافی کی درخواست مستردکردی، جس کے بعد روبینہ جمیل حاضری معافی کی درخواست خارج ہونےپر عدالت پہنچ گئیں۔

    عائشہ علی بھٹہ بھی حاضری معافی کی درخواست خارج ہونےپرپیش ہوئی تاہم پیش ہونےپرعدالت نے 2خواتین کےوارنٹ گرفتاری جاری نہیں کیے۔

    عدالت نے کہا کہ ملزمان کے غیر حاضر ہونے سے ٹرائل تاخیر کا شکار ہو رہا ہے۔

    صنم جاوید پر مختلف سیاسی واقعات کے سلسلے میں متعدد مقدمات درج کیے گئے ہیں۔ صنم جاوید کا نام 9 مئی کے واقعات کے سلسلے میں درج مقدمات میں شامل کیا گیا تھا۔ انہیں ان واقعات میں ملوث ہونے کا الزام لگایا گیا تھا۔

    ان کے خلاف دیگر مقدمات بھی درج کیے گئے ہیں جن میں ان پر نامناسب زبان استعمال کرنے اور دیگر الزامات شامل ہی

  • صنم جاوید آزاد ،  "نامناسب” گفتگو نہ کرنے کی یقین دہانی

    صنم جاوید آزاد ، "نامناسب” گفتگو نہ کرنے کی یقین دہانی

    اسلام آباد : اٹارنی جنرل نے عدالت کو بتایا کہ صنم جاوید آزاد ہیں اپنے صوبے میں جا سکتی ہیں، جس پر وکیل نے رہنما پی ٹی آئی کی جانب سے نامناسب گفتگو نہ کرنے کی یقین دہانی کرادی۔

    تفصیلات کے مطابق اسلام آباد ہائیکورٹ کےجسٹس میاں گل حسن اورنگزیب نے پی ٹی آئی رہنما صنم جاوید کی گرفتاری غیر قانونی قراردیکر رہائی کی درخواست کی سماعت کی۔

    اٹارنی جنرل منصور عثمان اعوان عدالت کو بتایا کہ پی ٹی آئی رہنما کو مزید کسی مقدمےمیں گرفتارنہیں کیا جائیگا،اب وہ آزادہیں اپنے صوبے میں جاسکتی ہیں جبکہ بلوچستان پولیس راہداری ریمانڈ کی استدعا پر زور نہیں دے رہی۔

    جج نے وکیل سے استفسار کیا کہ انٹرنیٹ پر دیکھا رہنما پی ٹی آئی بہت نامناسب زبان استعمال کرتی ہے، آپ گارنٹی دیتےہیں، وہ مزید نامناسب گفتگو نہیں کرے گی؟

    جس پر وکیل میاں علی اشفاق نے یقین دہانی کروائی کہ رہنما پی ٹی آئی آئندہ نامناسب الفاظ استعمال نہیں کرے گی، دو دن میں اسلام آباد اورکوئٹہ میں درج مقدمات واپس لئے جائیں گے۔

    اسلام آباد ہائی کورٹ نے پی ٹی آئی رہنما کی گرفتاری غیرقانونی قرار دیکر رہائی کی درخواست نمٹادی۔

  • صنم جاوید کو ڈسچارج کرنے کا ڈیوٹی مجسٹریٹ کا فیصلہ چیلنج

    صنم جاوید کو ڈسچارج کرنے کا ڈیوٹی مجسٹریٹ کا فیصلہ چیلنج

    اسلام آباد : پی ٹی آئی کی رہنما صنم جاوید کو ڈسچارج کرنے کا ڈیوٹی مجسٹریٹ کا فیصلہ چیلنج کردیا گیا۔

    تفصیلات کے مطابق پاکستان تحریک انصاف کی رہنما صنم جاوید کو ڈسچارج کرنے کا ڈیوٹی مجسٹریٹ کا فیصلہ ایف آئی اےنےچیلنج کردیا، سیشن جج افضل مجوکا کی عدم دستیابی پرسماعت ڈیوٹی جج چوہدری عامرضیا نے کی.

    ایف آئی اے پراسیکیوٹراورتفتیشی افسرعدالت میں پیش ہوئے ، پراسیکیوٹر نے بتایا کہ انٹرنیٹ بغیربارڈر کے میڈیم ہے، جس کوکنٹرول نہیں کیاجا سکتا، سائبرکرائم کے پاس رہنما پی ٹی آئی کےٹوئٹس کےتمام ثبوت موجودہیں ، پاکستان میں ٹوئٹرکاکوئی بھی رجسٹرڈآفس موجودنہیں ، قانونی چارہ جوئی کے لیے ہم امریکا نہیں جاسکتے۔

    درخواست میں کہا گیا کہ گزشتہ روزملزمہ کوڈیوٹی جج کی عدالت میں6 روزہ جسمانی ریمانڈکی استدعاکی گئی تھی لیکن عدالت نےریمانڈ یاجوڈیشل کرنےکےبجائےملزمہ کو ڈسچارج کردیا۔

    درخواست میں کہنا تھا کہ 2لاکھ فالوورزوالےٹوئٹر اکاؤنٹ سے اداروں کیخلاف ویڈیواپلوڈکی، ملزمہ نےاپنےٹوئٹراکاؤنٹ کی تفصیلات ایف آئی اےکومہیا نہیں کی ، استدعا ہے کہ عدالتی فیصلہ قانونی تقاضے کے بغیرجلدبازی میں دیاگیا،نظرثانی کی جائے۔

    سیشن کورٹ نے فریقین کو18 جولائی کے لیے نوٹس جاری کردیا اور ایف آئی اے کی درخواست پرسماعت18جولائی تک ملتوی کردی۔

  • صنم جاوید کے والد کا بیٹی کی رہائی کے لیے اسلام آباد ہائیکورٹ سے رجوع

    صنم جاوید کے والد کا بیٹی کی رہائی کے لیے اسلام آباد ہائیکورٹ سے رجوع

    اسلام آباد : پاکستان تحریک انصاف کی رہنما صنم جاوید کے والد نے بیٹی کی رہائی کے لیے اسلام آباد ہائیکورٹ سے رجوع کرلیا۔

    تفصیلات کے مطابق پاکستان تحریک انصاف کی رہنما صنم جاوید کی رہائی کیلئے والد جاوید اقبال نے اسلام آبادہائیکورٹ میں درخواست دائر کردی ، جس میں وفاقی حکومت، ایف آئی اے، آئی جی اسلام آباد و دیگر فریق بنایا گیا ہے۔

    والد نے استدعا کی بیٹی کو غیرقانونی حراست سے فوری رہا کرنے کا حکم دیاجائے اور عدالت اسلام آبادہائیکورٹ میں پیش کرنے کا حکم دے۔

    درخواست میں کہا گیا کہ عدالت بیٹی کیخلاف مقدمات کی تفصیلات فراہم کرنے،کارروائی سے روکیں اور اس کو حراست میں لینے سمیت اغوا کے عمل کو غیرقانونی قرار دیں۔

  • صنم جاوید کو بلوچستان پولیس کے حوالے کر دیا گیا

    صنم جاوید کو بلوچستان پولیس کے حوالے کر دیا گیا

    اسلام آباد : رہنما پی ٹی آئی صنم جاوید بلوچستان پولیس کے حوالے کر دیا گیا، راہداری ریمانڈ کے بعد ان کو بلوچستان منتقل کیا جائے گا۔

    تفصیلات کے مطابق اسلام آباد پولیس نے پاکستان تحریک انصاف کی رہنما صنم جاویدکوبلوچستان پولیس کے حوالے کر دیا، انھیں کچھ دیرمیں جی الیون کچہری پیش کیا جائے گا ، جہاں بلوچستان پولیس ان کا راہداری ریمانڈ لے گی۔

    ذرائع نے بتایا کہ راہداری ریمانڈ کے بعد صنم جاوید کو بلوچستان منتقل کیا جائے گا، ان کی گرفتاری کیلئے اسلام آباد پولیس نے بلوچستان پولیس کی معاونت کی تھی۔

    رہنما پی ٹی آئی 2023 کے ایک مقدمے میں بلوچستان پولیس کومطلوب ہے ، ان کیخلاف کوئٹہ کے بجلی روڈ پولیس اسٹیشن میں مقدمہ درج ہے، مقدمہ دہشتگردی سمیت 15 دفعات کے تحت درج کیا گیا تھا۔

    بلوچستان پولیس نے گرفتاری کیلئے وفاقی پولیس سے مدد مانگی تھی۔