Tag: صنم جاوید

لاہور : انسداد دہشت گردی عدالت پی ٹی آٸی ایکٹوسٹ صنم جاوید کی پولیس پر حملے کے مقدمے بھی ضمانت کی درخواست منظور کرلی۔

انسداد دہشت گردی عدالت پی ٹی آٸی ایکٹوسٹ صنم جاوید کی پولیس پر حملے کے مقدمے بھی ضمانت کی درخواست منظور کرلی

تفصیلات کے مطابق انسداد دہشت گردی کی عدالت نے پی ٹی آٸی ایکٹوسٹ صنم جاوید کی زمان پارک کے باہر پولیس پر حملے کے مقدمے میں ضمانت کی درخواست پر فیصلہ سنایا۔

عدالت نے صنم جاوید کی درخواست ضمانت منظور کرتے ہوئے دو لاکھ کے ضمانتی مچلکے داخل کرانے کا حکم دے دیا۔

صنم جاوید کے وکیل نے درخواست ضمانت پر دلائل مکمل کئے جبکہ پراسیکیوشن نے مقدمہ کا ریکارڈ عدالت میں پیش کیا۔

وکیل کے مطابق صنم جاوید کو ایک کے بعد دوسرے مقدمہ میں گرفتار کر لیا جاتا ہےاور بار بار نئے مقدمات میں ملوث کیا جا رہا ہے۔

وکیل نے استدعا کی کہ صنم جاوید کی ضمانت منظور کرکے انہیں رہا کیا جائے، صنم جاوید کو تھانہ ریس کورس کے مقدمہ میں گرفتار کیا گیا تھا۔

لاہور : انسداد دہشت گردی کی عدالت نے پولیس پر حملہ کیس میں پی ٹی آئی کارکن صنم جاوید کو چودہ روزہ جوڈیشل ریمانڈ پر جیل بھجوا دیا۔

تفصیلات کے مطابق انسداد دہشت گردی کی عدالت میں پی ٹی آئی کارکن صنم جاوید کی پولیس پر حملے کیس میں گرفتاری کے کیس کی سماعت ہوئی۔

انسداد دھشت گردی عدالت کی ایڈمن جج عبہر گل خان نے سماعت کی ، پولیس نے صنم جاوید کو جسمانی ریمانڈ مکمل ہونے پر پیش کیا ، تفتیشی افسر نے بتایا کہ ملزمہ کا فوٹو گرامیٹک ٹیسٹ ہو گیا ہے۔

پراسیکیوٹر کا کہنا تھا کہ صنم جاوید اور دیگر کارکنان نے زمان پارک کے باہر پیٹرول بم پھینکے ، زمان پارک میں ڈی آئی جی پر تشدد کیا گیا پولیس کی گاڑیاں جلائی گئی اور صنم جاوید نے نفرت انگیز تقاریر سے کارکنان کو پولیس پر حملےکیلئےاکسایا۔

پولیس نے صنم جاوید کے مزید جسمانی کی استدعا نہیں کی، جس پر عدالت نے صنم جاوید کو چودہ روزہ جوڈیشل ریمانڈ پر جیل بھجوا دیا۔

لاہور : انسداد دہشت گردی عدالت نے حملہ کیس میں پی ٹی آٸی ایکٹوسٹ صنم جاوید کا تین دن کا جسمانی ریمانڈ دے دیا۔

تفصیلات کے مطابق انسداد دہشت گردی عدالت میں پی ٹی آٸی ایکٹوسٹ صنم جاوید کی پانچویں مقدمے میں گرفتاری کیس کی سماعت ہوئی، انسداد دہشت گردی عدالت کے جج ارشد جاوید نے سماعت کی۔

پولیس نے نئے مقدمہ میں جسمانی ریمانڈ کیلئےصنم جاوید کو عدالت میں پیش کیا ، پراسیکیوٹر نے بتایا کہ صنم جاوید اور دیگر کارکنان نے زمان پارک کے باہر پولیس پر پیٹرول بم پھینکے اور زمان پارک میں ڈی آئی جی پر تشدد کیا گیا پولیس کی گاڑیاں جلائی گئیں۔

پراسیکیوٹر کے مطابق صنم جاوید نے زمان پارک کے باہر اشتعال انگیز تقاریر کیں اور کارکنوں کو پولیس پر حملہ ہر اکسایا۔

تفتیشی افسر نے استدعا کی کہ ملزمہ کا فوٹو گرامیٹک ٹیسٹ کرانا ہے جسمانی ریمانڈ دیا جائے، صنم جاوید اور دیگر نے کار سرکار میں رکاوٹ پیدا کی اور جلاؤ گھیراؤ کیا۔

عدالت نے صنم جاوید کا 3 روزہ جسمانی ریمانڈ منظور کرلیا ، صنم جاوید پر ریس کورس پولیس اسٹیشن میں پولیس پر حملہ کا مقدمہ درج ہے۔

لاہور : لاہور ہائی کورٹ نے پی ٹی آٸی ایکٹویسٹ صنم جاوید خان کی ضمانت منظور ہونے کے باوجود رہا نہ کرنے پر آئی جی پولیس پنجاب سے جواب مانگ لیا۔

تفصیلات کے مطابق لاہور ہائیکورٹ کے جسٹس علی باقر نجفی نے صنم جاوید کی توہین عدالت کی پر سماعت کی، جس میں کہا گیا کہ آئی جی نے رپورٹ میں کہا کہ درخواست گزار کیخلاف دو مقدمات کے علاوہ کوئی مقدمہ نہیں لیکن دونوں مقدمات میں ضمانت کے باوجود رہا نہیں کیا گیا۔

رپورٹ مین کہنا تھا کہ آئی جی پنجاب اور دیگر حکام نے عدالتی احکامات کی خلاف ورزی کی اس لیے آئی جی پنجاب سمیت دیگر کیخلاف توہین عدالت کی کارروائی کی جائے۔

عدالت نے پی ٹی آٸی ایکٹویسٹ صنم جاوید خان کی ضمانت منظور ہونے کے باوجود رہا نہ کرنے پر آئی جی پولیس پنجاب سے جواب مانگ لیا اور درخواست پر مزید کارروائی 10 نومبر کو ہوگی۔

لاہور : عسکری ٹاور حملہ کیس سے ڈسچارج ہونے والی پی ٹی آئی کارکن صنم جاوید کو عدالت کے احاطے سے نئے مقدمہ میں دوبارہ گرفتار کرلیا گیا۔

تفصیلات کے مطابق پولیس نے پی ٹی آئی کارکن صنم جاوید کو عدالت کے احاطے سے نئے مقدمہ میں دوبارہ گرفتارکرلیا۔

پولیس نے بتایا کہ صنم جاوید کو مسلم لیگ ن کا آفس جلانے کے مقدمہ میں گرفتار کیا گیا ہے۔

اس سے قبل انسداد دہشت گردی کی عدالت میں پی ٹی آئی کارکن صنم جاوید کی رہائی کے بعد دوبارہ گرفتاری کے کیس کی سماعت ہوئی تھی۔

پولیس نے عسکری ٹاور حملہ کیس میں صنم جاوید کو انسداد دہشت گردی عدالت میں پیش کیا اور صنم جاوید کی عسکری ٹاور حملہ کیس میں شناخت پریڈ کی اجازت مانگی۔

عدالت نے صنم جاوید کی نئے مقدمہ میں شناخت پریڈ کی استدعا مسترد کرتے ہوئے صنم جاوید کو عسکری ٹاور حملہ کیس سے ڈسچارج کر دیا تھا۔

عدالت کا کہنا تھا کہ لاہور ہائی کورٹ میں سی سی پی او نے رپورٹ دی ملزمہ کیخلاف 2 کے علاوہ کوئی کیس نہیں، سی سی پی او رپورٹ کی بنیاد پرملزمہ کی نئے مقدمہ میں گرفتاری غیر قانونی ہے۔

لاہور : انسداد دہشت گردی کی عدالت نے پی ٹی آئی کارکن صنم جاوید کو عسکری ٹاور حملہ کیس سے ڈسچارج کر دیا۔

تفصیلات کے مطابق انسداد دہشت گردی کی عدالت میں پی ٹی آئی کارکن صنم جاوید کی رہائی کے بعد دوبارہ گرفتاری کے کیس کی سماعت ہوئی۔

پولیس نے عسکری ٹاور حملہ کیس میں صنم جاوید کو انسداد دہشت گردی عدالت میں پیش کیا اور صنم جاوید کی عسکری ٹاور حملہ کیس میں شناخت پریڈ کی اجازت مانگی۔

عدالت نے صنم جاوید کی نئے مقدمہ میں شناخت پریڈ کی استدعا مسترد کر دی اور کہا لاہور ہائیکورٹ میں سی سی پی او نے رپورٹ دی ملزمہ کیخلاف 2 کے علاوہ کوئی کیس نہیں۔

عدالت کا کہنا تھا کہ سی سی پی او رپورٹ کی بنیاد پرملزمہ کی نئے مقدمہ میں گرفتاری غیر قانونی ہے۔

یاد رہے گزشتہ روز کوٹ لکھپت جیل سے رہائی کے بعد صنم جاوید کو دوبارہ گرفتار کیا گیا تھا ، صنم جاوید کی جناح ہاؤس حملہ اور پولیس کی گاڑیاں جلانے کیسز میں ضمانت ہوچکی ہے۔

لاہور : جناح ہاؤس حملہ کیس میں پی ٹی آئی رہنما صنم جاوید اور دیگر خواتین کو رہا ہوتے ہی دوبارہ گرفتار کرلیا گیا اور تھانہ ویمن ونگ ریس کورس منتقل کردیا گیا۔

تفصیلات کے مطابق جناح ہاؤس حملہ کیس میں پی ٹی آئی کی خواتین صنم جاوید ،افشاں طارق، آشیمہ شجاع اور شاہ بانو کو رہائی کے فوری بعد جیل کے احاطے سے دوبارہ گرفتارکرلیا گیا۔

پولیس کی نفری خواتین کو جیل سے لیکر روانہ ہوگئی، اہلخانہ نے دوبارہ گرفتاری کے خدشے کے باعث خواتین کو ساتھ لے جانے سے انکار کیا تھا۔

دوسری جانب پولیس حکام کا کہنا ہے کہ چاروں گرفتار خواتین کوتھانہ ویمن ونگ ریس کورس منتقل کر دیا گیا ہے، خواتین کو تھانہ سرور روڈ میں درج مقدمے کے تحت گرفتار کیا گیا۔

پولیس نے گرفتارخ واتین کوجیل سے قیدی وین کے ذریعے ویمن پولیس اسٹیشن منتقل کیا۔

صنم جاوید کی وکیل بیرسٹر خدیجہ صدیقی کا کہنا ہے کہ خواتین کو غیر قانونی طور پر گرفتار کیا گیا ہے، خواتین کو مغرب کے بعد تھانے میں نہیں رکھا جا سکتا، خواتین کو کہاں لیجایا گیا کچھ نہیں بتایا گیا۔

یاد رہے انسداد دہشت گردی کی عدالت لاہور نے صنم جاوید سمیت نو خواتین کی ضمانت منظور کرکے رہائی کا حکم دیا تھا، جس کے بعد صنم جاوید سمیت چارخواتین کو عدالت نے مچلکے جمع ہونے پرروبکارجاری کیے تھے۔

لاہور : انسداد دہشت گردی عدالت نے جناح ہاوس حملہ کیس میں خدیجہ شاہ ، صنم جاوید ، عالیہ حمزہ اور طیبہ راجہ سمیت 197 ملزمان کی ضمانتیں مسترد کر دیں۔

تفصیلات کے مطابق انسداد دہشت گردی عدالت کے جج اعجاز احمد بٹر نے جناح ہاوس حملہ کیس میں 230 ملزمان کی ضمانتوں پر فیصلہ سنایا ۔

عدالت نے خدیجہ شاہ ، عالیہ حمزہ ، صنم جاوید اور طیبہ راجہ سمیت 197 ملزمان کی ضمانت کی درخواستیں مسترد کردیں جبکہ 33 ملزمان کی ضمانت کی درخواستیں منظور کرتے ہوٸے انھیں ایک ایک لاکھ مچلکے کے عوض رہا کرنے کا حکم دے دیا۔

گزشتہ روز عدالت نے ملزمان کی ضمانت پر فیصلہ محفوظ کر لیا تھا، ملزمان کے وکلا نے موقف اختیار کیا کہ واقعہ سے کوٸی تعلق نہیں سیاسی بنیادوں پر ملوث کیا گیا لہذا ضمانت منظور کی جاٸے ۔

سرکاری وکیل نے عدالت کو بتایا کہ شناخت پریڈ میں ملزمان کی شناخت ہوٸی اور ان کے خلاف ٹھوس شواہد موجود ہیں کہ وہ جناح ہاوس پر حملے میں ملوث ہیں لہذا ضمانت مسترد کی جاٸے۔

لاہور : جناح ہاؤس حملہ کیس میں پی ٹی آئی کی خدیجہ شاہ ، صنم جاوید، طیبہ راجہ،عالیہ حمزہ سمیت دیگر خواتین نے ضمانت درخواست دائرکر دی۔

تفصیلات کے مطابق انسداددہشت گردی عدالت میں جناح ہاؤس حملہ اور جلاؤ گھیرا ؤ کے کیس میں پی ٹی آئی کی خواتین خدیجہ شاہ، صنم جاوید،طیبہ راجہ،عالیہ حمزہ سمیت دیگر نے ضمانت درخواست دائرکر دی۔

خدیجہ شاہ سمیت 8 خواتین نے ضمانت کی درخواستیں دائرکیں ، جس پر انسداد دہشت گردی عدالت کےجج اعجاز احمد بٹر نے سماعت کی۔

عدالت نے درخواستوں پرپراسیکیوشن کو 12 جون کیلئےنوٹس جاری کر دیے اور آئندہ سماعت پر پولیس سےمقدمےکا ریکارڈ طلب کر لیا۔

خیال رہے جناح ہاؤس حملہ اور جلاؤ گھیرا ؤ کے کیس میں خدیجہ شاہ سمیت دیگر خواتین جوڈیشل ریمانڈ پرجیل میں ہیں۔

لاہور: انسداد دہشت گردی عدالت نے جناح ہاوس حملہ اور جلاو گھیراو میں ملوث خدیجہ شاہ اور صنم جاوید سمیت 13 خواتین کو چودہ روزہ جوڈیشل ریمانڈ پر جیل بھیج دیا۔

تفصیلات کے مطابق انسداد دہشت گردی عدالت کی ایڈمن جج عبہر گل خان نے جناح ہاؤس حملہ جلاو گھیراو کیس کی سماعت کی۔

پولیس نے خدیجہ شاہ، صنم جاوید سمیت تیرہ خواتین کو عدالت میں پیش کیا، عدالت نے استفسار کیا کہ صنم جاوید، خدیجہ شاہ اور طیبہ راجہ کون ہیں؟ کیا ان سے ڈنڈے بر آمد کرلیا گئے ہیں۔

جس پر جواب دیتے ہوئے خواتین نے برآمدگی سے انکار کردیا، تفتیشی افسر نے موقف اختیار کیا کہ ان خواتین سے پٹرول بم اور دیگر سامان برآمد کرایا جانا ہے لہذا مزید جسمانی ریمانڈ دیا جاٸے۔

عدالت نے تفتیشی افسر کی استدعا مسترد کرتے ہوٸے خواتین ملزمان کو چودہ روزہ جوڈیشل ریمانڈ پر جیل بھیجنے کا حکم دے دیا۔