(13 اگست 2025): پاکستان کی صوفی گلوکارہ صنم ماروی نے انکشاف کیا ہے حج و عمرہ یا کربلا زیارت کرنے جاؤ تو لوگوں کی جانب سے طعنے ملتے ہیں۔
پاکستان کی معروف لوک اور صوفی گلوکارہ صنم ماروی نے حال ہی میں ایک نجی ٹی وی کے مارننگ شو میں شرکت کی جہاں انہوں نے بطور گلوگارہ اسلامی سفر کرنے پر تنقید کا سامنا کرنا کا انکشاف کیا۔
مذہبی عبادات پر ٹرولنگ کے حوالے سے بات کرتے ہوئے صنم ماروی نے کہا کہ ہاں یہ ایک شوبز شخصیت ہونے کا منفی پہلو ہے، ہر کوئی آپ پر تبصرے کرتا ہے، چاہے آپ کی اپنی زندگی کتنی ہی پرائیوٹ کیوں نہ ہو اور آپ کتنی ہی مشکلات سے کیوں نہ گزر رہے ہوں۔
صنم ماروی نے تیسری شادی کی تصدیق کر دی
انہوں نے کہا کہ سب سے تکلیف دہ بات یہ ہے کہ جب میں عمرہ کرنے یا زیارات پر جاؤں تو لوگ تبصرے کرتے ہوئے کہتے ہیں کہ اچھا اب آپ بھی عمرہ کریں گی اور پھر جب واپس آ کر اپنا گلوکاری کا کام کرو تو کہتے ہیں آپ تو ابھی زیارات یا عمرہ کر کے آئی ہیں تو یہ کام ہیں کر رہی ہیں۔
انہوں نے کہا کہ لوگ یہ نہیں سمجھتے کہ ہمارا دل بھی کرتا ہے کہ ہم عام لوگوں کہ طرح عبادت کریں۔ گانا گانا میرا پروفیشن ہے اس سے میرا گھر چلتا ہے، نہ میں وہ چھوڑ سکتی ہوں نہ میں یہ چھوڑ سکتی ہوں۔
صنم ماروی کا مزید کہنا تھا کہ لوگ ٹرول کرتے ہیں کہ سارا سال گانے گاتی ہیں اور اب یہ حاجن بننے کے لیے چلی گئی ہے یا زیارات کے لیے چلی گئی ہے۔
