Tag: صوابی

  • خیبر پختونخواہ کے مختلف شہروں میں زلزلے کے جھٹکے

    خیبر پختونخواہ کے مختلف شہروں میں زلزلے کے جھٹکے

    پشاور: صوبہ خیبر پختونخواہ کے مختلف شہروں میں زلزلے کے جھٹکے محسوس کیے گئے، ریکٹر اسکیل پر زلزلے کی شدت 5.5 ریکارڈ کی گئی۔

    تفصیلات کے مطابق صوبہ خیبر پختونخواہ کے شہروں ایبٹ آباد، مردان، صوابی، سوات، بونیر اور گرد و نواح میں زلزلے کے جھٹکے محسوس کیے گئے۔ زلزلہ پیما مرکز کے مطابق ریکٹر اسکیل پر زلزلے کی شدت 5.5 ریکارڈ کی گئی۔

    زلزلہ پیما مرکز کا کہنا ہے کہ زلزلے کی زیر زمین گہرائی 70 کلو میٹر تھی، زلزلے کا مرکز افغانستان اور تاجکستان کا سرحدی علاقہ تھا۔ زلزلے کے بعد لوگ خوفزدہ ہو کر کلمہ طیبہ کا ورد کرتے ہوئے گھروں سے باہر نکل آئے۔

    خیال رہے کہ ایک روز قبل بھی ملک کے مختلف حصوں میں زلزلے کے جھٹکے محسوس کیے گئے تھے۔

    8 اگست کو وفاقی دارالحکومت اسلام آباد، راولپنڈی، لاہور، پشاور، پنجاب اور خیبرپختونخواہ کے مختلف حصوں میں زلزلے کے جھٹکے محسوس کیے گئے تھے۔

    زلزلہ پیما مرکز کے مطابق زلزلے کے جھٹکوں کی شدت 5.9 ریکارڈ کی گئی تھی جبکہ زلزلے کی گہرائی 279 کلو میٹر ریکارڈ کی گئی۔ زلزلہ پیما مرکز کا کہنا ہے کہ زلزلے کا مرکز ہندوکش ریجن افغانستان تھا۔

  • سازش کے تحت فوج کے خلاف پروپیگنڈا ہورہا ہے، اسد قیصر

    سازش کے تحت فوج کے خلاف پروپیگنڈا ہورہا ہے، اسد قیصر

    صوابی: اسپیکر قومی اسمبلی اسد قیصر کا کہنا ہے کہ سازش کے تحت فوج کے خلاف پروپیگنڈا ہورہا ہے۔

    تفصیلات کے مطابق اسپیکر قومی اسمبلی اسد قیصر نے صوابی میں تقریب سے خطاب کرتے ہوئے کہا کہ پروپیگنڈا کرنے والے بندوق اٹھانے کا کہتے ہیں مگر ہم امن چاہتے ہیں۔

    اسپیکر قومی اسمبلی نے کہا کہ پروپیگنڈا کیا جارہا ہے کہ پختونوں کے ساتھ زیادتی ہورہی ہے، کچھ لوگ سوشل میڈیا پر پروپیگنڈا کررہے ہیں، فوجی جوانوں نے قیام امن کے لیے جانوں کا نذرانہ دیا ہے۔

    انہوں نے کہا کہ پاک فوج کے خلاف پروپیگنڈے میں دوسرے ممالک کی سازشیں شامل ہیں، تحریک انصاف حکومت نے پختونوں کو زیادہ سے زیادہ نمائندگی دی۔

    مزید پڑھیں: عوامی فلاح وبہبود کے اقدامات کے ثمرات جلد ملیں گے، اسد قیصر

    اسد قیصر نے کہا کہ مجھ سمیت ملک کا بچہ بچہ فوج کے ساتھ ہے، ہماری معیشت دہشت گردی کے خلاف جنگ میں تباہ ہوئی، فوجی جوان اس قوم کے بچے ہیں۔

    واضح رہے کہ دو ماہ قبل اسد قیصر کا کہنا تھا کہ لوگوں کو حکومت کی طرف سے کیے گئے عوامی فلاح و بہبود کے اقدامات کے ثمرات جلد ملیں گے۔

    ان کا کہنا تھا کہ حکومت دور حاضر کے چیلنجوں کے مطابق ذہین نوجوانوں کی صلاحتیں بہتر بنانے کے لیے ایک تعلیمی پالیسی تشکیل دینے پرکام کررہی ہے۔

  • صوابی: جنگلات میں لگی آگ 5 روز بعد بھی بجھائی نہ جا سکی

    صوابی: جنگلات میں لگی آگ 5 روز بعد بھی بجھائی نہ جا سکی

    صوابی: خیبر پختون خوا کے ضلع صوابی میں مشہور پہاڑی پر جنگلات میں لگی آگ کو 5 روز گزر گئے لیکن تا حال یہ آپ بجھائی نہیں جا سکی۔

    تفصیلات کے مطابق صوابی میں کڑہ مار پہاڑی پر جنگلات میں لگی آگ 5 روز بعد بھی بجھائی نہ جا سکی، ڈی جی ریسکیو کا کہنا ہے کہ آگ پر 70 فی صد قابو پا لیا گیا ہے، جلد مکمل قابو پالیں گے۔

    گاؤں کالو خان میں مشہور پہاڑی کڑہ مار (کوڑیالہ سانپ) پر لگنے والی آگ سے بڑی تعداد میں درختوں اور جانوروں کا نقصان ہو چکا ہے، یہ پہاڑی رومانوی جوڑی یوسف خان شیر بانو کے مزار کے حوالے سے بھی مشہور ہے۔

    یہ بھی پڑھیں:  صوابی: کنڈل ڈیم میں کشتی ڈوبنے سے 3 بچیاں جاں بحق، 35 کو بحفاظت نکال لیا گیا

    ڈی جی ریسکیو 1122 کے مطابق پہاڑی کے ایک جانب آگ پر قابو پا لیا گیا ہے، پہاڑی کی دوسری جانب آگ پر قابو پانے کے لیے آپریشن جاری ہے۔

    ریسکیو کا کہنا ہے کہ 52 اہل کار، 5 فائر وہیکلز آگ بجھانے میں مصروف ہیں، مقامی افراد، محکمہ جنگلات کے 100 اہل کار بھی امدادی کاررائیوں میں مصروف ہیں۔

    واضح رہے کہ گزشتہ روز خیبر پختون خوا میں کنڈل ڈیم صوابی میں کشتی ڈوب گئی تھی جس کے باعث تین بچیاں جاں بحق ہو گئیں جب کہ 35 افراد کو بہ حفاظت نکال لیا گیا۔

  • صوابی: کنڈل ڈیم میں کشتی ڈوبنے سے 3 بچیاں جاں بحق، 35 کو بحفاظت نکال لیا گیا

    صوابی: کنڈل ڈیم میں کشتی ڈوبنے سے 3 بچیاں جاں بحق، 35 کو بحفاظت نکال لیا گیا

    صوابی: خیبر پختون خوا میں کنڈل ڈیم صوابی میں کشتی ڈوب گئی جس کے باعث تین بچیاں جاں بحق ہو گئیں جب کہ 35 افراد کو بہ حفاظت نکال لیا گیا۔

    تفصیلات کے مطابق صوابی کے کنڈل ڈیم میں گزشتہ رات کشتی ڈوبنے کا واقعہ پیش آیا تھا، جس میں 3 بہنیں ڈوب کر جاں بحق ہو گئیں، ریسکیو ٹیم نے 35 افراد کو بچا لیا۔

    ریسکیو ذرایع کا کہنا ہے کہ بچیوں کی لاشیں بھی ڈیم سے نکال لی گئی ہیں، جب کہ باقی افراد کو پہلے ہی بچا لیا گیا تھا۔

    کشتی میں 38 افراد سوار تھے، جاں بحق بچیوں کا تعلق صوابی سے تھا، ریسکیو ذرایع نے بتایا کہ جاں بحق بچیوں کی لاشیں ورثا کے حوالے کر دی گئیں۔

    یہ بھی پڑھیں:  اسپیکر اسد قیصر نے صوابی، بام خیل اور ٹوپی میں گیس منصوبوں کا افتتاح کردیا

    پولیس کا کہنا ہے کہ مذکورہ افراد کنڈل ڈیم میں عید کے موقع پر سیر و تفریح کے لیے پہنچے تھے تاہم بد قسمتی سے کشتی چلنے کے بعد کچھ فاصلے پر ڈوب گئی۔

    پولیس کا کہنا ہے کہ 35 افراد کو گزشتہ روز ہی باحفاظت نکال لیا گیا تھا تاہم آج 3 لاپتہ بچیوں کی لاشیں نکال لی گئی ہیں۔

  • عوامی فلاح وبہبود کے اقدامات کے ثمرات جلد ملیں گے، اسد قیصر

    عوامی فلاح وبہبود کے اقدامات کے ثمرات جلد ملیں گے، اسد قیصر

    صوابی: اسپیکر قومی اسمبلی اسد قیصر کا کہنا ہے کہ ملک میں روزگار کے مواقع بڑھانے اور عوام کی سماجی واقتصادی حالت بہتر بنانے کے لیے ایک منصوبہ وضع کیا گیا ہے۔

    تفصیلات کے مطابق صوابی میں تقریب سے خطاب کرتے ہوئے اسپیکر قومی اسمبلی اسد قیصر نے کہا کہ لوگوں کو حکومت کی طرف سے کیے گئے عوامی فلاح بہبود کے اقدامات کے ثمرات جلد ملیں گے۔

    انہوں نے کہا کہ حکومت دور حاضر کے چیلنجوں کے مطابق ذہین نوجوانوں کی صلاحتیں بہتر بنانے کے لیے ایک تعلیمی پالیسی تشکیل دینے پرکام کررہی ہے۔

    اسد قیصر نے کہا کہ نیشنل ٹیسٹنگ سروس کے ذریعے محکمہ تعلیم میں میرٹ پراساتذہ کی بھرتی کی گئی ہے، اسپیکر نے اساتذہ پر زور دیا کہ وہ مخلصانہ اورموثر انداز میں اپنی پیشہ وارانہ ذمہ داریاں ادا کریں۔

    عمران خان کی قیادت میں ملک بحران سے نکلے گا ‘ اسد قیصر

    یاد رہے کہ رواں ماہ 2 اپریل کو اسپیکرقومی اسمبلی اسد قیصرکا کہنا تھا کہ وزیراعظم عمران خان کی قیادت میں ملک بحران سے نکلے گا۔

  • اسپیکر اسد قیصر نے صوابی، بام خیل اور ٹوپی میں گیس منصوبوں کا افتتاح کردیا

    اسپیکر اسد قیصر نے صوابی، بام خیل اور ٹوپی میں گیس منصوبوں کا افتتاح کردیا

    صوابی : اسپیکر قومی اسمبلی اسد قیصر نے صوابی کے علاقے بام خیل اور ٹوپی میں گیس فراہمی کے منصوبوں کا افتتاح کردیا، ان کا کہنا ہے کہ عوام کی خدمت میرا مشن ہے،ہر گھر کو گیس کی فراہمی یقینی بنائیں گے۔

    تفصیلات کے مطابق ہفتہ کے روز اسپیکر قومی اسمبلی اسد قیصر صوابی پہنچے اور صوابی کے علاقے بام خیل اور ٹوپی میں تقریبا دس کروڑ روپے کی لاگت سے بڑے گیس کے منصوبوں کا افتتاح کیا۔

    گیس فراہمی کے منصوبے سے تقریبا دس ہزار گھرانوں کو فائدہ پہنچے گا۔ اس موقع پر اسپیکر قومی اسمبلی اسد قیصر نے تقریب سے خطاب کرتے ہوئے کہا کہ سیاست سے بالا تر ہو کر صوابی کے عوام کی خدمت میرا مشن ہے۔ گیس کی دستیابی علاقے کے عوام کا بنیادی حق ہے۔

    انہوں نے کہا کہ ضلع کے ہر گھر کو گیس کی فراہمی یقینی بنائیں گے۔ بام خیل اور ٹوپی میں گیس کی فراہمی کے ایک بہت بڑا تحفہ ہے۔ گیس فراہمی کی افتتاحی تقریب میں اہل علاقہ کی کثیر تعداد نے شرکت کی۔

    تقریب سے رکن صوبائی اسمبلی عاقب اللہ، رنگیز خان، تحصیل ناظم سہیل خان اور دیگر نے بھی خطاب کیا۔

  • عمران خان کی قیادت میں ملک بحران سے نکلے گا ‘ اسد قیصر

    عمران خان کی قیادت میں ملک بحران سے نکلے گا ‘ اسد قیصر

    صوابی: اسپیکر قومی اسمبلی اسد قیصر کا کہنا ہے کہ صوابی میں گرڈ اسٹیشن بنائیں گے، گیس دیں گے۔

    تفصیلات کے مطابق صوابی میں اسپیکر قومی اسمبلی اسد قیصر نے تقریب سے خطاب کرتے ہوئے کہا کہ ہمارے کچھ علاقوں میں گیس کے مسائل درپیش ہیں۔

    انہوں نے کہا کہ ایک ارب60 کروڑ کی لاگت سے یہاں کا گیس کا مسئلہ حل ہوگا، صوابی میں گرڈ اسٹیشن بنائیں گے، گیس دیں گے۔

    اسپیکرقومی اسمبلی نے کہا کہ کرپشن کی وجہ سے اسٹیل ملز، گیس کا ادارہ سب خسارے میں ہیں، ہم خسارے کو ختم کرنے کی کوشش کریں گے۔

    اسد قیصر نے کہا کہ صوابی میں انجینئرنگ یونیورسٹی اور وومن اینڈ چلڈرن اسپتال بنائیں گے، پہلا اکنامک زون رشکئی میں بنے گا۔

    اسپیکرقومی اسمبلی نے مزید کہا کہ وزیراعظم عمران خان کی قیادت میں ملک بحران سے نکلے گا۔

    حکومت معیشت مستحکم بنانےکےلیے ٹھوس اقدامات کررہی ہے، علی محمد خان

    یاد رہے کہ گزشتہ روز وزیرِ مملکت برائے پارلیمانی امور علی محمد خان کا کہنا تھا کہ غیرملکی سرمایہ کار پاکستان میں سرمایہ کاری کے لیے آ رہے ہیں۔

    علی محمد خان کا مزید کہنا تھا کہ حکومت معیشت مستحکم بنانے کے لیے ٹھوس اقدامات کررہی ہے۔

  • صوابی: آٹھویں واٹر کراس جیپ ریس میں خواتین ڈرائیورز نے سب کو حیران کر دیا

    صوابی: آٹھویں واٹر کراس جیپ ریس میں خواتین ڈرائیورز نے سب کو حیران کر دیا

    پشاور: خیبر پختونخوا کے ضلع صوابی میں آٹھویں واٹر کراس جیپ ریس منعقد ہوئی، جس میں خواتین ریسرز نے سیکڑوں ریس شائقین کو حیران کر دیا۔

    تفصیلات کے مطابق محکمہ سیاحت خیبر پختونخوا نے صوابی ہنڈ کے مقام پر دریائے سندھ میں آٹھویں واٹر کراس جیپ ریس کا انعقاد کیا۔

    جیپ ریس میں ملک بھر سے ڈرائیوروں نے شرکت کی، واٹر ریس میں خواتین ڈرائیوروں نے بھی شرکت کی۔

    ریس کے لیے 17 کلو میٹر طویل دشوار گزار ٹریک تیار کیا گیا تھا، جس کی اختتامی تقریب میں اسپیکر قومی اسمبلی اسد قیصر نے شرکت کی۔

    محکمہ سیاحت کا کہنا ہے کہ پاکستان میں سیاحت کے فروغ اور ایڈونچر اسپورٹس کی اہمیت کے پیشِ نظر واٹر کراس جیپ ریس کا انعقاد کیا گیا۔

    واٹر ریس میں خواتین ڈرائیورز نے شان دار مہارت دکھا کر شائقین کو حیران کر دیا، ایک خاتون ریسر نے فاسٹسٹ ٹائم آف دی ڈے کا اعزاز بھی حاصل کیا۔

    ریس میں جیتنے والوں کو بہ طور ایوارڈ اسپیکر قومی اسمبلی اسد قیصر کے ہاتھوں گفٹ ہیمپر دیے گئے۔

  • توانائی کے شعبے میں گردشی قرضہ 1250 ارب ہے: وزیر توانائی

    توانائی کے شعبے میں گردشی قرضہ 1250 ارب ہے: وزیر توانائی

    صوابی: وفاقی وزیر توانائی عمر ایوب کا کہنا ہے کہ توانائی کے شعبے میں گردشی قرضہ 1250 ارب ہے۔ گرمیوں سے پہلے پہلے وولٹیج کا مسئلہ حل ہوجائے گا۔

    تفصیلات کے مطابق وفاقی وزیر توانائی عمر ایوب کا کہنا ہے کہ توانائی کے شعبے میں گردشی قرضہ 1250 ارب ہے۔

    انہوں نے کہا کہ ملک پر مجموعی قرضہ 29 ہزار ارب روپے ہے، 5 سال پہلے یہ قرضہ 14 ہزار ارب تھا۔

    وزیر توانائی نے کہا کہ وزیر اعظم کہتے ہیں غریبوں کو ٹیکس سےاستثنیٰ دیں، سرمایہ کاروں پر ٹیکس لگائے جائیں گے۔ صوابی میں 220 کے وی گرڈ اسٹیشن کے لیے منظوری دے دی ہے۔

    انہوں نے مزید کہا کہ گرمیوں سے پہلے پہلے وولٹیج کا مسئلہ حل ہوجائے گا، تربیلا ڈیم اور غازی بروتھا کے متاثرین کے مسائل حل کیے جائیں گے۔

  • عوام کو جلد تبدیلی نظر آئے گی، اسپیکر قومی اسمبلی اسد قیصر

    عوام کو جلد تبدیلی نظر آئے گی، اسپیکر قومی اسمبلی اسد قیصر

    صوابی: قومی اسمبلی کے اسپیکر اسد قیصر نے ضلع صوابی میں صحافیوں سے گفتگو کرتے ہوئے کہا کہ عوام کو تبدیلی جلد نظر آئے گی، وزیرِ اعظم کے 100 دن پلان پر مکمل عمل در آمد ہوگا۔

    تفصیلات کے مطابق اسپیکر قومی اسمبلی کا کہنا تھا کہ وہ اپوزیشن کا احترام کرتے ہیں، ان کی ہر بات سنی جائے گی، اپوزیشن کے مطالبے پر ہی وزیرِ اعظم پارلیمانی کمیٹی کا اعلان کریں گے۔

    اسد قیصر نے مختلف منصوبوں کے بارے میں میڈیا کو بتایا کہ رشکئی انٹر چینج کے قریب اکنامک زون 2 سال میں مکمل ہوگا، اس معاشی زون کے قیام سے صوبے کے عوام کو روزگار ملے گا۔

    قومی اسمبلی کے اسپیکر نے بتایا کہ سعودی سفیر سے سعودی عرب میں قید پاکستانیوں کی رہائی کے سلسلے میں بھی بات کی گئی، خیال رہے کہ سعودی وزیرِ اطلاعات عواد بن صالح العواد تین روزہ دورے پر پاکستان آئے تھے جو آج واپس چلے گئے۔


    یہ بھی پڑھیں:  ن لیگ اور پی پی کے سابقہ حکمرانوں کو آڑے ہاتھوں لیا جائے، وزیرِ اعظم کی ہدایت


    ڈیم فنڈ کے حوالے سے اسپیکر کا کہنا تھا کہ وہ اپنی پہلی تنخواہ ڈیم کی تعمیر کے لیے دے چکے ہیں۔ انھوں نے کہا ’ہر پاکستانی ڈیم کی تعمیر میں اپنا حصہ ڈالے۔‘

    واضح رہے کہ وزیرِ اعظم عمران خان نے اپنے تمام وزرا کو ہدایت کی ہے کہ وہ ڈیم فنڈ کے سلسلے میں اپنی اپنی سطح پر کام کو تیز تر کریں۔