لاہور: وزیرِ اعلیٰ پنجاب عثمان بزدار نے چوہدری شجاعت حسین سے ملاقات کی، جس میں صوبے میں اتحادی امور اور دیگر معاملات پر تبادلۂ خیال کیا گیا۔
تفصیلات کے مطابق پنجاب کے وزیرِ اعلیٰ نے چوہدری شجاعت حسین کے ساتھ ملاقات کی، اس موقع پر اسپیکر پنجاب اسمبلی پرویز الہٰی، ایم این اے مونس الہٰی اور حسین الہٰی بھی موجود تھے۔
[bs-quote quote=”فکر نہ کریں، ق لیگ حکومت کے ساتھ اپنا مثالی تعاون جاری رکھے گی۔” style=”style-8″ align=”left” color=”#dd3333″ author_name=”چوہدری شجاعت”][/bs-quote]
ملاقات میں وزیرِ معدنیات پنجاب عمار یاسر نے اپنا استعفیٰ واپس لے لیا۔
یاد رہے کہ عمار یاسر نے گزشتہ ماہ قیادت کو حکومت پنجاب سے ناراضی پر استعفیٰ دے دیا تھا تاہم حکومت پنجاب کی جانب سے اتحادیوں کو منانے پر عمار یاسر نے استعفیٰ واپس لیا۔
چوہدری شجاعت حسین نے وزیرِ اعلیٰ کو یقین دلایا کہ وہ فکر نہ کریں، ق لیگ حکومت کے ساتھ اپنا مثالی تعاون جاری رکھے گی۔
دریں اثنا وزیرِ اعلیٰ پنجاب عثمان بزدار نے کہا کہ عمار یاسر کا استعفیٰ واپس ہو گیا ہے، وہ کل سے اپنا دفتر سنبھالیں۔
یہ بھی پڑھیں: ق لیگ کو ایک اور وزارت مل گئی، وزارتوں کی تعداد تین ہو گئی
واضح رہے کہ تین ماہ قبل پرویز الہٰی سے جہانگیر ترین، وفاقی وزیر طارق بشیر چیمہ اور حافظ عمار نے ملاقات کی تھی، اس ملاقات کی ایک ویڈیو منظر عام پر آئی، جس میں گورنر پنجاب پر تحفظات کا اظہار کیا گیا تھا، ملاقات کی ویڈیو لیک ہونے کے بعد دونوں پارٹیوں کے درمیان اختلافات کی گونج میڈیا میں بھی واضح طور پر سنی گئی۔
