Tag: صوبہ سندھ

کراچی: وزیراعلیٰ سندھ سید مراد علی شاہ نے کہا ہے کہ گزشتہ 24 گھنٹوں کے دوران صوبے بھر میں کروناوائرس کے مزید 1155 نئے کیسز رپورٹ ہوئے اور 34 مریض جاں بحق ہوگئے۔

تفصیلات کے مطابق کروناصورت حال سے متعلق اپنے تازہ بیان میں وزیراعلیٰ مراد علی شاہ کا کہنا تھا کہ سندھ میں گزشتہ 24گھنٹے میں 10574 کرونا ٹیسٹ کیے گئے، صوبے میں اب تک 615302 ٹیسٹ ہوچکے ہیں۔

انہوں نے بتایا کہ سندھ میں آج مزید 34 کرونا کے مریض انتقال کرگئے، جس کے بعد صوبے میں کرونا سے انتقال کرنے والوں کی مجموعی تعداد 1922ہوگئی ہے، اس وقت 34070 مریض زیرعلاج ہیں۔

مراد علی شاہ کا کہنا تھا کہ زیر علاج مریضوں میں سے 375مریضوں کی حالت تشویشناک بتائی جارہی ہے، اس وقت 105 مریض وینٹی لیٹرز پر ہیں، صوبے میں کرونا مریضوں کو ہرممکن سہولیات فراہم کرنے کی کوششیں کی جارہی ہیں۔

ملک میں کرونا وائرس کے 2 ہزار سے زائد نئے کیسز رپورٹ، مجموعی اموات ساڑھے 5 ہزار کے قریب

خیال رہے کہ ملک میں اسمارٹ لاک ڈاؤن کے باعث کیسز میں کمی ریکارڈ کی جارہی ہے۔ ملک بھر میں کرونا وائرس کے مصدقہ مریضوں کی تعداد 2 لاکھ 57 ہزار سے تجاوز کرگئی جبکہ وائرس سے اموات کی تعداد 5 ہزار 426 ہوگئی۔

ملک میں گزشتہ 24 گھنٹوں کے دوران کرونا وائرس سے 40 افراد انتقال کر گئے، جس کے بعد ملک میں کرونا وائرس سے مجموعی ہلاکتوں کی تعداد 5 ہزار 426 ہوگئی۔

کراچی: صوبہ سندھ میں پولیو وائرس ایک اور نیا کیس سامنے آگیا، تین سالہ بچی پولیو سے متاثر ہوئی ہے۔

تفصیلات کے مطابق ایمرجنسی آپریشن سینٹر کا کہنا ہے کہ سندھ کے شہر قمبر میں 3 سالہ بچی پولیو وائرس سے متاثر ہوئی، جس کے بعد صبوے میں رواں سال پولیو کیسز کی تعداد 17 ہوگئی۔

سندھ سمیت ملک بھر میں پولیو کیسز رپورٹ ہونے کا سلسلہ جاری ہے۔

اس سے قبل 20 اپریل کو سندھ اور بلوچستان سے دو نئے پولیو کیسز رپورٹ ہوئے تھے جبکہ 29 مارچ کو خیبرپختونخواہ کے علاقے کرک، لکی مروت اور ٹانک سے تین نئے کیسز رپورٹ ہوئے جس کی ایمرجنسی آپریشن تھیٹر نے بھی تصدیق کی۔

پاکستان میں‌ پولیو کے مزید کیسز رپورٹ

ماہرین کا کہنا ہے زیادہ تر پولیو سے وہ بچے متاثر ہوئے جنہیں حفاظتی ویکسین نہیں پلائی گئی۔

یاد رہے کہ 14 مارچ کو بھی ملک میں پولیو نے دو نئے کیسز سامنے آئے تھے۔ ایک کیس صوبہ خیبر پختونخواہ کے ضلع خیبر کے علاقے نیکی خیل سے رپورٹ ہوا جہاں 3 سالہ بچی میں پولیو وائرس کی تصدیق ہوئی جبکہ دوسرا کیس سندھ کے ضلع نوشہروفیروز سے رپورٹ ہوا تھا جہاں چار سالہ بچی میں وائرس کی تصدیق ہوئی تھی۔

خیال رہے کہ رواں سال ملک بھر میں پولیو مریضوں کی تعداد 42 تک پہنچ گئی ہے۔

کراچی: سندھ سرکار نے سال 19-2018 میں بھی صوبے کو نوکریوں میں نظر انداز کرنے پر وفاق سے احتجاج کا فیصلہ کیا ہے۔

اے آر وائی نیوز کے مطابق صوبائی وزیر زراعت اسماعیل راہو نے کہا ہے کہ وفاق نے ایک بار پھر سندھ کو وفاقی نوکریوں میں نظر انداز کر دیا ہے، وفاق نے سال 2018 اور 19 میں سندھ کو کوٹے کے تحت 30 ہزار نوکریاں کم دیں۔

ان کا کہنا تھا کہ پنجاب سے 10 ہزار اور خیبر پختون خوا سے 96 ہزار اضافی بھرتیاں کی گئیں، وفاق نے کوٹے کو نظر انداز کرتے ہوئے پنجاب اور کے پی کے نوجوانوں کو سندھ سے زیادہ نوکریاں دیں، پنجاب کو کوٹے سے 10003 ملازمتین زیادہ دی گئیں۔

اسماعیل راہو نے بتایا کہ کوٹے کے تحت سندھ کا ایک لاکھ 12 ہزار 817 ملازمتیں بنتی ہیں، مگر سندھ کو 81 ہزار 403 نوکریاں دی گئیں، کراچی کو پونے دو برسوں میں اعلانات کے سوا ایک ٹکا بھی نہیں ملا۔ صوبائی وزیر کا کہنا تھا کہ وفاق نے نوکریوں کے ساتھ ساتھ ترقیاتی کاموں میں بھی سندھ کو نظر انداز کیا۔

انھوں نے کہا نیشنل ہائی وے اتھارٹی نے سندھ میں غیر ملکی قرضوں سے صرف دو سڑکوں کے منصوبے دیے، جب کہ زیادہ سڑکیں پنجاب اور کے پی کو بنا کر دی گئی ہیں۔

گھوٹکی: صوبہ سندھ کے ضلع گھوٹکی میں دو کم عمر ہندو لڑکیوں کی تبدیلی مذہب اور پسند کی شادی کے معاملے پر پولیس نے ایکشن لیتے ہوئے نکاح خواں کو گرفتار کر لیا ہے۔

تفصیلات کے مطابق گھوٹکی میں لڑکیوں کی پسند کی شادی کے معاملے پر پہلی پیش رفت سامنے آئی ہے، پولیس نے نکاح خواں اور تقریب کے دیگر شرکا کو گرفتار کر لیا۔

ایس ایس پی اور ڈپٹی کمشنر لڑکیوں کے والدین کے پاس پہنچ گئے، پولیس افسران نے لڑکیوں کے والدین سے ملاقات کر کے بات چیت کی۔

ایس ایس پی فرخ لنجار نے بتایا کہ نکاح خواں سمیت دیگر شرکا کو گرفتار کر لیا گیا ہے، گرفتار ہونے والے افراد سے تحقیقات کی جا رہی ہے۔

یہ بھی پڑھیں:  وزیراعظم عمران خان نے سندھ سے 2 ہندو لڑکیوں کے اغوا کا نوٹس لے لیا

یاد رہے کہ وزیرِ اعظم عمران خان نے سندھ اور پنجاب حکومت کو ہدایت کی ہے کہ اس معاملے پر مشترکہ حکمت عملی اختیار کی جائے اور حکومت سندھ ایسے واقعات کے تدارک کے لیے ٹھوس اقدامات بھی کرے۔

ادھر صوبائی وزیر ناصر حسین شاہ نے اے آر وائی سے گفتگو کرتے ہوئے کہا کہ سندھ حکومت کی پوری کوشش ہے کہ ایسے واقعات رونما نہ ہوں، واقعے پر سخت ایکشن لیا جا رہا ہے، اس معاملے پر قانون سازی بھی ہوئی ہے۔

انھوں نے کہا کہ اقلیتوں کے تحفظ کے لیے بلاول بھٹو کے واضح احکامات ہیں، اقلیتوں کو سینیٹ اور قومی و صوبائی اسمبلی میں نمائندگی بھی دی گئی ہے۔

کراچی: صوبہ سندھ میں 2015 میں شروع ہونے والے تعلیمی منصوبے 4 سال بعد بھی التوا کا شکار ہیں، وزیرِ تعلیم نے بھی شعبے میں ابتری کا اعتراف کر لیا۔

تفصیلات کے مطابق سندھ میں تعلیم کے شعبے کے ساتھ کھلواڑ جاری ہے، 2019 تک بھی محکمہ تعلیم سندھ میں 50 اسکولوں کا منصوبہ مکمل نہ کر سکا۔

[bs-quote quote=”سابق وزیرِ اعلیٰ سندھ قائم علی شاہ کے دور میں 25 کیمبرج اسکول بنانے کا فیصلہ ہوا تھا۔” style=”style-8″ align=”left” author_name=”وزیر تعلیم سندھ”][/bs-quote]

صوبہ سندھ میں 25 کیمبرج اور 25 کمپری ہینسو اسکول بنائے جانے تھے، اسکولوں کی تعمیر مکمل کرنے کی بہ جائے محکمہ تعلیم نے منصوبے کا نام تبدیل کر دیا۔

سندھ میں تعلیمی شعبے میں ابتری کا اعتراف وزیرِ تعلیم سندھ سید سردار شاہ نے بھی کر لیا۔

وزیر تعلیم سندھ کا کہنا تھا کہ سابق وزیرِ اعلیٰ سندھ قائم علی شاہ کے دور میں 25 کیمبرج اسکول بنانے کا فیصلہ ہوا تھا، تاہم بعد میں کیمبرج اسکولوں کے منصوبے کا نام تبدیل کر دیا گیا۔

سید سردار شاہ نے کہا کہ کیمبرج اسکولوں کے قیام کی اسکیم 2015 میں شروع کی گئی تھی لیکن اب کیمبرج کی بہ جائے انگلش میڈیم اسکول بنائے جا رہے ہیں۔

سندھ کے وزیر تعلیم کا یہ بھی کہنا تھا کہ ابھی صرف 15 انگلش میڈیم اور 6 کمپری ہینسو اسکولوں کی تعمیرمکمل ہوئی ہے، 24 کمپری ہینسو اسکولوں کی تعمیر کی اسکیم ابھی مکمل نہیں ہو سکی۔

یہ بھی پڑھیں:  خورشیدشاہ نے نواز شریف کو سندھ میں علاج کی دعوت دے دی

وزیر تعلیم سردار شاہ نے بتایا کہ باقی کمپری ہینسو اسکولوں کی تعمیر 2020 تک مکمل ہوگی۔

یاد رہے کہ سندھ اسمبلی اجلاس میں توجہ دلاؤ نوٹس میں پوچھا گیا تھا کہ سندھ کے ہر ضلع میں کیمبرج اسکولوں کا منصوبہ کب مکمل ہوگا، کیا نجی شعبے کی مدد سے کیمبرج اسکول چلائے جائیں گے۔