Tag: صومالیہ

کراچی: صومالیہ کے اعزازی قونصل خانے میں ڈکیتی، ملزمان فرار

کراچی: صوبہ سندھ کے دارالحکومت کراچی میں نہایت حساس علاقے میں واقع صومالیہ کے اعزازی قونصل خانے میں ڈکیتی کی واردات پیش آگئی۔ ملزمان 3 گھنٹے تک کارروائی کے بعد با آسانی فرار ہوگئے۔

تفصیلات کے مطابق کراچی کے علاقے کلفٹن بلاک 5 میں واقع صومالیہ کے اعزازی قونصل خانے میں گذشتہ رات 7 مسلح ملزمان داخل ہوئے اور انہوں نے سیکیورٹی گارڈ کو یرغمال بنا کر واردارت کی۔

ڈاکو رات تین سے چار بجے کے دوران جالیاں کاٹ کر اندر گھسے۔

چیف پروٹوکول افسر کے مطابق ملزمان 3 گھنٹے تک موجود رہے۔ ڈاکوؤں نے 2 سیکیورٹی گارڈز اور عملے کے 2 ارکان کو یرغمال بنا کر واردات کی۔

ملزمان 7 ہزار روپے کیش، 2 لیپ ٹاپس، 2 موبائل فون اور ڈی وی آر جبکہ جاتے ہوئے سی سی ٹی وی ریکارڈ بھی ساتھ لے گئے۔

دوسری جانب ڈی آئی جی ساؤتھ کا کہنا ہے کہ ڈکیتی قونصل خانے میں نہیں، فارما سوٹیکل کمپنی کے دفتر میں ہوئی۔ کمپنی کے مالک کا بیٹا صومالیہ کا اعزازی قونصل جنرل ہے۔

آئی جی سندھ کا نوٹس

ادھر آئی جی سندھ اے ڈی خواجہ نے واقعے کا نوٹس لیتے ہوئے ڈی آئی جی ساؤتھ سے فوری طور پر تفصیلی رپورٹ طلب کرلی۔

اپریل 8, 2017
کس بچے کو کھانا کھلائیں اور کس کو نہیں؟ صومالی والدین اذیت میں

مشرقی افریقی ملک صومالیہ میں شدید قحط کے باعث خوراک کی فراہمی کی مقدار دن بدن گھٹتی جارہی ہے جس کی وجہ سے والدین اپنے بچوں کو کھانا دینے سے پہلے سوچ میں پڑجاتے ہیں کہ کس بچے کو کھانا دیا جائے اور کس کو نہیں۔

افریقی ملک صومالیہ میں قحط کی صورتحال خطرناک حدوں کو پہنچ گئی ہے۔ ملک کی نصف آبادی یعنی لگ بھگ 62 لاکھ افراد قحط سے متاثر ہیں۔ گزشتہ دو روز میں 110 افراد بھوک کے باعث ہلاک ہوچکے ہیں۔

قحط کے باعث گھاس خشک ہوچکی ہے جس کی وجہ سے لوگوں کے مویشی بھی بھوک سے ہلاک ہوچکے ہیں جبکہ پانی کے ذخائر بھی خشک ہو چکے ہیں۔

پانی کی کمی اور قحط کا شکار صومالی آلودہ پانی پینے پر بھی مجبور ہیں جو لاغر و کمزور صومالیوں کو ہیضے کا شکار کر کے موت کے کنویں میں دھکیل دیتا ہے۔

بھوک اور قحط کی اس صورتحال میں صومالی والدین اپنے بچوں کو خوراک دیتے ہوئے تذبذب کا شکار ہوجاتے ہیں کہ کس بچے کو کھانا دیا جائے اور کس کو نہیں۔

ایک صومالی ماں کا کہنا ہے کہ جب ہمارے پاس کھانے کا بہت کم ذخیرہ ہوتا ہے تو ہم اسے صرف اس بچے کو دیتے ہیں جسے سب سے زیادہ ضرورت ہوتی ہے اور جو بھوک سے بالکل بے جان ہوچکا ہوتا ہے۔

دوسری جانب اقوام متحدہ کا کہنا ہے کہ صومالیہ میں ایک بار پھر 2011 جیسا قحط آسکتا ہے جس میں 2 لاکھ سے زائد افراد ہلاک ہوگئے تھے۔

یاد رہے کہ صومالیہ گزشتہ تقریباً 25 سال سے خانہ جنگی کی زد میں ہے۔ جنگ کی وجہ سے ملک کی معیشت تباہ ہوچکی ہے جبکہ صومالیوں کا ذریعہ معاش زراعت بھی تقریباً ختم ہوچکا ہے۔

چند روز قبل شمالی افریقی ملک جنوبی سوڈان کو بھی قحط زدہ قرار دیا جاچکا ہے۔ سوڈان کی کل 1 کروڑ 13 لاکھ آبادی میں سے 40 فیصد بھوک کے باعث موت کے کنارے کھڑی ہے۔

اقوام متحدہ کا کہنا ہے کہ صومالیہ کے ساتھ ساتھ، نائیجیریا اور مشرق وسطیٰ کا ملک یمن بھی قحط کے دہانے پر ہیں۔

مارچ 10, 2017
صومالیہ میں دھماکہ‘34افراد ہلاک

موغادیشو: صومالیہ کے دارالحکومت موغادیشو میں ہونے والے کار بم دھماکے میں 34افراد ہلاک اور 50 زخمی ہوگئے۔

تفصیلات کےمطابق افریقی ملک صومالیہ کے دارالحکومت موغادیشوکےمعروف کاروباری مرکزمیں دھماکہ اس وقت کیاگیا جب بڑی تعداد میں لوگ مارکیٹ میں موجود تھے۔کار بم دھماکے میں کم ازکم 34افراد ہلاک جبکہ 50افراد زخمی ہیں۔

دھماکے میں زخمی ہونے والےایک شخص کےمطابق کوئی اپنی گاڑی کپڑوں کے دکان کے سامنے کھڑی کرکےگیا تھا جس کے تھوڑے ہی دیر بعد دھماکا ہوگیا۔

خیال رہے کہ رواں ماہ 8 فروری کو محمد عبداللہ محمدصومالیہ کے صدر منتخب ہوئے تھے اور ان کے منتخب ہونے کے بعد صومالیہ میں ہونے والا یہ پہلا بڑادھماکہ ہے۔

موغادیشو کے کاروباری مرکز میں یہ دھماکہ دہشت گرد تنظیم الشباب کی جانب سے نئے صدر کی حکومت کےخلاف جنگ جاری رکھنے کئ اعلان کےبعد ہوا۔

مزید پڑھیں:صومالیہ میں صدارتی محل کے قریب دھماکہ، 20افراد ہلاک

یاد رہےکہ گزشتہ سال اگست میں صومالیہ میں صدارتی محل کے قریب دھماکے میں بیس افراد ہلاک ہوگئےتھے، شدت پسند تنظیم الشباب نے حملے کی ذمہ داری قبول کی تھی۔

واضح رہےکہ صومالیہ کی 22 ہزار سے زائد فورسز الشباب کے خلاف آپریشن کررہی ہےتاہم دہشت گرد تنظیم کی جانب سے کی جانے والی کارروائیوں کو روکنےمیں ناکام رہی ہے

فروری 20, 2017
الشباب کی کینیا کےفوجی بیس پر حملہ‘کم ازکم 57فوجی ہلاک

نیروبی : صومالیہ کی جنگجو تنظیم الشباب کےکینیا کے فوجی بیس پر حملےمیں کم ازکم 57 فوجی ہلاک ہوگئے۔

تفصیلات کےمطابق کینیا کی سرحد پر واقع جنوبی علاقے کلبیو میں الشباب کے 2 خودکش حملہ آوروں نے فوجی بیس پر حملہ کیااور فائرنگ کے تبادلے کے بعد دونوں بمباروں نے بارود سے بھری گاڑیاں دھماکے سے اڑا دیں۔

دھماکے کے نتیجے میں کینیا کےکم ازکم 57 فوجی ہلاک ہوگئےجبکہ الشباب نے دعویٰ کیا ہے حملے کے بعد اُن کے جنگجوؤں نے بیس کا مکمل کنٹرول حاصل کرلیا جس کے بعد وہاں تعینات افریقن یونین مشن فرار ہوگیا۔

دوسری جانب کینیا کے فوجی ترجمان کا کہنا ہے کہ الشباب کی جانب سے فوجیوں کی ہلاکت سے متعلق پروپیگنڈا کیا جارہا ہے۔

مزید پڑھیں:صومالی دارالحکومت میں ہوٹل پرالشباب کاحملہ،14 ہلاک

واضح رہےکہ اس سے قبل گزشتہ سال جولائی میں صومالیہ کے دارالحکومت موغادیشو میں دہشت گرد تنظیم الشباب کی جانب سے ایک ہوٹل کو نشانہ بنایاگیاتھاجس میں کم ازکم چودہ افراد ہلاک ہوگئے تھے۔

جنوری 28, 2017
صومالیہ : کاربم دھماکے میں گیارہ افراد ہلاک اور سولہ زخمی

موغادیشو : صومالیہ میں ایک خوفناک بم دھماکے میں گیارہ افراد ہلاک اور متعدد زخمی ہوگئے، دھماکے کی ذمہ داری تاحال کسی کروپ نے نہیں لی ہے۔

تفصیلات کے مطابق صومالیہ کے دارالحکومت موغادیشو میں ایک کار بم دھماکے میں کم از کم 11 افراد ہلاک اور 16 زخمی ہوگئے ہیں۔

امدادی ٹیموں نے لاشوں اور زخمیوں کو اسپتال متقل کیا، دھماکہ اتنا شدید تھا کہ آس پاس کی عمارتیں لرز اٹھیں، دھماکہ وبیری کے علاقے میں ایک بازار میں اس وقت کیا گیا جب صدر حسن شیخ محمد قریب ہی واقع ایک یونیورسٹی کا دورہ کر رہے تھے۔

اطلاعات کے مطابق تاحال کسی فرد یا گروہ نے اس حملے کی ذمہ داری قبول نہیں کی تاہم ماضی میں شدت پسند تنظیم الشباب اس قسم کی کارروائیوں میں ملوث رہی ہے۔

ایک عینی شاہد عبداللہ عثمان نے میڈیا کو بتایا کہ ‘افراتفری کی صورت حال تھی اور کئی لاشیں سڑک پر پڑی ہوئی تھیں۔ امدادی کارکنوں کا کہنا ہے کہ دھماکے میں مرنے والوں کی تعداد میں اضافہ ہوسکتا ہے۔

خیال رہے کہ افریقن یونین فورس کے تقریبا 22000 امن مشن کے اہلکار صومالیہ میں تعینات ہیں۔ صومالیہ میں سخت گیر شرعی نظام نافذ کرنے کی خواہش مند الشباب اس اہلکاروں کی ملک میں تعیناتی کی مخالفت کرتی ہے۔

صومالیہ کے جنوبی اور وسطی علاقوں سے الشباب کے گڑھ کے خاتمے کے باوجود اس شدت پسند تنظیم کی جانب سے صومالی حکومت اور غیرملکی افواج کے خلاف حملے کیے جاتے ہیں۔

نومبر 26, 2016
صومالیہ میں فوجی قافلےپرحملہ،جنرل سمیت6افراد ہلاک

موغادیشو: صومالیہ میں حکام کے مطابق ایک خودکش حملے میں فوج کے ایک اعلیٰ افسر سمیت کم از کم چھ افراد ہلاک ہوگئے۔

تفصیلات کےمطابق صومالیہ کے دارالحکومت موغادیشو میں حملہ آور نے وزارت دفاع کے ہیڈکوارٹرز کے قریب دھماکہ خیز مواد سے بھری گاڑی جنرل محمد جمالے گوبالے کے قافلے سے ٹکرا دی۔

عینی شاہدین کے مطابق جنرل گوبالے کی گاڑی سڑک پر جارہی تھی جب ایک اور گاڑی نے اس کو ٹکر ماری اور دھماکہ ہوا۔یہ حملہ اس وقت ہوا جب فوجی قافلہ فوجی ہسپتال سے نکل کر وزارت دفاع کی جانب جا رہا تھا۔

خیال رہے کہ ہلاک ہونے والے فوجی جنرل پر اس سے قبل بھی قاتلانہ حملے ہوچکے تھے۔ دھماکے کی ذمہ داری شدت پسند تنظیم الشباب نے قبول کی ہے۔

مزید پڑھیں: صومالیہ میں صدارتی محل کے قریب دھماکہ، 20افراد ہلاک

صومالیہ کے صدر حسن شیخ محمد نے اس واقعے پر افسوس کا اظہار کرتے ہوئے جنرل گوبالے کے خاندان کو تعزیتی پیغام بھیجا ہے۔

واضح رہے کہ جنرل گوبالے صومالی فوج کے تھرڈ بریگیڈ کو کمانڈ کر رہے تھے جو جنوبی صومالیہ میں شدت پسند تنظیم الشباب کے خلاف برسرپیکار ہے۔

ستمبر 19, 2016
صومالیہ کی پہلی خاتون صدارتی امیدوار

موغا دیشو: افریقی ملک صومالیہ میں رواں برس صدارتی انتخابات ہونے جارہے ہیں۔ ان انتخابات میں ایک خاتون فڈومو ڈیب بھی امیدوار ہیں۔ اگر وہ صدر منتخب ہوگئیں تو صومالیہ کی پہلی خاتون صدر کہلائی جائیں گی۔

فڈومو صومالیہ کے ایک خاندان سے تعلق رکھتی ہیں تاہم ان کی پیدائش کینیا میں ہوئی۔ ان کے والد ایک ٹرک ڈرائیور تھے۔ 1989 میں جب کینیا اور صومالیہ کے درمیان کشیدگی پیدا ہوگئی تو اس خاندان کو کینیا سے ڈی پورٹ کردیا گیا اور وہ واپس صومالیہ جا کر رہنے پر مجبور ہوگئے۔

اس وقت کو یاد کرتے ہوئے وہ کہتی ہیں، ’میں اس وقت کو کبھی نہیں بھول نہیں سکتی۔ ذلت، بے بسی اور دوسرے درجہ کا شہری ہونے کا احساس جو مجھے ساری عمر یاد رہے گا‘۔

اس کے بعد جب صومالیہ میں خانہ جنگی شروع ہوگئی تو بالآخر اس خاندان نے ہجرت کی اور وہ فن لینڈ میں آ بسے۔

فڈومو 14 برس کی عمر تک صرف پڑھ سکتی تھیں لیکن انہوں نے فن لینڈ میں اپنی تعلیم مکمل کی۔ اب ان کے پاس ہارورڈ یونیورسٹی سمیت مختلف یونیورسٹیوں سے حاصل کردہ 3 ڈگریاں ہیں۔

حالات بہتر ہونے کے بعد انہوں نے صومالیہ جانا شروع کردیا۔ انہوں نے وہاں اقوام متحدہ کے لیے بھی کام کیا اور اب وہ صدارتی انتخاب کی امیدوار ہیں۔

فڈومو اب شادی شدہ ہیں اور ان کے 4 بچے بھی ہیں لیکن وطن سے محبت کی خاطر وہ اپنے بچوں کو فن لینڈ میں ہی چھوڑ کر واپس اپنے ملک جا رہی ہیں۔

وہ کہتی ہیں، ’مجھے نہیں پتہ کہ واپس آؤں گی یا نہیں۔ لیکن میں نے اپنے بچوں سے کہہ رکھا ہے کہ اگر میں واپس نہ آؤں تو وہ اپنی تعلیم مکمل کریں اور اپنی مقاصد کی تکمیل کریں‘۔

فڈومو کو قتل کی دھمکیاں بھی دی جاچکی ہیں لیکن وہ اپنے عزم پر ڈٹی ہوئی ہیں اور اپنی جدوجہد جاری رکھے ہوئے ہیں۔

ان کی جدوجہد کو دیگر افریقی ممالک میں بھی پذیرائی مل رہی ہے اور یوگنڈا اور کینیا وغیرہ کے لوگ بھی چاہتے ہیں کہ صومالیہ اپنی پہلی خاتون صدر منتخب کرے۔

ستمبر 3, 2016
توہین پر شمالی کوریا کے نائب وزیراعظم کوسزائے موت

سیول: جنوبی کوریا کے حکام نے دعویٰ کیا ہے شمالی کوریا کے رہنما کم جونگ کے حکم پرنائب وزیراعظم سمیت دیگر وزرا کوموت کے گھاٹ اتار دیا گیا ہے.

تفصیلات کے مطابق جنوبی کوریا کے حکام کا کہنا ہے کہ شمالی کوریا کے صدر کم جونگ نے نائب وزیراعظم کم یونگ سمیت دیگر وزرا کو گزشتہ ماہ سزائے موت دی گئی.

جنوبی کوریا کے حکام کا کہنا تھا کہ نائب وزیراعظم کو پارلیمنٹ اجلاس کے دوران غلط انداز میں بیٹھنے اور اونگھنے پر گرفتار کرکے تفتیش کا آغاز کیا گیا جس میں انہوں دیگر جرائم کا بھی اعتراف کیا جس پر انہیں جولائی میں سزائے موت دی گئی.

حکام کے مطابق وزیر زراعت سمیت دیگر وزرا کو بھی سزائے موت دی گئی تاہم اس حوالے سے مزید تفصیلات سامنے نہیں آسکیں جبکہ ان تمام وزرا پر کرپشن اور ذاتی فوائد کے حصول کے الزامات تھے.

*شمالی کوریا نے اپنے آرمی چیف کو سزائے موت دے دی

واضح رہے کہ کم جونگ کے حکم پر اس سے قبل بھی کئی اہم حکومتی عہدیداروں کو مختلف الزامات کے تحت سزائے موت دی جا چکی ہے جبکہ رواں برس چیف آف آرمی اسٹاف کو بھی موت کی سزا دی گئی تھی.

ستمبر 1, 2016
صومالیہ میں دہشتگردوں کاریستوران پرحملہ،7افرادہلاک

موغادیشو: صومالیہ کے دارالحکومت موغادیشومیں دہشتگردوں کےریستوران حملےمیں دوفوجیوں سمیت سات افرادہلاک ہوگئے.

تفصیلات کےمطابق صومالیہ کے دارالحکومت موغادیشومیں دہشتگردتنظیم الشباب کے جنگجوؤں نے ساحل کے قریب واقع ریستوران کےچیک پوسٹ پرروکے جانےپرکاربم دھماکہ کیا جس کے بعد دوحملہ آور فائرنگ کرتے ہوئےریستوران میں داخل ہوگئے.

دہشت گردوں کی فائرنگ سےسات افرادہلاک ہوئےمرنے والوں میں دو فوجی اورپانچ شہری شامل ہیں،سیکورٹی فورسزکی جوابی کارروائی میں دونوں حملہ آورمارےگئے.

*صومالیہ: دوخودکش کار بم دھماکوں میں 20 افراد ہلاک

یاد رہے کہ گزشتہ ہفتے صومالیہ میں دو خود کُش کار بم دھماکوں کے نتیجے میں دونوں حملہ آوروں سمیت20 افراد ہلاک اور متعدد افراد زخمی ہوئے تھے.

شمالی صومالیہ میں بارود سے بھرے ایک ٹرک کو موغادیشو سے ساڑھے سات سو کلومیٹر شمال کی جانب گَلکایو کے مقام پر ایک انتظامی عمارت سے ٹکرا دیا گیاتھا.

اسی علاقے میں دوسرا کار بم حملہ اُس وقت ہوا،جب لوگ پہلے دھماکے کے متاثرین کی مدد کرنے کی کوشش کر رہے تھے.

*صومالی دارالحکومت موغادیشومیں دوکاربم دھماکے،13افراد ہلاک

واضح رہے کہ گزشتہ ماہ صومالی دارالحکومت موغادیشومیں دوکاربم دھماکوں میں تیرہ افراد جان کی بازی ہار گئے تھے.دھماکے بین الاقوامی ہوائی اڈے کے قریب کیے گئے.

اگست 27, 2016
صومالیہ: دوخودکش کار بم دھماکوں میں 20 افراد ہلاک

موغادیشو : صومالیہ میں دو خود کُش کار بم دھماکوں کے نتیجے میں دونوں حملہ آوروں سمیت20 افراد ہلاک اور متعدد افراد زخمہ ہوگئے.

تفصیلات کے مطابق حکام کا کہنا ہے کہ شمالی صومالیہ میں بارود سے بھرے ایک ٹرک کو موغادیشو سے ساڑھے سات سو کلومیٹر شمال کی جانب گَلکایو کے مقام پر ایک انتظامی عمارت سے ٹکرا دیا گیا.

اسی علاقے میں دوسرا کار بم حملہ اُس وقت ہوا،جب لوگ پہلے دھماکے کے متاثرین کی مدد کرنے کی کوشش کر رہے تھے.

مقامی میڈیا کے مطابق مرنے والوں میں ایک مقامی پولیس کمانڈر اور اُس کا نائب بھی شامل ہے.

دھماکے اس قدرشدیدتھے کہ قریب موجود متعددعمارتوں کو شدیدنقصان پہنچا ہے.

*صومالی دارالحکومت موغادیشومیں دوکاربم دھماکے،13افراد ہلاک

یاد رہے گزشتہ ماہ صومالی دارالحکومت موغادیشومیں دوکاربم دھماکوں میں تیرہ افراد جان کی بازی ہار گئے،دھماکے بین الاقوامی ہوائی اڈے کے قریب کیے گئے.

واضح رہے کہ دونوں دھماکوں کی ذمہ داری شدت پسند تنظیم الشباب نے قبول کر لی ہے.

اگست 22, 2016

Tag: صومالیہ

آئی جی سندھ کا نوٹس