ARYNews.tv | Urdu – Har Lamha Bakhabar

Tag: ضابطہ اخلاق کی خلاف ورزی

  • الیکشن 2024 پاکستان : ضابطہ اخلاق کی خلاف ورزی، 24 امیدواروں پر جرمانے

    الیکشن 2024 پاکستان : ضابطہ اخلاق کی خلاف ورزی، 24 امیدواروں پر جرمانے

    اسلام آباد : الیکشن کمیشن نے ضابطہ اخلاق کی خلاف ورزیوں پر 24 امیدواروں اور لوکل گورنمنٹ کے چیرمین و ڈسٹرکٹ چیرمینوں کو جرمانے کردیئے۔

    تفصیلات کے مطابق ضابطہ اخلاق کی خلاف ورزیوں پر الیکشن کمیشن نے سخت ایکشن لیتے ہوئے الیکشن کمیشن نے مجموعی طور پر 24 امیدواروں اور لوکل گورنمنٹ کے چیرمین و ڈسٹرکٹ چیرمینوں کو جرمانے کردیئے۔

    ڈسٹرکٹ مانیٹرنگ آفیسر بنوں نے پی کے 99 سے اے این پی کے امیدوار نورانی خان کو 10 ہزار روپے جرمانہ کیا۔

    ڈسٹرکٹ مانیٹرنگ آفیسر مانسہرہ کی جانب سے پی کے 39 کے امیدوار اکرام اللہ غازی کے خلاف 10 ہزار روپے جرمانہ عائدکیاگیا تاہم امیدواروں نے ریٹرننگ افسروں کی جانب سے عائد جرمانہ سرکاری خزانہ میں جمع کردیا ہے۔

    پنجاب میں ڈسٹرکٹ مانیٹرنگ آفیسر ملتان نے امیدوار برائے پی پی 214 شہزاد مقبول بھٹہ اور محمد شریف راجپوت کو 15 ہزار فی کس جرمانہ کیا۔

    ڈسٹرکٹ مانیٹرنگ آفیسر لیہ نے امیدوار برائے پی پی 282 اسامہ گجر کو 20 ہزار جرمانہ عائد کیا۔

    دوسری جانب مختلف اضلاع میں ڈسٹرکٹ مانیٹرنگ افسروں نے ضابطہ اخلاق کی خلاف ورزی پر 7 امیدواروں کو بذریعہ نوٹسز طلب کر لیا ہے۔

    چاروں صوبوں اور اسلام آباد میں ممنوعہ تشہیری ہورڈنگز اور دیگر مواد روزانہ کی بنیاد پر ہٹائے جانے کا سلسلہ جاری ہے، چاروں صوبوں میں اب تک مختلف خلاف ورزیوں پر امیدواران ودیگر کو 71 نوٹس جاری کئے گئے۔

    ڈسٹرکٹ مانیٹرنگ آفیسر مردان نے این اے 23 کے امیدوار عاقب اسماعیل کو 50 ہزار روپے جرمانہ کیا گیا۔

  • چارسدہ جلسے میں ضابطہ اخلاق کی خلاف ورزی پر الیکشن کمیشن حرکت میں آ گیا

    چارسدہ جلسے میں ضابطہ اخلاق کی خلاف ورزی پر الیکشن کمیشن حرکت میں آ گیا

    پی ٹی آئی کے چارسدہ جلسے میں ضابطہ اخلاق کی خلاف ورزی پر الیکشن کمیشن حرکت میں آ گیا، عمران خان اور وزیر اعلیٰ خیبر پختون خوا سمیت کئی افراد کو نوٹس جاری کر دیے۔

    تفصیلات کے مطابق این اے 24 چارسدہ میں پی ٹی آئی جلسے میں ضابطہ اخلاق کی خلاف ورزی پر الیکشن کمیشن نے نوٹس جاری کر دیے۔

    وزیر اعلیٰ کے پی محمود خان، وزیر قانون فضل شکور، مشیر معدنیات محمد عارف سمیت پی ٹی آئی چیئرمین عمران خان کو بھی الیکشن کمیشن نے نوٹس جاری کر دیا ہے۔

    الیکشن کمیشن نے نوٹس میں کہا کہ بار بار تنبیہ کے باوجود وزیر اعلیٰ کے پی نے ضابطہ اخلاق کی خلاف ورزی کی، اور سرکاری وسائل اور ہیلی کاپٹر کا بے دریغ استعمال کیا گیا۔

    ڈسٹرکٹ مانیٹرنگ افسر نے ضابطہ اخلاق کی خلاف ورزی پر 20 ستمبر کو مذکورہ افراد کو طلب کر لیا ہے، نوٹس میں کہا گیا کہ تمام امیدواروں کو یکساں ماحول میسر نہیں آ رہا، کیوں نہ وزیر اعلیٰ کے پی پر ضمنی انتخاب کے دوران ہیلی کاپٹر استعمال پر پابندی لگائی جائے۔

    نوٹس میں کہا گیا کہ یکساں ماحول میسر نہ آنے اور رکاوٹیں ڈالنے پر کیوں نہ امیدوار کو نااہل کرنے کی سفارش کی جائے۔

    ڈی ایم او کی جانب سے نوٹس میں ذاتی طور پر یا وکیل کے ذریعے جواب دینے کی ہدایت کی گئی ہے۔

  • ضابطہ اخلاق کی خلاف ورزی پر لاہور قلندرز کے کھلاڑی پر جرمانہ

    ضابطہ اخلاق کی خلاف ورزی پر لاہور قلندرز کے کھلاڑی پر جرمانہ

    لاہور: پاکستان کرکٹ بورڈ نے ضابطہ اخلاق کی خلاف ورزی پر لاہور قلندرز کے کھلاڑی دلبر حسین پر جرمانہ کر دیا ہے۔

    اے آر وائی نیوز کے مطابق لاہور قلندرز کے کھلاڑی دلبر حسین کو پی سی بی کا ضابطہ اخلاق توڑنے پر جرمانہ کر دیا گیا، گزشتہ روز دلبر نے قذافی اسٹیڈیم میں پشاور زلمی کے خلاف پی ایس ایل 2020 کے میچ میں آرٹیکل 2.5 کی خلاف ورزی کی تھی۔

    رپورٹس کے مطابق لاہور ٹیم کے بولر دلبر حسین نے گزشتہ روز میچ کے دوران آٹھویں اوور میں پشاور زلمی کے کھلاڑی حیدر علی کو کیچ آؤٹ کرانے کے بعد اس انداز میں رد عمل ظاہر کیا جس سے آؤٹ ہونے والا بیٹسمین مشتعل ہو سکتا تھا۔

    لاہور نے سنسنی خیز مقابلے کے بعد پشاور کو شکست دیدی

    پی سی بی نے آرٹیکل ٹو پوائنٹ فائیو کی رو سے دلبر حسین پر میچ فیس کا 5 فی صد جرمانہ کیا ہے، اس شق میں لکھا گیا ہے کہ انٹرنیشنل میچ میں ایسی زبان کا استعمال، حرکات یا اشارے کرنا جن سے ہتک محسوس ہوتی ہو، یا جو آؤٹ ہونے والے بیٹسمین کو جارحانہ رد عمل دکھانے پر اکسا سکتے ہوں۔

    دوسری طرف پشاور زلمی پر بھی سلو اوور ریٹ پر جرمانہ کر دیا گیا ہے، یہ ٹیم کی پہلی خلاف ورزی تھی اس لیے تمام گیارہ کھلاڑیوں پر آرٹیکل 2.22 کی خلاف ورزی کے لیے میچ فیس کا دس فی صد جرمانہ کیا گیا۔ اگر اس ٹورنامنٹ کے دوران زلمی ایک بار پھر سلو اوور ریٹ کے مرتکب پائے گئے تو ہر کھلاڑی پر میچ فیس کا 20 فی صد جرمانہ کیا جائے گا۔

    میچ کے درمیان یہ جرمانے امپائر علیم ڈار اور مائیکل گف، تھرڈ امپائر آصف یعقوب اور چوتھے امپائر ناصر حسین کی جانب سے لگائے گئے۔ خیال رہے کہ میچ میں لاہور قلندرز نے پشاور زلمی کو 5 وکٹ سے ہرا دیا تھا۔ قلندرز کا اگلا میچ جمعرات کو نیشنل اسٹیڈیم کراچی میں پی ایس ایل کی سب سے بڑی ٹیم کراچی کنگز کے ساتھ ہوگا۔

  • الیکشن کمیشن کا بلاول سمیت دیگر ارکان اسمبلی کو حتمی نوٹس

    الیکشن کمیشن کا بلاول سمیت دیگر ارکان اسمبلی کو حتمی نوٹس

    اسلام آباد: الیکشن کمیشن آف پاکستان نے بلاول بھٹو اور صوبائی اسمبلی کے حلقے 11 کے پی پی امیدوار کو دوسرا اور حتمی نوٹس جاری کر دیا ہے۔

    تفصیلات کے مطابق ای سی پی نے انتخابی ضابطہ اخلاق کی خلاف ورزی پر پی پی چیئرمین بلاول بھٹو، نثار کھوڑو، شبیر بجارانی، ناصر شاہ، شرجیل میمن سمیت دیگر کو حتمی نوٹسز جاری کر دیے ہیں۔

    ڈسٹرکٹ ریٹرنگ افسر نے کہا ہے کہ نوٹس کا جواب کل داخل کروانا تھا، نہ کروانے پر دوسرا حتمی نوٹس نکالا گیا ہے۔

    ڈی آر او ندیم حیدر کا کہنا ہے کہ آج نوٹسز کے جوابات جمع نہیں کروائے گئے تو قانون کے مطابق کارروائی کی جائے گی۔

    یہ بھی پڑھیں:  وفاقی حکومت اور اتحادی سندھ کے دل کراچی پر قبضہ چاہتے ہیں: بلاول بھٹو

    واضح رہے کہ ای سی پی کی جانب سے یہ نوٹسز انتخابی حلقہ پی ایس 11 کی انتخابی مہم میں حصہ لینے پر جاری کیے گئے ہیں۔

    یاد رہے کہ 12 اکتوبر کو لاڑکانہ میں انتخابی ریلی نکالی گئی تھی، جس میں نثار کھوڑو، سہیل سیال، ناصر حسین شاہ، شبیر بجارانی و دیگر نے شرکت کی تھی جس پر اگلے دن ای سی پی کی جانب سے نوٹس جاری کیا گیا۔

    ریلی سے خطاب میں بلاول بھٹو نے کہا تھا لاڑکانہ کے عوام تیر کے ساتھ ہیں، 17 اکتوبر کو تیر پر ٹھپا لگا کر وفاق کو جواب دیں، ایک سال سے عوام کی لڑائی اسمبلی میں لڑ رہا ہوں، میں نے حکومت کو گھر بھیجنا ہے۔

  • ضابطہ اخلاق کی خلاف ورزی، فواد چوہدری اور غلام سرور کو نوٹس جاری

    ضابطہ اخلاق کی خلاف ورزی، فواد چوہدری اور غلام سرور کو نوٹس جاری

    اسلام آباد : الیکشن کمیشن نے وزیراطلاعات فواد چوہدری اوروزیر پٹرولیم غلام سرور کو انتخابی ضابطہ اخلاق کی خلاف ورزی پر نوٹس جاری کردیا ۔

    تفصیلات کے مطابق الیکشن کمیشن آف پاکستان نے ضمنی انتخابات میں انتخابی ضابطہ اخلا ق کی خلاف ورزی پر وفاقی وزیر اطلاعات فواد چودھری اور وفاقی وزیر پٹرولیم غلام سرور خان کو نوٹس جاری کر دئیے ہیں۔

    الیکشن کمیشن کا کہنا ہے نوٹس انتخابی ضابطہ اخلاق کی خلاف ورزی پرجاری کیا، فوادچوہدری اورغلام سرورکو پی پی ستائیس کا دورہ کرنے پرنوٹس دیاگیا۔

    نوٹس میں کہا گیا ہے کہ فواد چوہدری اور غلام سرور نے حلقہ پی پی 27 میں ترقیاتی کاموں کا اعلان اور افتتاح کیا اور الیکشن پر اثرانداز ہونے کی کوشش کی گئی۔ضمنی انتخابات کے دوران کوئی وزیر،  سرکاری عہدہ دار یا منتخب نمائندہ انتخابی مہم میں حصہ نہیں لے سکتا۔

    وفاقی وزراء کوذاتی یا بذریعہ وکیل نو اکتوبر کو الیکشن کمیشن کے دفتر میں پیش ہونے کا حکم دیا گیا ہے۔

    یاد ریے  ملک بھر میں ضمنی انتخابات چودہ اکتوبر  کو ہونے جارہے ہیں ۔

  • ضابطہ اخلاق کی خلاف ورزی پر سرکاری ملازمین کو معطل کیا جائے، چیف سیکریٹری سندھ

    ضابطہ اخلاق کی خلاف ورزی پر سرکاری ملازمین کو معطل کیا جائے، چیف سیکریٹری سندھ

    کراچی : چیف سیکریٹری سندھ اعظم سلیمان نے کہا ہے کہ ضابطہ اخلاق کی خلاف ورزی کرنے والے سرکاری ملازمین کو معطل کرکے ان ملازمین کو الیکشن کے دن بھی ڈیوٹی پر بلایا جائے۔

    یہ بات انہوں نے الیکشن 2018کے سلسلے میں انتخابی ضابطہ اخلاق کے حوالے سے اجلاس سے خطاب کرتے ہوئے کہی، چیف سیکریٹری اعظم سلیمان کی زیر صدارت انتخابی ضابطہ اخلاق پر اجلاس کا انعقاد کیا گیا، اس موقع پر متعلقہ حکام کی جانب سے اجلاس کے شرکاء کو بریفنگ بھی دی گئی.

    بریفنگ میں بتایا گیا کہ ضانطہ اخلاق کی خلاف ورزی پرمحکمہ تعلیم کے48،صحت کے18نو بلدیاتی ملازمین اور22منتخب نمائندگان کے خلاف ایکشن لیا گیا۔

    خلاف ورزی کرنیوالوں میں بورڈ آف ریونیو کے14اور اوقاف کے چھ ملازمین بھی شامل ہیں، بریفنگ میں مزید بتایا گیا کہ محکمہ داخلہ کے ڈی ایس پی سمیت5اہلکاروں نے بھی خلاف ورزی کی، انتخابی ظابطے کی خلاف ورزی پر ریجنل ڈائریکٹر کالجز سکھر معطل کئے گئے، اس کے علاوہ چار ضلعی زکوۃ چیئرمینوں کو بھی برطرف کردیا گیا۔

    اس موقع پر چیف سیکریٹری سندھ نے ہدایت دیتے ہوئے کہا کہ ضابطہ اخلاق کی خلاف ورزی پر سرکاری ملازمین کو معطل کیا جائے، الیکشن کے انعقاد تک زکوۃ چیئرمینوں کے اختیارات معطل کئے جائیں، اور معطل ملازمین کی الیکشن کے دن بھی دفاتر میں حاضری یقینی بنائی جائے ۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • الیکشن 2018 ، ضابطہ اخلاق کی خلاف ورزی پرانتخابی عملے کو سزا کی وارننگ جاری

    الیکشن 2018 ، ضابطہ اخلاق کی خلاف ورزی پرانتخابی عملے کو سزا کی وارننگ جاری

    اسلام آباد : الیکشن کمیشن نے ضابطہ اخلاق کی خلاف ورزی پرانتخابی عملے کو سزا کی وارننگ جاری کردی اور کہا کہ عملے کو چھ ماہ قید اور ایک لاکھ جرمانہ یا دونوں سزائیں ہوسکتی ہیں۔

    تفصیلات کے مطابق الیکشن کمیشن میں انتخابات میں ڈیوٹی کے دوران جلعسازی اور غفلت پر انتخابی عملے کو سزا کی وارننگ دے دی اور کہا کہ انتخابی عملے کی جانب سے کاغذات میں تبدیلی، بیلٹ پیپر پر سرکاری مہر خراب کرنا جرم ہوگا جبکہ بیلٹ پیپر اٹھانا، دوسرا پیپر ڈالنا، سیل توڑنا، مہر سے جعلسازی بھی جرم ہے۔

    الیکشن کمیشن کے مطابق انتخابی عملے کو چھ ماہ قید اور ایک لاکھ جرمانہ یا دونوں سزائیں ہوں گی۔

    الیکشن کمیشن کا کہنا ہے کہ ووٹر کو مجبورکرنا، ووٹ اور انتخابی نتائج پر اثر انداز ہونا غیر قانونی ہوگا، جرائم پر عملے کو دو سال قید ،ایک لاکھ جرمانہ یا دونوں سزائیں دی جائیں گی۔

    الیکشن کمیشن کا کہنا ہے کہ ووٹ افشا کرنا،بیلٹ پیپر پر مہر کی کسی کو اطلاع دیناغیر قانونی ہے جبکہ کسی امیدوار کے حق میں ووٹ ڈالنے کی اطلاع دینے پر چھ ماہ قید یا ایک لاکھ جرمانہ ہوگا۔

    یاد رہے کہ ملک بھر میں 25 جولائی کو عام انتخابات کا انعقاد کیا جارہا ہے ، جس کی تیاریوں کو حتمی شکل دی جارہی ہے اور اس روز عام تعطیل کا بھی اعلان کر رکھا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سابق بھارتی چیف الیکشن کمشنر وہاب ریاض کے مداح نکلے

    سابق بھارتی چیف الیکشن کمشنر وہاب ریاض کے مداح نکلے

    فیصل آباد: سابق بھارتی چیف الیکشن کمشنر ڈاکٹر منوہر سنگھ بھی پاکستانی بولر وہاب ریاض کے مداح نکلے ۔

    زرعی یونیورسٹی فیصل آباد کی بائیسویں تقریبِ تقسیمِ اسناد میں بھارت سابق چیف الیکشن کمشنر اور رکن راجیہ سبھا ڈاکٹر منوہر سنگھ کو اعزازی ڈگری دی گئی۔

    ڈاکٹر منوہر سنگھ نے اپنے خطاب میں فاسٹ بولر وہاب ریاض کی ورلڈ کپ میں آسٹریلیا کے خلاف میچ میں شاندار کارکردگی کی تعریف کی۔

    ان کا کہنا تھا کہ وہاب ریاض نے آسٹریلیا کے خلاف میچ میں نئی تاریخ رقم کر دی، وہاب ریاض کو ابھی بہت آگے جانا ہے، وہ کبھی ڈسپلن نہ چھوڑیں۔

  • وہاب ریاض کی بولنگ پردل ہارگیا، برائن لارا

    وہاب ریاض کی بولنگ پردل ہارگیا، برائن لارا

       کرکٹ کےچندبڑےبلےبازوں میں سےایک ’برائن لارا‘ وہاب ریاض کےدیوانےہوگئے۔

    وہاب ریاض پر میچ فیس کا پچاس فیصد جرمانہ عائد کرنے پر برائن لارا نے آئی سی سی پر تنقید کرتے ہوئے سخت الفاظ استعمال کیے۔

    آئی سی سی پر ہنستے ہوئے برائن لارا نے کہا کہ جرمانے کا فیصلہ سمجھ سے باتر ہے، شایقین کو انٹرٹین کرنا کیا وہاب کی غلطی تھی۔

    برائن لارانے وہاب ریاض سے ملنے کی خواہش کا اظہار کردیا، اور وہاب کا جرمانہ بھرنے کی پیشکش بھی کردی۔

    اس سے قبل برائن لارا نے ایک ٹوئٹ میں کہا تھا کہ وہاب کا بالنگ اسپیل شاندار ہے۔

    دوسری جانب وہاب کی شاندار باؤلنگ کاسامنا کرنے والے شین واٹسن نےٹوئٹر پر لکھا کہ وہ خوش قسمت ہیں کہ وہاب کی باؤلنگ پر زخمی نہیں ہوئے۔

    وہاب نے بھی جوابی ٹوئٹ میں شین واٹسن کےکھیل کی تعریف کرتے ہوئے کہا کہ انہیں میچ میں بہت مزہ آیا۔ وہاب نے سیمی فائنل کے لئے شین واٹسن کو نیک خواہشات کا بھی اظہار کیا۔

     

  • ضابطہ اخلاق کی خلاف ورزی، وہاب ریاض اور واٹسن پر جرمانہ عائد

    ضابطہ اخلاق کی خلاف ورزی، وہاب ریاض اور واٹسن پر جرمانہ عائد

    ایڈیلیڈ: آئی سی سی نے ضابطہ اخلاق کی خلاف ورزی پر پاکستانی فاسٹ بولر وہاب ریاض اور آسٹریلیا کے شین واٹسن پر جرمانہ عائد کردیا ہے۔

    ایڈیلیڈ میں ورلڈ کپ کے کوارٹرفائنل میں وہاب ریاض اور شین واٹسن کے درمیان نوک جھونک پر آئی سی سی نے ایکشن لے لیا اور ضابطہ اخلاق کی خلاف ورزی پر دونوں کھلاڑیوں پر جرمانہ عائد کردیا گیا ہے۔

    دونوں کھلاڑیوں پر کوڈ آف کنڈکٹ کی خلاف ورزی کا چارج لگایا گیا ہے، وہاب ریاض پر میچ فیس کا پچاس اور شین واٹسن پر پندرہ فیصد جرمانہ عائد کیا گیا ہے۔

    آسٹریلیا کی بیٹنگ کے دوران شین واٹسن اور وہاب ریاض میں اشاروں کی جنگ ہوئی، جس پر آئی سی سی نے کارروائی کی، وہاب ریاض نے اپنی اسپیل کے دوران شین واٹسن کو ہلنے کا موقع بھی نہیں دیا۔

    یاد رہے گزشتہ میچ میں وہاب ریاض کے میجک اسپیل نے واٹسن کو بکری بنادیا، شین واٹسن وہاب کے نشانے پر تھے اور وہاب کی تباہ کن بولنگ نے واٹسن کو حلنے نہ دیا۔

    شین واٹسن وہاب کے باؤنسر سے بچتے تو وہاب کبھی تالیاں بجا کر چڑا تے تو کھبی فلائنگ کیس کرتے، وہاب ریاض اور واٹسن کے درمیان نوک جھونک نے میچ کا مزہ دوبالا کردیا۔

    آئی سی سی نے واٹسن اور وہاب ریاض کے درمیان نوک جھوک کا ایکشن لیتے ہوئے کاروائی کا فیصلہ کرلیا اور دونوں کھلاڑیوں پر کوڈ آف کنڈکٹ کیخلاف ورزی پر چارج لگایا گیا۔