Tag: ضلعی حکومت

لاہور: صوبائی دارالحکومت لاہور میں ضلعی حکومت نے 14 مقامات پر مویشی منڈیاں لگانے کی منظوری دے دی۔

تفصیلات کے مطابق لاہور میں ضلعی حکومت نے 14 مقامات پر مویشی منڈیاں لگانے کی منظوری دے دی، بچوں اور 50 سال سے زائدعمر کے افراد کو مویشی منڈی آنے کی اجازت نہیں ہوگی۔

ذرائع ضلعی حکومت کے مطابق مویشی منڈیوں میں بغیر ماسک کسی کو داخلے کی اجازت نہیں ہو گی،مویشی منڈیوں کو مکمل طور پر ڈس انفیکٹ کیا جائے گا۔

چیف کارپوریشن آفیسر کا کہنا ہے کہ مویشی منڈیوں میں سماجی فاصلوں کو یقینی بنانے کی ذمہ داری فروخت کنندگان پر ہوگی،مویشی منڈیوں میں ایس اوپیز کی خلاف ورزی پر سخت ایکشن ہوگا۔

مویشی منڈی اور اجتماعی قربانی کے حوالے سے بڑا فیصلہ

یاد رہے کہ گزشتہ ہفتے پنجاب حکومت نے صوبے بھر میں مویشی منڈیاں لگانے اور مدارس سمیت دیگر فلاحی اداروں کو اجتماعی قربانی کی اجازت دے دی تھی۔

صوبے کے ہر ضلع کا کمشنر شہری حدود سے باہر نشاندہی کرے گا جہاں مویشی فروخت کرنے کی اجازت ہوگی، شہر کی حدود میں مویشی فروخت کرنے والوں کے خلاف کارروائی کی جائے گی۔

پشاور: بچے چوہا مار مہم میں سب سے آگے، سارا دن چوہے مارتے رہے لیکن انعام نہ مل سکا،رقم کی ادائیگی کے لیے ضلعی حکومت نے اجلاس طلب کرلیا ۔

ناظم اعلی چوہوں کی سر کی قیمت ادا کرنے کے لیے بھی اجلاس طلب کیا پشاور کی ضلعی حکومت نے چوہوں کی سرکی قیمت تو مقرر کی مگر ادائیگی کا وعدہ وفانہ کرسکی۔

ذرائع کا کہنا ہے ضلعی حکومت کے پاس چوہا مارنے کی انعامی رقم دینے کے لئے بھی پیسے نہیں، ادائیگی کے لیے اجلاس پیر کو طلب کیا گیا ہے۔

بچوں نے چوہوں کی ٹارگٹ کلنگ کرتے ہوئے ڈھیر لگا دیا لیکن انعامی رقم پھر بھی نہیں ملی، گزشتہ روزناظم اعلیٰ نے مہم کا آغاز کرتے ہوئے فی چوہا پچیس روپے ادا کرنے کا اعلان کیا تھا، شہری جہاں زندہ چوہوں سے تنگ ہیں وہیں مرے ہوئے چوہوں کے تعفن نے جینا محال کردیا ہے۔

پشاورکی ضلعی انتظامیہ چوہاگردی کے آگے تاحال بے بس ہے، تبدیلی کے دعویداروں نے چوہامارمہم میں معاوضہ مقررکرکے کچھ تو تبدیل کرہی دیا ہے۔