Tag: ضمانت

اسلام آباد: اسلام آباد ہائی کورٹ نے جعلی اکاؤنٹس کیس میں فریال تالپور کی عبوری ضمانت منظور کرتے ہوئے ان کی رہائی کا حکم دے دیا۔

تفصیلات کے مطابق اسلام آباد ہائی کورٹ میں چیف جسٹس اطہر من اللہ اور جسٹس عامر فاروق پر مشتمل بینچ نے فریال تالپور کے خلاف کیس کی سماعت کی۔ عدالتی حکم پر پراسیکیوٹر جنرل نیب اصغر علی عدالت میں پیش ہوئے۔

عدالت نے سماعت کے دوران نیب پراسیکیوٹر سے استفسار کیا کہ یہ پیسےکس کے اکاؤنٹ میں گئے جس پر انہوں نے جواب دیا کہ جی ڈیڑھ کروڑ روپے فریال تالپور کے اکاؤنٹ میں گئے۔

انہوں نے کہا کہ اے ون انٹرنیشل اکاؤنٹ جعلی بینک اکاؤنٹ ہے، اس اکاؤنٹ میں 30 ملین کے 2 ٹرانزکشن ہوئی ہیں عدالت نے استفسار کیا کہ اس کیس میں کتنے ملزمان کو گرفتار کیا گیا جس پر تفتیشی افسر نے جواب دیا کہ اس کیس میں 11 ملزمان کو گرفتار کیا گیا ہے۔

اسلام آباد ہائی کورٹ نے فریال تالپور کی عبوری ضمانت منظور کرتے ہوئے ایک کروڑ روپے کے ضمانتی مچلکے جمع کرانے کا حکم دے دیا۔

آصف علی زرداری کو رہا کردیا گیا

اس سے قبل سابق صدر آصف علی زرداری نے طبی بنیادوں پر ضمانت کے لیے درخواست دائر کی تھی۔ درخواست میں مؤقف اختیار کیا گیا تھا کہ درخواست گزار مختلف قسم کی بیماریوں کا شکار ہے اور انھیں 24 گھنٹے طبی امداد کی ضرورت ہوتی ہے، درخواست میں استدعا کی گئی تھی عدالت طبی حالات کی سنگینی کے پیش نظر درخواست ضمانت منظور کرے۔

اسلام آباد ہائی کورٹ نے منی لارنڈرنگ اور پارک لین کے مقدمات میں 11 دسمبر کو آصف زرداری کی طبی بنیادوں پر ضمانت منظور کی تھی، سابق صدر کو احتساب عدالت میں ایک کروڑ روپے کے مچلکے جمع کرانے کے بعد رہا کیا گیا تھا۔

سرگودھا: وفاقی وزیر ریلوے شیخ رشید احمد کا کہنا ہے کہ سابق صدر آصف علی زرداری کو ضمانت ملنا نیگ شگون نہیں ہے۔

تفصیلات کے مطابق وفاقی وزیر ریلوے شیخ رشید احمد کا کہنا ہے کہ وزیراعظم عمران خان کی قیادت میں ریلوے کو ٹریک پر لانے کی کوشش کر رہے ہیں۔ انہوں نے سرگودھا ریلوے کی اپ گریڈیشن کے لیے ڈیڑھ کروڑ کی گرانٹ کا اعلان کیا۔

شیخ رشید احمد نے کہا کہ آرمی چیف جنرل قمر جاوید باجودہ سے متعلق قانون ساز ی مکمل فیصلہ دیکھنے کے بعد کی جائے گی۔ وفاقی وزیر نے مزید کہا کہ آصف علی زرداری کو ضمانت ملنا نیگ شگون نہیں ہے۔

انہوں نے کہا کہ مریم نواز اور فریال تالپورکو باہر جاتا نہیں دیکھ رہا، ان کا این او سی لینا اور کابینہ سے منظوری لینا مشکل کام ہوگا۔ وفاقی وزیر نے کہا کہ جو کچھ لاہورمیں ہوا وہ قابل مذمت ہے، قائداعظم کے پیشے پردھبہ لگایا گیا، قوم واقعے پرغمگین ہے۔

3 ماہ میں مہنگائی کنٹرول ہوگی اور بجلی، گیس کے بل ٹھیک ہو جائیں گے، شیخ رشید

اس سے قبل وفاقی وزیر ریلوے شیخ رشید نے سرگودھا روانگی سے قبل میڈیا سے گفتگو سے گفتگو کرتے ہوئے کہا تھا کہ ایک سے 16 گریڈ ملازمین کی مراعات کے لیے وزیراعظم عمران خان سے بات کروں گا۔

شیخ رشید احمد کا کہنا تھا کہ ریلوے کا خسارہ 3 سال میں پورا کریں گے، حکومت گرانے کے لیےغیرجمہوری زبانیں استعمال کی جا رہی ہیں، ملک اب بہتری کی طرف جائے گا اور 3 ماہ میں مہنگائی کم ہوگی، بجلی، گیس کے بل ٹھیک ہو جائیں گے۔

کراچی: پاکستان پیپلز پارٹی کی رہنما شہلا رضا نے کہا ہے کہ سابق صدر آصف علی زرداری کو ضمانت کے لیے راضی کرنے والی کوئی اور نہیں بلکہ ان کی صاحب زادی آصفہ بھٹو ہیں۔

تفصیلات کے مطابق شہلا رضا نے کہا ہے کہ آصفہ بھٹو نے آصف زرداری کو ضمانت کے لیے راضی کیا ہے، انھوں نے کہا کہ سابق صدر کی طبیعت ٹھیک نہیں ہے، علاج کی ضرورت ہے، ان کے باہر جانے کے حوالے سے ابھی فیصلہ نہیں کیا گیا۔

شہلا رضا کا کہنا تھا کہ الیکشن کمیشن سندھ اور بلوچستان کے نمایندوں کو حکومت نے نظر انداز کیا، پارلیمنٹ میں حکومت کا رویہ مناسب نہیں ہے۔

یاد رہے کہ گزشتہ روز پیپلز پارٹی نے آصف زرداری کی طبی بنیادوں پر ضمانت کرانے کا اعلان کیا تھا، چیئرمین پی پی بلاول بھٹو کا کہنا تھا کہ طبی بنیادوں پر آصف زرداری کی ضمانت کے لیے جلد درخواست دائر کی جائے گی۔

یہ بھی پڑھیں:  پیپلزپارٹی کا آصف زرداری کی طبی بنیادوں پر درخواست ضمانت دائر کرنے کا اعلان

اسلام آباد میں میڈیا سے گفتگو کرتے ہوئے بلاول بھٹو نے کہا تھا کہ آصف زرداری کا مؤقف تھا کہ ضمانت کے لیے درخواست نہیں دیں گے مگر اب آصفہ بھٹو نے ان کو طبی بنیادوں پر ضمانت حاصل کرنے پر آمادہ کر دیا ہے۔

خیال رہے کہ سابق صدر آصف زرداری نے درخواست ضمانت دینے سے روکا ہوا تھا البتہ اب وہ اس بات پر رضا مند ہو گئے ہیں کہ ان کی ضمانت کرائی جائے۔

لاہور: جیلوں میں 10 ہزار بیمار قیدیوں نے طبی بنیاد پر رہائی کی درخواست لاہور ہائی کورٹ میں دائر کردی، درخواست میں استدعا کی گئی ہے کہ نوازشریف کی طرح بیمار قیدیوں کو طبی بنیاد پر ضمانت دی جائے۔

تفصیلات کے مطابق لاہور ہائی کورٹ کے جسٹس رسال حسن سید نے جیلوں میں 10 ہزار بیمار قیدیوں کی طبی بنیاد پر رہائی کی درخواست کی سماعت کی۔ لاہورہائی کورٹ نے درخواست چیف سیکریٹری پنجاب کو بھجوا دی۔ عدالت نے چیف سیکریٹری پنجاب کو درخواست پر فیصلے کی ہدایت کر دی۔

عدالت میں دائر کی گئی درخواست میں کہا گیا ہے کہ جیلوں میں 10 ہزارسے زائد قیدی مختلف بیماریوں میں مبتلا ہیں، جیلوں میں قیدیوں کو علاج کی مناسب سہولتیں میسر نہیں ہیں۔ درخواست میں استدعا کی گئی ہے کہ نوازشریف کی طرح بیمار قیدیوں کو طبی بنیاد پرضمانت دی جائے۔

سابق وزیراعظم نوازشریف کی درخواست ضمانت منظور

یاد رہے کہ گزشتہ ماہ 25 اکتوبر کو لاہور ہائی کورٹ نے سابق وزیراعظم نواز شریف کی درخواست ضمانت منظور کی تھی اور ایک کروڑ روپے کے 2ضمانتی مچلکے جمع کرانے کا حکم دیا تھا، نوازشریف کی ضمانت چوہدری شوگرملز کیس میں منظور کی گئی تھی۔

میڈیکل بورڈ کے سربراہ ڈاکٹر محمود ایاز کا کہنا تھا کہ نواز شریف کے مکمل علاج پر کسی حتمی نتیجے پر نہیں پہنچے، ان کی حالت تشویش ناک ہے۔

اسلام آباد: وفاقی وزیر برائے ریلوے شیخ رشید نے کہا ہے کہ باپ اکیلا نہیں جانا چاہتا، منگل کو بیٹی کی بھی ضمانت لگی ہوئی ہے، دھرنے سے قبل دونوں جماعتوں کو جو چاہیے تھا وہ انھیں مل گیا ہے، میں تو 6 ماہ سے کہہ رہا ہوں نواز شریف جا رہے ہیں۔

اے آر وائی نیوز سے خصوصی گفتگو کرتے ہوئے وزیر ریلوے نے کہا کہ میرا مشورہ ہے کہ دھرنے والے اب مولویوں کو نہ پٹوائیں، دینی مدرسے اسلام کے مینار ہیں، فیصلے سوچ سمجھ کر کریں، مولانا فضل الرحمان سے کہتا ہوں اپنے فیصلے پر نظر ثانی کریں۔

وزیر ریلوے نے کہا کہ میں تو 6 ماہ سے کہہ رہا ہوں نواز شریف جا رہے ہیں، کب سے کہہ رہا ہوں اکتوبر، نومبر اور دسمبر بہت اہم ہیں، کابینہ میں بھی کہا کہ آخر کار انھیں نکل جانا ہے، آج سارے احتساب کے قیدیوں کی ضمانت ہو جانی چاہیے تھی، یہ سچ ہے کہ بعض مرضوں کا علاج ہم پاکستان میں نہیں کر سکتے۔

یہ بھی پڑھیں:  اسلام آباد ہائی کورٹ نے نواز شریف کی ضمانت منظور کر لی

ان کا کہنا تھا میری ماں مرگئی لیکن ڈپٹی کمشنر سے اجازت نہ لے سکا، آصف زرداری نواز شریف سے زیادہ بیمار ہیں، ہر کیس کے پیچھے ہمیشہ ایک چہرہ ہوتا ہے، اللہ نواز شریف کو صحت دے، باہر علاج کی سہولت غریب کو بھی ملنی چاہیے۔

خیال رہے کہ آج اسلام آباد ہائی کورٹ نے العزیزیہ کیس میں سابق وزیر اعظم میاں نواز شریف کی طبی بنیادوں پر عبوری ضمانت منظور کر لی، عدالت کا کہنا تھا کہ انسانی بنیادوں پر منگل تک سزا معطلی اور درخواست ضمانت منظور کی گئی ہے۔