الیکشن کمیشن نے ضمنی بلدیاتی انتخابات کے کامیاب امیدواروں کا نوٹیفکیشن جاری کردیا۔
الیکشن کمیشن کی جانب سے جاری کردہ نوٹیفکیشن کے مطابق سندھ میں مختلف بلدیاتی 75 نشستوں پر پیپلزپارٹی کے امیدوار کامیاب ہوئے ہیں۔
جماعت اسلامی کے تین، جے یو آئی اور جی ڈی اے کا ایک، ایک امیدوار کامیاب قرار پایا ہے۔
بلدیاتی نشستوں پر 4 آزاد امیدوار کامیاب ہوئے ہیں۔
کراچی سمیت سندھ بھر میں ہونے والے ضمنی بلدیاتی انتخابات میں پیپلزپارٹی کے امیدواروں نے میدان مار لیا۔ چیئرمین کی3 اور وائس چیئرمین کی ایک نشست جیت لی۔
غیر حتمی اور غیر سرکاری نتائج کے مطابق مرتضیٰ وہاب، سلمان عبداللہ مراد، سیف اللہ چیئرمین، حامد حسین وائس چیئرمین منتخب ہوگئے۔
مجموعی طور پر 26یونین کونسلوں کی نشستوں پر 116 امیدوار مدمقابل تھے، جن کیلئے 182 پولنگ اسسٹیشنز قائم کئے گئے تھے، شہر قائد میں چیئرمین، وائس چیئرمین اور جنرل ممبر کی 9 نشستوں پر پولنگ ہوئی، 9 نشستوں پر پیپلز پارٹی، جماعت اسلامی اور پی ٹی آئی سمیت 54 امیدوار میدان میں اترے۔
ضلع ملیر، ضلع کیماڑی، ضلع جنوبی میں چیئرمین کی نشستوں پر انتخابات ہوئے جبکہ ضلع ملیر اور ضلع جنوبی میں وائس چیئرمین کی نشستوں پر بھی پولنگ ہوئی، ضمنی انتخاب والے حلقوں میں رجسٹرڈ ووٹرز کی تعداد 2 لاکھ 6 ہزار 686 ہے، شہر قائد میں 121 پولنگ میں سے تمام کو حساس اور انتہائی حساس قرار دیا گیا تھا۔
ضلع جنوبی یو سی 13 صدر ٹاؤن کے مکمل غیر حتمی غیر سرکاری نتائج کے مطابق پیپلز پارٹی کے امیدوار مرتضیٰ وہاب 3967 ووٹ لے کر کامیاب ہوگئے، جماعت اسلامی کے نورالسلام ایک ہزار 566ووٹ لےکر دوسرے نمبر پر رہے۔
ضلع ملیر گڈاپ ٹاؤن یو سی 7 میں 27 پولنگ سٹیشن کے غیر سرکاری اور غیر حتمی نتائج کے مطابق سلمان عبداللہ مراد 9ہزار 932 ووٹ لیکر کامیاب قرار پائے۔
جماعت اسلامی کے ایوب خاصخیلی کو 1350 ووٹ جبکہ پی ٹی آئی کے عبدالحفیظ جوکھیو کو 303 ووٹ ملے۔ ریٹرننگ آفیسر کے مطابق ٹی ایل پی کے صالح محمد نےایک ہزار 45ووٹ حاصل کیے۔
غیر سرکاری اور غیر حتمی نتائج کے مطابق ملیر یو سی 2 میں جنرل کونسلر کی نشست پر پی پی امیدوار اسماعیل بلوچ کو شکست ہوگئی، آزاد امیدوار محمد عمر کامیاب ہوئے۔
غیر سرکاری اور غیر حتمی نتائج کے مطابق کیماڑی یو سی 3 ماڑی پور میں پی پی کے سیف اللہ 5 ہزار 466 ووٹ لیکر چیئرمین منتخب ہوئے، ضلع ملیر گڈاپ ٹاؤن یو سی 1 میں جنرل کونسلر پر پی پی امیدوار 1596 ووٹ لیکر کامیاب ہوئے، ضلع وسطی یو سی 5 ناظم آباد میں جماعت اسلامی کے طلحہ احمد 364 ووٹ لیکر کامیاب ہوئے۔
یونین کمیٹی نمبر 12 صدر ٹاؤن کے غیر سرکاری غیر حتمی نتائج کے مطابق پیپلزپارٹی کے حمید حسین نے وائس چیئرمین کی نشست پر بڑا میدان مار لیا، حمید حسین نے 3250 ووٹ حاصل کئے، دوسرے نمبر پر جماعت اسلامی کے امتیاز خان صرف 757 ووٹ حاصل کرسکے۔
قادر پور یوسی کے وارڈ 2 میں جنرل کونسلر کے انتخاب کے غیر حتمی غیر سرکاری نتائج کے مطابق پیپلز پارٹی کے امیدوار 905 ووٹ لے کر کامیاب ہوئے، جے یو آئی کے امیدوار برکت بھٹو نے 412 ووٹ حاصل کئے۔
،سلمان مراد نے اے آر وائی نیوز سے گفتگو کرتے ہوئے کہا کہ پیپلز پارٹی نے ایسے تیر برسائے، جماعت اسلامی اور پی ٹی آئی والے یاد رکھیں گے، اب کراچی میں کام ہوتا ہوا نظر آئے گا، کراچی میں جلد بڑے منصوبے شروع کیے جائیں گے۔
کراچی : کراچی کے ضمنی بلدیاتی الیکشن میں پیپلزپارٹی 98یوسیز میں کامیابی کے بعد پہلی پوزیشن اور جماعت اسلامی 86 نشستوں کے ساتھ دوسری پوزیشن پر ہے۔
تفصیلات کے مطابق کراچی کے ضمنی بلدیاتی انتخابات کے بعد الیکشن کمیشننے پارٹی پوزیشن جاری کردی، جس کے تحت پیپلزپارٹی 98یوسیز میں کامیابی کے بعد پہلی پوزیشن پر آگئی۔
الیکشن کمیشن نے بتایا کہ جماعت اسلامی 4نشستیں حاصل کرکے 86 نشستوں کے ساتھ دوسرے نمبر اور پاکستان تحریک انصاف 41نشستوں کے ساتھ تیسرے نمبر پر ہے۔
الیکشن کمیشن کا کہناتھا کہ ضمنی بلدیاتی الیکشن میں پی ٹی آئی سمیت ن لیگ، جےیوآئی ،ٹی ایل پی، آزاد امیدوار کوئی نشست حاصل نہیں کرسکی۔
الیکشن کمیشن کے مطابق بلدیہ عظمیٰ کے ایوان میں ن لیگ7،جے یوآئی 3،ٹی ایل پی ایک اور ایک آزاد امیدوار ہے، منتخب246کے ایوان میں 9نشستیں مختلف عدالتوں کے حکم امتناع کی وجہ سے خالی ہیں۔
خیال رہے ضمنی بلدیاتی الیکشن میں کراچی کی تمام 11 یوسیز کے مکمل غیر سرکاری غیر حتمی نتائج کے مطابق پیپلز پارٹی نے 7 اور جماعت اسلامی نے 4 یوسیز پر کامیابی حاصل کی۔
ضمنی انتخاب کے نتائج کے بعد اب کراچی کی 246 یونین کونسلز میں سے 240 میں الیکشن نتائج مکمل ہو گئے ہیں، جب کہ 6 کے نتائج الیکشن کمیشن نے روک رکھے ہیں۔
کراچی: صوبہ سندھ میں دو مراحل پر ہونے والے ضمنی بلدیاتی الیکشن ملتوی کر دیے گئے۔
تفصیلات کے مطابق صوبہ سندھ کے 26 اضلاع میں ضمنی بلدیاتی انتخابات ہونا تھے تاہم دو مراحل پر ہونے والے یہ انتخابات ملتوی ہو گئے ہیں۔
الیکشن کمیشن آف پاکستان نے کہا ہے کہ کراچی سمیت سندھ کے مختلف اضلاع کے ضمنی بلدیاتی الیکشن 18 اپریل کو نہیں ہوں گے، شہر کراچی میں ضمنی بلدیاتی انتخاب اب 7 مئی 2023 کو ہوں گے۔
کراچی / پشاور : سندھ اور خیبرپختونخوا میں ضمنی بلدیاتی انتخابات کراچی میں ایم کیوایم پاکستان پہلے اور پیپلزپارٹی نے دوسرے نمبرپر رہی۔ ملیرمیں آزاد امیدوار نے پیپلزپارٹی کے امیدوار کو ہرا دیا، قائم علی شاہ کےحلقے خیرپور میں بھی پیپلز پارٹی کو شکست ہوگئی۔
تفصیلات کے مطابق سندھ اور خیبرپختونخوا میں ضمنی بلدیاتی انتخابات کے غیر سرکاری غیر حتمی نتائج کے مطابق کراچی میں ایم کیوایم پاکستان آگے ہے جبکہ پیپلز پارٹی دوسرے نمبر پر ہے۔
کراچی اور خیرپور میں اپ سیٹ سامنے آیا ہے۔ ملیر اور سابق وزیراعلٰی سندھ کے حلقے میں پیپلزپارٹی کو شکست کا سامنا کرنا پڑا وہاں آزاد امیدواروں نے میدان مار لیا۔
سندھ اور خیبر پختون خوا میں ہونے والے ضمنی بلدیاتی انتخابات میں غیر سرکاری غیرحتمی نتائج کے مطابق کراچی میں ایم کیوایم پاکستان کی سب زیادہ نشستیں ہیں۔ پیپلزپارٹی چار سیٹوں کے ساتھ دوسرے نمبر پر ہے۔ پی ٹی آئی، اےاین پی اور آزاد امیدوار نے ایک ایک نشست حاصل کی جبکہ ضلع ملیر میں بڑا اپ سیٹ ہوا۔
ڈسٹرکٹ کونسل کی نشست پر پیپلز پارٹی کے امیدوار عرفان احمد ہار گئے۔ آزاد امیدوار اسد عبدالرسول نے بازی مارلی۔ سکھر یوسی نو راجہ میں کونسلر کی نشست پرآزاد امیدوارآدم خان کامیاب نے میدان مار لیا۔
سوات یوسی سنگوٹہ دنگرام میں اے این پی کے سلطان روم جیت گئے، مردان میں یوسی ڈاگئی سے پی ٹی آئی کے شاہ زیب اور یوسی طورو سے اے این پی امیدوار ڈسٹرکٹ ممبر بن گئے۔
مردان میں پولیس کی موجود گی میں پولنگ کے دوران فائرنگ ہوئی۔ پولنگ ایجنٹوں کی تکرار پر گولیاں چلیں اور ملزمان فرار ہوگئے۔ عمرکوٹ میں پولنگ اسٹیشن مٹھوراجڑ پر ہنگامے کے بعد تین افراد گرفتار کرلیے گئے۔
کراچی: 23 دسمبر کو سندھ بھر میں ضمنی بلدیاتی الیکشن کے انتظامات مکمل کر لیے گئے، انتخابی سامان متعلقہ اضلاع میں پہنچا دیا گیا۔
تفصیلات کے مطابق صوبہ سندھ میں ضمنی بلدیاتی انتخابات کے لیے انتظامات مکمل کر لیے گئے ہیں، ضمنی انتخابات 23 دسمبر کو ہوں گے۔
جن اضلاع میں انتخابات ہو رہے ہیں، ان میں انتخابی سامان کی ترسیل بھی مکمل ہو گئی ہے۔
کراچی سمیت دیگر اضلاع میں 65 نشستوں پر ضمنی بلدیاتی انتخاب ہونا ہے، 5 لاکھ سے زائد مرد و خواتین ووٹرز حقِ رائے دہی استعمال کریں گے۔
ضمنی بلدیاتی الیکشن کے لیے متعلقہ حلقوں میں 389 پولنگ اسٹیشنز قائم کر دیے گئے، 28 سو سے زائد انتخابی عملہ الیکشن میں ڈیوٹی دے گا۔
کراچی کے 6 اضلاع میں چیئرمین، وائس چیئرمین اور کونسلرز نشستوں پر انتخاب ہوگا۔ خیال رہے کہ کراچی میں چیئرمینز کی 4 نشستیں رکن سندھ اسمبلی بننے والوں نے خالی کیں۔
بلوچستان میں ضمنی بلدیاتی انتخابات کا پہلا مرحلہ پر امن طور پر مکمل ہوگیا، اے آروائی نیوز نے اپنی روایت برقرار رکھتے ہوئے سب سے پہلے اپنے ناظرین تک الیکشن کا نتیجہ پہنچایا۔
بلوچستان میں خالی رہ جانے والی اٹھانوے نشستوں پر ضمنی انتخابات کا پہلا مرحلہ مکمل ہوگیا، ضمنی بلدیاتی انتخابات کیلئے پولنگ صبح آٹھ سے شام پانچ بجے تک جاری رہی۔
اے آر وائی نیوز نے الیکشن کا نتیجہ سب سے پہلے نشر کرنے کی روایت برقرار رکھی، غیر حتمی اور غیر سرکاری نتائج کے مطابق ہرنائی میں پشتونخوا ملی عوامی پارٹی چونتیس نشستوں پر کامیاب ہونے کے بعد پہلے نمبر پر ہے۔
لورالائی میں پشتونخوا میپ جب کہ دکی کے تین وارڈز میں نیشنل پارٹی کے امیدوار کامیاب قرار پائے، جعفرآباد میں ن لیگ کے امیدوار نے فنکشنل لیگ کے امیدوار کو شکست دی۔
ژوب کی یونین کونسل سباقزئی میں جے یوآئی نظریاتی بارکوال میں ن لیگ جب کہ مرغا وارڈ میں جے یوآئی ف کے امید وار کامیاب ہوئے، تیاریاں مکمل نہ ہونے کے باعث پشین میں ضمنی بلدیاتی انتخابات نہ ہوسکے۔
صوبائی الیکشن کمیشن کے مطابق ضمنی انتخابات کا پہلا مرحلہ پرامن طورپرمکمل ہوگیا ہے۔
الیکشن کمیشن نے بلوچستان میں ضمنی بلدیاتی انتخابات کرانے کا فیصلہ کرلیا، ایڈیشنل سیکرٹری الیکشن کمیشن شیر افگن کا کہنا ہے کہ انتخابی شیڈول آئندہ کچھ روز میں جاری کردیا جائے گا۔
الیکشن کمیشن نے بلوچستان میں خالی بلدیاتی نشستوں پر ضمنی انتخابات کرانے کا فیصلہ کرلیا ہے، جس کے لئے انتخابی شیڈول آئندہ کچھ روز میں جاری کردیا جائے گا۔
ایڈیشنل سیکرٹری الیکشن کمیشن شیر افگن کا کہنا تھا کہ پانچ سو انسٹھ میں سے تین سو تینتس نشستوں پر کسی امیدوار نے کاغذات داخل نہیں کرائے تھے، جس کے باعث یہاں انتخابات نہیں ہوئے۔
ان خالی نشستوں پر ضمنی انتخابات کروائے جائیں گے، شیر افگن نے کہا کہ خیبر پختونخوا نے بلدیاتی انتخابات کے لئے قانون سازی مکمل کرکے فروری کے پہلے ہفتے میں تفصیلات فراہم کر نے کی یقین دہانی کروائی ہے۔