Tag: طارق فضل چوہدری

اسلام آباد: مسلم لیگ ن کے رہنما طارق فضل چوہدری کا کہنا ہے کہ یوم یکجہتی کشمیر کو روایتی انداز سے آگے بڑھانے کا فیصلہ کیا ہے، اس بار شاہراہ دستور پر ایک بڑی واک منعقد کی جائے گی۔

تفصیلات کے مطابق مسلم لیگ ن کے رہنما طارق فضل چوہدری نے نیوز کانفرنس کرتے ہوئے کہا کہ یوم یکجہتی کشمیر پاکستان سمیت دنیا بھر میں منایا جاتا ہے . مقبوضہ کشمیر میں انسانی حقوق کی سنگین خلاف ورزیاں کی جارہی ہیں، تحریک آزادی کے دوران لاکھوں کشمیریوں کو شہید کیا جا چکا ہے۔

ن لیگی رہنما کا کہنا تھا کہ کشمیری عوام اپنے حق خودارادیت کے لیے جد وجہد کر رہے ہیں، بھارتی مظالم کیخلاف بھر پور آواز بلند کریں گے کہ کشمیری عوام کو استصواب رائے کا بنیادی حق دیا جائے۔

انھوں نے کہا کہ یہ دن پاکستان کی جانب سے سفارتی محاذ پر کشمیریوں کی حمایت کا اظہار ہے، مقبوضہ کشمیر میں آزادی کی تحریک تکمیل پاکستان کی جدو جہد ہے اور کشمیریوں کو استصواب رائے کا حق نہ ملنے تک پاکستان نامکمل ہے۔

طارق فضل کا کہنا تھا کہ مقبوضہ کشمیر میں زیادتیوں پر ہم بین الاقوامی برادری کی آواز کے منتظر ہیں، 15 اگست کو کشمیریوں کے حقوق پامال کیے گئے، ہم مقبوضہ کشمیر کے بھائیوں کے ساتھ کھڑے ہیں۔

ن لیگ نے کہا کہ یوم یکجہتی کشمیر کو روایتی انداز سے آگے بڑھانے کا فیصلہ کیا ہے، اس بار شاہراہ دستور پر ایک بڑی واک منعقد کی جائے گی۔

انھوں نے بتایا کہ 5 فروری کو پاکستان اور آزاد کشمیر میں سیمینار منعقد کیے جائیں گے، دفتر خارجہ نے فارن مشنز کو بھی بھارتی مظالم پر سیمینارز کی ہدایات جاری کر دیں، یوم یکجہتی کشمیر پر صوبائی دارالحکومتوں میں انسانی ہاتھوں کی زنجیریں بنائی جائیں گی۔

اسلام آباد : مسلم لیگ ن کے رہنما طارق فضل چوہدری نے وزیراعلیٰ علی امین گنڈاپور کو وارننگ دیتے ہوئے کہا اگروزیراعظم آج اعلان کریں تو آپ کااسلام آبادمیں داخلہ بندکر دیں گے۔

تفصیلات کے مطابق مسلم لیگ ن کے رہنما طارق فضل چوہدری نے پارلیمنٹ ہاؤس کے باہر میڈیا سے گفتگو کرتے ہوئے کہا کہ آج دو اہم نکات پر بات کروں گا، شاہی ٹولہ پاکستان میں مسلسل انتشار کی صورتحال پیدا کیا جارہا ہے۔

طارق فضل چوہدری کا کہنا تھا کہ یہ شاہی ٹولہ سیاسی، معاشی عدم استحکام پیدا کررہا ہے، بانی پی ٹی آئی نہیں تویہ پاکستان نہیں، کوئی پارٹی کارکن کیسےیہ کہہ سکتا ہے۔

ن لیگی رہنما نے کہا کہ علی امین گنڈاپور کے 2بیانات دیکھیں تو آپکو اندازہ ہو جائے گا، علی امین نے کہا کے پی میں لوڈ شیڈنگ ختم نہ کی توپیسکو پرقبضہ کرلوں گا، وزیراعلیٰ علی امین گنڈاپور کے پی پہلے بجلی چوری کرنے والوں کو پکڑیں، بانی پی ٹی آئی نے عثمان بزدار کے بعد علی امین گنڈاپور کا تحفہ دیا ہے۔

ان کا کہنا ت ھا کہ کےپی ہاؤس میں گورنرکے پی کا داخلہ ممنوع کرنےکی بات مضحکہ خیز ہے، وزیراعلیٰ کے پی کا یہ کہنا اسلام آباد پر حملہ کرکے قبضہ کروں گاقابل مذمت ہے۔

طارق فضل نے مزید کہا کہ ن لیگ منفی سیاست پریقین نہیں رکھتی،وزیراعلیٰ کے پی کہتے ہیں اسلام آباد پر یلغارکردیں گے ، اگرکسی نے یلغار کا سوچا تو نتائج بھگتنا ہوں گے، اگر وزیراعظم آج اعلان کریں تو آپ کااسلام آبادمیں داخلہ بند کر دینگے۔

پی ٹی آئی پر تنقید کرتے ہوئے ن لیگی رہنما کا کہنا تھا کہ کوئی کہہ رہا ہے اسٹیبلشمنٹ سےبات کرنی ہے اور اداروں پربراہ راست الزام بھی لگاتے ہیں۔

انھوں نے واضح کیا کہ مذاکرات کی بات کوقطعی طورپرکمزوری نہ سمجھاجائے، آپ مذاکرات کریں نہ کریں پاکستان نے آگے بڑھنا ہے۔

ن لیگی رہنما کا کہنا تھا کہ کےپی حکومت سوشل میڈیاپرسنسنی پھیلانےکیلئےہے، وزیراعلیٰ کےبیانات صرف سوشل میڈیاپرتوجہ حاصل کرنےکیلئے ہیں، جب سےیہ حکومت میں آئےکےپی میں کیاتبدیلی لیکرآئےہیں، انہیں تکلیف ہورہی ہےکہ پاکستان آگےبڑھ رہا ہے۔

انھوں نے مزید کہا کہ آج سیاسی ڈائیلاگ کی بات ہورہی ہے، پی ٹی آئی والوں کی عجیب منطق ہے، اداروں پرالزامات بھی لگانا ہے اور ان سے مذاکرات بھی کرنےہیں۔

اسلام آباد: عنزہ طارق کی نماز جنازہ آج شام 4 بجے ادا کی جائے گی، وزیر اعظم شہباز شریف نے گاڑی حادثے میں ان کے انتقال پر اظہار افسوس کیا ہے۔

تفصیلات کے مطابق وزیر اعظم شہباز شریف نے رہنما ن لیگ طارق فضل چوہدری کے بیٹے کے جاں بحق ہونے پر اظہار افسوس کیا ہے، انھوں نے عنزہ طارق کی وفات پر اہل خانہ سے دلی رنج و غم اور صدمے کا اظہار کیا، اور مرحوم کے درجات کی بلندی اور اہلخانہ کے لیے صبر جمیل کی دعا کی۔

دوسری طرف طارق فضل چوہدری کے بیٹے کی میت ان کی رہائش گاہ چک شہزاد پہنچا دی گئی ہے، نماز جنازہ شام 4 بجے ن لیگ سیکریٹریٹ پارک روڈ چٹھہ بختاور میں ادا کی جائے گی۔

وفاقی وزیر اطلاعات مریم اورنگزیب نے طارق فضل چوہدری کی رہائش گاہ جا کر ان سے بیٹے کے انتقال پر اظہار افسوس کیا، اسپیکر راجہ پرویز اشرف نے بھی طارق فضل کے بیٹے کی وفات پر اظہار افسوس کیا۔

اسپیکر راجہ پرویز نے کہا کہ مشکل کی اس گھڑی میں طارق فضل چوہدری اور دیگر اہل خانہ کے غم میں ہم برابر کے شریک ہیں، اللہ طارق فضل اور اہل خانہ کو جوان بیٹے کی موت پر صبر جمیل عطا فرمائے۔