سلاجیت معدنیات کے خزانے کا دوسرا نام ہے، یہ پودوں کے مادے اور معدنیات کو توڑنے کے طویل عمل کے بعد پیدا ہوتی ہے۔ یہ ایک کالے رنگ کا چپچپا اور ٹار نما مادہ ہے جو بلند پہاڑوں کے پتھروں سے آتا ہے۔
اس کے کیا فوائد ہیں اور اس کو استعمال کرنے کے کیا طریقے ہیں اس حوالے سے اے آر وائی نیوز کے پروگرام باخبر سویرا میں حکیم نذیر نے تفصیلات بیان کیں۔
انہوں نے بتایا کہ سلاجیت ایک ایسی بوٹی ہے جو جادوئی فوائد رکھتی ہے جنوبی ایشیا میں اس حیرت انگیز جڑی بوٹی کا استعمال ہزاروں سال سے کیا جا رہا ہے۔
یہ چیز مردوں اور خواتین کی جسمانی صحت کو مضبوط بنا کر انہیں مختلف بیماریوں سے دور رکھنے میں بہترین معاون ثابت ہوسکتی ہے۔
View this post on Instagram
حکیم نذیر نے بتایا کہ سلاجیت میں 85 سے زائد مختلف قسم کے معدنیات کے ساتھ فولک ایسڈ اور ہیمک ایسڈ بھی بھرپور مقدار میں پایا جاتا ہے، اس کے سائیڈ افیکٹس نہ ہونے کے برابر ہیں۔
اس کے استعمال سے متعلق انہوں نے بتایا کہ آپ نے ایک ماش کی دال کے دانے سے زیادہ اسے استعمال نہیں کرنا اسے ایک گلاس دودھ میں دال کر پینا ہے اور وہ بھی 24 گھنٹے میں ایک صرف ایک مرتبہ۔
بلڈ پریشر کے مریض اس کا استعمال بالکل بھی نہ کریں، کیونکہ جب 85 معدنیات پیٹ کے اندر جاتے ہیں تو وہ ویسے بھی بلڈ پریشر تھوڑا بڑھ جاتا ہے۔
اس لیے جن کا بلڈ پریشر پہلے سے زیادہ ہو تو وہ بالکل بھی استعمال نہ کریں۔ ان کے مطابق اس کے علاوہ دل کے امراض میں مبتلا لوگ بھی اس کا استعمال نہیں کرنا چاہیے۔
