Tag: طالبان حکومت

دوحہ معاہدے پر دستخط کے 4 سال گزر چکے مگر طالبان حکومت نے اس معاہدے پر کوئی پیش رفت نہ کی بلکہ اپنےوعدوں سے ہی مکر گئے۔

طالبان رجیم کے بعد خطے میں بگڑتی امن وامان کی صورتحال کومدنظررکھتےہوئے تاریخی دوحہ معاہدہ کیا گیا۔

پچھلی کئی دہائیوں سے خطے بالخصوص افغانستان کے پڑوس ممالک کو افغان سرزمین سےدہشتگردی کاسامنا ہے، 29فروری 2020 کوامریکا اور عبوری افغان حکومت کے درمیان تاریخی دوحہ معاہدے پر دستخط کیےگئے
اور دوحہ معاہدہ دونوں جانب سےحتمی رضامندی سے کیا گیا تھا۔

معاہدے کا مقصد علاقے میں امن و استحکام کو یقینی بنانااوردو دہائیوں سےجاری لڑائی کو ختم کرنا تھا، دوحہ معاہدے کے بنیادی اصولوں میں دہشت گردوں کو افغان سرزمین کسی بھی ریاست کے خلاف استعمال کرنےکی اجازت نہ دینا، افغانستان سے دوسرے ممالک کو محفوظ پناہ گاہوں اور دہشتگردوں کی حوصلہ افزائی نہ کرنا شامل ہیں۔

طالبان رجیم میں دوحہ معاہدے کی دھجیاں اڑا دی گئی جبکہ افغانستان کی موجودہ صورتحال معاہدے کےبالکل برعکس ہے، دوحہ معاہدےپردستخط کے 4 سال گزر چکے مگر طالبان حکومت نے اس معاہدے پر کوئی پیش رفت نہ کی بلکہ اپنےوعدوں سے ہی مکر گئے۔

امریکا نے تشویش کا اظہار کرتےہوئے طالبان حکومت پر تحفظات کا اظہار کیا اور کہا کہ طالبان دوحہ معاہدے کی سنگین خلاف ورزی کر رہے ہیں۔

افغانستان سے حالیہ دہشت گردی کی نئی لہر جنم لینے پر یہ ثابت ہو گیا کہ طالبان حکومت دوحہ معاہدے کو لے کر سنجیدہ نہیں ، افغانستان ہمیشہ سے ہی پاکستان کیلئےمشکلات کا باعث رہا ہے اور طالبان حکومت میں اب افغان سرزمین پاکستان کے خلاف دہشت گردی کے لیے بھی استعمال ہو رہی ہے۔

افغانستان افراتفری اور انتشار کا ایک گڑھ بن چکا ہے جہاں ہر طرح کی دہشت گردی پائی جاتی ہے ، اگست 2021 میں تحریک طالبان افغانستان (ٹی ٹی اے) کے اقتدار سنبھالنے کے بعد سے پاکستان میں دہشت گردی کی کارروائیوں میں نمایاں اضافہ ہوا ہے
پاکستان کی جانب سے افغان سرزمین پر ٹی ٹی پی کے دہشت گردوں کی موجودگی کے ثبوت اور ان کی حوالگی کے بار بار مطالبات کے باوجود افغان طالبان نے دہشت گردی کے دیرینہ مسئلے کو پاکستان کا اندرونی معاملہ قرار دیتے ہوئے مسلسل نظر انداز کیا ہے۔

دوحہ معاہدے کی شرائط کے پیش نظر، عبوری افغان حکومت اخلاقی طور پر افغانستان میں موجود دہشت گرد تنظیموں کے خلاف کارروائی کرنے کی پابند ہے اور خطے میں امن و امان کی صورتحال کو برقرار رکھنے کے لیے طالبان حکومت کے لئے دوحہ معاہدے کو پورا کرنا ناگزیر بن چکا ہے۔

طالبان حکومت کی جانب سے تعلیم پر پابندی کے بعد ہزاروں افغان خواتین نے آن لائن مطالعاتی پروگراموں کا رخ کرلیا۔

تفصیلات کے مطابق طالبان حکومت کےاقتدارمیں آنےکےبعدخواتین گھروں تک محدودہوکررہ گئیں، طالبان حکومت نے افغان خواتین پر تعلیم کےدروازے بن کئے تو انہوں نےآن لائن پروگراموں کا رخ کرلیا۔

پابندی میں توسیع کے بعدانٹرنیٹ پرمبنی کورس فراہم کرنے والےانگریزی زبان،سائنس،کاروبارمیں کورسزکی مانگ میں اضافہ ہوا

برطانیہ میں قائم آن لائن لرننگ پلیٹ فارم کے مطابق تیتیس ہزارافغان طالب علموں کا اندراج کیا ہے،جن میں زیادہ ترخواتین ہیں۔

یونیورسٹی آف دی پیپل رپورٹ میں کہا گیا کہ گزشتہ سال اکیس ہزارسےافغان خواتین نےڈگری کورسز کےلیےدرخواستیں دیں،افغان خواتین خطرات، انٹرنیٹ کنیکٹیویٹی اور بجلی کی فراہمی کےچیلنجز کےباوجود تعلیم حاصل کرنے کے لیےکوشاں ہیں۔

گیلپ سروے کے مطابق افغانستان میں صرف چھ فیصد خواتین انٹرنیٹ کی رسائی ہے اور دیہی علاقوں میں یہ تعداد دوفیصد رہ گئی ہے۔

طالبان اسلامی قانون کی تشریح کا حوالہ دیتےہوئےخواتین کی تعلیم پرپابندیوں کاجوازپیش کرتے ہیں۔

یونیسیف رپورٹ کے مطابق تعلیم کی پابندی سے10لاکھ سےزیادہ لڑکیاں متاثر ہوئی ہیں تاہم طالبان حکومت کی تعلیمی پابندیوں کوعالمی سطح پر اسلامی اسکالرزکی جانب سے مذمت کاسامنا ہے۔

افغانستان میں طالبان حکومت نے پابندیوں میں اضافہ کرتے ہوئے خواتین کے بامیان کے بند امیر نیشنل پارک میں گھومنے پر بھی پابندی لگادی۔

افغان وزیر خالد حنفی کا کہنا ہے کہ خواتین کی حجاب کی خلاف ورزیوں کی شکایات سامنے آنا پر یہ فیصلہ کیا، مخلتف مکاتبِ فکر کے علماء کرام کے مطالبے پر پابندی لاگئی گئی ہے، بے حجاب خواتین کو بند امیر جانے سے منع کیا گیا ہے۔

دوسرہ جانب یومن رائٹس واچ نے اس پابندی کوافغان خواتین پرعائد پابندیوں کی بڑھتی ہوئی فہرست میں تازہ ترین قرار دیا ہے۔

یاد رہے کہ افغانستان میں لڑکیوں کی تعلیم سمیت خواتین کی نوکری پر بھی پہلے ہی پابندی ہے، افغان خواتین کیلئے بیوٹی پارلرز، باتھ ہاؤسز، جم اور پارکس سمیت عوامی مقامات کی بڑی تعداد کو بھی بند کردیا گیا ہے۔

واضح رہے کہ بند امیر نیشنل پارک سیاحوں کی توجہ کا مرکز ہے، جو دوہزار نو میں افغانستان کا پہلا نیشنل پارک بنا تھا۔

کابل : افغانستان میں طالبان حکومت نے آلات موسیقی جلانا شروع کر دیے، جس کی تصاویر سوشل میڈیا پر وائرل ہوگئیں۔

تفصیلات کے مطابق افغانستان بھر میں ہزاروں بیوٹی سیلون بند کرنے کے بعد طالبان حکومت نے آلات موسیقی جلانا شروع کر دیے۔

سوشل میڈیا پر وائرل تصاویر میں موسیقی کے متعدد آلات بشمول گٹار، ہارمونیم کو جلتے اور طالبان کے اہلکاروں کو دیکھا جاسکتا ہے۔

افغان میڈیا کے مطابق طالبان کی مذہبی پولیس نے مغربی صوبے ہرات میں مبینہ طورپر موسیقی کے متعدد آلات جلا دیے۔

افغان وزارت برائے امر بالمعروف ونہی عن المنکرکے صوبائی سربراہ شیخ عزیز الرحمان کا کہنا ہے کہ موسیقی نوجوانوں کی گمراہی اور معاشرے کی تباہی کا باعث بنتی ہے اور لوگ بدعنوان ہو سکتے ہیں۔

طالبان حکومت اس سے قبل نوعمر لڑکیوں اور خواتین کے اسکولوں اور یونیورسٹیوں میں جانے پر پابندی لگا چکا ہے، اور ان کے پارکس، کھیل کے میدانوں اور جم جانے پر بھی پابندیاں ہیں