Tag: طاہر اشرفی

  • پاکستان کو نقصان پہنچانے والے ہاتھ کو کاٹ دیا جائے گا: طاہر اشرفی

    پاکستان کو نقصان پہنچانے والے ہاتھ کو کاٹ دیا جائے گا: طاہر اشرفی

    چیئرمین پاکستان علما کونسل حافظ طاہر محمود اشرفی نے جو ہاتھ پاکستان کو نقصان پہنچانے کیلئے بڑھے گا اُسے کاٹ دیا جائے گا۔

    تفصیلات کے مطابق چیئرمین پاکستان علما کونسل حافظ طاہر محمود اشرفی نے اپنے بیان میں کہا ہے کہ وطن عزیز کا دفاع، سلامتی اور استحکام مضبوط ہاتھوں میں ہے۔

    چیئرمین علما کونسل طاہر اشرفی کا کہنا ہے کہ پاک افواج نے ثابت کردیا جو ہاتھ پاکستان کو نقصان پہنچانے کیلئے بڑھے گا اُسے کاٹ دیا جائے گا۔

    چیئرمین پاکستان علما کونسل حافظ طاہر محمود اشرفی نے کہا ہے کہ افواج پاکستان کی بھارت میں کامیابی پر پوری قوم شکرانے کے نوافل ادا کرے۔

    حافظ طاہر اشرفی نے کہا کہ ، اللّٰہ تعالی نے پاکستان، افواج پاکستان اور مسلم امہ کو عظیم کامیابی دی، پوری دنیا کو بتا دیا کہ پاکستان کا دفاع مضبوط ہاتھوں میں ہے۔

    پاک بھارت کشیدگی سے متعلق تمام خبریں

    واضح رہے کہ پاکستان کی بھارتی جارحیت کے خلاف جوابی کارروائی جاری ہے، پاکستان کی جانب سے نماز فجر کے وقت آپریشن ’بُنۡیَانٌ مَّرْصُوْص‘ کا آغاز کیا گیا، آپریشن میں پاک فوج نے بھارت کے علاقے بیاس میں براہموس میزائل اسٹوریج سائٹ کو تباہ کر دیا ہے۔

    پاک فوج نے ادھم پور ایئربیس اور پٹھان کوٹ میں ایئر فیلڈ کو ملیامیٹ کر دیا، اس کے علاوہ اڑی سیکٹر میں بھارت کے سپلائی ڈپو کو نیست و نابود کر دیا، جوابی حملے میں بھارت کا بریگیڈ ہیڈ کوارٹرز کے جی ٹاپ کو بھی تباہ کر دیا گیا، آدم پور کی ایئر فیلڈ کو بھی تباہ کر دیا گیا ہے، جہاں سے بھارت نے امرتسر میں سکھوں، پاکستان اور افغاستان پر میزائل داغے گئے تھے۔

  • 9 اگست کو ملک بھر میں یوم یکجہتی کشمیر منایا جائے گا، طاہر اشرفی

    9 اگست کو ملک بھر میں یوم یکجہتی کشمیر منایا جائے گا، طاہر اشرفی

    لاہور: پاکستان متحدہ علماء کونسل کے سربراہ طاہر اشرفی نے کہا ہے کہ 9 اگست کو ملک بھر میں یوم یکجہتی کشمیر منایا جائے گا۔

    تفصیلات کے مطابق متحدہ علماء کونسل کے سربراہ طاہر اشرفی نے لاہور میں پریس کانفرنس کرتے ہوئے کہا کہ بھارت نے مقبوضہ کشمیر میں فورسز بڑھادی ہیں، کلسٹر بموں کے استعمال پر پاکستان اور امن پسند ممالک خاموش نہیں رہ سکتے، 9 اگست کو ملک بھر میں یوم یکجہتی کشمیر منائیں گے۔

    انہوں نے کہا کہ سیاسی اور دیگر اختلافات اپنی جگہ ہیں، پوری قوم پاک فوج کے ساتھ کھڑی ہے، بھارت نے کوئی جارحیت کی تو بھرپور جواب ملے گا۔

    حافظ طاہر اشرفی نے کہا کہ موجودہ حالات میں او آئی سی کا کردار اہم ہے، پاکستانی قوم حکومت کی قیادت میں کشمیریوں کے ساتھ ہے، بھارت اور اسرائیل کا ظلم ختم ہونے والا ہے۔

    مزید پڑھیں: قومی سلامتی کمیٹی اجلاس: بھارت کی جارحیت کا منہ توڑ جواب دینے کا فیصلہ

    انہوں نے کہا کہ سعودی عرب اور ترکی سمیت دیگر اسلامی ممالک کشمیریوں کے ساتھ کھڑے ہوں، وزیراعظم عمران خان کے دورہ امریکا سے مسئلہ کشمیر کو عالمی سطح پر تقویت ملی ہے۔

    حافظ طاہر اشرفی نے کہا کہ بھارت ایل او سی کی خلاف ورزی کرکے دہشت گردی کررہا ہے، اقوام متحدہ اور او آئی سی اجلاس طلب کرکے بھارت کے خلاف ایکشن لیں۔

    انہوں نے مطالبہ کیا کہ یورپی یونین اور اقوام متحدہ اپنے مبصرین کشمیر بھیجیں اور عالمی طاقتیں کشمیریوں پر مظالم روکنے میں اپنا کردار ادا کریں۔

    حافظ طاہر اشرفی نے حاصل بزنجو پر تنقید کرتے ہوئے کہا کہ ان کے پاس ثبوت ہیں تو الزام لگانے کے بجائے عدالت جائیں، سیاست دان اپنا کردار بھی دیکھیں، قومی سلامتی کے اداروں کو اپنا کام کرنے دیں۔

  • کسی جماعت کو ختمِ نبوت کے نام پر سیاست نہیں کرنے دیں گے: پاکستان علما کونسل

    کسی جماعت کو ختمِ نبوت کے نام پر سیاست نہیں کرنے دیں گے: پاکستان علما کونسل

    اسلام آباد: وفاقی دار الحکومت میں منعقدہ پاکستان علما کونسل کی کانفرنس کے اختتام پر جاری اعلامیے میں کہا گیا ہے کہ کسی جماعت کو ختمِ نبوت کے نام پر سیاست نہیں کرنے دی جائے گی۔

    تفصیلات کے مطابق پاکستان علما کونسل نے کہا ہے کہ توہینِ رسالت روکنے کے لیے ہر حد تک جائیں گے، کسی جماعت کو ختمِ نبوت کے نام پر سیاست نہیں کرنے دیں گے۔

    پاکستان علما کونسل نے اعلامیے میں کہا ہے کہ ہم ہر قسم کی دہشت گردی کی مذمت کرتے ہیں، سپہ سالار اور فرقوں کے خلاف پروپیگنڈا کرنے والے ملک دشمن ہیں۔

    پاکستان علما کونسل کی کانفرنس میں علما نے افغان امن عمل کے لیے پاکستان کی کوششوں کو بھی سراہا۔

    یہ بھی پڑھیں:  طاہر محمود اشرفی کے اکاؤنٹس میں مشتبہ ٹرانزکشن، ایف آئی اے نے طلب کرلیا

    یاد رہے کہ گزشتہ ماہ کے آغاز میں چیئرمین پاکستان علما کونسل حافظ محمد طاہر اشرفی نے تحریکِ انصاف کی حکومت سے مکمل تعاون کا اعلان کیا تھا۔ طاہر اشرفی کا کہنا تھا کہ وزیرِ اعظم عمران خان کی نیت پر شک نہیں، موجودہ حکومت ملک کو بحرانوں سے نکالنے کے لیے عملی اقدامات اٹھا رہی ہے۔

    حافظ طاہر اشرفی کا کہنا تھا کہ 70 سالوں کی مہنگائی 70 دنوں میں ختم نہیں ہو سکتی اس کے لیے وقت درکا ر ہے۔

  • پاکستان علماء کونسل سیاسی جماعت کے طور پر رجسٹرڈ

    پاکستان علماء کونسل سیاسی جماعت کے طور پر رجسٹرڈ

    اسلام آباد : سیاسی میدان میں ایک اور پارٹی کا اضافہ، حافظ محمد طاہر اشرفی کی جماعت پاکستان علماء کونسل الیکشن کمیشن میں بطور سیاسی جماعت رجسٹرڈ ہوگئی۔

    تفصیلات کے مطابق الیکشن کمیشن آف پاکستان نے پاکستان علماء کونسل کو سیاسی جماعت کے طور پر رجسٹرڈ کرتے ہوئے اس کا نوٹیفیکشن بھی جاری کردیا ہے، الیکشن کمیشن آف پاکستان کے ریکارڈ کے مطابق علامہ طاہر محمد اشرفی پارٹی کے چیئرمین ہیں۔

    الیکشن کمیشن میں اس نئی سیاسی جماعت کے اضافے کے بعد ملک بھر میں رجسٹرڈ سیاسی جماعتوں کی تعداد دو سو چالیس سے زیادہ ہوگئی ہے جس کے بعد پاکستان کو سب سے زیادہ سیاسی جماعتوں رکھنے والے ممالک میں سرفہرست آگیا ہے۔

    واضح رہے پاکستان علماء کونسل ملک کے چاروں صوبوں بشمول آزاد کشمیر گلگت، بلتستان میں بطور مذہبی جماعت گزشتہ 23 سال سے کام کررہی ہے ، اس جماعت میں مختلف مکاتب فکر اور فرقوں سے تعلق رکھنے والے 25 ہزار سے زائد علماء جماعت کے نظریے کا پرچار کررہے ہیں۔

    حافظ محمد طاہر اشرفی کے منشور کے مطابق وہ اسلامی شدت پسندی فرقہ واریت کے خلاف ہے اور معاشرے میں تمام انسانوں کے حقوق کے لیے ہمیشہ آواز بلند کرتی ہے، ملک کے مختلف علاقوں میں اس جماعت کے کارکنان موجود ہیں۔

  • حکومت اور تنظیمات مدارس دینیہ کا اہم اجلاس30دسمبر کو طلب

    حکومت اور تنظیمات مدارس دینیہ کا اہم اجلاس30دسمبر کو طلب

    اسلام آباد: حکومت نے تنظیمات مدارس دینیہ کے ساتھ اہم اجلاس تیس دسمبر کو اسلام آباد میں طلب کر لیا ہے۔

    ذرائع کے مطابق اجلاس میں وزیر داخلہ چوہدری نثار ،وزیر مذہبی امور سردار محمد یوسف،سیکرٹری داخلہ،سیکرٹری مذہبی امور ،چاروں صوبوں کے ہومز سیکریٹریز اور محکمہ اوقاف کے حکام شرکت کریں گے۔ اجلاس میں دینی مدارس کی تمام تنظیمات کے ذمہ داروں کو بھی شرکت کی دعوت دی گئی ہے۔ ذرائع کے مطابق اجلاس میں دینی مدارس اصلاحات ،ملک میں دہشت گردی سے نمٹنے کیلئے حکومتی اقدامات پر تبادلہ خیال کیا جائے گا۔

  • مدارس اورمساجد کیخلاف سازش بند کی جائے،مولانا طاہر اشرفی

    مدارس اورمساجد کیخلاف سازش بند کی جائے،مولانا طاہر اشرفی

    لاہور:پاکستان علماء کونسل کے چیئرمین مولانا طاہر اشرفی نے کہا ہے کہ دہشت گردی کیخلاف جنگ کی آڑ میں مدارس اور مساجد کو بدنام کرنے کی مذموم سازش بند کی جائے۔

    لاہور میں میڈیا سے گفتگو کرتے ہوئے پاکستان علماء کونسل کے چیئرمین مولانا طاہر اشرفی کا کہنا تھا کہ حکومت دہشت گردی میں ملوث مدارس اور مساجد کی تفصیلات منظر عام پر لائے۔

    وزیر داخلہ نے 10 فیصد مدارس کو دہشت گردی میں ملوث قرار دیا، ان کی تفصیلات میڈیا کو مہیا کی جانی چاہیئیں۔ انہوں نے کہا کہ دہشت گردی کے خلاف جنگ کی آڑ میں مدارس اور مساجد کو بدنام کرنے کی مذموم سازش بند کی جائے۔

    علماء اور عوام بھی اب دہشت گردی کیخلاف منہ بند نہ رکھیں۔انہوں نے کہا کہ وفاق المدارس سے منسلک 73 ہزار مساجد مدارس نے دہشت گردی کیخلاف فتوے دیئے ہیں۔