کراچی: تحریک انصاف کے چیئرمین عمران خان نے کہا ہے کہ پاکستانی حکومت کو فوری طور پر برطانیہ سے رابطہ کرنا چاہیے برطانیہ کو بتایا جائے کہ ان کی سرزمین سے پاکستان کے میڈیا ہائوسز پر حملوں کا حکم دیا گیا۔
British govt should be asked to take action… by arynews
اے آر وائی نیوز سے ٹیلی فونک گفتگو کرتے ہوئے عمران خان نے کہا کہ میڈیا ہائوسز پر حملہ دہشت گردی ہے،وزارت داخلہ فوری ایکشن لے اور برطانیہ سے رابطہ کرے، برطانیہ کو بتایا جائے کہ آپ کا شہری یہاں دہشت گردی پھیلارہا ہے۔
انہوں نے کہا کہ الطاف حسین سے ایم کیو ایم والے بھی خوف زدہ ہیں، ان کی بھی ٹارگٹ کلنگ کردی جاتی ہےلندن سے لوگوں کے زندہ رہنے یا مار دینے کے فیصلے صادر ہوتے ہیں، ایم کیو ایم کی اکثریت ایسی سیاست کرنی کی حامی نہیں، قائد ایم کیو ایم نے بھارت میں جا کر کہا تھا کہ پاکستان بننا بڑا ظلم تھا۔
عمران خان کا مزید کہنا تھا کہ پولیس سے توقع نہیں صرف رینجرز ہی کارروائی کرسکتی ہے،کسی کو اس بات کی اجازت نہیں ہونی چاہیے کہ انتشار پھیلائے۔
حملہ آوروں کے خلاف سخت کارروائی کی جائے، ڈاکٹر طاہر القادری
Qadri demands strict action against protesters… by arynews
عوامی تحریک کے سربراہ ڈاکٹر طاہر القادری نے کہا ہے کہ میڈیا ہاوئسز پر حملے کی مذمت کرتا ہوں، جنہوں نے یہ حملہ کیا ہے ان کے خلاف سخت کارروائی کی جائے۔
انہوں نے کہا کہ حملے کے پیچھے ایک بیک گرائونڈ ہے، خاص طور پر آپ ہی کو نشانہ بنانا ایک تسلسل ہے کیوں کہ اے آر وائی پاکستان کی بقا و سالمیت کے لیے بات کرتا ہے,صحافت اس وقت تک آزادی نہیں ہوگی جب تک پیمرا آزاد نہیں ہوگا، جب حکومت اپنا بندہ وہاں بٹھا دے گی تو آزادی صحافت کیسے ممکن ہے؟
حملہ ناقابل برداشت ہے، شیخ رشید
عوامی مسلم لیگ کے سربراہ شیخ رشید نے اے آر وائی نیوز سے ٹیلی فونک گفت گو میں کہا کہ یہ عمل ناقابل برداشت ہے،حالت اس نہج پر ہیں کہ حکومت کو فیصلہ کرنا ہوگا۔
