کراچی: صدر مملکت آصف زرداری کی طبیعت اچانک خراب ہو گئی ہے، جس کی وجہ سے انھیں نجی اسپتال منتقل کر دیا گیا ہے۔
پاکستان پیپلز پارٹی کے ذرائع کا کہنا ہے کہ صدر آصف علی زرداری کو رات گئے کلفٹن میں واقع نجی اسپتال منتقل کیا گیا ہے، رات گئے ان کی طبیعت اچانک خراب ہو گئی تھی۔
ذرائع پی پی نے بتایا کہ آصف زرداری کا علاج جاری ہے، نجی اسپتال میں ان کے متعدد ٹیسٹ کیے گئے ہیں، ڈاکٹروں کا کہنا ہے کہ بخار اور انفیکشن کے لیے ٹیسٹ کیے گئے ہیں، صدر مملکت کو بخار محسوس ہو رہا تھا۔
بانی پی ٹی آئی اور بشریٰ بی بی سے عید کے دن کوئی ملنے جیل نہیں آیا
ڈاکٹروں کے مطابق میڈیکل رپورٹ کے سامنے آنے کے بعد ہی حتمی طور پر کچھ کہا جا سکے گا، ذرائع کا کہنا ہے کہ آصف زرداری کلفٹن کے نجی اسپتال میں زیر علاج ہیں، جہاں پولیس اور قانون نافد کرنے والے ادارے سیکیورٹی پر موجود ہیں۔
