Tag: طبی معائنہ

راولپنڈی : بانی پی ٹی آئی کا اڈیالہ جیل میں آج طبی معائنہ کیا جائے گا تاہم ان سے ڈاکٹرز کےعلاوہ کسی کوملاقات کی اجازت نہیں ہوگی۔

تفصیلات کے مطابق بانی پی ٹی آئی کا اڈیالہ جیل میں آج طبی معائنہ کیا جائے گا، جس کے لئے پمز اسپتال کے ماہر ڈاکٹرز پر مشتمل ٹیم اڈیالہ جیل کچھ دیر بعد پہنچے گی۔

اڈیالہ جیل میں طبی معائنے سے متعلق بانی پی ٹی آئی کو مطلع کر دیا گیایے، ڈاکٹرز کی ٹیم ان کا مکمل طبی معائنہ اور مختلف ٹیسٹ بھی کرے گی۔

ڈاکٹرز اور پیرا میڈیکل اسٹاف کی فہرست بھی حتمی طور پر مکمل کر لی گئی ہے ، عمران خان سے ڈاکٹرز کے علاوہ کسی کو ملاقات کی اجازت نہیں ہو گی۔

اس سلسلے میں جیل انتظامیہ نے سیکیورٹی کے سخت انتظامات میں تیاریاں مکمل کر لی ہے۔

گزشتہ رات وزیر داخلہ محسن نقوی نے چئیرمن پی ٹی آئی بیرسٹر گوہر کو فون کر کے عمران خان  کے طبی معائنے کی یقین دہانی کرائی تھی، جس کے بعد پی ٹی آئی کی جانب سے آج کا احتجاج ملتوی کرنے کا اعلان کیا گیا تھا۔

بانی پی ٹی آئی کی اہلیہ بشریٰ بی بی کے طبی معائنے کے بعد سامنے آنے والے حقائق کو تحریک انصاف نے تشویشناک قرار دے دیا۔

تفصیلات کے مطابق پاکستان تحریک انصاف کے ترجمان کا کہنا تھا کہ طبی معائنے میں ابتدائی طور پر سامنے آنے والے حقائق تشویشناک ہیں، خوراک کی نالی اور معدے میں تیزاب کی زائد مقدار سے پیدا زخم واضح ہیں۔

ترجمان نے کہا کہ بشریٰ بی بی کو تیزاب یا زہریلا مواد ملا کھانا دیے جانے سے زخم ہوئے، زہریلا مواد ملا کھانا کھانے سے بشریٰ بی بی کے منہ پر اثرات تاحال باقی ہیں۔

پاکستان تحریک انصاف کے ترجمان نے کہا کہ ثابت ہوگیا ہے کہ بشریٰ بی بی کی صحت اور جان سنگین خطرات کا شکار ہیں۔

بشریٰ بی بی کو مزید قید میں رکھنا جان کو خطرے میں ڈالنے کے مترادف ہے۔ بشریٰ بی بی کو زہریلا مواد دیے جانے کے معاملے کی تحقیقات کرائی جائیں۔

اسلام آباد : سابق وزیراعلیٰ پنجاب چوہدری پرویز الہی کے طبی معائنہ کیلئے میڈیکل بورڈ تشکیل دے دیا گیا، امراض قلب، میڈیسن، معدہ، سینہ، جنرل سرجری کے ڈاکٹرز بورڈ میں شامل ہیں۔

تفصیلات کے مطابق پمز اسپتال میں سابق وزیراعلیٰ پنجاب چوہدری پرویز الہی کے طبی معائنہ کیلئے میڈیکل بورڈ تشکیل دے دیا گیا۔

اسپتال زرائع نے بتایا ہے کہ پرویز الہی کیلئے پانچ رکنی میڈیکل بورڈ تشکیل دیا گیا ہے، امراض قلب، میڈیسن، معدہ، سینہ، جنرل سرجری کے ڈاکٹرز بورڈ میں شامل ہیں۔

ڈاکٹر ممتاز نیازی، ڈاکٹر تاشفین، ڈاکٹر اسرار ، ڈاکٹر اختر بندیشہ، ڈاکٹر علی عارف میڈیکل بورڈ میں شامل ہیں۔

میڈیکل بورڈ نے پرویز الہی کے کارڈیک ٹیسٹ کرانے کی تجویز دی ہے ، پرویز الہی کا ایکو کارڈیوگرام، دل کے بلڈ ٹیسٹ کئے جائیں گے۔

میڈیکل بورڈ ٹیسٹ رپورٹس کی بنیاد پر پرویز الہی کا علاج کرے گا، پرویز الہی کا دو ماہ قبل آر آئی سی میں تھیلم سکین ہو چکا ہے، ان کی تھیلیم سکین رپورٹ نارمل تھی۔

پمز منتقلی پر پرویز الہی کی ای سی جی،شوگر، بلڈ ٹیسٹ ہوئے تھے، رپورٹس کی بنیاد پر پرویز الہی کے اسپتال داخلے کا فیصلہ ہوا تھا،چوہدری پرویز الہی کو سینے میں درد کی شکایت ہے۔

پرویز الہی طویل عرصہ سے شوگر، عارضہ قلب میں مبتلا ہیں جبکہ اڈیالہ جیل میں گرنے سے چوہدری پرویز الہی کی تین پسلیاں فریکچر ہیں، ان کو پہلے سے جاری ادویات دی جا رہی ہیں، وہ پمز کارڈیک سنٹر کے پرائیویٹ روم میں زیرعلاج ہیں۔