ARYNews.tv | Urdu – Har Lamha Bakhabar

Tag: طبی معائنہ

  • نوازشریف کی حالت بدستورتشویشناک ،میڈیکل بورڈ آج طبی معائنہ کرے گا

    نوازشریف کی حالت بدستورتشویشناک ،میڈیکل بورڈ آج طبی معائنہ کرے گا

    لاہور :سروسزاسپتال میں زیر علاج سابق وزیراعظم نواز شریف کی حالت بدستور تشویشناک ہے، میڈیکل بورڈ آج طبی معائنہ کرے گا، گزشتہ روزنوازشریف کو پہلی بار ڈاکٹروں نے واک کرنے کی اجازت دی۔

    تفصیلات کے مطابق سابق وزیراعظم نواز شریف کو سروسزاسپتال میں داخل ہوئے آج بارہواں روز ہے ، میڈیکل بورڈ میاں نوازشریف کا آج 11 بجے طبی معائنہ کرے گا۔

    پروفیسرمحمودایاز کا کہنا ہے کہ نوازشریف کی طبیعت دن بدن بہتری کی طرف جارہی ہے اور ان کےپلیٹ لیٹس55ہزارتک پہنچ گئے ہیں۔

    اسپتال ذرائع کے مطابق گزشتہ روز نوازشریف کو پہلی بار ڈاکٹروں نے واک کرنےکی اجازت دی، نوازشریف نےڈاکٹروں کی نگرانی کےبغیرواک بھی کی،ا
    واک کرانےکامقصدان کی صحت سےمتعلق بہتری جاننا تھا جبکہ نوازشریف کے دل، گردے، بلڈپریشر اور شوگر کے مسائل اپنی جگہ ہیں۔

    دوسری جانب سابق وزیراعظم کے ذاتی معالج نے سماجی رابطے کی ویب سائٹ ٹوئٹر پر اپنے بیان میں کہا نوازشریف کی حالت بدستورتشویشناک ہے، علاج کرنے والے ڈاکٹروں نے اسٹرائیڈزڈوز کم کرنے کی کوشش کی ، اس سے پلیٹ لیٹس دوبارہ کم ہوگئے، بغیرکسی تاخیرکے تشخیص ہونا چاہیے۔

    خیال رہے نوازشریف کےذاتی معالج ڈاکٹرعدنان نوازشریف کی تشویشناک حالت پرٹوئٹ کرچکے ہیں۔

    مزید پڑھیں : نوازشریف روبہ صحت، اسپتال میں چہل قدمی

    یاد رہے ذرائع میڈیکل بورڈ کا کہنا تھا نوازشریف کولوپرین کے بعد دل کی دوسری دوا بھی دیناشروع کردی ہے جبکہ خون میں کلاٹ ختم کرنے والی دوا کلوپیڈوگرل بھی دی جارہی ہے، نوازشریف کےپلیٹ لیٹس میں کمی پرکلوپیڈوگرل کی دوائی بندکی گئی تھی۔

    خیال رہے یاد رہے 11 اکتوبر کو قومی احتساب بیورو ( نیب ) نے چوہدری شوگرملز کیس میں سابق وزیراعظم نوازشریف کوگرفتار کیا تھا، جس کے بعد احتساب عدالت نے نواز شریف کو 14 روزہ جسمانی ریمانڈ پر نیب کے حوالے کردیا تھا، دورانِ حراست نوازشریف کی طبیعت خراب ہوئی جس کے بعد انہیں سروسز اسپتال منتقل کیا گیا تھا۔

    بعد ازاں لاہور ہائی کورٹ نے چوہدری شوگرملز کیس میں سابق وزیراعظم نوازشریف کی طبی بنیادوں پر ضمانت منظور کرلی تھی۔

  • فریال تالپور کا طبی معائنہ مکمل، میڈیکلی فٹ قرار

    فریال تالپور کا طبی معائنہ مکمل، میڈیکلی فٹ قرار

    اسلام آباد: نیب کی حراست میں موجود فریال تالپور کا طبی معائنہ مکمل کرلیا گیا، میڈیکل بورڈ نے انہیں میڈیکلی فٹ قرار دے دیا۔

    تفصیلات کے مطابق قومی احتساب بیورو (نیب) کی حراست میں موجود آصف زرداری کی ہمشیرہ فریال تالپور کا طبی معائنہ مکمل کرلیا گیا، میڈیکل بورڈ نے فریال تالپور کو میڈیکلی فٹ قرار دے دیا۔

    ذرائع کے مطابق فریال تالپور کا طبی معائنہ ڈاکٹر امتیاز احمد، ڈاکٹر سویدہ نے کیا، ڈاکٹرز نے ان کا شوگر، بلڈ پریشر ٹیسٹ کیا۔

    فریال تالپور کا بلڈ پریشر 80/140، شوگر لیول 160 ہے، طبی معائنہ کی رپورٹ نیب حکام کے حوالے کردی گئی۔

    نیب حکام کی جانب سے فریال تالپور کی میڈیکل رپورٹ کل عدالت میں پیش کی جائے گی۔

    مزید پڑھیں: جعلی اکاؤنٹس کیس: نیب نے فریال تالپورکوگرفتارکرلیا

    واضح رہے کہ جعلی اکاؤنٹس کیس میں پاکستان پیپلزپارٹی کی رہنما فریال تالپور کو نیب نے آج گرفتار کیا ہے، ان کی رہائش گاہ کو سب جیل قرار دے دیا گیا ہے۔

    یاد رہے کہ دو روز قبل احتساب عدالت نے اسی جعلی اکاؤنٹ کیس میں گرفتار سابق صدر آصف علی زرداری کو 21 جون تک جسمانی ریمانڈ پر نیب کے حوالے کیا ہے، نیب نے زرداری کے 14روزہ جسمانی ریمانڈ کی استدعا کی تھی۔ اس کیس میں آصف زرداری،فریال تالپورکی عبوری ضمانت میں 6 بار توسیع کی جا چکی تھی۔

    آصف زرداری اور فریال تالپور پر جعلی اکاؤنٹس کے ذریعے غیر قانونی طریقے سے رقم منتقلی کا الزام ہے، اس ضمن میں منی لانڈرنگ کیس احتساب عدالت میں زیر التوا ہے۔

  • آصف زرداری کا آر آئی سی میں طبی معائنہ، صحت تسلی بخش قرار

    آصف زرداری کا آر آئی سی میں طبی معائنہ، صحت تسلی بخش قرار

    راولپنڈی: سابق صدر آصف علی زرداری کو طبیعت کی ناسازی پر راولپنڈی انسٹی ٹیوٹ آف کارڈیالوجی منتقل کیا گیا، جہاں ان کا طبی معائنہ کر کے میڈیکل بورڈ نے صحت تسلی بخش قرار دے دی۔

    تفصیلات کے مطابق ترجمان نیب نے کہا ہے کہ آصف زرداری کا آر آئی سی میں طبی معائنہ کیا گیا، بعد ازاں نیب ٹیم آصف زرداری کو اسپتال سے لے کر روانہ ہوگئی، ترجمان نے کہا کہ آصف زرداری کو میڈیکل بورڈ کی سفارش پر چیک اپ کے لیے اسپتال منتقل کیا گیا تھا۔

    نیب کا کہنا ہے کہ آصف زرداری کا طبی معائنہ معمول کے مطابق تھا، میڈیکل بورڈ نے آصف زرداری کی صحت کو تسلی بخش قرار دیا ہے۔

    دوسری طرف آر آئی سی میں آصف زرداری کی آمد پر ایمرجنسی بند کر دی گئی، جس کے باعث مریض اور لواحقین شدید پریشانی میں مبتلا ہو گئے، اسپتال آنے والے تمام افراد کو باہر نکال دیا گیا تھا۔

    یہ بھی پڑھیں:  جعلی اکاؤنٹس کیس ، نیب نے سابق صدر آصف زرداری کو گرفتار کرلیا

    ادھر ذرایع کا کہنا ہے کہ آصف زرداری کو سٹی اینجیو ٹیسٹ کے لیے آر آئی سی منتقل کیا گیا، 3 رکنی خصوصی میڈیکل ٹیم ان کے ہم راہ تھی، آصف زرداری کی دل کی شریانیں چیک کی گئیں۔

    ذرایع کا یہ بھی کہنا تھا کہ آصف زرداری نے کراچی کے اسپتال منتقل ہونے پر اصرار کیا، تاہم انھیں وی وی آئی پی روم دیا گیا، ذرایع نے یہ بھی بتایا کہ آصف زرداری کا بلڈ پریشر بڑھ گیا تھا۔

    اسپتال ذرایع نے بتایا کہ آصف زرداری کی حالت نارمل ہے، ان کا معمول کا چیک اپ کیا گیا، چیک اپ کے بعد اسلام آباد منتقل کیا جائے گا۔

    پیپلز پارٹی کے ذرایع نے کہا کہ نیب کے میڈیکل بورڈ نے آصف زرداری کے لیے ٹیسٹ تجویز کیے تھے، جس کے لیے نیب ٹیم انھیں اسپتال لے کر گئی۔ دریں اثنا، آصف زرداری سے ملنے پیپلز پارٹی رہنما بھی آر آئی سی پہنچے، جن میں خورشید شاہ، قمر زمان کائرہ، چوہدری منظور اور نیئر بخاری شامل تھے۔

  • گرفتاری کے بعد حمزہ شہباز کا طبی معائنہ، آصف زرداری کے کلینکل ٹیسٹ بھی مکمل

    گرفتاری کے بعد حمزہ شہباز کا طبی معائنہ، آصف زرداری کے کلینکل ٹیسٹ بھی مکمل

    لاہور/اسلام آباد: پنجاب اسمبلی میں اپوزیشن لیڈر حمزہ شہباز کی گرفتاری کے بعد نیب میں طبی معائنہ کیا گیا، تمام ٹیسٹ نارمل نکل آئے۔

    تفصیلات کے مطابق مسلم لیگ ن کے نائب صدر حمزہ شہباز کے شوگر اور بلڈ پریشر کے ٹیسٹ کیے گئے، ڈاکٹرز نے حمزہ شہباز کو صحت مند قرار دیا۔

    ذرایع کا کہنا ہے کہ آصف زرداری کے کلینکل ٹیسٹ بھی مکمل ہو گئے ہیں، میڈیکل بورڈ کو آصف زرداری کی ٹیسٹ رپورٹس موصول ہو گئیں، تمام ٹیسٹ رپورٹس نارمل ہیں۔

    ٹیسٹ رپورٹس کی کاپیاں آصف زرداری اور نیب کو فراہم کر دی گئیں، ذرایع نے بتایا کہ آصف زرداری کے شوگر لیول میں تیزی سے کمی آ رہی ہے، میڈیکل بورڈ نے ان کے شوگر لیول میں کمی پر اظہار تشویش کیا ہے، بورڈ نے شوگر ادویات میں کمی بیشی پر غور کیا ہے۔

    خیال رہے کہ آج لاہور ہائی کورٹ میں حمزہ شہباز کے وکلا نے ضمانت کی درخواستیں واپس لے لیں تھیں اور کہا تھا عدالت ہمیں سننا ہی نہیں چاہتی تو کیا کریں، جس کے بعد نیب نے حمزہ شہباز کو گرفتار کر لیا۔

    یہ بھی پڑھیں:  آصف زرداری کی گرفتاری کے بعد میڈیکل بورڈ کا طبی معائنہ

    حمزہ شہباز کو ریمانڈ کے لیے احتساب عدالت میں پیش کیا جائے گا۔

    یاد رہے کہ 6 اپریل کو آمدن سے زائد اثاثہ جات کیس اور منی لانڈرنگ کیس میں نیب نے دو بار حمزہ شہباز کی گرفتاری کے لیے ان کے گھر پر چھاپا مارا تھا تاہم نیب انھیں گرفتار کرنے میں نا کام رہی تھی۔

    یہ بھی پڑھیں:  نیب نے حمزہ شہباز کی گرفتاری کی وجوہ بتا دیں

    ادھر نیب نے حمزہ شہباز کی گرفتاری کی وجوہ بھی جاری کر دی ہیں، نیب نے کہا ہے 2003 میں حمزہ شہباز کے اثاثے 18 ملین تھے اور 2017 تک اثاثے 411.630 ملین ہو گئے، جب کہ ملزم نے 181 ملین روپے باہر سے آمدن کا دعویٰ کیا تھا۔

    نیب کا کہنا تھا تفتیش کے دوران حمزہ شہباز کے دعوے جھوٹے نکلے، ملزم نے خاندان سمیت 12 انڈسٹریل یونٹس بنائے، مصنوعی فنڈ اور 244 ملین کا مصنوعی قرض بھی لیا، ملزم نے کمپنی کی تنخواہ، تحائف بھی جعلی طریقے سے ظاہر کیں، ملزم نے 167 ملین کمرشل، رہایشی اور زرعی زمین بھی ظاہر کی۔

  • نوازشریف کی آج طبی معائنےکےلیے شریف میڈیکل سٹی آمد متوقع

    نوازشریف کی آج طبی معائنےکےلیے شریف میڈیکل سٹی آمد متوقع

    لاہور: سابق وزیراعظم نوازشریف کو شریف میڈیکل اسپتال منتقل کیا جائے گا جہاں ان کا آج پھر طبی معائنہ ہوگا۔

    تفصیلات کے مطابق مسلم لیگ ن کے قائد نوازشریف جاتی امرا سے شریف میڈیکل سٹی اسپتال پہنچیں گے، اس موقع پر شریف میڈیکل کمپلیکس میں سیکیورٹی کے سخت انتظامات کیے گئے ہیں۔

    نوازشریف کے شریف میڈیکل سٹی میں 5 طبی معائنے ہوچکے ہیں، ان کی ای سی جی سمیت ایم آر آئی بھی ہوچکی ہے۔

    خیال رہے کہ تین روز قبل سابق وزیراعظم نواز شریف کا پانچویں بار شریف میڈیکل سٹی میں طبی معائنہ کیا گیا تھا

    نوازشریف کے دماغ میں خون کی گردش کو معمول پر لانے کے لیے نیورو سرجری کے ماہر پروفیسرز نے مختلف ٹیسٹ کیے تھے۔

    قبل ازیں بتایا گیا تھا کہ سابق وزیراعظم کی صحت کے معاملات انتہائی پیچیدہ ہیں، وہ اسپتال میں تو داخل نہیں البتہ گھر پر ڈاکٹروں کی زیر نگرانی رہتے ہیں۔

    نواز شریف کا پانچویں بار شریف میڈیکل کمپلیکس میں طبی معائنہ

    نواز شریف کے دل کی دھڑکن متوازن رکھنے کے لیے مستقل پیس میکر لگانا پڑے گا جبکہ دل میں انٹروینشن کی بھی ضرورت ہے۔

    یاد رہے کہ نواز شریف کوسپریم کورٹ کی جانب سے 6 ہفتوں کی ضمانت پر رہائی ملی، ان کو ضمانت پررہا ہوئے 20 روز ہوچکے ہیں۔

  • نواز شریف کا پانچویں بار شریف میڈیکل کمپلیکس میں طبی معائنہ

    نواز شریف کا پانچویں بار شریف میڈیکل کمپلیکس میں طبی معائنہ

    لاہور : سابق وزیر اعظم نواز شریف کا پانچویں بار شریف میڈیکل سٹی میں طبی معائنہ کیا گیا اور دماغ میں خون کی گردش کو معمول پر لانے کیلئے نیورو سرجری کے ماہر پروفیسرز نے مختلف ٹیسٹ کئے۔

    تفصیلات کے مطابق سابق وزیر اعظم نواز شریف آج پانچویں بار طبی معائنے کیلئے شریف میڈیکل کمپلیکس پہنچے جہاں ان کے ذاتی معالج ڈاکٹر عدنان اور نیوروسرجری کے ماہر پروفیسر کی نگرانی میں چیک اپ کیا گیا۔

    سابق وزیراعظم کے دماغ میں خون کی گردش کو معمول پر لانے کیلئے نیورو سرجری کے ماہر پروفیسرز نے بھی مختلف ٹیسٹ کئے، ایک گھنٹہ تک جاری رہنے والے معائنے کے بعد سابق وزیراعظم واپس روانہ ہو گئے۔

    نوازشریف کو دل گردوں، شوگر اور دماغ میں خون کی کم سپلائی کے مرض لاحق ہیں۔

    قبل ازیں بتایا گیا تھا کہ سابق وزیراعظم کی صحت کے معاملات انتہائی پیچیدہ ہیں، وہ ہسپتال میں تو داخل نہیں البتہ گھر پر ڈاکٹروں کی زیر نگرانی رہتے ہیں۔

    مزید پڑھیں : نوازشریف کےدل کی دھڑکن نارمل نہیں، مستقل پیس میکر لگانا پڑے گا ،ڈاکٹرعدنان

    نواز شریف کے دل کی دھڑکن متوازن رکھنے کیلئے مستقل پیس میکر لگانا پڑے گا جبکہ دل میں انٹروینشن کی بھی ضرورت ہے۔

    خیال رہے ان کے ذاتی معالج ڈاکٹر عدنان بھی کہہ چکے ہیں کہ پیس میکر لگانے کے لئے ٹائم لائن واضح نہیں کچھ اور چیزیں بھی ہیں جنہیں دیکھ رہے ہیں۔ علاج کا روڈ میپ ابھی طے نہیں کیا نہ ہی یہ بتا سکتے ہیں کہ علاج کب تک چلے گا۔

    یاد رہے نواز شریف کو علاج کروانے کیلئے 6ہفتوں پر مشتمل ضمانت دی گئی تھی، 15دن گزرنے کے بعد اب کے پاس 4 ہفتے باقی بچے ہیں۔

  • لندن میں مقیم نواز شریف کے معالج ڈاکٹرلارنس سے مشاورت جاری ہے، ڈاکٹرعدنان

    لندن میں مقیم نواز شریف کے معالج ڈاکٹرلارنس سے مشاورت جاری ہے، ڈاکٹرعدنان

    لاہور: مسلم لیگ ن کے قائد کے ذاتی معالج ڈاکٹرعدنان کا کہنا ہے کہ دیکھا جارہا ہے کہ نواز شریف کا پاکستان میں علاج ہوسکتا ہے یا نہیں۔

    تفصیلات کے مطابق سابق وزیراعظم نوازشریف کے ذاتی معالج ڈاکٹرعدنان نے میڈیا سے گفتگو کرتے ہوئے کہا کہ 6 ہفتےمیں نوازشریف کا علاج ہوسکتا ہے یا نہیں، یہ کہنا قبل ازوقت ہے۔

    ڈاکٹرعدنان نے کہا کہ علاج اور ٹیسٹوں کے لیے سینئر پروفیسرز پر مشتمل بورڈ تشکیل دیا گیا ہے، لندن میں مقیم نواز شریف کے معالج ڈاکٹر لارنس سے مشاورت جاری ہے۔

    نوازشریف کے ذاتی معالج نے کہا کہ نوازشریف جیل میں رہے، اسپتال میں منتقل کرنے کے لیے تجزیہ کیا جا رہا ہے۔

    ڈاکٹرعدنان نے کہا کہ دیکھا جارہا ہے کہ نواز شریف کا پاکستان میں علاج ہوسکتا ہے یا نہیں۔

    خیال رہے کہ تین روز قبل سابق وزیراعظم نواز شریف دوسری بار میڈیکل چیک اپ کے لیے شریف میڈیکل سٹی کمپلیکس پہنچے تھے جہاں ڈاکٹرز نے ڈھائی گھنٹے تک ان کا طبی معائنہ کیا تھا۔

    ڈاکٹروں نے مسلم لیگ ن کے قائد نوازشریف کو ادویات جاری رکھنے اور مکمل آرام کا مشورہ دیا تھا۔

    یاد رہے 28 مارچ کو سابق وزیراعظم نے شریف میڈیکل سٹی کمپلیکس میں ڈاکٹروں سے ملاقات کی، ڈاکٹروں نے نوازشریف سے ان کی صحت سے متعلق سوالات کیے جبکہ ٹیسٹ بھی کیے گئے تھے ، ان کے ذاتی معالج ڈاکٹرعدنان بھی ان کے ہمراہ تھے۔

  • نوازشریف کا شریف میڈیکل سٹی اسپتال میں آج پھرطبی معائنہ ہوگا

    نوازشریف کا شریف میڈیکل سٹی اسپتال میں آج پھرطبی معائنہ ہوگا

    لاہور: سابق وزیراعظم نوازشریف کو شریف میڈیکل اسپتال منتقل کیا جائے گا جہاں ان کا آج پھر طبی معائنہ ہوگا۔

    تفصیلات کے مطابق مسلم لیگ ن کے قائد نوازشریف جاتی امرا سے شریف میڈیکل سٹی اسپتال پہنچیں گے، اس موقع پر شریف میڈیکل کمپلیکس میں سیکیورٹی کے سخت انتظامات کیے گئے ہیں۔

    شریف میڈیکل کمپلیکس میں مسلم لیگ ن کے قائد نوازشریف کے مزید مختلف ٹیسٹ کیے جائیں گے، ان کے ذاتی معالج ڈاکٹرعدنان بھی ان کے ہمراہ ہوں گے۔

    نواز شریف کا شریف میڈیکل سٹی میں دوسری بار طبی معائنہ

    خیال رہے کہ دو روز قبل سابق وزیراعظم نواز شریف دوسری بار میڈیکل چیک اپ کے لیے شریف میڈیکل سٹی کمپلیکس پہنچے تھے جہاں ڈاکٹرز نے ڈھائی گھنٹے تک ان کا طبی معائنہ کیا تھا۔

    ڈاکٹروں نے مسلم لیگ ن کے قائد نوازشریف کو ادویات جاری رکھنے اور مکمل آرام کا مشورہ دیا تھا۔

    نوازشریف کا شریف میڈیکل سٹی اسپتال میں طبی معائنہ

    یاد رہے 28 مارچ کو سابق وزیراعظم نے شریف میڈیکل سٹی کمپلیکس میں ڈاکٹروں سے ملاقات کی، ڈاکٹروں نے نوازشریف سے ان کی صحت سے متعلق سوالات کیے جبکہ ٹیسٹ بھی کیے گئے تھے ، ان کے ذاتی معالج ڈاکٹرعدنان بھی ان کے ہمراہ تھے۔

  • نوازشریف کا شریف میڈیکل سٹی اسپتال میں طبی معائنہ

    نوازشریف کا شریف میڈیکل سٹی اسپتال میں طبی معائنہ

    لاہور: سابق وزیراعظم نوازشریف کے شریف میڈیکل سٹی اسپتال میں دل اور گردوں کے مختلف ٹیسٹ گیے گئے۔

    تفصیلات کے مطابق مسلم لیگ ن کے قائد نوازشریف جاتی امرا سے شریف میڈیکل سٹی اسپتال پہنچے، اس موقع پر شریف میڈیکل کمپلیکس میں سیکیورٹی کے سخت انتظامات کیے گئے تھے۔

    سابق وزیراعظم نے شریف میڈیکل سٹی کمپلیکس میں ڈاکٹروں سے ملاقات کی جبکہ ڈاکٹروں نے نوازشریف سے ان کی صحت سے متعلق سوالات کیے۔

    شریف میڈیکل کمپلیکس میں مسلم لیگ ن کے قائد نوازشریف کے مختلف ٹیسٹ کیے گئے، ان کے ذاتی معالج ڈاکٹرعدنان بھی ان کے ہمراہ تھے۔

    سابق وزیراعظم نوازشریف طبی معائنے کے بعد شریف میڈیکل کمپلیکس سے اپنی رہائش گاہ جاتی امرا روانہ ہوگئے۔

    نوازشریف کی میڈیکل سٹی کمپلیکس آمد سے قبل ایک وارڈ مکمل طورپرخالی کرا لیا گیا تھا۔ سابق وزیراعظم کے وارڈ میں غیرمتعلقہ شخص کو جانے کی اجازت نہیں تھی۔

    مسلم لیگ ن کے قائد کی حتمی رپورٹ آنے کے بعد لندن میں ان کے معالج ڈاکٹرلارنس سے رابطہ کیا جائے گا اور ان سے علاج کے حوالے سے مشاورت بھی کی جائے گی۔

    نوازشریف کی درخواست ضمانت 6 ہفتے کے لیے منظور، سزا معطل

    یاد رہے کہ دو روز قبل سپریم کورٹ آف پاکستان نے نوازشریف کو 6 ہفتوں کے لیے طبی بنیادوں پرضمانت پر رہا کرنے کا حکم دیا تھا تاہم وہ ان کے بیرون ملک سفر کرنے پرپابندی ہے۔

    مسلم لیگ ن کے قائد نوازشریف العزیزیہ اسٹیل ملز ریفرنس میں احتساب عدالت کی جانب سے سنائی گئی سات سال قید کی سزا کاٹ رہے تھے، انہیں 24 دسمبر 2018 کو گرفتار کرکے جیل بھیجا گیا تھا۔

  • شہباز شریف کی سخت سیکیورٹی میں پمز اسپتال آمد، مکمل طبی معائنہ

    شہباز شریف کی سخت سیکیورٹی میں پمز اسپتال آمد، مکمل طبی معائنہ

    لاہور: نیب کے زیر حراست صدر  مسلم لیگ ن شہباز شریف کا آج پمز اسپتال میں طبی معائنہ ہوا.

    تفصیلات کے مطابق آج سابق وزیر اعلیٰ پنجاب کا طبی معائنہ ہوا، اس سلسلے میں شہباز شریف کو سخت سیکیورٹی میں پمز اسپتال لایا گیا.

    شہبازشریف سے ٹیسٹوں کے لئے نمونے لئے گئے، شعبہ معدہ و جگر کے ڈاکٹرز  نے شہباز شریف کا چیک اپ کیا، شعبہ آرتھو، نیورولوجی کے ڈاکٹرز  نے ان کا معائنہ کیا.

    اس موقع پر شعبہ ریڈیالوجی کے ڈاکٹرز نے بھی شہبازشریف کا معائنہ کیا، ان کا بلڈ پریشر اور شوگر ٹیسٹ کیا گیا.

    اسپتال ذائع کے مطابق شہبازشریف کی ای سی جی، الٹرا ساؤنڈ کیا گیا، شہباز شریف طبی معائنے کے بعد پمز اسپتال سے روانہ ہوگئے.

    یاد رہے کہ سابق وزیر اعلیٰ پنجاب اس وقت بدعنوانی کے مختلف الزامات کے تحت نیب کے زیر حراست ہیں، انھوں نے گذشتہ دونوں‌ طبیعت کی خرابی اور معدے میں تکلیف کی شکایت کی تھی.

    مزید پڑھیں: آشیانہ اقبال اسکینڈل کیس، شہباز شریف سمیت ملزمان کے جوڈیشل ریمانڈ میں 15 دن کی توسیع

    اس ضمن میں آج انھیں‌ سخت سیکیورٹی میں پمز اسپتال لایا گیا، جہاں ان کا مکمل طبی معائنہ ہوا.

    خیال رہے کہ اس وقت مسلم لیگ ن کے قائد میاں‌محمد نواز شریف بھی جیل میں ہیں. گذشتہ دنوں‌ ان کی صاحب زادی کی جانب سے ان کی طبیعت بگڑی کا دعویٰ کیا گیا تھا.