Tag: طلاق

بالی ووڈ اداکار عمران خان نے اونتیکا ملک کے ساتھ اپنی طلاق کے بارے میں کھل کر بات کی ہے اور اس کی وجہ بتائی ہے۔

عامر خان کے بھانجے عمران خان نے اونتیکا سے 2011 میں شادی کی تھی لیکن 2019 میں دنوں الگ ہوگئے اور ان میں طلاق ہوگئی تھی، اب حالیہ انٹرویو میں عمران نے اس پر گفتگو کرتے ہوئے کہا کہ جب ہم نے شادی کی تو عمر بہت چھوٹی تھی ہم ایک دوسرے کو سپورٹ نہیں کرسکے۔

عمران خان نے کہا کہ جب میں نے اونتیکا کے ساتھ رشتے کا آغاز کیا تھا تو عمر میں بہت چھوٹا تھا، اس وقت صرف 19 سال کا تھا اور تمام نیک نیتی کے ساتھ اسکے بعد شادی کی تھی۔

تاہم جیسا کہ بعض اوقات اس قسم کے طویل مدتی تعلقات کے ساتھ ہوتا ہے خاص طور پر جب آپ بہت چھوٹی عمر میں یہ رشتہ شروع کرتے ہیں۔

بالی ووڈ اداکار کا کہنا تھا کہ نوعمری کے سالوں کے بعد آپ میں بہت ساری باہمی چیزیں تبدیل ہوتی ہیں کیوں کہ آپ اس وقت پختہ عمر کے نہیں تھے اور جیسے جیسے آپ بڑے ہوتے گئے تبدیلی آئی۔

انھوں نے کہا کہ شاید کسی نہ کسی طرح سے ہم ایک دوسرے کےلیے بہتر ثابت نہیں ہورہے تھے، ہم ایک دوسرے کو سپورٹ نہیں کررہے تھے اور ایک دوسرے کو بااختیار نہیں بنا رہے تھے۔

https://urdu.arynews.tv/when-actor-got-slapped-20-times-by-katrina-kaif-for-this-hilarious-reason/

نصف صدی کی طویل مدت بالعموم ایک دوسرے سے بیزار ہونے کے لیے بہت ہوتی ہے۔ اس لیے کہ اتنے عرصے میں گلاب کی خوش بو مانوسیت کے باعث باسی باسی سی لگتی ہے، مگر وہی بے ضرر سے کانٹے اب بہت چبھنے لگتے ہیں۔

امریکا میں ایک حالیہ سروے سے یہ دل چسپ انکشاف ہوا ہے کہ 50 فی صد جوڑوں کی طلاق شادی کے تین سال کے اندر ہو جاتی ہے۔ اس لیے وہ ایک دوسرے کے مزاج سے اچھی طرح واقف نہیں ہوتے۔ بقیہ پچاس فی صد جوڑوں کی طلاق 40 سال بعد ہوتی ہے۔ اس لیے کہ اس اثنا میں وہ ایک دوسرے کے مزاج سے اچھی طرح واقف ہوجاتے ہیں۔ پچاس سال دوستانہ تعلق کا وہی ہوجاتا ہے جس کی تصویر غالب نے مرزا تفتہ کے نام اپنے خط میں کھینچی ہے۔ لکھتے ہیں ”جیسے اچھی جورو برے خاوند کے ساتھ مرنا بھرنا اختیار کرتی ہے میرا تمہارے ساتھ وہ معاملہ ہے۔“ یوں تو غالب کا ہر قول حرف آخر کا درجہ رکھتا ہے تاہم مجھے اس میں تھوڑا سا اضافہ کرنے کی اجازت ہو تو عرض کروں گا کہ تعلقات میں مزید پیچیدگی اس وقت پیدا ہوتی ہے، جب دونوں فریق خود کو مظلوم زوج سمجھ کر اپنا سہاگ اجڑنے کی دعا کرنے لگیں۔

(مشتاق احمد یوسفی کی کتاب ”شامِ شعریاراں“ سے لیا گیا)