بھارتی فلم انڈسٹری کی معروف اداکارہ ایشوریہ رائے بچن اور ابھیشیک بچن کی طلاق کی خبریں سامنے آنے کے بعد مداحوں میں تشویش کی لہر دوڑ گئی ہے۔
بھارتی میڈیا کے مطابق گزشتہ کچھ عرصے سے معروف بالی ووڈ جوڑی کی علیحدگی کے بارے میں خبریں گردش کر رہی ہیں اور خدشہ ظاہر کیا جا رہا ہے کہ دونوں طلاق کے لیے جلد عدالت سے جلد رابطہ کرنے والے ہیں۔
ان گردشی خبروں نے اب حال ہی میں اس وقت مزید طول پکڑ لیا جب ابھیشیک بچن مختلف تقریبات میں اپنی شادی کی انگوٹھی کے بغیر نظر آئے۔
ریڈیٹ پر ایک صارف نے اداکار کی حالیہ مختلف تقریبات سے چند تصاویر شیئر کی ہیں جس میں انہیں شادی کی انگوٹھی کے بغیر دیکھا جاسکتا ہے جبکہ اس سے قبل اداکار ہمیشہ مذکورہ انگوٹھی پہنے ہوئے نظر آتے تھے۔
مذکورہ تصاویر سامنے آنے کے بعد سوشل میڈیا صارفین کی جانب سے کمنٹس کرکے اپنے خیالات کا اظہار کیا گیا، کچھ صارفین نے ان گردشی خبروں پر تشویش ظاہر کی جبکہ کچھ کے مطابق انگوٹھی نہ پہننے کی کوئی اور وجہ بھی ہوسکتی ہے۔
”کھو گئے ہم کہاں“۔۔۔ مومنہ اقبال سوشل میڈیا پر چھا گئیں
یاد رہے کہ ایشوریہ رائے اور ابھیشیک بچن کی شادی 2007 میں ہوئی تھی جبکہ 2011 میں ان کے یہاں بیٹی ارادھیا کی پیدائش ہوئی تھی۔
