Tag: طلال چوہدری

لاہور: سینیٹ چیئرمین کے لیے انتخاب ہارنے پر پاکستان مسلم لیگ ن کے رہنما طلال چوہدری نے ایک ٹویٹ میں پیپلز پارٹی کے چیئرمین کو طنز کا نشانہ بنا دیا۔

اے آر وائی نیوز کے مطابق ایوان بالا میں آج سینیٹ چیئرمین کے لیے یوسف رضا گیلانی اور صادق سنجرانی کے درمیان کانٹے کا مقابلہ ہوا، تاہم ووٹنگ کے بعد جیسے ہی نتیجہ سامنے آیا، طلال چوہدری کا حیرت انگیز ٹویٹ بھی چند لمحوں میں سامنے آیا۔

طلال چوہدری نے اپنے طنزیہ ٹویٹ میں لکھا ’بلاول بھٹو صاحب! ’نیوٹرل‘ کا مزہ آیا۔‘

بلاول بھٹو صاحب! “ نیوٹرل” کا مزہ آیا#BitterTruth #ShameElectionChairmanSenate

— Tallal Chaudry (@Tallal_MNA) March 12, 2021

اس ٹویٹ کے بعد یہ سوال اٹھ رہا ہے کہ کیا یوسف رضا گیلانی کی شکست نے پی ڈی ایم رہنماؤں کے اتحاد کی شکستگی کو آشکار کیا ہے۔

بیٹے کی چال باپ کے خلاف پڑ گئی

دوسری طرف پی پی چیئرمین بلاول بھٹو زرداری نے بھی پریس کانفرنس کرتے ہوئے طلال چوہدری پر جوابی وار کیا، انھوں نے کہا سینیٹ الیکشن کوئی تنظیم سازی نہیں تھی، ہم جمہوری جدوجہد لڑ رہے ہیں، نیوٹرل کی کامیابی صرف پی پی کی نہیں ہے۔

واضح رہے کہ گزشتہ برس ستمبر میں فیصل آباد میں طلال چوہدری کو ایم این اے عائشہ رجب بلوچ کے بھائیوں نے ہراسگی کے الزام میں رات ڈھائی بجے تشدد کا نشانہ بنایا تھا، جس انھوں نے کہا تھا کہ خواتین نے مجھے خود تنظیم سازی کے لیے فون کر کے بلایا تھا۔

بلاول نے کہا میں طلال کی طرح پہلی بار الیکشن نہیں لڑ رہا، غیر جانب داری کے حصول کے لیے قربانیاں دینی پڑتی ہیں، جانیں تک قربان کرنی پڑ جاتی ہیں، پی ڈی ایم متحد نہ ہوتی تو کامیابی کبھی نہ ملتی۔

لاہور: پاکستان مسلم لیگ ن کے رہنما طلال چوہدری بیان ریکارڈ کرنے کے لیے آنے والی پولیس کے پہنچنے سے قبل ہی اسپتال سے روانہ ہو گئے، ذرایع کا کہنا ہے کہ طلال چوہدری کو اسپتال سے قریبی ساتھی نے فرار کرایا۔

تفصیلات کے مطابق طلال چوہدری کی جانب سے لیگی ایم این اے عائشہ رجب کو ہراساں کرنے کے معاملے میں پنجاب پولیس طلال چوہدری کا بیان ریکارڈ کرنے نیشنل اسپتال لاہور پہنچ گئی لیکن پولیس کے آنے سے پہلے طلال چوہدری اسپتال کا بل ادا کیے بغیر جلد بازی میں چلے گئے۔

طلال چوہدری اسپتال کے پچھلے دروازے سے روانہ ہوئے، ان کو اسپتال سے قریبی ساتھی نے فرار کرایا۔

ادھر اے ایس پی عبدالخالق نے میڈیا سے بات کرتے ہوئے کہا کہ طلال چوہدری اسپتال سے ڈسچارج ہو چکے ہیں، اسپتال انتظامیہ نے بتایا کہ ایک گھنٹہ پہلے طلال چوہدری کو ڈسچارج کیاجا چکا ہے۔

عائشہ رجب سے تنازع طلال چوہدری کو مہنگا پڑ گیا

ڈی ایس پی کا کہنا تھا کہ طلال چوہدری سے جلد رابطہ کر کے ان کا بیان ریکارڈ کیاجائے گا۔ ایک سوال پر انھوں نے کہا کہ اسپتال کی جانب سے انھیں ڈسچارج سلپ نہیں دکھائی گئی۔

یاد رہے کہ طلال چوہدری گزشتہ رات سے نیشنل اسپتال لاہور میں داخل ہیں، لیگی ایم این اے عائشہ رجب کے گھر پر گزشتہ روز ان پر خاتون کے بھائیوں نے تشدد کیا تھا جس کی وجہ انھیں فریکچر آئے تھے۔

آج اس کیس کے سلسلے میں پنجاب پولیس نے 4 رکنی فیکٹ فائنڈنگ کمیٹی بنائی تھی، جس کے چیئرمین ڈی ایس پی عبدالخالق ہیں، اس کمیٹی نے عائشہ رجب اور طلال چوہدری کے بیانات قلم بند کرنے ہیں، اور پھر تین روز میں انکوائری رپورٹ پیش کرے گی۔

ادھر پولیس نے کہا ہے کہ گزشتہ روز طلال چوہدری رات 2 بجکر 40 منٹ پر عبداللہ گارڈن پہنچے تھے، کالونی گیٹ پر روکے جانے پر طلال کی گارڈ سے تلخ کلامی ہوئی، گارڈ نے کہا اہل خانہ سے بات کرائیں لیکن طلال زبردستی گئے، ڈرائیور بھی ان کے ہمراہ ھا لیکن گھر میں داخل ہوتے ہی مار پڑ گئی۔

علاقہ مکینوں کا کہنا ہے کہ طلال نے پٹائی کے بعد گھر سے نکل کر گارڈز کو پکارا تھا، ان کی ایک سال سے اس گھر میں آمد و رفت تھی، طلال چوہدری ہمیشہ رات 12 بجے سے پہلے آتے تھے۔

قبل ازیں، ڈی ایس پی عبد الخالق نے میڈیا سے بات کرتے ہوئے کہا تھا کہ عائشہ رجب اسلام آباد میں ہیں، اگر بیان لینے کے لیے جانا پڑا تو جائیں گے۔ ان کا کہنا تھا کہ طلال فون کال پر عائشہ رجب کے گھر گئے تھے، اس کال کے بوگس ہونے سے متعلق بھی تحقیقات کی جا رہی ہیں۔

فیصل آباد: مسلم لیگ (ن) کے رہنما و سابق وزیر مملکت طلال چوہدری کی بے نامی جائیداد سیل کر دی گئی۔

تفصیلات کے مطابق بے نامی جائیدادوں کیخلاف ایکشن جاری ہے اور اسلسلے میں ایک اور بڑی کارروائی کی گئی ہے۔

حکام نے (ن) لیگی رہنما طلال چوہدری کی بے نامی جائیداد سیل کردی ہے، طلال چوہدری کی ایڈن گارڈن ہاوسنگ سوسائیٹی میں واقع جائیداد سیل کی گئی ہے۔

حکام کا کہنا ہے کہ طلال چوہدری کی جائیدادبےنامی کےساتھ غیرقانونی بھی ہے۔

یہ بھی پڑھیں: سینیٹر چوہدری تنویر کے خلاف ریفرنس دائر

واضح رہے کہ وزیر اعظم عمران خان نے بے نامی جائیدادوں کے خلاف کریک ڈاؤن کا فیصلہ کرتے ہوئے ملک بھرکے ڈپٹی کمشنرز، ڈویلپمنٹ اتھارٹیز کے سربراہوں کو اہم ذمے داری سونپی تھی۔

وزیر اعظم کی جانب سے ایک ماہ میں بے نامی جائیدادوں کی نشان دہی کر کے رپورٹ پیش کرنے کی ہدایات جاری کی گئیں تھیں۔

اس ضمن میں ڈی سیز، ڈویلپمنٹ اتھارٹیزکو بے نامی جائیدادوں کی نشان دہی کرنے کی ذمہ داری تفویض کی گئی تھی۔

لاہور: سپریم کورٹ سے نااہل قرار دیے جانے والے مسلم لیگ ن کے رہنما طلال چوہدری کے خلاف مقدمہ درج کرنے کے لیے رکن صوبائی اسمبلی نے تھانہ جوہر ٹاؤن میں درخواست جمع کرادی۔

تفصیلات کے مطابق ایک روز قبل طلال چوہدری نے معاونِ خصوصی برائے اطلاعات فردوس عاشق اعوان کے خلاف نازیبا گفتگو کی تھی، جب اُن کی ویڈیو سوشل میڈیا پر سامنے آئی تو مسلم لیگ ن کے سینئر رہنما احسن اقبال نے بھی شدید الفاظ میں مذمت کی۔

تاہم اب رکن پنجاب اسمبلی سعدیہ سہیل نے طلال چوہدری کے خلاف مقدمہ درج کرانے کے لیے لاہور کے تھانہ جوہر ٹاؤن میں درخواست جمع کرادی جس کے متن میں بتایا گیا ہے کہ طلال چوہدری نے فردوس عاشق اعوان کے خلاف نازیبا جملے استعمال کیے۔

مزید پڑھیں: عدلیہ مخالف تقریر، طلال چوہدری کی معافی مسترد، تحریری فیصلہ جاری

یہ بھی پڑھیں: طلال چوہدری کا فیصل آباد میں غیر قانونی ڈیرہ مسمار

درخواست میں مؤقف اختیار کیا گیا ہے کہ طلال چوہدری سپریم کورٹ سے توہین عدالت کیس میں سزا یافتہ ہیں، سپریم کورٹ نے طلال چوہدری کو5سال کیلئےنااہل قرار دیا۔

ایم پی اے سعدیہ سہیل نے اپنی درخواست میں لکھا کہ طلال چوہدری کے نازیبا الفاظ کی وجہ سے خواتین کو شدید صدمہ پہنچا اُن کے بیان سے ظاہر ہوتا ہے کہ وہ خواتین کی عزت نہیں کرتے۔

یاد رہے کہ یہ پہلی بار نہیں بلکہ اس سے پہلے بھی مسلم لیگ کی قیادت اور بالخصوص شریف خاندان سے اپنی وفاداری ثابت کرنے کے لیے طلال چوہدری نے عدالت کی جانب سے جاری ہونے والے پاناما فیصلے پر شدید تنقید کرتے ہوئے ججز کو تضحیک کا نشانہ بنایا تھا البتہ جب انہیں طلب کیا گیا تو انہوں نے تحریری معافی مانگی جسے عدالت نے مسترد کرتے ہوئے پانچ سال کے لیے نااہل قرار دیا۔