Tag: طلال چوہدری

نوازشریف کاپہلے دن جوبیان تھا وہ اس پرآج بھی قائم ہیں‘مریم اورنگزیب

اسلام آباد: وفاقی وزیرمملکت برائے اطلاعات ونشریات مریم اورنگزیب کا کہناہےکہ وزیراعظم نوازشریف آج بھی اپنے بیان پر قائم ہیں جو انہوں نے پہلےدن دیاتھا۔

تفصیلات کےمطابق سپریم کورٹ آف پاکستان میں پاناماکیس کی سماعت کےبعد میڈیا سے گفتگوکرتے ہوئے کہاکہ عمران خان نےمریم نوازکےزیرکفالت ہونےکاجھوٹاالزام لگایا۔

مریم اورنگزیب کا کہناتھاکہ عالمی ادارے کہہ رہے ہیں پاکستان کی معیشت مضبوط ہورہی ہے،جبکہ عمران خان نےکارنزمیٹنگ میں کہا ملک دیوالیہ ہورہا ہے۔

وفاقی وزیرمملکت برائے اطلاعات ونشریات مریم اورنگزیب کاکہناتھاکہ خان صاحب مت بھولیں آپ کو2018میں عوامی عدالت میں جانا ہے۔

مسلم لیگ ن کی رہنما مریم اورنگزیب نےکہاکہ نوازشریف کارکردگی کی بنیاد پر 2018کا الیکشن جیتیں گے۔

دوسری جانب رکن قومی اسمبلی اور مسلم لیگ ن کے رہنما طلال چوہدری کا کہناتھاکہ عمران خان کبھی عوام کے حق میں بھی بات کرلیا کریں،کبھی کہتے ہیں سول نافرمانی کریں،کبھی کہتے ہیں ہنڈی سے پیسے بھیجیں۔

واضح رہےکہ مسلم لیگ ن کے رہنما طلال چوہدری کا کہناتھاکہ کوئی روزگارکے لئے بیرون ملک جاکر رقم بھیجے توآپ کوتکلیف ہوتی ہے۔

جنوری 30, 2017
عمران خان اعصابی دباؤ اوربوکھلاہٹ کا شکار ہوچکے ہیں‘سعد رفیق

اسلام آباد: وفاقی وزیر ریلوے خواجہ سعد رفیق کاکہناہےکہ مخالفین مقدمہ عدالت کی بجائےسڑکوں،گلیوں میں لڑنے کی کوشش کررہے ہیں۔

تفصیلات کےمطابق اسلام آباد میں سپریم کورٹ کےباہر میڈیاسےگفتگوکرتے ہوئےوفاقی وزیرریلوے خواجہ سعد رفیق نےکہاکہ عمران خان اعصابی دباؤاوربوکھلاہٹ کا شکار ہوچکے ہیں۔

وفاقی وزیرریلوے خواجہ سعد رفیق کا کہناتھاکہ توقع ہےعدالت کا فیصلہ واضح ہوگا،ابہام نہیں ہوگا،انہوں نےکہا کہ عدالتی کارروائی نے مخالفین کی نیندیں اڑادیں ہیں۔

مسلم لیگ ن کےرہنما خواجہ سعد رفیق کا کہناتھاکہ ہماری حکومت کی کارکردگی سب کے سامنے ہے۔

وفاقی وزیردفاع خواجہ آصف نےکہاکہ وکلا اور ججز کے درمیان گفتگو پرکوئی بات نہیں کریں گے،انہوں نے کہا کہ مخالفین کی جانب سے4سال سےجوالزامات لگائےگئےاب ان کو خود بھی سمجھ نہیں آرہی۔

مسلم لیگ ن کے رہنما طلال چوہدری کا کہناتھاکہ خان صاحب پانچ سال بعد قوم پوچھے گی تو کیا بتائیں گے کہ ایک درجن دھرنے دیے،2 درجن جھوٹے الزامات لگائے۔انہوں نےکہاکہ خان صاحب کوئی کام کریں،قوم کو کیا بتائیں گے۔

واضح رہےکہ مسلم لیگ ن کے رکن قومی اسمبلی طلال چوہدری کا کہناتھاکہ سپریم کورٹ کو جھوٹے الزامات لگانے والوں پربھی کارروائی کاحکم دیناچاہیے۔

جنوری 25, 2017
ترقی کی راہ میں‌ رخنہ ڈالنے والےناکام ہوں گے، وزیر اعلیٰ پنجاب

لاہور: وزیراعلیٰ پنجاب شہباز شریف کا کہنا ہے کہ ترقی میں رخنہ ڈالنے والوں کی منفی سیاست کا لاک ڈاؤن ہوچکا ہے۔

تفصیلات کے مسلم لیگ ن کے رکن قومی اسمبلی طلال چوہدری نے وزیراعلیٰ پنجاب شہبازشریف سے ملاقات کی۔

وزیراعلیٰ پنجاب شہباز شریف نے طلال چوہدری سے ملاقات میں گفتگو کرتے ہوئے کہا کہ پاکستان مسلم لیگ ن نے ہمیشہ اقدار کی سیاست کی ہے،جبکہ جھوٹ کی سیاست کرنے والوں کو آئندہ الیکشن میں بھی شکست ہوگی۔

اس موقع پرشہبازشریف کا کہناتھاکہ ترقی کاسلسلہ روکنے کی سازشیں کرنے والے پہلے بھی ناکامی سے دوچار ہوئے اور آئندہ بھی ناکام ہوں گے۔انہوں نے کہا کہ عوام نے شکست خوردہ عناصر کو ہر موقع پر رد کیا ہے۔

بعداذاں رکن قومی اسمبلی دانیال عزیز نے وزیراعلی پنجاب شہباز شریف سے ملاقات کی۔ ملاقات کے دوران وزیراعلی پنجاب نے گفتگو کرتے ہوئے کہا کہ ترقیاتی منصوبوں پرتنقیدکرنیوالےترقی،خوشحالی کےدشمن ہیں۔انہوں نے کہا کہ رکاوٹیں کھڑی کرنیوالوں کوعوام کی محرومیوں کاخاتمہ برداشت نہیں ہے۔

شہباز شریف نے کہا کہ مخالفیں کی زبانیں اورنج لائن منصوبےکی تکمیل پربند ہو جائینگی۔ رکن قومی اسمبلی سے شہباز شریف کا کہنا تھا کہ وزیراعظم کی قیادت میں عوامی خدمت کےریکارڈقائم کریں گے۔

مزید پڑھیں:دھرنا گروپ کو ہرمحاذپر شکست ہوئی،شہبازشریف

اس سے قبل گزشتہ دنوں وزیراعلیٰ پنجاب شہبازشریف کا کہناتھاکہ پاکستان کے عوام مسائل کا حل اور ملک کی ترقی چاپتے ہیں،عوام نے الزام تراشی اور جھوٹ کی سیاست کرنے والوں کومسترد کردیا ہے۔

واضح رہےکہ شہباز شریف نے کہاتھا ذاتی مفادات کےلیے قوم کو تقسیم کرنےوالوں کو ناکامی ہوئی،تبدیلی صرف نعروں اور تقریروں سے نہیں عملی اقدامات سے آتی ہے۔

جنوری 21, 2017
کل اسمبلی کوڈی چوک بنانےکی کوشش کی گئی،طلال چوہدری

اسلام آباد: مسلم لیگ ن کے رہنما طلال چوہدری کا کہناہے کہ کل اسمبلی کو ڈی چوک بنانے کی کوشش کی گئی۔انہوں نے کہا کہ دربدرہونےپرکچھ لوگوں کواسمبلی کی اہمیت یادرآرہی ہے۔

تفصیلات کےمطابق اسلام آباد الیکشن کمیشن کے باہر میڈیا سے بات کرتے ہوئے ن لیگ کے رہنما طلال چوہدری کا کہنا تھا کہ کل اسمبلی کوڈی چوک بنانےکی کوشش کی گئی۔ ڈی چوک کوصاف کیااسمبلی کوبھی صاف کریں گے۔

مسلم لیگ ن کے رہنما طلال چوہدری نے کہا کہ کچھ لوگوں کوسیاسی یتیم ہونےپراسمبلی کی اہمیت یاد آگئی ہے۔انہوں نے کہا کہ عمران خان کےخلاف کیس بہت سادہ ہے۔

مزید پڑھیں:قومی اسمبلی کا اجلاس: اسپیکر کا گھیراؤ، پی ٹی آئی نے ایجنڈے کی کاپیاں پھاڑ دیں

طلال چوہدری کا مزید کہناتھاکہ دوسرے کونااہل کرانےکی کوشش کرنے والےخود نااہل ہیں۔انہوں نے کہا کہ ثبوتوں کا دعویٰ کرنےوالےآج پاناماکیس سےبھاگ رہےہیں۔

مزید پڑھیں:ہنگامہ آرائی کر کے اسمبلی کے تقدس کو پامال کیا گیا، مریم اورنگزیب

واضح رہے کہ گزشتہ روز وزیر مملکت برائے اطلاعات مریم اورنگ زیب وزیر مملکت نے تحریک انصاف کا نام لیے بغیر تنقید کا نشانہ بنتے ہوئے کہاتھاکہ ایک پارٹی کا کام ہرجگہ ہنگامہ آرائی کرنا ہے،سپریم کورٹ ہو یا پارلیمنٹ یہ پارٹی ہر کارروائی کو روکنا چاہتی ہے۔

دسمبر 15, 2016
عمران خان راہ فرار اختیار کرنا چاہتے ہیں، طلال چوہدری

اسلام آباد : مسلم لیگ (ن) کے طلال چودھری نے کہا ہے کہ عمران خان عدالت میں کوئی ثبوت فراہم نہ کر سکے وہ جوڈیشل کمیشن میں کیا ثابت کر سکیں گے اسی لیے راہ فرار اختیار کر رہے ہیں۔

طلال چوہدری پاکستان تحریک انصاف کے سربراہ کے بیان پر تبصرہ کر رہے تھے جس میں عمران خان نے پانامہ کیس پر جوڈیشل کمیشن کے قیام کو مسترد کردیا تھا۔

اسی سے متعلق : پانامہ کیس میں کمیشن کے قیام کو مسترد کرتے ہیں، عمران خان

رکن قومی اسمبلی طلال چوہدری نے عمران خان کو سخت تنقید کا نشانہ بناتے ہوئے کہا کہ تحریک انصاف کے پاس الزامات کے سوا کچھ نہیں ہے وہ عدالت کے سامنے کوئی ثبوت پیش نہیں کر سکے تو جوڈیشل کمیشن کے سامنے کیا شواہد لے کر آئیں گے؟ یہ لوگ صرف معززعدالت اور قوم کا قیمتی وقت برباد کرنا چاہتے ہیں۔

مسلم لیگی رہنما کا کہنا تھا کہ پانامہ کیس پر جوڈیشل کمیشن کے قیام کے حوالے سے کل لیگی وکلاء عدالت میں اپنا موقف پیش کریں گے ہم چاہتے ہیں کہ پاناما کیس کا فیصلہ جلد از جلد ہو جس کے لیے معزز عدالت روزانہ کی بنیاد پر سماعت کرے تو خوشی ہو گی۔

انہوں نے کہا کہ سپریم کورٹ پر مکمل اعتماد ہے یہی وجہ ہے کہ میاں محمد نواز شریف نے خود پہل کرتے ہوئے سب سے پہلے سپریم کورٹ کو تحقیقات کے لیے خط لکھا تھا اب سپریم کورٹ جو بھی فیصلہ کرے گی ہمیں قبول ہوگا۔

دسمبر 8, 2016
جہانگیر ترین شریف صاحبان کی انگلی پکڑ کر سیاست میں آئے، طلال چوہدری

اسلام آباد : قومی اسمبلی میں پی ٹی آئی رہنما جہانگیر ترین کے اظہار خیال کا بھرپور جواب دینے کیلئے لیگی رہنما طلال چوہدری بھی میدان میں اتر آئے۔

مسلم لیگ ن کے رہنما طلال چودھری نے کہا کہ جہانگیر ترین کل تک میاں صاحب کی انگلی پکڑے رہتے تھے، جب بھی مشکل ہو تی ہے تو جہانگیرترین میاں صاحبان کے دروازے پر ہوتے ہیں۔

قومی اسمبلی میں پی ٹی آےآئی رہنما جہانگیر ترین نے حکومت پر تنقید کے نشتر چلائے تو ن لیگ کے رہنما طلال چوہدری نے بھی جہانگیر ترین پر طنز و تنقید کی بارش کردی۔

طلال چودھری کا کہنا تھا کہ الزامات کی سیاست کرنے والے عمران خان کے اپنے دائیں اور بائیں چوراورڈاکو کھڑے ہیں، انہوں نے کہا کہ جہانگیر ترین میاں صاحبان کی انگلی پکڑ کر سیاست میں آئے، پچھلے دروازے سے معافیاں بھی مانگتے ہیں, اب کی بار رائے ونڈ آئے تو ان کو معافی بھی نہیں ملے گی۔

مزید پڑھیں : جہانگیرترین نے شوگرملزکا ذکرکیا تو وزیراعظم ایوان سے چلے گئے

انہوں نے بتایا کہ جہانگیر ترین پہلے بھی جیل میں رہ چکے ہیں اب بھی جیل جائیں گے، طلال چودھری کا کہنا تھا کہ ہمیں ہماری جماعت میں کوئی چور ڈاکو نہیں ملا۔

انہوں نے کہا کہ عمران خان کے ساتھ کھڑے ہونے کے دعویدار جہانگیر ترین ایک لیکچرار سے کھرب پتی کیسے بنے ؟ قوم اس سوال کا جواب مانگتی ہے، یہ بھی بتائیں کہ ہمیشہ قرضہ اسی مل کا کیوں معاف ہوتا ہے جس کے ڈائریکٹر جہانگیر ترین یا ان کے رشتے دار بنتے ہیں۔

ستمبر 10, 2016
پارلیمنٹ لاجز میں واقع طلال چوہدری کے فلیٹ میں چوری

اسلام آباد: مسلم لیگ ن کے رکن قومی اسمبلی طلال چوہدری کے پارلیمنٹ لاجز میں واقع فلیٹ میں چوری کا واقعہ پیش آگیا۔ چور قیمتی گھڑیاں اور زیورات چرا کر لے گیا۔

پولیس کے مطابق چور بالکنی کے راستے فلیٹ میں داخل ہوا۔ طلال چوہدری کے بھائی نے پولیس کو چوری کی اطلاع دی۔ ان کے مطابق جب وہ وہاں گئے تو انہیں دروازہ ٹوٹا ہوا ملا۔ فلیٹ میں سامان بکھرا ہوا تھا جبکہ قیمتی گھڑیاں اور زیورات غائب تھے۔

پارلیمنٹ لاجز میں چوہوں کی بھرمار، چینی ماہرین بھی ناکام *

واقعہ کی پولیس کو رپورٹ کردی گئی ہے اور مزید تفتیش جاری ہے۔

طلال چوہدری ان دنوں فیصل آباد میں ہیں اور ان کا فلیٹ خالی تھا جس دوران یہ واقعہ پیش آیا۔ وہ واپس آکر اس معاملے کو دیکھیں گے۔

جمشید دستی کا پارلیمنٹ لاجز میں غیر اخلاقی حرکات کی تحقیقات کا مطالبہ *

واضح رہے کہ پارلیمنٹ لاجز کا علاقہ سخت سیکیورٹی کا علاقہ ہے۔ یہاں آنے جانے والوں کی مکمل تلاشی لی جاتی ہے جبکہ پارلیمنٹ لاجز میں آنے والے افراد کی باضابطہ انٹری ہوتی ہے۔ عام افراد کا وہاں داخلہ تقریباً ممنوع ہے۔

جولائی 4, 2016
شیری مزاری کو آنٹی کہنے پر پی ٹی آئی کا قومی اسمبلی سے واک آؤٹ

اسلام آباد : پاکستان مسلم لیگ کے رکن قومی اسمبلی طلال چوہدری نےکہا ہے کہ عمران خان کی اہلیہ سرکاری ہیلی کاپٹر کو رکشے کی طرح استعمال کرتی ہیں۔

لیگی رہنما کا کہنا تھا کہ این اے ایک سو پچیس کا فیصلہ فرمائشی ہے۔ تیس اپریل کے بجائے چار مئی کو کیوں سنایا گیا۔

ان خیالات کااظہار انہوں نے قومی اسمبلی میں خطاب کرتے ہوئے کیا، رکن قومی اسمبلی طلال چودھری نے اپنے خطاب کے دوران کہا کہ تحریک انصاف والے ہم پر موروثی سیاست کا الزام لگاتے ہیں جبکہ ریحام خان خیبر پختونخوا میں ہیلی کاپٹر کو رکشے کی طرح استعمال کر رہی ہیں یہ موروثی سیاست نہیں تو اور کیا ہے؟

انہوں نے کہا کہ ”آنٹی “شیریں مزاری ہمیں آئین و قانون کا سبق سکھاتی ہیں یہ سننا ہی تھا کہ تحریک انصاف کے اراکین اسمبلی سیخ پا ہوگئے اور شدید احتجاج کرتے ہوئے ایوان سے واک آﺅٹ کر گئے۔

پی ٹی آئی ارکان نے واک آؤٹ کیا تو پیپلز پارٹی اور جماعت اسلامی نے بھی ساتھ دیا۔ خیبرپختونخوا حکومت نے طلال چوہدری کے بیان پر سخت ردعمل کا اظہار کرتے ہوئے الزامات کو جھوٹا قرار دے دیا۔

صوبائی حکومت کے ترجمان کا کہنا ہے عمران خان کی اہلیہ نے کبھی سرکاری ہیلی کاپٹر استعمال نہیں کیا۔ سوشل میڈیا پر تصویرصوبائی حکومت کے ہیلی کاپٹر کی نہیں۔

انہوں نے مزید کہا کہ طلال چوہدری کے خلاف قانونی کارروائی کا حق محفوظ رکھتے ہیں۔

جون 18, 2015
اضافی بیلٹ پیپرز کی چھپائی ثابت ہوگئی، عمران خان

اسلام آباد : پاکستان تحریک انصاف کے سربراہ عمران خان نے کہا ہے کہ عام انتخابات میں اضافی بیلٹ پیپرز کی چھپائی ثابت ہوگئی،جبکہ طلال چوہدری نےکپتان کوسیاسی پپوقراردے دیا۔

تفصیلات کے مطابق عمران خان نے پھردعوٰی کیا ہے کہ جوڈیشل کمیشن میں ان کی حکمت عملی درست سمت میں جاری ہے، انہوں نے یہ بھی کہا کہ ثابت کردیا کہ وی آئی پی حلقوں میں اضافی بیلٹ پیپرچھاپے گئے۔

دوسری جانب مسلم لیگ ن کی انوشے رحمان نے الزام لگایا کہ عمران خان جوڈیشل کمیشن میں بھی جھوٹ بول رہے ہیں۔

ن لیگ کے طلال چوہدری نےکہا کہ عمران خان سیاست کےپپوہیں، ادھرجوڈیشل کمیشن کوایم ڈی سیکورٹی پرنٹنگ پریس بتایاکہ دوہزار تیرہ کےانتخابات میں سات کروڑ تینتیس لاکھ بیلٹ پیپرچھاپے گئے،مگراضافی چھپائی کی تاریخ یادنہیں۔

مئی 19, 2015