ARYNews.tv | Urdu – Har Lamha Bakhabar

Tag: طلبا

  • بی آئی ایس ای سوات بورڈ کے رزلٹ چیک کرنے والے طلبا کےلیے اہم خبر

    بی آئی ایس ای سوات بورڈ کے رزلٹ چیک کرنے والے طلبا کےلیے اہم خبر

    بی آئی ایس ای سوات بورڈ نے آج بروز ہفتہ دوپہر2 بجے گیارہویں جماعت (ایچ ایس ایس سی پارٹ ون) کے سالانہ نتائج کا اعلان کیا ہے۔

    بورڈ آف انٹرمیڈیٹ اینڈ سیکنڈری ایجوکیشن (بی آئی ایس ای) 30 اگست 2025 کو جن طلبا کا رزلٹ جاری کیا ہے ان کا تعلق سوات اور شانگلہ کے اضلاع سے ہے جنھوں نے اس سال کے شروع میں انٹرمیڈیٹ کے امتحانات دیے تھے۔

    بی آئی ایس ای سوات بورڈ کی جاری کردہ گیارہویں جماعت کے نتائج چیک کرنےکا طریقہ

    طلبا درج ذیل طریقوں سے اپنے نتائج تک رسائی حاصل کر سکتے ہیں، پہلا طریقہ کار: سرکاری ویب سائٹ کے ذریعے آن لائن نتائج چیک کیے جاسکتے ہیں، سرکاری ویب سائٹ کے "نتائج” سیکشن پر جائیں اور اپنا رول نمبر درج کریں، "سب مٹ” پر کلک کرکے نتیجہ دیکھیں۔

    دوسرے طریقہ کار کے تحت اسی نتائج کے صفحہ پر نام سے اپنا رلزٹ تلاش کرنے کا اختیار منتخب کریں، امتحانی ریکارڈ کے مطابق اپنا پورا نام درج کریں اور اپنا نتیجہ دیکھنے کے لیے "سب مٹ” پر کلک کریں۔

    تیسرے طریقہ کار کے تحت ایس ایم ایس سروس کا استعمال کیا جاسکتا ہے، وی طلبا جن کے پاس انٹرنیٹ تک رسائی میسر نہیں وہ ایس ایم ایس کے ذریعے اپنا رزلٹ معلوم کرسکتے ہیں۔

    ایس ایم ایس کوڈ 9818 جو کہ تمام کے پی کے بورڈز کے لیے قابل اطلاق ہے، اپنا رول نمبر ٹائپ کریں اور اسے 9818 پر بھیجیں، طلبا کو نتائج کی تفصیلات بذریعہ ایس ایم ایس موصول ہوجائے گی۔

    اس کے علاوہ ایک چوتھا طریقہ کار بھی طلبا کےلیے دستیاب ہے، تمام نتائج پر مشتمل آفیشل گزٹ بھی نتائج کے اعلان کے بعد سرکاری ویب سائٹ پر ڈاؤن لوڈ کے لیے دستیاب ہے۔

    https://urdu.arynews.tv/fbise-hssc-part-1-2-results-2025/

  • سعودی عرب، ریاض میں طلبا کے لیے بڑی رعایت کا اعلان

    سعودی عرب، ریاض میں طلبا کے لیے بڑی رعایت کا اعلان

    سعودی عرب کے شہر ریاض میں پبلک ٹرانسپورٹ اتھارٹی نے نئے تعلیمی سال کے آغاز پر طلبا کیلیے پبلک ٹرانسپورٹ کے ٹکٹوں میں 50 فیصد رعایت کا اعلان کردیا ہے۔

    سعودی خبر رساں ادارے کی رپورٹ کے مطابق پبلک ٹرانسپورٹ اتھارٹی کا اپنے بیان میں کہنا تھا کہ ’آپ کی عمر 6 سے 18 سال کے درمیان ہے یا آپ یونیورسٹی کے طالبعلم ہیں تو پبلک ٹرانسپورٹ کے ٹکٹوں پر 50 فیصد رعایت کے اہل ہیں۔‘

    رپورٹس کے مطابق طلبا 50 فیصد رعایت حاصل کرنے کے لیے قومی شناختی کارڈ یا اقامہ کے ساتھ اسکول انرولمنٹ لیٹر، یونیورسٹی کا شناختی کارڈ کے ساتھ ریاض میں پبلک ٹرانسپورٹ کے کسی بھی دفتر کا وزٹ کریں اور آج ہی سے سستے، محفوظ اور آسان سفر کا آغاز کریں۔

    اس اقدام کا مقصد خاندانوں کی مدد، ان کے مالی بوجھ کو کم کرنا اور ٹرانسپورٹیش کے جدید ذرائع پر انحصار کو فروغ دینا ہے۔

    سعودی ایئرلائن فلائی ناس کا ریاض اور ماسکو کے درمیان براہ راست پروازوں کا آغاز

    سعودی عرب میں مشرق وسطی کی مشہور لو بجٹ ایئرلائن فلائی ناس نے یکم اگست سے ریاض اور ماسکو کے درمیان براہ راست پروازوں کا آغاز کردیا ہے۔

    رپورٹ کے مطابق پہلی پرواز نے جمعے کو دوپہر ایک بجکر 46 منٹ پر ماسکو کے ونوکوو انٹرنیشنل ایئرپورٹ پر لینڈ کیا، فلائی ناس روس کے لیے ہفتے میں تین براہ راست پروازیں پیر، بدھ اور جمعے کو چلائے گی۔

    ریاض کے کنگ خالد انٹرنیشنل ایئرپورٹ اور ماسکو کے ونوکوو انٹرنیشنل ایئرپورٹ پر افتتاحی پرواز کے موقع پر جمعے کو تقریبات کا انعقاد کیا گیا جس میں روس میں سعودی سفیر عبدالرحمن الاحمد نے شرکت کی۔

    سعودی ایوی ایشن کا مقصد قومی کیریئرز کے ذریعے مملکت کو250 بین الاقوامی مقامات سے جوڑنا اور 2030 تک سیاحوں کی تعداد بڑھا کر سالانہ 150 ملین تک لے جانا ہے۔

    فلائی ناس مشرق وسطی کی پہلی لو بجٹ ایئرلائن ہے جو سعودی سٹاک مارکیٹ تداول میں رجسٹرڈ ہے۔ 30 ملکوں میں 70 سے زیادہ ملکی اور بین الاقوامی مقامات کے لیے 139 روٹس آپریٹ کرتی ہے۔

    سعودی عرب میں عربی اے آئی ایپ لانچ

    فلائی ناس 2007 سے اپنے آغاز کے بعد سے دو ہزار سے زیادہ ہفتہ وار پروازیں چلا رہی ہے۔ 80 ملین سے زیادہ مسافروں کو سفر کی سہولت فراہم کرچکی ہے۔

  • ہونہار اسکالر شپ پروگرام: طلبا کیلئے بڑی خوشخبری

    ہونہار اسکالر شپ پروگرام: طلبا کیلئے بڑی خوشخبری

    لاہور(10 اگست 2025): وزیراعلیٰ پنجاب مریم نواز نے طلبا کیلئے ہونہار اسکالر شپ پروگرام کے دوسرے مرحلے کا اعلان کردیا۔

    تفصیلات کے مطابق وزیراعلیٰ پنجاب مریم نواز نے پیغام میں کہا کہ آپ کے خواب پنجاب کے مستقبل کی دھڑکن ہیں اور اس پروگرام کے ذریعے 80 ہزار نوجوان ذہنوں کو آگے بڑھنے کے پروں سے نوازا گیا ہے۔

    مریم نواز نے کہا کہ ان 80 ہزار میں سے 50 ہزار طلبا پہلے ہی اپنی اسکالرشپس وصول کر رہے ہیں تاہم اب ہونہار اسکالر شپ کے اگلے مرحلے کیلئے پورٹل کھل چکا ہے۔

    ’ہونہار اسکالر شپ پروگرام‘ میں شامل ہونے کا آسان طریقہ

    وزیراعلیٰ پنجاب نے پیغام میں مزید کہا کہ یقین کے ساتھ درخواست دیں اور جذبے کیساتھ پڑھائی کریں، آپ کی کامیابی ہمیشہ میرا سب سے بڑا فخر رہے گی۔

    ہونہار اسکالر شپ پروگرام کا مقصد پورے خطے کے طلبا کو مالی مدد فراہم کرنا ہے، اگر آپ تعلیمی اہداف کو حاصل کرنے کے خواہاں ہیں تو ہونہار اسکالر شپ اسکیم آپ کے تعلیمی سفر میں مدد کرے گی، اس اقدام کا مقصد نوجوانوں کو اعلیٰ تعلیم تک رسائی دینا اور ان کا مستقبل روشن کرنا ہے۔

    یاد رہے کہ صوبائی وزیر تعلیم رانا سکندر حیات نے پہلے مرحلے میں کہا تھا کہ ہونہار اسکالر شپ پروگرام کا بجٹ 130 بلین روپے ہے جس کے تحت طلبا کی مدد کی جائے گی اور نوجوان نسل کو بااختیار بنایا جائے گا۔

  • اسکول میں داخلے کے وقت طلبا کو کونسے ٹیسٹ کرانا لازمی ہوگا؟

    اسکول میں داخلے کے وقت طلبا کو کونسے ٹیسٹ کرانا لازمی ہوگا؟

    لاہور : اسکولز اور کالجز میں داخلے کے وقت طلبا کو کونسے ٹیسٹ کرانا لازمی ہوگا؟ یہ قانون تمام سرکاری ونجی اداروں پر لاگو ہوگا۔

    تفصیلات کے مطابق پنجاب میں طلبا کےلیے تھیلیسیمیا اور جینیٹک امراض کا ٹیسٹ اب لازمی قرار دے دیا گیا۔

    اس سلسلے میں پنجاب اسمبلی نے "تھیلیسیمیا پریوینشن ایکٹ دوہزارپچیس” منظورکرلیا ہے، جس کے تحت تمام اسکول، کالج اور دینی مدارس میں داخلے کے وقت ٹیسٹ رپورٹ جمع کرانا ضروری ہوگا۔

    قانون میں کہا گیا کہ پی آئی ٹی بی ڈیٹا بیس بنائے گا اور حکومت غریب طلبہ کے لیے مفت ٹیسٹنگ اور کونسلنگ کا بندوبست کرےگی، جبکہ نادرا کے تعاون سے رجسٹریشن اور مالی امداد کی سہولت بھی متعارف کرائی جائے گی۔

    یہ قانون فوری نافذالعمل ہےاورتمام سرکاری ونجی اداروں پرلاگو ہوگا تاہم حتمی منظوری گورنر پنجاب دیں گے۔

    نئے نافذ کردہ قانون کا مقصد جینیاتی بیماریوں کے پھیلاؤ کو روکنا اور صحت کی دیکھ بھال کے نظام پر طویل مدتی طبی اور معاشی بوجھ کو کم کرنا ہے۔

    بل کے متن میں مزید کہا گیا ہے کہ کم آمدنی والے خاندانوں کے طلباء کے لیے مفت ٹیسٹنگ دستیاب کرائی جائے گی۔

  • طلبا کو آئس فراہم کرنے والے 2 منشیات فروش گرفتار

    طلبا کو آئس فراہم کرنے والے 2 منشیات فروش گرفتار

    راولپنڈی میں نصیر آباد پولیس نے کارروائی کرتے ہوئے 2 منشیات فروش کو گرفتار کرلیا، تعلیمی اداروں کے طلباء کو آئس سپلائی کر رہے تھے۔

    تفصیلات کے مطابق راولپنڈی کے سی پی او سید خالد ہمدانی کی ہدایات پر نصیرآباد پولیس نے منشیات فروشوں کے خلاف بڑی کارروائی کی اور نوجوانوں، خصوصاً طلبا کو آئس فراہم کرنے والے دو بڑے منشیات سپلائرز کو گرفتار کر لیا۔

    پولیس نے گرفتار ملزمان سے 4 کلو سے زائد آئس برآمد کی ہے، گرفتار ملزمان کی شناخت نوید اور اشتیاق کے نام سے ہوئی ہے، ملزم نے دوران تفتیش اعتراف کیا کہ وہ تعلیمی اداروں کے طلباء کو آئس سپلائی کر رہے تھے۔

     پولیس نے ملزم نوید سے 3 کلو 100 گرام آئس جبکہ ملزم اشتیاق سے 1 کلو 80 گرام آئس برآمد کی۔

    سی پی او نے اس موقع پر کہا کہ نوجوانوں کو تباہی کے دلدل میں دھکیلنے والے قانون کی گرفت سے نہیں بچیں گے اور ان کے خلاف سخت کارروائی کی جائے گی۔

  • لیپ ٹاپ اسکیم : آپ اہل ہیں یا نہیں؟ طلبا اہلیت چیک کریں

    لیپ ٹاپ اسکیم : آپ اہل ہیں یا نہیں؟ طلبا اہلیت چیک کریں

    لاہور : طلبا کے لیے لیپ ٹاپ اسکیم میں اہلیت کا معیار سامنے آگیا، کونسے طلبا اسکیم کے اہل ہوں گے۔

    تفصیلات کے مطابق وزیر اعلیٰ پنجاب مریم نواز نے صوبے کے نوجوانوں کو ڈیجیٹل طور پر بااختیار بنانے کا ایک اور وعدہ پورا کرتے ہوئے لیپ ٹاپ اسکیم کا اعلان کر دیا۔

    وزیرتعلیم رانا سکندرحیات نے بتایا کہ ایک لاکھ 10 ہزار طلبا میں جدید لیپ ٹاپ تقسیم کئے جائیں گے۔

    اہلیت کا معیار

    راناسکندرحیات نے اہلیت کا  معیار بتاتے ہوئے کہا کہ پبلک سیکٹر تعلیمی اداروں کے بی ایس کے طلبا اپلائی کر سکیں گے۔

    صوبائی وزیر کا کہنا تھا کہ پہلے اور دوسرے سمسٹر کے طلبا اس اسکیم کے اہل ہوں گے، بی ایس طلبا کیلئے 65 فیصد اور میڈیکل طلبا کیلئے 80 فیصد میرٹ مقرر کی گئی ہے۔

    انھوں نے مزید بتایا کہ آن لائن درخواست کیلئے آفیشل لنک مشتہر کر دیا گیا، میرٹ انٹر میڈیٹ کے نمبرزکی بنیاد پر متعین کیا جائے گا۔

    رانا سکندر حیات کا کہنا تھا کہ پورٹل اوپن ہونے کے چند گھنٹوں میں ہی 34 ہزار سے زائد طلبا رجسٹریشن کروا چکے ہیں۔

    لیپ ٹاپ پروگرام کے لیے آن لائن اپلائی کریں

    اہل طلباء اس لنک پر کلک کرکے آن لائن درخواست دے سکتے ہیں: cmlaptophed.punjab.gov.pk۔ مفت لیپ ٹاپ کے لیے درخواست دینے سے پہلے انہیں اپنی تفصیلات آن لائن جمع کرانے کی ضرورت ہوگی۔

    کیا نجی کالجوں یا یونیورسٹیوں کے طلباء لیپ ٹاپ اسکیم کے لیے درخواست دینے کے اہل ہیں؟

    نہیں، نجی کالجوں یا یونیورسٹیوں میں داخلہ لینے والے طلباء لیپ ٹاپ اسکیم کے اہل نہیں ہیں۔

    کیا لیپ ٹاپ اسکیم کے لیے درخواست کی فیس ہے؟

    نہیں، لیپ ٹاپ اسکیم کے لیے کوئی درخواست فیس نہیں ہے۔

    Currency Rates in Pakistan Today- پاکستان میں آج ڈالر کی قیمت

    بے نظیراور مریم نواز میں بنیادی فرق

  • کراچی کے طلبا کا بڑا کارنامہ، بنا ڈرائیور چلنے والی گاڑی تیار کرلی، ویڈیو دیکھیں

    کراچی کے طلبا کا بڑا کارنامہ، بنا ڈرائیور چلنے والی گاڑی تیار کرلی، ویڈیو دیکھیں

    کراچی: این ای ڈی یونیورسٹی کے پوسٹ گریجوٹس کی ٹیم نے ایک ایسی الیکٹرکل گاڑی متعارف کرائی ہے جو بنا ڈرائیور کے چلتی ہے۔

    اے آر وائی نیوز کی رپورٹ کے مطابق این ای ڈی انجینئرنگ یونیورسٹی کے طلبا نے ڈرائیور لیس گاڑی بنانے کا کارنامہ انجام دیا ہے، طلبا کو لگتا ہے کہ یہ گاڑی پاکستان میں رہنے والے لوگوں کی توجہ ضرور حاصل کرے گی۔

    یہ ایک ایسی گاڑی ہے جسے کوئی بھی لوکیشن دے دی جائے یہ وہاں باآسانی پہنچ سکتی ہے، بین الاقوامی طور پر یہ گاڑی متعارف ہوچکی ہے۔

    گاڑی بنانے والے طلبا نے کہا کہ پاکستان میں کافی مختلف صورتحال ہوتی ہے یہاں پر راستوں میں کافی گڑھے ہوتے ہیں، اگر ایسا کوئی گڑھا گاڑی کے سامنے آئے تو اسے پتا ہو کے کیسا ردعمل دینا ہے۔

    رہنمائی کرنے والے استاد کا کہنا ہے کہ یہ نہ صرف مقامی ٹرانسپورٹ بلکہ انٹرسٹی ٹرانسپورٹ کے لیے بھی ایک آئیڈیل ٹیکنالوجی ہے، ہیوی وہیکل، بسوں اور کوچز سب میں یہ ٹیکنالوجی اپلائی ہوسکتی ہے۔

  • سست انٹرنیٹ کے باعث طلبا کو اسائنمٹ پورا کرنے میں مشکلات

    سست انٹرنیٹ کے باعث طلبا کو اسائنمٹ پورا کرنے میں مشکلات

    سکھر : سست انٹرنیٹ کے باعث طلبا کو اسائنمٹ پورا کرنے میں مشکلات کا سامنا ہے ، ان کا کہنا ہے کہ منٹوں کی’’فائلیں‘‘گھنٹوں میں ڈاؤن لوڈ ہوتی ہیں، جس سے تعلیم میں حرج ہورہا ہے۔

    تفصیلات کے مطابق کتب بینی کے فروغ اور نوجوان نسل کو کتابوں کی طرف راغب کرنے کیلئے سکھر کی میر معصوم شاھ لائبریری میں میونسپل کارپوریشن کی جانب سے جدید دور کے تقاضوں سے ہم آہنگ ڈجیٹل لائبریری کی سہولت قائم کی گئی ہے۔

    تاہم کچھ عرصے سے انٹرنیٹ کی سست رفتار طلبہ کیلئے مشکلات کا سبب بن رہی ہے اور طلبا کو کتابوں تک آسان رسائی فراہم کیلئے قائم ڈجیٹل لائبریری میں سلو انٹرنیٹ کی وجہ سے کتابیں ڈاؤن لوڈ کرنے اور صفحات کھولنے میں دشواری کا سامنا کرنا پڑتا ہے۔

    مزید پڑھیں : پاکستان میں سست انٹرنیٹ کے پریشان صارفین کے لئے اچھی خبر آگئی

    طلبا کا کہنا ہے کہ انٹرنیٹ اتنی سلو ہوچکی ہے کہ کتاب ڈاؤنلوڈ کرنا تو دور اب ایک صفحہ کھلنے میں بھی کئی منٹ لگ جاتے ہیں، جس سے تعلیم میں حرج ہورہا ہے اور بروقت اسائنمٹ پورے نہیں کر پاتے۔

    انتظامیہ نے لائبریری میں انٹرنیٹ کی بہتر سہولت تو فراہم کردی ہے، لیکن کچھ مہینوں سے انٹرنیٹ کی سلو اسپیڈ کی وجہ سے طلبہ کو مطلوبہ مواد حاصل کرنے میں مشکلات کا سامنا کرنا پڑ رہا ہے ۔

    حکومت اور متعلقہ اداروں کو چاہیئے لائبریریز اور تعلیمی اداروں میں تیز رفتار انٹرنیٹ کی فراہمی اور آف لائن مواد کی دستیابی کو یقینی بنانے کیلئے اقدامات کیے جائیں۔

  • کن طلبا کو جدید ترین کور آئی 7 لیپ ٹاپ ملیں گے؟

    کن طلبا کو جدید ترین کور آئی 7 لیپ ٹاپ ملیں گے؟

    لاہور : وزیراعلی پنجاب مریم نوازشریف نے 90 دن میں طلبا کو لیپ ٹاپ دینے کا ہدف مقرر کردیا تاہم کن طلبا کو جدید ترین کور آئی سیون لیپ ٹاپ دئیے جائیں گے؟

    تفصیلات کے مطابق وزیراعلی پنجاب مریم نوازشریف نے چیف منسٹر لیپ ٹاپ اور ہونہار سکالر شپ پروگرام کے تحت طلبہ کو 90 دن میں لیپ ٹاپ دینے کاہدف مقرر کردیا، طلبہ کو جدید ترین کور آئی سیون، 13 جنریشن لیپ ٹاپ دئیے جائیں گے۔

    وزیراعلی مریم نوازشریف نے 2 ہزار اقلیتی طلبہ کو بھی لیپ ٹاپ دینے کا حکم دیتے ہوئے میٹرک اور ایف ایس سی کے پوزیشن ہولڈرز طلبہ کو لیپ ٹاپ دینے کی ہدایت کردی۔

    اجلاس میں بتایا گیا کہ طلبہ کو میرٹ پر وزیراعلی پنجاب لیپ ٹاپ سکیم کے تحت کامیاب طلبہ کو گارڈ آف آنر بھی دیاجائے گا، اس کے علاوہ یونیورسٹیوں کے 20ہزار،کالجز کے 14ہزار، صنعت و زراعت کے 4ہزار، میڈیکل اورڈینٹل کالجز کے 2ہزار طلبہ کو لیپ ٹاپ ملیں گے۔

    لیپ ٹاپ حاصل کرنے والوں میں 32 فیصد جنوبی پنجاب کے طلبہ شامل ہوں گے ، طلبہ کو وزیراعلی لیپ ٹاپ اسکیم کے تحت 30 دن میں 5 ہزار اور 20 فروری تک 35 ہزار لیپ ٹاپ دئیے جائیں گے۔

    کمپیوٹر سائنس، میڈیکل، سائنس، انجینئرنگ، سوشل سائنسز، بزنس، لینگوئج، ویٹرنری اور ایگریکلچر کے طلبہ کو بھی لیپ ٹاپ دئیے جائیں گے۔

    اجلاس میں کہنا تھا کہ پنجاب بھر میں 30ہزار سرکاری اور 10 ہزار پرائیویٹ تعلیمی اداروں کے طلبہ کو سکالرشپ بھی دئیے جائیں گے اور وزیراعلی ہونہار سکالر شپ پروگرام کے تحت 18ہزار طالبات کو وظائف ملیں گے۔

    اجلاس کے دوران بریفنگ دیتے ہوئے بتایا گیا کہ چار سے پانچ سال تک طلبہ کی مکمل ٹیوشن فیس ہونہار سکالر شپ کے تحت ادا کی جائے گی، اسکالر شپ کیلئے 68329 درخواستیں موصول ہوئی ہیں، 34290 درخواستوں کی تصدیق مکمل ہوگی۔

    پنجاب کے پبلک سیکٹر یونیورسٹیز میں ہدف سے زائد 15.5 فیصد اضافی انرولمنٹ بھی کرائی گئی ہے جبکہ 18 پبلک سیکٹر یونیورسٹیز میں وائس چانسلر کی تعیناتی کے لئے 6 کا پروسیس جاری ہے ، ایک یونیورسٹی کی آسامی کی دوبارہ تشہیر کی جائے گی۔

    وزیراعلی مریم نوازشریف نے لیپ ٹاپ اسکیم میں شفافیت یقینی بنانے پر صوبائی وزیر تعلیم رانا سکندر حیات، سیکرٹری ہائرایجوکیشن ڈاکٹر فرخ نوید اور انکی ٹیم کی کاوشوں کو سراہا۔

  • کرکٹ کے شوقین طلباء کے لئے بڑی خوشخبری

    کرکٹ کے شوقین طلباء کے لئے بڑی خوشخبری

    پاکستان کرکٹ بورڈ (پی سی بی) نے کرکٹ کے شوقین طلباء کو خوشخبری سنادی۔

    اے آر وائی نیوز کے مطابق پاکستان کرکٹ بورڈ (پی سی بی) نے پاکستان بنگلادیش دوسرے ٹیسٹ میچ میں طلبا کیلئے مفت داخلے کااعلان کردیا ہے۔

    اسٹیڈیم میں داخلے کیلئے طالب علموں کو یونیفارم میں تعلیمی اداروں کے کارڈ ساتھ لانے ہونگے، جبکہ طالب علموں کیلئے مفت داخلے کی پالیسی کا اطلاق پی سی بی گیلری یا پلاٹینم باکس میں نہیں ہوگا۔

    دوسرے ٹیسٹ میں بھی شائقین کیلیے مفت شٹل بس سروس کی سہولت رہے گی، واضح رہے کہ راولپنڈی میں دوسرا ٹیسٹ 30 اگست سے 3 ستمبر تک کھیلا جائے گا۔

    دوسری جانب پاکستان کرکٹ بورڈ کے اقدام کے خلاف اسپورٹس صحافی عدالت پہنچ گئے، ان کا مدعا تھا کہ صحافیوں کو کوریج سے روکنا آئین کی خلاف ورزی ہے۔

    پاکستان کرکٹ بورڈ کی جانب سے صحافیوں کو کوریج سے روکنے کا معاملہ عدالت پہنچ گیا، اسپورٹس جرنلسٹس نے ایک درخواست کے ساتھ اسلام آباد ہائیکورٹ سے رجوع کر لیا ہے، درخواست میں وفاق، پیٹرن انچیف وزیر اعظم، سیکریٹری کابینہ، اور پاکستان کرکٹ بورڈ کے چیئرمین محسن نقوی کو فریق بنایا گیا ہے۔

    وزیراعظم کی اسکواش لیجنڈ جان شیر خان کو علاج میں مدد کی یقین دہانی

    عدالت میں یہ درخواست عبدالواحد قریشی ایڈووکیٹ کے ذریعے دائر کی گئی ہے، جس میں کہا گیا ہے کہ اسپورٹس جرنلسٹس متعدد نیشنل اور انٹرنیشنل کرکٹ مقابلوں کی کوریج کر چکے ہیں،کئی ورلڈ کپ،ورلڈ ٹی ٹوئنٹی اور چیمپئنز ٹرافیز بھی کور کی گئی ہیں، لیکن اب پی سی بی نے کوریج کے آئینی حق سے صحافیوں کو محروم کر دیا ہے۔