Tag: طلبہ

اکاڑہ/ منڈی بہاؤالدین: پنجاب کے شہر اوکاڑہ میں ایک بس کنڈیکٹر نے طالب علم کو دھکا دے کر بس سے گرا دیا جس کے نتیجے میں طالب علم جاں بحق ہو گیا۔

تفصیلات کے مطابق اوکاڑہ میں بائی پاس کے قریب دیپالپور روڈ پر ایک طالب علم بس سے گر کر جاں بحق ہو گیا، طلبہ نے کہا ہے کہ بس کنڈیکٹر نے اسامہ کو دھکا دے کر گرایا۔

ریسکیو ذرایع کا کہنا ہے کہ جاں بحق طالب علم کی شناخت اسامہ کے نام سے ہوئی ہے، جسے اسپتال منتقل کر دیا گیا ہے۔

طلبہ کا کہنا تھا کہ اوکاڑہ بائی پاس پر سکینڈ ائیر کا طالب علم اسامہ اقبال اور دیگر طلبہ بس پر سوار ہو رہے تھے کہ اس دوران بس کنڈیکٹر نے اسامہ اقبال کو دھکا دے دیا، ڈرائیور نے بس دوڑانے کی کوشش کی اور اسامہ ٹائر کے نیچے آکر موقع ہی پر جاں بحق ہو گیا۔

واقعے کے بعد بس ڈرائیور اور کنڈیکٹرموقع سے فرار ہو چکے ہیں، طلبہ نے اسامہ کی لاش احتجاجاً جی ٹی روڈ پر رکھ کر دھرنا دے دیا ہے، مظاہرین کا مطالبہ ہے کہ جب تک بس عملے کی گرفتاری عمل میں نہیں لائی جاتی تب تک احتجاج جاری رہے گا۔

موصولہ اطلاعات کے مطابق اوکاڑہ کی مقامی پولیس کی نفری جی ٹی روڈ پہنچ گئی ہے، جہاں مظاہرین سے مذاکرات جاری ہیں۔

طلبہ گروہوں میں فائرنگ

دوسرے واقعے میں پنجاب کے شہر منڈی بہاؤالدین میں گورنمنٹ کالج آف ٹیکنالوجی کے دو طلبہ گروہوں میں جھگڑا ہو گیا، اس دوران ایک دوسرے پر آزادانہ فائرنگ کی گئی، پولیس کا کہنا ہے کہ فائرنگ اور جھگڑے میں 4 طلبہ زخمی ہو گئے ہیں جنھیں اسپتال منتقل کر دیا گیا ہے۔

پولیس کے مطابق زخمی ہونے والے 2 طالب علموں ارحم اور سرخیل کی حالت تشویش ناک ہے، اسپتال میں ان کی جانیں بچانے کی کوشش کی جا رہی ہے۔

کراچی: ثانوی تعلیمی بورڈ نے ایک گھنٹے میں طلبہ و طالبات کے لیے دستاویزات نکلوانے کا نظام متعارف کرا دیا۔

تفصیلات کے مطابق ثانوی تعلیمی بورڈ کراچی نے پہلی بار طلبہ وطالبات کے لیے ایک گھنٹے میں مارک شیٹ، مائیگریشن سرٹیفکیٹ، پاس سرٹیفکیٹ نکلوانے کا نظام متعارف کرا دیا۔

ثانوی تعلیمی بورڈ کراچی کی انتظامیہ کی جانب سے ایک خصوصی کاؤنٹر قائم کیا گیا ہے جس کے ذریعے طلبہ وطالبات ایک گھنٹےمیں مارک شیٹ، مائیگریشن سرٹیفکیٹ،پاس سرٹیفکیٹ نکلوا سکیں گے۔

میٹرک بورڈ کے اس نظام سے موجودہ ہزاروں طلبہ وطالبات کے علاوہ ماضی میں میٹرک کرنے والے لاکھوں افراد بھی فائدہ اٹھا سکیں گے۔

ذرائع کے مطابق ثانوی تعلیمی بورڈ کراچی کی جانب سے میٹرک کے سرٹیفکیٹ کے اجرا کے دورانیے کو 2 سال سے کم کرکے 6 ماہ کرنے اور اسے اسکولوں کے بجائے بورڈ سے براہ راست جاری کیے جانے پر بھی غور کیا جارہا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

کراچی : جامعہ کراچی کے وائس چانسلر اجمل خان کا کہنا ہے کہ کراچی یونیورسٹی میں دہشت گردوں کا کوئی ونگ نہیں ہے۔

تفصیلات کے مطابق وائس چانسلر کراچی یونیورسٹی اجمل خان نے پریس کانفرنس کرتے ہوئے کہا کہ سیکورٹی کے معاملات دیکھنا اداروں کا کام ہے۔

وائس چانسلر کا کہنا تھا کہ ایک دو واقعات پر ہمیں اتنا زیادہ پریشان ہونےکی ضرورت نہیں ہے۔

جامعہ کراچی کے وائس چانسلر کا کہنا تھا کہ یونیورسٹی کی سیکورٹی پر کام کررہے ہیں اور ہم سیکورٹی اداروں سے بھرپور تعاون کریں گے۔

یونیورسٹی طلبہ کا ڈیٹا سیکیورٹی اداروں کو دینے کا معاملہ، چیئرمین سینیٹ کی مخالفت

انہوں نے پریس کانفرنس میں کہا کہ طلبا کا دہشت گردی میں ملوث ہونے کے حوالے سے مجھے سیکورٹی ایجنسیز کی جانب سے کوئی معلومات نہیں دی گئی۔

وائس چانسلر کا کہنا تھا کہ سیکورٹی ادارے ہمیں بتائیں کہ کس طرح جامعہ کی سیکورٹی بہتر بنائیں۔ انہوں نے کہا کہ سیکورٹی اداروں کو ڈیٹا فراہم کرنے کے حوالے سے ابھی کوئی فیصلہ نہیں ہوا۔

خواجہ اظہار قاتلانہ حملے کا مرکزی ملزم سروش سے متعلق اہم معلومات

جامعہ کراچی کے وائس چانسلر کا کہنا تھا کہ کوئی ایسا فیصلہ نہیں کررہے جس سے طلبہ پریشان ہوں۔ انہوں نے کہا کہ کیریکٹر سرٹیفکٹ لازمی قرارد دینےکا فیصلہ فی الحال نہیں ہوا۔

واضح رہے کہ کراچی یونیورسٹی کے وائس چانسلر اجمل خان کا کہنا تھا کہ یونیورسٹی کی مالی حالت بہت بری ہے انہوں نے کہا کہ ادارہ خسارے میں ہوگا تو تنخواہیں دینا بھی مشکل ہوجاتا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔