Tag: طلبی

لاہور: قومی احتساب بیورو (نیب) نے مسلم لیگ ن کے صدر اور قومی اسمبلی میں قائد حزب اختلاف شہباز شریف کو کل طلب کر لیا

تفصیلات کے مطابق نیب کی جانب سے جاری کیے گئے اعلامیے میں اپوزیشن لیڈر شہباز شریف کو آمدن سے زائد اثاثہ جات اور منی لانڈرنگ کے کیسز میں کل نیب لاہور آفس میں پیش ہونے کی ہدایت کی گئی ہے۔

نیب لاہور نے پیشی کے لیے حفاظتی اقدامات مکمل کرلیے۔تحقیقاتی ٹیم اور شہباز شریف کے درمیان ٹیبل پرگلاس وال نصب کی گئی ہے، انٹرویو رومز میں باقاعدگی سے جراثیم کش اسپرے کیا جا رہا ہے۔

نیب حکام سوال جواب کے دوران سماجی فاصلہ برقرار رکھیں گے۔نیب کی طرف سے متعلقہ حکام کو ماسک پہننے کی ہدایات جاری کی گئی ہیں۔

قومی احتساب بیورو نے شہباز شریف کو مفصل سوالنامہ گزشتہ پیشی پر فراہم کیا، جوابات کے لیے مناسب وقت بھی دیا گیا۔اپوزیشن لیڈر کی خواہش پر انہیں زیادہ وقت فراہم کیا گیا،تاکہ بیرون ملک سے مطلوبہ ریکارڈ حاصل کرسکیں۔

دوسری جانب اپوزیشن لیڈر میاں شہباز شریف نے آمدن سے زائد اثاثہ جات اور منی لانڈرنگ کے کیسز میں گرفتاری سے بچنے کے لیے لاہور ہائی کورٹ میں عبوری ضمانت کے لیے درخواست دائر کر دی۔

لاہور: نیب نے اپوزیشن لیڈر شہباز شریف کو آمدن سے زائد اثاثہ جات کی تحقیقات کے لیے ایک بار پھر طلب کر لیا۔

تفصیلات کے مطابق نیب نے آمدن سے زائد اثاثہ جات کیس میں مسلم لیگ ن کے صدر اور قومی اسمبلی میں قائد حزب اختلاف شہباز شریف کو دوبارہ طلبی کا نوٹس جاری کر دیا۔

نیب لاہور نے شہباز شریف کو 22 اپریل دن 12 بجے نیب ٹیم کے روبرو پیش ہونے کا نوٹس ارسال کیا ہے۔ نوٹس میں نیب نے شہباز شریف کو یقین دہانی کروائی ہے کہ کرونا وائرس کے پیش نظر مکمل حفاظتی اقدامات اختیار کیے جائیں گے۔

نیب ذرائع کے مطابق آمدن سے زائد اثاثہ جات کیس کی انکوائری آخری مراحل میں داخل ہوچکی ہے اور شہباز شریف سے سوالات کے جواب انتہائی ضروری ہیں۔

یاد رہے کہ نیب نے شہباز شریف کو 17 اپریل کو طلب کیا تھا تاہم انہوں نے پیشی والے دن نیب کے سامنے پیش ہونے کے لیے مہلت مانگ لی تھی۔

اپوزیشن لیڈر شہباز شریف کی جانب سے نیب کو دیے گئے جواب میں کہا گیا تھا کہ طبی ماہرین نے انہیں مشورہ دیا کہ کرونا وائرس سے جڑے جان لیوا خطرات کے پیش نظر وہ اپنی نقل وحرکت محدود رکھیں کیونکہ وہ کینسر جیسے مرض سے لڑچکے ہیں۔

لاہور: آمدن سے زائد اثاثہ جات کیس میں طلب کرنے پر مسلم لیگ ن کے رہنما جاوید لطیف نیب لاہور کے آفس میں پیش ہوگئے۔

تفصیلات کے مطابق قومی احتساب بیورو نیب نے آمدن سے زائد اثاثوں کی تحقیقات کے لیے آج طلب کیا تھا جس پر مسلم لیگ ن کے رہنما جاوید لطیف نیب لاہور کے آفس میں پیش ہوئے۔

ذرائع کے مطابق جاوید لطیف نے نیب سے مکالمہ کرتے ہوئے کہا کہ نیا آرڈیننس آچکا ہے، مجھے کیوں بلایا؟ ہائی کورٹ سے آرڈر لے کر آیا ہوں، مجھے گرفتار کرنے سے 10 دن قبل اطلاع دی جائے۔

ذرائع کا کہنا ہے کہ جاوید لطیف نے کہا کہ میرے پاس اپنے اثاثوں کی تفصیلات ہیں نہ بھائیوں اور خاندان کی، ایک ماہ کا وقت دیں، سوچ کر بتاؤں گا کہ نیب آنا ہے یا نہیں۔

نیب میں پیشی سے قبل میاں جاوید لطیف کا کہنا تھا کہ یہ وہی پوچھ گچھ ہے جو 2000ء میں بھی ہوئی تھی، تب بھی وہی اثاثے تھے اور آج بھی وہی ہیں۔

آمدن سے زائد اثاثوں پر انکوائری سے متعلق ن لیگی رہنما جاوید لطیف کی ممکنہ گرفتاری کے خلاف درخواست پر لاہور ہائی کورٹ میں گزشتہ ماہ سماعت ہوئی تھی۔

نیب کو وارنٹ گرفتاری سے قبل جاوید لطیف کو آگاہ کرنے کا حکم

جسٹس طارق عباسی کی سربراہی میں ہونے والی سماعت میں درخواست گزار کے وکیل نے موقف اختیار کیا تھا کہ نیب نے جائیداد کی تفصیلات مانگی ہیں، جبکہ ان الزامات میں محکمہ اینٹی کرپشن اپنی تحقیقات بند کرچکا ہے۔

درخواست میں استدعا کی گئی تھی کہ نیب انکوائری میں شامل ہو رہا ہوں گرفتاری کا خدشہ ہے، جس پر عدالت نے نیب کو حکم دیا تھا کہ جاوید لطیف کی گرفتاری سے قبل انہیں آگاہ کیا جائے۔

لاہور: قومی احتساب بیورو (نیب) نے مسلم لیگ ن کے رہنما جاوید لطیف کو کل دوبارہ طلب کرلیا، لیگی رہنما کے خلاف آمدن سے زائد اثاثوں سے متعلق انکوائری جاری ہے۔

تفصیلات کے مطابق نیب نے مسلم لیگ ن کے رکن قومی اسمبلی جاوید لطیف کو کل مکمل ریکارڈ کے ساتھ دوبارہ طلب کرلیا۔ جاوید لطیف کو آمدن سے زائد اثاثہ جات کیس میں طلب کیا گیا ہے۔

آمدن سے زائد اثاثوں پر انکوائری سے متعلق ن لیگی رہنما جاوید لطیف کی ممکنہ گرفتاری کے خلاف درخواست پر لاہور ہائی کورٹ میں گزشتہ ہفتے سماعت ہوئی تھی۔

نیب کو وارنٹ گرفتاری سے قبل جاوید لطیف کو آگاہ کرنے کا حکم

جسٹس طارق عباسی کی سربراہی میں ہونے والی سماعت میں درخواست گزار کے وکیل نے موقف اختیار کیا تھا کہ نیب نے جائیداد کی تفصیلات مانگی ہیں، جبکہ ان الزامات میں محکمہ اینٹی کرپشن اپنی تحقیقات بند کرچکا ہے۔

درخواست میں استدعا کی گئی تھی کہ نیب انکوائری میں شامل ہو رہا ہوں گرفتاری کا خدشہ ہے، جس پر عدالت نے نیب کو حکم دیا تھا کہ جاوید لطیف کی گرفتاری سے قبل انہیں آگاہ کیا جائے۔

اس سے قبل 23 دسمبر کو مسلم لیگ ن کے رہنما جاوید لطیف اپنے بھائیوں اور بیٹے احسن جاوید کے ہمراہ نیب کے سامنے پیش ہوئے تھے۔