Tag: طلبی کا اشتہار

اسلام آباد : سپریم کورٹ نے حمزہ شہباز شریف کی طلبی کا اشتہار اخبار میں جاری کرنے کا حکم دے دیا۔

تفصیلات کے مطابق سپریم کورٹ میں نیب کی حمزہ شہباز کیخلاف اپیل پر سماعت ہوئی ، جسٹس اعجاز الاحسن کی سربراہی میں 3رکنی بینچ نےسماعت کی۔

ڈپٹی پراسیکیوٹر نیب نے کہا کہ فریقین کو نوٹسزکی تعمیل نہیں ہو سکی، جس پر جسٹس اعجازالاحسن کا کہنا تھا کہ رجسٹرارلاہورہائی کورٹ کوبھی فریقین کو نوٹس کی تعمیل حکم دیا تھا۔

سپریم کورٹ نے حمزہ شہباز شریف کی طلبی کا اخبار میں اشتہار جاری کرنے کا حکم دے دیا۔

عدالت نے طلبی کے نوٹس کی عدم تعمیل پر اخبار میں اشتہار دینے کا حکم دیتے ہوئے سماعت غیر معینہ مدت تک کے لیئے ملتوی کر دی۔

خیال رہے لاہور ہائی کورٹ نے نیب کو حمزہ شہباز کو گرفتارکرنے سے 10دن پہلےاطلاع دینےکاحکم دیا تھا ، بعد ازاں لاہور ہائی کورٹ کی آبزرویشنز کو نیب نے چیلنج کیا تھا۔

اسلام آباد : اسلام آباد ہائی کورٹ کے رجسٹرار آفس نے نواز شریف کی طلبی کا اشتہار ایڈیشنل اٹارنی جنرل کے حوالے کردیا،  جس میں نواز شریف کو  24 نومبر کو طلب کیا گیا ہے۔ 

تفصیلات کے مطابق اسلام آباد ہائی کورٹ کے رجسٹرار آفس نے  نواز شریف کی طلبی کا اشتہار بنوا کر ایڈیشنل اٹارنی جنرل کے حوالے کردیا۔

نوازشریف کی طلبی سے متعلق اشتہاری دستاویز5 صفحات پرمشتمل ہیں ،اشتہار میں گہا گیا ہے کہ نواز شریف سزا یافتہ ہیں ، نواز شریف 24 نومبر کو عدالت میں پیش ہوں جبکہ اشتہارمیں نواز شریف کی ایون فیلڈ ،العزیزیہ کیس میں سزا کا بھی ذکر کیا گیا ہے۔

اشتہار میں نواز شریف کے ایون فیلڈ اور العزیزیہ کا الگ الگ حوالہ دیا گیا ہے۔

رجسٹرار آفس نے کہا کرمنل پروسیجر 87 کے تحت کارروائی کریں گے، سارا معاملہ عدالتی احکامات کے عین مطابق کریں گے ، طلبی کا اشتہار دونوں اخبارات میں کواٹر پیج میں تشہیر کیا جائے گا، اشتہار پبلش ہونے کے بعد عدالتی احکامات کے تحت کارروائی کی جائے گی۔

یاد رہے عدالت نے 2 اخبارات میں نواز شریف کی طلبی کا اشتہار جاری کرنے کا حکم دیا تھا اور ڈپٹی اٹارنی جنرل آفس سے اشتہارات کی مد میں 60 ہزار روپے ہائی کورٹ رجسٹرارآفس کو مل گئے تھے۔

خیال رہے اسلام آبادہائی کورٹ نے نواز شریف کے اشتہارجاری کرنے کا حکم دیتے ہوئے کہا تھا کہ 30 دن کے اندر اگر ملزم پیش نہیں ہوتے تو اشتہاری قرار دیا جائے۔