ARYNews.tv | Urdu – Har Lamha Bakhabar

Tag: طوفان

  • اگلے ہفتے گرج چمک کے ساتھ بارشوں اور طوفان کی پیشگوئی

    اگلے ہفتے گرج چمک کے ساتھ بارشوں اور طوفان کی پیشگوئی

    اسلام آباد (4 اگست 2025): پاکستان کے مختلف علاقوں آئندہ ہفتے کے لیے پھر گرج چمک کے ساتھ بارشوں اور طوفانوں کی پیشگوئی کی گئی ہے۔

    اے آر وائی نیوز کے مطابق پاکستان کے مختلف علاقوں ان دنوں شدید مون سون کی لپیٹ میں ہیں۔ کلاؤڈ برسٹ، طوفانی بارشوں، لینڈ سلائیڈنگ، سیلابی ریلوں مکانات گرنے اور دیگر حادثات کے نتیجے میں اب تک 150 سے زائد افراد جاں بحق ہو چکے ہیں جب کہ انفرا اسٹرکچر تباہ ہوچکا ہے۔

    محکمہ موسمیات نے آئندہ ہفتے ایک بار پھر گرج چمک کے ساتھ بارشوں اور طوفانوں کی پیشگوئی کرتے ہوئے گلیشیئر پھٹنے کا الرٹ جاری کیا ہے۔

    محکمہ موسمیات نے گلگت بلتستان، خیبر پختونخوا کے لیے برفانی جھیل کے پھٹنے سے ممکنہ سیلاب کا الرٹ جاری کرتے ہوئے اچانک سیلاب اور لینڈ سلائیڈنگ کے خدشات ظاہر کیے ہیں۔

    محکمہ موسمیات نے متاثرہ علاقوں میں صورتحال سے نمٹنے کے لیے متعلقہ اداروں کو الرٹ رہنے اور پیشگی اقدامات کرنے کی ہدایت کی ہے۔ ریسکیو 1122 اور ڈیزاسٹر مینجمنٹ اتھارٹیز کو بھی الرٹ رہنے کی ہدایت کی گئی ہے

     

    الرٹ میں کہا گیا ہے کہ گلگت بلتستان اور خیبر پختونخوا کے برفانی علاقوں میں ہنگامی صورتحال پیدا ہو سکتی ہے۔ اس لیے سیاحوں کو محتاط رہنے اور متعلقہ علاقوں کا سفر محدود کرنے کا مشورہ دیا گیا ہے۔

    https://urdu.arynews.tv/flooding-threat-in-rivers-across-the-country-from-tomorrow/

  • تائیوان میں طوفانی بارشوں نے تباہی مچادی، ایمرجنسی نافذ

    تائیوان میں طوفانی بارشوں نے تباہی مچادی، ایمرجنسی نافذ

    تائیوان میں طوفان دناس کی تباہ کاریاں جاری ہیں، 2 افراد کے ہلاک جبکہ 330 سے زائد کے زخمی ہونے اطلاعات ہیں۔

    بین الاقوامی خبر رساں ادارے کی رپورٹ کے مطابق تائیوان کے جنوبی علاقوں میں طوفان دناس نے ریکارڈ 220 کلومیٹر فی گھنٹہ کی ہواؤں اور شدید بارشوں نے تباہی مچادی، جس کے باعث دو افراد ہلاک اور 330 سے زائد زخمی ہو گئے۔

    حکام کا کہنا ہے کہ طوفان کے باعث 5 لاکھ گھروں کی بجلی منقطع، اسکول بند اور 300 سے زائد پروازیں منسوخ کر دی گئیں۔

    چین نے ساحلی علاقوں میں ایمرجنسی نافذ کر دی ہے، جہاں طوفان کے جلد پہنچنے کا امکان ہے۔

    دوسری جانب امریکی ریاست ٹیکساس کے وسطی علاقوں میں شدید بارش نے تباہی پھیلا دی جہاں سیلاب کے باعث مختلف حادثات میں ہلاک افراد کی تعداد 50 ہوگئی۔

    خبر رساں ایجنسی روئٹرز کی رپورٹ کے مطابق ٹیکساس میں امدادی کارکنوں نے مزید درجنوں کیمپرز، چھٹیاں گزارنے والوں اور رہائشیوں کی تلاش جاری رکھی ہوئی ہے۔

    ٹیکساس حکام نے بتایا کہ سیلاب کے باعث ہلاکتوں کی تعداد میں اضافے کا خدشہ ہے کیونکہ کیر کاؤنٹی میں تباہی کے مرکزی مقام سے باہر کے علاقے سیلاب سے متاثر ہوئے ہیں۔

    حکام نے بتایا کہ سان انتونیو کے شمال مغرب میں تقریباً 85 میل شمال مغرب میں دریائے گواڈیلوپے کے اردگرد کے علاقے میں اچانک طوفان کے نتیجے میں 38 سینٹی میٹر بارش ہونے کے بعد 850 سے زائد افراد کو بچا لیا گیا جن میں سے کچھ درختوں سے چمٹے ہوئے تھے۔

    مصر میں دو گاڑیوں میں خوفناک تصادم، 9 جاں بحق، 11 شدید زخمی

    ہلاک شدگان میں 15 بچے بھی شامل ہیں جبکہ کئی لڑکیاں تاحال لاپتا ہیں۔ مختلف علاقوں میں کئی فٹ پانی جمع ہوگیا۔ مکانات اور گاڑیاں پانی میں ڈوب گئیں۔

    درخت گرنے سے راستے بند ہو چکے ہیں۔ متاثرہ علاقوں سے ہیلی کاپٹروں کے ذریعے آٹھ سو افراد کو ریسکیو کیا گیا۔ ریاست کے گورنر گریگ ایبٹ نے ہنگامی حالت کا دائرہ کئی علاقوں تک وسیع کرتے ہوئے صدر ڈونلڈ ٹرمپ سے مزید وفاقی امداد کی درخواست کی ہے۔

  • برطانیہ، اسکاٹ لینڈ میں طوفان کے باعث نظام زندگی مفلوج، سینکڑوں پروازیں منسوخ

    برطانیہ، اسکاٹ لینڈ میں طوفان کے باعث نظام زندگی مفلوج، سینکڑوں پروازیں منسوخ

    گلاسگو: برطانیہ بھر کی طرح اسکاٹ لینڈ میں اسٹورم ایوین کے باعث نظام زندگی مفلوج کردیا، ایک سو ساٹھ کلومیٹر فی گھنٹہ کی رفتار سے ہوائیں چل رہی ہیں۔

     اسکاٹش میٹ آفس نے گزشتہ روز ہی طوفان کا ریڈالرٹ جاری کیا تھا، طوفان کے باعث متعدد پروازیں منسوخ ہوگئیں، ریلوے اور دیگر مواصلاتی نظام درہم برہم ہوگیا ہے۔

    رپورٹ کے مطابق تیزرفتار ہواؤں کے باعث گھروں کی چھتیں اڑ گئیں، درخت جڑوں سے اکھڑ گئے، سینٹرل اسکاٹ لینڈ بیلٹ میں اسکول، کالجز، یونیورسٹیز، سرکاری و نیم سرکاری دفاتر، کارخانے اور شاپنگ سینٹر کو بند کر دیا گیا۔

    حکام نے عوام غیر ضروری سفر سے گریز اور گھروں سے باہر نہ نکلنے کی ہدایات کی ہیں۔

    گلاسگو:اسکاٹ لینڈ کے فرسٹ منسٹر جان سوینی اور پولیس نے عوام سے اپیل کی ہے کہ عوام غیر ضروری سفر سےگریز کریں اور گھروں سے باہر نہ نکلیں۔

  • امریکا کی مغربی ریاستوں میں بم سائیکلون سے تباہی، واشنگٹن میں بجلی منقطع

    امریکا کی مغربی ریاستوں میں بم سائیکلون سے تباہی، واشنگٹن میں بجلی منقطع

    واشنگٹن: امریکا کی مغربی ریاستوں میں ’بم سائیکلون‘ سے تباہی پھیل گئی ہے، 2 افراد ہلاک ہو گئے۔

    تفصیلات کے مطابق امریکا کی مغربی ریاستوں میں بم سائیکلون نامی طاقت ور طوفان نے تباہی مچا دی ہے، مختلف حادثات میں دو افراد ہلاک ہو گئے، واشنگٹن میں 6 لاکھ گھروں کو بجلی کی سپلائی معطل ہو گئی۔

    انٹرنیٹ سروس بھی بند ہو گیا ہے، ٹریفک کا نظام بری طرح متاثرہوا، نیشنل ویدرسروس نے منگل سے جمعہ تک شدید بارش کی پیش گوئی کر رکھی ہے، ماہرین کو خدشہ ہے کہ کیلیفورنیا سمیت ساحلی ریاستوں کو بدترین سیلاب کا سامنا کرنا پڑ سکتا ہے، برف باری کی توقع بھی ظاہر کی گئی ہے۔

    اس طوفان کو ’بم سائیکلون‘ کا نام اس لیے دیا گیا ہے کیوں کہ یہ بہت مختصر وقت میں نہایت سرعت سے شدت اختیار کر لیتا ہے، یہ طوفان بدھ کے روز اوریگون، واشنگٹن اور کیلیفورنیا میں 80 کلو میٹر فی گھنٹہ (50 میل فی گھنٹہ) کی رفتار سے زیادہ بارش اور ہوائیں لے کر آیا۔

    برطانیہ کے مختلف علاقے شدید برف باری سے ونڈر لینڈ میں تبدیل ہو گئے

    نیوز رپورٹس کے مطابق واشنگٹن میں ایک خاتون اس وقت ہلاک ہو گئی جب ایک درخت بے گھر لوگوں کے کیمپ پر گرا، اور دوسری خاتون سیاٹل کے مشرق میں اس وقت ہلاک ہو گئی جب ایک درخت اس کے گھر پر گرا۔ اس طوفان کی وجہ سے بہت سے علاقوں میں مضبوط درخت بھی جڑوں سے اکھڑ کر سڑکوں یا گھروں پر گرے، اور بڑی تعداد میں کاریں اور بسیں ان کی زد پر آئیں، بجلی کی لائنوں کو بھی اس سے شدید نقصان پہنچا ہے۔

  • طوفان کے باعث ہوائی جہاز ڈولنے لگا، لینڈنگ میں ناکامی، پھر کیا ہوا؟ ویڈیو وائرل

    طوفان کے باعث ہوائی جہاز ڈولنے لگا، لینڈنگ میں ناکامی، پھر کیا ہوا؟ ویڈیو وائرل

    ٹوکیو : جاپان میں ایک مسافر طیارہ چاروں طرف سے طوفانی ہواؤں کے گھیرے میں آگیا، جس کے باعث ہوائی جہاز فضا میں ڈولنے لگا، ہنگامی لینڈنگ بھی نہ ہوسکی۔

    غیر ملکی خبر رساں ادارے کی رپورٹ کے مطابق جاپان میں آنے والے سمندری طوفان نے کئی شہروں میں نظام زندگی کو درہم برہم کردیا ہے۔

    اس دوران ایک مسافر طیارہ بھی چاروں جانب طوفانی ہواؤں میں گِھر گیا ایسے میں جہاز پائلٹ کے کنٹرول سے باہر ہونے لگا اور فضا میں ہی ڈولنا شروع کردیا صورتحال دیکھ کر مسافروں میں چیخ و پکار مچ گئی۔

    مذکورہ واقعے کی ایک ویڈیو میں مسافر طیارے کو فضا میں جھولتے ہوئے دیکھا جاسکتا ہے جب وہ فوکوکا ہوائی اڈے پر ہنگامی لینڈنگ کی ناکام کوشش کررہا تھا۔ تاہم کافی دیر بعد پائلٹ جہاز کو بمشکل دوسرے ایئر پورٹ پر بحفاظت اتارنے میں کامیاب ہوگیا۔

    مذکورہ طوفان گزشتہ روز مقامی وقت کے مطابق صبح 8:45 پر اوئٹا پریفیکچر کے ساحلی شہر کونیساکی کے ساحل سے ٹکرایا اور شمال مشرق کی طرف بڑھ گیا، جس کے نتیجے میں ہوا کی تیز لہریں 180 کلومیٹر فی گھنٹہ کی رفتار سے چلیں۔ جاپانی ڈیزاسٹر مینجمنٹ کے مطابق ہوا کی رفتار اتنی تیز تھی کہ وہ ٹرک کو تنکے کی طرح اڑا لے جا سکتی تھی۔

    جاپان میں آنے والے طوفان کے نتیجے میں اب تک متعدد افراد ہلاک ہوچکے ہیں اور حکام کی جانب سے لاکھوں لوگوں کو اپنے گھروں کو چھوڑنے کی ہدایت کی گئی ہے۔

  • گجرات: ایسا کیا ہوا کہ طوفان اسنیٰ سے سائنسدان بھی حیران رہ گئے ؟

    گجرات: ایسا کیا ہوا کہ طوفان اسنیٰ سے سائنسدان بھی حیران رہ گئے ؟

    گاندھی نگر: بھارت کے محکمہ موسمیات کا کہنا ہے کہ پاکستان کے ساحل سے پیدا ہونے والا گہرا دباؤ سمندری طوفان اسنیٰ میں تبدیل ہوگیا۔ جس کے باعث گجرات میں شدید بارشوں کا سلسلہ شروع ہوگیا۔

    بھارتی میڈیا کے مطابق محکمہ موسمیات نے بتایا کہ اب اگلے چند گھنٹوں میں اس کے آگے بڑھنے کا امکان ہے، بحیرہ عرب میں اگست کے مہینے میں تقریباً 47 سال بعد سمندری طوفان نمودار ہوا ہے، اس کا نام پاکستان نے تجویز کیا ہے۔

    بحیرہ عرب میں موسم کی صورتحال نے سائنسدانوں کو بھی حیران کردیا ہے، عموماً سمندر میں طوفان بنتے ہیں اور پھر زمین پر بارش برساتے ہیں۔ یہاں اس کے برعکس معاملہ سامنے آرہا ہے۔

    کم دباؤ کے نظام کی وجہ سے گجرات کی زمین پر بارش ہوئی۔ اس کے بعد بحیرہ عرب میں گہرا دباؤ نمودار ہوا۔ اب اس موسم میں بحیرہ عرب میں ایک طوفان بننے لگا ہے، جس کا نام اسنیٰ ہے۔

    48 سال یہ صورتحال پیدا ہوئی کہ جب طوفان زمین کے ایک بڑے حصے کو عبور کر کے سمندر میں داخل ہوتا ہے تو یہ ایک گردابی طوفان بن جاتا ہے۔ سب سے حیران کن بات اس طوفان کی ٹائمنگ ہے۔ مون سون کے موسم میں عام طور پر بحیرہ عرب کا درجہ حرارت 26 ڈگری سیلسیس سے نیچے دیکھنے کو ملتا ہے۔

    درجہ حرارت جب26.5 ڈگری سیلسیس سے اوپر پہنچ جاتا ہے تو طوفان کا سبب بنتا ہے، اس لیے جولائی کے بعد اور ستمبر تک اس علاقے میں سائیکلون بننے کا امکان بہت کم ہے۔

    مون سون سیزن کے دوران بحیرہ عرب کا مغربی ٹھنڈا رہتا ہے۔ اس کے اوپر جزیرہ نما عرب سے خشک ہوائیں چلتی رہتی ہیں، ایسی صورتحال میں طوفان نہیں بنتا۔

    مدینہ منورہ میں موسلا دھار بارش، روح پرور مناظر کی ویڈیو

    اس وقت یہ طوفان اسنیٰ گجرات کے نالیہ سے مغرب میں 170 کلومیٹر، پاکستان میں کراچی سے جنوب میں 160 کلومیٹر اور پاکستان میں پسنی سے مشرق-جنوب مشرق میں 430 کلومیٹر کی دوری پر ہے۔

  • جاپان سے سمندری طوفان ٹکرانے کا خدشہ، ٹرینیں اور پروازیں منسوخ

    جاپان سے سمندری طوفان ٹکرانے کا خدشہ، ٹرینیں اور پروازیں منسوخ

    جاپان کے مشرقی اور شمال مشرقی ساحلی علاقے کانتو اور توہوکُو سے آج شام تک سمندری طوفان ٹائیفون ایمپل ٹکرانے کا خدشہ ظاہر کیا جارہا ہے۔

    بین الاقوامی خبر رساں ادارے کی رپورٹ کے مطابق ٹوکیو میں طوفانی ہواؤں کے ساتھ موسلا دھار بارش کا سلسلہ جاری ہے، طوفان کے خطرے کے باعث سینکڑوں پروازوں کو منسوخ کردیا گیا ہے۔

    رپورٹس کے مطابق طوفانی اثرات کے باعث بجلی کی فراہمی بھی معطل ہوچکی ہے، جس سے 2ہزار گھروں کو بجلی کی بندش کا سامنا ہے۔ بجلی کی بندش سے ٹوکیو اور مرکزی شہر ناگویا کے درمیان چلنے والی تمام بلٹ ٹرین سروس بھی عارضی طور پر بند کردی گئی ہے۔

    جاپان کی موسمیاتی ایجنسی نے سمندری طوفان ایمپل کو زیادہ طاقتور طوفان کا درجہ دیتے ہوئے متاثرہ علاقوں سے 19 ہزار رہائیشیوں کے انخلا کے احکامات جاری کر دیئے ہیں۔

    تائیوان میں زلزلہ، عمارتیں لرز گئیں

    جاپان کے مغربی صوبے اوساکا میں بجلی کی فراہمی معطل ہونے سے لاکھوں گھرانے مشکل میں آگئے ہیں۔

  • ریمل نے بھارت اور بنگلہ دیش میں تباہی مچادی، 48 ہلاک

    ریمل نے بھارت اور بنگلہ دیش میں تباہی مچادی، 48 ہلاک

    ریمل نے بھارت کی شمال مشرقی ریاستوں میں تباہی مچادی، بھارت اور بنگلہ دیش میں موسلا دھار بارشوں کے بعد حادثات میں 48 افراد لقمہ اجل بن گئے۔

    غیر ملکی ذرائع ابلاغ کے مطابق ریمل نے سب سے زیادہ تباہی بھارت کی شمال مشرقی ریاستوں میں مچائی، جہاں 44 افراد ہلاک ہوئے۔

    رپورٹ کے مطابق طوفان نے پونے دو کروڑ افراد کو متاثر کیا ہے، آسام میں ڈیم اوور فلو ہوگئے جبکہ لینڈ سلائیڈنگ کے سبب ہزاروں گھر تباہ اور سڑکیں بند ہوگئیں۔

    آندھی اور موسلا دھار بارش کے باعث امدادی کارروائیاں مشکلات کا شکار ہیں، بنگلہ دیش میں متعدد نشیبی علاقے ڈوب چکے ہیں جس سے معمولاتِ زندگی درہم برہم ہوچکا ہے۔

    دونوں ملکوں کے ساحلی علاقوں سے دس لاکھ سے زائد افراد نقل مکانی کرچکے ہیں۔

    علاوہ ازیں امریکی ریاست ٹیکساس، اوکلاہوما اور آرکنساس میں ہوا کے بگولوں نے تباہی مچادی جس کے نتیجے میں مختلف حادثات میں 11 افراد ہلاک ہوگئے۔

    امریکی میڈیا کے مطابق ہوا کے طاقت ور بگولوں سے متاثرہ ریاستوں میں نظام زندگی شدید متاثر ہوا ہے۔

    ہوا کے بگولوں کی وجہ سے متعدد گاڑیوں کو نقصان پہنچا۔ درخت گرگئے اور بجلی کی تاریں بھی ٹوٹ گئیں۔

    اسرائیل کی رفح پر وحشیانہ بمباری، حماس نے اقوام متحدہ سے اہم مطالبہ کر دیا

    رپورٹ کے مطابق متاثرہ علاقوں میں 2 لاکھ 50 ہزار لوگ بجلی سے محروم ہوگئے ہیں۔ متاثرہ علاقوں میں امدادی سرگرمیاں جاری ہیں۔

  • امریکہ میں ہوائی بگولوں نے تباہی مچادی، 11 افراد ہلاک

    امریکہ میں ہوائی بگولوں نے تباہی مچادی، 11 افراد ہلاک

    امریکا کی ریاست ٹیکساس میں طوفان اور ہوائی بگولوں نے تباہی مچادی، جس کے باعث 11 افراد ہلاک ہوگئے۔

    بین الاقوامی خبر رساں ادارے کی رپورٹ کے مطابق ہوائی بگولوں کے باعث ارکنساس اور اوکلاہوما میں 4 افراد کے ہلاک ہونے کی اطلاعات ہیں جبکہ ہزاروں افراد بجلی سے بھی محروم ہوگئے۔

    ٹیکساس کی کوک اور ڈینٹن کاؤنٹیز میں ہفتے کی رات آنے والے شدید طوفان کے باعث کم از کم 7 افراد زندگی کی بازی ہار گئے، مرنے والوں میں دو بچے بھی شامل ہیں۔

    آرکنساس اور اوکلاہوما میں بھی طوفان سے 4 افراد لقمہ اجل بن گئے، ہر ریاست میں دو، دو افراد کے ہلاک ہونے کی اطلاعات سامنے آرہی ہیں۔

    ڈیڑھ میل کا علاقہ طوفان ہوائی بگولوں سے تباہی کے نتیجے میں ملبہ بن گیا، طوفان سے مجموعی طور پر 11 افراد ہلاک ہوئے۔

    دوسری جانب بھارت کے دارلحکومت دہلی میں ایک اسپتال میں خوفناک آتشزدگی کے نتیجے میں 7 نومولود جھلس کر ہلاک ہو گئے۔

    غیر ملکی میڈیا کے مطابق یہ واقعہ مشرقی عہلی کے وویک وہار علاقے میں پیش آیا جہاں بچوں کے ایک اسپتال میں اچانک آگ بھڑک اٹھی۔ جس کے نتیجے میں سات نومولود جھلس کر ہلاک ہو گئے۔

    رپورٹ کے مطابق آگ لگتے ہی تیزی سے پھیلنے لگی۔ عمارت کی پہلی منزل پر 12 نوزائیدہ بچے موجود تھے جنہیں فوری طور پر قریبی اسپتال منتقل کیا گیا تاہم ان میں سے سات بچے ہلاک ہو گئے جب کہ پانچ کا علاج جاری ہے۔

    اسرائیلی فوج کا رفح میں پناہ گزین کیمپ پرحملہ، 75 فلسطینی شہید

    رات گئے لگنے والی آگ کی اطلاع پر کئی فائر ٹینڈرز وہاں پہنچے اور کئی گھنٹوں کی جدوجہد کے بعد آگ پر قابو پایا گیا۔ ڈی ایف ایس کے سربراہ اتل گرگ کے مطابق ریسکیو آپریشن مکمل کر لیا گیا ہے۔ تاہم آگ لگنے کی وجہ تاحال معلوم نہیں ہوسکی ہے۔

  • طوفان گزرنے کے بعد کراچی کا موسم کیسا ہے؟

    طوفان گزرنے کے بعد کراچی کا موسم کیسا ہے؟

    کراچی: صوبہ سندھ کے دارالحکومت کراچی میں طوفان بپر جوئے گزرنے کے بعد موسم پھر سے معمول پر آگیا، شہر کا درجہ حرارت 34 ڈگری سینٹی گریڈ تک جانے کا امکان ہے۔

    تفصیلات کے مطابق شہر قائد میں آج موسم جزوی طور پر ابر آلود، گرم اور مرطوب رہے گا، کراچی میں صبح سویرے پارہ 31 ڈگری سینٹی گریڈ تک پہنچ گیا۔

    محکمہ موسمیات کا کہنا ہے کہ آج زیادہ سے زیادہ درجہ حرارت 33 سے 34 ڈگری سینٹی گریڈ تک جانے کا امکان ہے۔

    ہوا میں نمی کا تناسب 74 فیصد اور رفتار 8 ناٹیکل مائل ہے، شہر میں ہوا شمال مغرب کی سمت سے چل رہی ہے۔