Tag: طوفانی بارش

کوئٹہ : بلوچستان میں طوفانی بارش کے باعث کمرے کی چھت گرگئی ، جس کے نتیجے میں پانچ مزدور ملبے تلے دب کرجاں بحق ہوگئے۔

تفصیلات کے مطابق شمالی بلوچستان کے مختلف اضلاع میں موسلا دھار بارشوں نے نظام زندگی درہم برہم کردیا، کئی علاقوں میں سیلابی صورتحال ہے، آبی ریلا کوئلہ کی کان میں داخل ہوگیا۔

ضلع دُکی میں موسلادھار بارش کے باعث سیلابی صورتحال ہے، معراج کول ایریا میں طوفانی بارش سے کمرے کی چھت گرگئی، جس میں پانچ مزدورملبےتلے دب کرجاں بحق ہوگئے۔

دوسری جانب ۔شیرانی کے علاقے دانہ سر کے مقام پر لینڈسلائنڈنگ کےباعث خیبرپختونخوا اوربلوچستان کےدرمیان زمینی رابطہ منقطع ہوگیا، جس کے باعث سینکڑوں مسافر پھنس گئے۔

ضلعی انتظامیہ کے مطابق شاہراہ کی بحالی کا کام شروع کردیا گیا ہے، زیارت میں بارش سے ساتھ ژالہ باری بھی ہوئی ،لورالائی اور گردونواح میں بھی بادل برسے۔

محکمہ موسمیات نے شمالی بلوچستان میں گرج چمک کے ساتھ مزید بارش اور پہاڑوں پر برفباری کی پیشگوئی کی ہے۔

گوادر: کیچ میں طوفانی بارش سے تربت تا مند کا راستہ بند ہوگیا جبکہ گوادر میں دریائے نہنگ میں اونچے درجے کے سیلاب سے پُل بہہ گیا۔

تفصیلات کے مطابق بلوچستان کے مختلف علاقوں میں طوفانی بارش نے تباہی مچا دی، گوادراورگردونواح میں موسلادھاربارش ہوئی، جس سے دریائے نہنگ میں سیلابی کیفیت ہے، دریا کا ریلا پُل بہا لے گیا۔

گوادر میں شدید بارش کے بعد نشیبی علاقے زیر آب آ گئے، جس کے بعد اسکولوں کو بند کر دیا گیا ہے۔

کیچ میں طوفانی بارش سے تربت تا مند کا راستہ بند ہوگیا ہے جبکہ نصیرآباد، ڈیرہ مرادجمالی اور گردونواح میں بھی تیز بارش ہوئی، جس کے باعث نشیبی علاقے زیرآب آگئے اور بجلی کے آٹھ فیڈر ٹرپ کرگئے، جس سے کئی علاقوں میں بجلی کی فراہمی معطل ہوگئی۔۔

بلوچستان کے شہروں پنجگور ، گوادر، اواران، خضدار، قلات ، تربت ،کیچ،کوئٹہ میں بارش جبکہ زیارت،چمن،قلعہ عبداللہ،قلعہ سیف اللہ میں بارش اور پہاڑوں پر برفباری کاامکان ہے۔