امریکا کی ریاست آرکنساس اور میسوری میں طوفانی بگولوں نے تباہی مچادی، حادثات میں 7 افراد ہلاک اور درجنوں زخمی ہوگئے۔
غیر ملکی ذرائع ابلاغ کے مطابق 15 سے زائد طاقتور بگولے راستے میں آنے والی ہر شے اُڑا لے گئے۔ متعدد مکانات اورعمارتیں ریزہ ریزہ ہوگئیں۔ کئی علاقوں میں بجلی کی فراہمی معطل ہے۔
واضح رہے کہ گزشتہ ماہ بھی امریکا میں طوفانی بگولوں نے تباہی مچائی تھی، مختلف حادثات میں انیس افراد جان سے چلے گئے تھے۔ جبکہ متعدد افراد زخمی ہو گئے تھے۔
طوفانی بگولوں سے ریاست مسوری میں سب سے زیادہ نقصان ہوا تھا جہاں گیارہ افراد ہلاک ہوئے تھے، ریاست ٹیکساس میں تین افراد لقمہ اجل بنے تھے۔
رپورٹ میں بتایا گیا تھا کہ بگولے سے متعدد عمارتوں اور گھروں کی چھتیں اڑگئیں جبکہ ریاست اوکلاہوما میں ایک سو تیس مقامات پر آگ لگ گئی۔
امریکی محکمہ موسمیاتی کے ماہرین نے سترہ ریاستوں کو شدید طوفان سے خبردار کرتے ہوئے کہا تھا کہ ایک بڑا اور خطرناک طوفان اتوار تک ریاستوں پر اثر انداز ہوسکتا ہے۔
تارکین وطن کی کشتیاں ڈوبنے سے 16 افراد ہلاک
امریکی محکمہ موسمیات کا کہنا تھا کہ کیلی فورنیا، کینٹکی، مسی سپی، ایلی نوائے، ٹیننسی، مسوری اور الباما سمیت امریکا کی سینٹرل اور مشرقی ریاستوں میں شدید طوفان کا خطرہ ہے۔
