ٹیکساس: امریکی ریاست ٹیکساس مسلسل طوفانی بگولوں اور تیز ہواؤں کی زد میں ہے، ایئرپورٹ پر کھڑا ایک طیارہ بھی تیز ہوا کی زد پر آ گیا۔
غیر ملکی میڈیا رپورٹس کے مطابق منگل، 28 مئی کو ڈلاس فورٹ ورتھ ایئرپورٹ پر رن ون پر کھڑا ایک طیارہ جب ہوا کے تیز بگولے کی زد پر آیا تو وہ اپنی پوزیشن سے گھوم گیا۔
یہ منظر سی سی ٹی وی نے قید کر لیا، روئٹرز کی حاصل کردہ یہ ویڈیو سوشل میڈیا پر وائرل ہو گئی ہے، امریکی ایئرلائن کا طیارہ اس واقعے میں متاثر ہوا، ایئرلائن نے بیان میں کہا کہ طیارے کو نقصان پہنچا ہے تاہم واقعے کے وقت وہ خالی تھا، اس لیے کسی کو نقصان نہیں پہنچا۔
منگل کے روز ڈلاس-فورٹ ورتھ اور آس پاس کے علاقوں میں 95 میل فی گھنٹہ (153 کلومیٹر فی گھنٹہ) کی رفتار سے ہوائیں ریکارڈ کی گئیں، جب کہ اولے اور بارش بھی خوب برسی۔ امریکی ایئر لائنز نے ایک بیان میں کہا کہ ان کے کئی طیارے ہوائی اڈے پر تیز ہواؤں سے متاثر ہوئے ہیں۔
