Tag: طوفان

جارجیا: امریکی کی جنوب مشرقی ریاستوں میں طوفان کے باعث مختلف حادثات میں 16 افراد ہلاک اور درجنوں زخمی ہوگئےہیں۔

تفصیلات کےمطابق امریکی ریاست جارجیا میں خراب موسمی حالات کے نتیجے میں کم از کم 16افراد جان کی بازی ہارگئے ہیں،جبکہ متعدد افراد زخمی ہیں۔

امریکی ریاست جارجیا کے گورنر نیتھن ڈیل کا کہنا ہے کہ ریاست کے چار علاقوں میں ہنگامی حالت نافذ کر دی گئی ہے،جبکہ محکمہ موسمیات کا کہناہےکہ جارجیا اور فلوریڈا میں مزید طوفان اور ’ٹورنیڈو‘ کا امکان ہے۔

جارجیا ایمرجنسی مینجمنٹ ایجنسی نے بتایا کہ جارجیا میں ہلاک ہونے والے 12 افراد کا تعلق جنوبی کک، بروکس اور بیرن کے علاقوں میں سے تھا۔ان میں سے سات افراد کک علاقے میں ایک عارضی مکان میں رہائش پذیر تھے جب طوفان ان کے مکان سے ٹکرایا۔

امریکی صدر ڈونلڈ ٹرمپ نے اس موقع پر جارجیا کےگورنر نیتھن ڈیل کے ساتھ بات چیت میں جانی نقصان پر افسوس کا اظہار کیا ہے۔

مزید پڑھیں:جنوبی امریکہ میں تباہ کن طوفان سے مرنیوالوں کی تعداد 41 ہوگئی

واضح رہےکہ گزشتہ ماہ امریکہ کی وسطی اورجنوبی ریاستوں میں بارشوں اورطوفان کے باعث41افراد جان کی بازی ہارگئے تھے۔

نیویارک : اقوام متحدہ نے ہیٹی میں طوفان کی تباہ کاریوں سے نمٹنے کے لیے عالمی برادری سے گیارہ کروڑ ڈالر امداد کی اپیل کردی۔

تفصیلات کےمطابق گزشتہ دنوں میتھیو طوفان نے جنوبی امریکہ کی ریاست ہیٹی میں شدید تباہی مچادی جس کے نتیجے میں ہلاک ہونے والے افراد کی تعدا100سےتجاوز کرگئی تھی۔

عالمی ادارے کے مطابق چودہ لاکھ افراد کو ادویہ،خوراک اور صاف پانی فراہم کرنے کی ضرورت ہے۔اقوام متحدہ نےعالمی برادری سے گیارہ کروڑ ڈالر امداد کی اپیل کردی۔

مزید پڑھیں: ہیٹی میں میتھیوطوفان کی تباہی،900 سےزائدافرادہلاک

خیال رہے کہ امریکی صدر اوباما نے طوفان کی تباہ کاریوں سے نمٹنے کےلیے ریاست شمالی کیرولائنا میں ایمرجنسی نافذ کردی۔جبکہ متعدد ریاستوں میں امدادی سرگرمیاں شروع کردی گئیں ہیں۔

مزیدپڑھیں: فلوریڈا اور شمالی کیرولائنا میں تباہی مچانے کے بعد طوفان میتھیو کا زور ٹوٹ گیا

یاد رہےکہ میتھیو طوفان نے سب سے زیادہ تباہی ہیٹی اور کیوبا میں مچائی، لاکھوں افراد بے گھر اور نو سے زیادہ افراد ہلاک ہوئے، ہیٹی کے صدر نے ہلاکتوں اور تباہی کے باعث تین روزہ قومی سوگ کا اعلان کیا تھا۔

واضح رہے کہ جنوبی امریکہ کی ریاست ہیٹی میں میتھیو طوفان نے شدید تباہی مچائی تھی ، جس کے نتیجے میں1000سے زائد افراد جان کی بازی ہار گئے اور لاکھوں افراد گھروں سے محروم ہوگئے تھے۔

اسکوپیے : مقدونیہ کے دارالحکومت اسکوپیے میں آنے والی آندھی اور سیلاب کے نتیجے میں کم از کم 21 افراد جان کی بازی ہار گئے.

تفصیلات کے مطابق مقدونیہ میں آندھی اور طوفان میں مرنے والوں کی لاشیں اتوار کی صبح مل گئی تھیں،تاہم ابھی بھی چھ افراد لاپتہ ہیں،
اطلاعات کے مطابق ہلاک ہونے والوں میں سے کچھ لوگ اس وقت سیلابی ریلے کی زد میں آ گئے جب وہ اپنی کاروں پر سفر کر رہے تھے.

سیلابی ریلے کے نتیجے میں شہر کی سڑکوں کو نقصان پہنچا ہے جبکہ کچھ کاریں پانی میں بہہ کر قریبی کھیتوں میں جا پہنچیں.

مقدونیہ کے دارالحکومت میں آنے والے اس طوفان کے دوران نو سینٹی میٹر سے زیادہ بارش ریکارڈ کی گئی ہے.

اسکوپیے کے میئر نے طوفان کے بارے میں بات کرتے ہوئے کہا ہے کہ ’یہ ایک آفت تھی اور آج سے پہلے ہم نے کبھی ایسی کوئی چیز نہیں دیکھی۔‘

مقامی ذرائع ابلاغ کے مطابق اسکوپیے میں آنے والے اس طوفان کے نتیجے میں زخمی ہونے والے تقریباً 20 افراد کو اسپتال میں طبی امداد دی گئی ہے.

طوفان کے بعد شہر بھر سے امدادی اداروں کو مدد کے لیے کالز موصول ہوئی تھیں جس کے بعد مدد کے لیے فوج کو بھی طلب کیا گیا تھا.