ARYNews.tv | Urdu – Har Lamha Bakhabar

Tag: طویل ترین

  • پہاڑوں اور جنگلوں سے گزرتی دنیا کی طویل ترین واٹر سلائیڈ

    پہاڑوں اور جنگلوں سے گزرتی دنیا کی طویل ترین واٹر سلائیڈ

    ملائیشیا میں دنیا کی سب سے طویل واٹر سلائیڈ کھول دی گئی، واٹر سلائیڈ کو گنیز بک آف ورلڈ ریکارڈز میں بھی شامل کرلیا گیا ہے۔

    دنیا کی طویل ترین واٹر سلائیڈ قرار دی جانے والی یہ سلائیڈ اس لیے بھی انوکھی ہے کہ یہ پہاڑی کی چوٹی سے شروع ہو کر جنگل سے گزرتی ہوئی ایک سوئمنگ پول پر اختتام پذیر ہوتی ہے۔

    سلائیڈ کی طوالت 1 ہزار 111 میٹر یعنی 3 ہزار 645 فٹ ہے اور اسے گنیز بک آف ورلڈ ریکارڈز میں بھی شامل کرلیا گیا ہے۔

    اس قدر لمبی سلائیڈ کا سفر پورے 4 منٹ تک جاری رہتا ہے اور اس دوران جنگل سے گزرتے ہوئے مختلف چہچہاتے پرندوں اور درختوں سے لٹکتے بندروں سے بھی ملاقات ہوجاتی ہے۔

    سلائیڈ کا آغاز پہاڑی کی چوٹی سے ہوتا ہے جہاں تک جانے کے لیے خصوصی چیئر لفٹ بنائی گئی ہے۔

    یہ سلائیڈ ملائیشیا کے اسکیپ تھیم پارک میں بنائی گئی ہے اور اس نے جرمنی کی اس واٹر سلائیڈ کا ریکارڈ بھی توڑ دیا ہے جو اس سے قبل دنیا کی طویل ترین واٹر سلائیڈ مانی جاتی تھی۔ ملائیشیا کی یہ سلائیڈ جرمنی کی سلائیڈ سے 3 گنا طویل ہے۔

    پارک کے منتظمین کا کہنا ہے کہ سلائیڈ کی تعمیر میں بھاری مشینری کا استعمال نہیں کیا گیا تاکہ جنگل اور آس پاس کے قدرتی ماحول کو نقصان نہ ہو۔

  • ابوظبی کے شیخ‌ حمد بن حمدان نے دنیا کی طویل ترین ایس یو وی بنالی

    ابوظبی کے شیخ‌ حمد بن حمدان نے دنیا کی طویل ترین ایس یو وی بنالی

    ابوظبی : بیش قیمت گاڑیوں کے شوقین شیخ حمد بن حمدان نے ٹرک اور جیپ کے ملاپ سے دنیا کی سب سے لمبی ’ایس یو وی‘ بنالی۔

    تفصیلات کے مطابق ابوظبی کے حکمران خاندان سے تعلق رکھنے والے شیخ حمد بن حمدان قیمتی اور بیش قیمت گاڑیوں کے دلدہ ہیں اور ان کے ذاتی گیراج میں انتہائی بیش قیمت اور مہنگی گاڑیاں موجود ہیں۔

    شیخ حمد بن حمدان نے فوجی ٹرک اور جیپ کو ملا کر ایسی گاڑی تیار کی ہے جسے ’اسپورٹس یوٹیلیٹی وھیکل‘ یا ایس یو وی کہا جاتا ہے، یہ گاڑیاں عموماً جیپ اور کار کے ملاپ سے تیار کی جاتیں ہیں اور امریکا اور یورپ میں کافی مقبولیت کی حامل ہیں۔

    اماراتی خبر رساں ادارے کا کہنا ہے کہ ’ظہبیان‘ نامی ایس یو وی میں چھ سو ہارس پاور کا چھ سلینڈر والا انجن نصب کیا گیا ہے، گاڑی 35 فٹ لمبی اور 10 فٹ اونچی ہے جس کا وزن 24 ٹن ہے، مذکورہ گاڑی کو دنیا کی سب سے بڑی ایس یو وی قرار دیا جارہا ہے۔

    شیخ حمد بن حمدان اماراتی ریاستوں میں عجیب و غریب گاڑیاں رکھنے اور کی وجہ سے کافی شہرت رکھتے ہیں اور انہیں عجیب و غریب گاڑیاں رکھنے کے باعث یہ رینبو کہا جاتا ہے۔

    اماراتی خبر رساں ادارے کا کہنا ہے کہ شیخ حمد نے عجیب و غریب ایس یو وی کو شارجہ میوزیم میں منعقدہ ایک شو میں بھی پیش کیا تھا لیکن گاڑی کی قیمت نہیں بتائی گئی تھی تاہم یہ شیخ حمد کی ملکیت میں موجود سب سے مہنگی گاڑی ہے۔

  • امریکا میں طویل ترین شٹ ڈاؤن، سرکاری ملازمین گھریلو سامان بیچنے پر مجبور

    امریکا میں طویل ترین شٹ ڈاؤن، سرکاری ملازمین گھریلو سامان بیچنے پر مجبور

    واشنگٹن: میکسیکو سرحد پر دیوار کی تعمیر کےلیے فنڈنگ سے انکارپر ڈیڈ لاک نے امریکی حکومت کے جزوی شٹ ڈاؤن کو تاریخ کا طویل ترین شٹ ڈاؤن بنادیا ہے۔

    تفصیلات کے مطابق امریکی صدر ڈونلڈ ٹرمپ اور کانگریس کے درمیان گزشتہ ایک ماہ میکسیکو کی سرحد پر دیوار کی تعمیر کے سلسلے میں فنڈنگ کے معاملے پر ڈیڈ لاک چل رہا ہے جس کے باعث امریکی خفیہ ایجنسی ایف بی آئی سمیت کئی اداروے شٹ ڈاؤن کا شکار ہوگئے ہیں۔

    غیر ملکی خبر رساں ادارے کا کہنا ہے کہ امریکی حکومت کے شٹ ڈاؤن کا مستقبل قریب میں کوئی حل نظر نہیں آتا۔

    غیر ملکی میڈیا کا کہنا ہے کہ شٹ ڈاؤن کے باعث نئے سال کے پہلے ماہ میں 8 لاکھ ملازمین تنخواہوں سے محروم ہوگئے ہیں، جس کے باعث نوبت اپنی چیزیں فروخت کرنے کی آگئی ہیں۔

    مقامی میڈیا کا کہنا ہے کہ حکومتی شٹ ڈاؤن کے نتیجے میں امریکا کے ایک اہم ہوائی اڈے کا ایک ٹرمینل مکمل طور پر بند کرنے پر غور کیا جارہا ہے۔

    امریکی صدر ڈونلڈ ٹرمپ نے کہا ہے کہ اس وقت تک بجٹ کی منظوری نہیں ہوگی جب تک میکسیکو کی سرحد پر دیوار تعمیر کرنے کے لیے فنڈنگ کی منظوری نہیں ہوتی۔

    تنخواہوں سے محروم ملازمین نے سماجی رابطوں کی ویب سایٹس پر اپنی تنخواہوں کی سلپ احتجاجاً شیئر کی۔

    ایک سوشل میڈیا صارف کیٹ ہیفنر نے سماجی رابطے کی ویب سایٹ پر تنخواہ کی سلپ شیئر کرتے ہوئے تحریر کیا ’یہ میرے بھائی کی تنخواہ کی سلپ ہے جس میں دیکھا جاسکتا ہے کہ بطور ایئر ٹریفک کنٹرولر کام کرنے والے ملازم کو صرف ایک سینٹ کی ادائیگی کی گئی ہے۔

    مقامی خبر رساں ادارے کے مطابق ہزاروں افراد نے مالی عدم استحکام کے باعث بے روزگاری کا وظیفہ حاصل کرنے کے لیے درخواستیں داخل کرنا شروع کر دی ہیں۔

    دوسری جانب میامی انٹرنیشنل ایئرپورٹ حکومتی شٹ ڈاؤن کے باعث سکیورٹی ایجنٹس کی کمی کے سبب رواں ہفتے کے اختتامِ پر ایک مکمل ٹرمینل بند کر رہا ہے۔

    غیر ملکی خبر رساں ادارے جزوی شٹ ڈاؤن سنیچر کو اپنے 22ویں دن میں پہنچ کر صدر بل کلنٹن کے دور صدارت میں سنہ 1995-96کے 21 دن کے ریکارڈ شٹ ڈاؤن سے آگے نکل گيا ہے۔

    خیال رہے کہ ایک روز قبل امریکی صدر ڈونلڈ ٹرمپ نے میکسیکو کی سرحد پر دیوار کی تعمیر کےلیے فنڈنگ سے انکار پر ایک مرتبہ پھر ایمرجنسی نافذ کرنے کی دھمکی دی تھی تاہم اگلے ہی روز وہ اپنے بیان سے دستبردار ہوگئے تھے۔

    واضح رہے کہ امریکی صدارتی انتخابات کی مہم کے دوران ڈونلڈ ٹرمپ کی جانب سے میکسیکو کی سرحد پر دیوار تعمیر کرنا اہم وعدوں میں شامل تھا۔

  • امریکی تاریخ کا طویل ترین مگرمچھ عوامی پارک سے برآمد

    امریکی تاریخ کا طویل ترین مگرمچھ عوامی پارک سے برآمد

    واشنگٹن : امریکا کی ریاست فلوریڈا کے پبلک پارک میں محکمہ وائلڈ لائف نے کارروائی کرتے ہوئے 13 فٹ لمبا مگرمچھ برآمد کرکے اسپتال منتقل کردیا۔

    تفصیلات کے مطابق امریکی ریاست فلوریڈا کے پبلک پارک میں نمودار ہونے والا امریکی تاریخ کا سب سے بڑا مگرمچھ محکمہ وائلڈ لائف نے پکڑ لیا۔ جسے کچھ وقت کے بعد چڑیا گھر منتقل کردیا جائے گا۔

    غیر ملکی خبر رساں ادارے کا کہنا تھا کہ امریکا کے محکمہ وائلڈ لائف نے عوام کی جانب سے پارک میں مگرمچھ کی اطلاع موصول ہونے کے بعد کارروائی کا آغاز کیا تھا۔

    غیر ملکی خبر رساں اداروں کا کہنا تھا کہ محکمہ وائلڈ لائف نے ریسکیو اہلکاروں کی مدد سے امریکی تاریخ کے 13 فٹ لمبے دیو ہیکل مگرمچھ کو طویل جد و جہد کے بعد پارک میں موجود درختوں میں سے پکڑا تھا، جہاں وہ روپوش تھا۔

    امریکا کے محکمہ وائلڈ کے ترجمان کا کہنا تھا کہ مگرمچھ کو اسپتال منتقل کیا گیا ہے جہاں اس کا طبی معائنہ کرنے کے بعد عوام کی تفریح کے لیے چڑیا گھر بھیجوا دیا جائے گا۔

    امریکی میڈیا کے مطابق عوامی مقام پر انتہائی خطرناک جانور کی موجودگی کے حوالے سے تحقیقات کررہے ہیں تاکہ معلوم کیا جاسکے کہ مگرمچھ پارک میں کیسے آیا، جبکہ میونسپلٹی نے واقعے کی تحقیقات کے لیے کمیٹی تشکیل دے دی ہے۔

    امریکی خبر رساں ادارے سے گفتگو کرتے ہوئے محکمہ وائلڈ لائف کے ایک اہلکار نے بتایا کہ ’اپنے 20 برس کے کرئیر میں 10 سے 12 فٹ طویل مگرمچھ کو پکڑے ہیں تاہم اتنا لمبا مگر مچھ زندگی میں پہلی دیکھا اور پکڑا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں