Tag: طیارہ لینڈنگ

  • لاہور ایئرپورٹ کے اطراف جی پی ایس سسٹم میں خرابی، طیارہ لینڈنگ میں مشکلات کا انکشاف

    لاہور ایئرپورٹ کے اطراف جی پی ایس سسٹم میں خرابی، طیارہ لینڈنگ میں مشکلات کا انکشاف

    کراچی: علامہ اقبال انٹرنیشنل ایئر پورٹ کے اطراف جی پی ایس سسٹم میں خرابی کے باعث پائلٹس کو طیارہ اتارنے میں مشکلات پیش آنے کا انکشاف ہوا ہے۔

    تفصیلات کے مطابق لاہور ایئرپورٹ کے اطراف طیاروں کے جی پی ایس سسٹم میں اچانک خرابی ہونے کا انکشاف ہوا ہے، جس کی وجہ سے طیاروں کے پائلٹس کو ایئر پورٹ سے لینڈنگ اور ٹیک آف کرنے میں دشواری کا سامنا کرنا پڑ رہا ہے۔

    ذرائع کا کہنا ہے کہ جی پی ایس سسٹم میں خرابی ایئر پورٹ سے 150 نارٹیکل میل پر پیش آتی ہے، اس وجہ سے چند دنوں میں 7 طیاروں کو جی پی ایس سگنل غائب ہونے کا سامنا رہا ہے۔

    8 دسمبر کو بھی ابوظبی سے لاہور آنے والی غیر ملکی ایئر لائن کے طیارے کو جی پی ایس سسٹم سگنل میں خرابی کا سامنا رہا، ذرائع نے بتایا کہ سگنل غائب ہونے کی وجہ سے طیارہ لینڈ نہیں کر سکا۔

    کپتان نے طیارے کو گو راؤنڈ کرتے ہی کنٹرول ٹاور سے لینڈ نگ کے لیے مدد حاصل کی۔

    ذرائع کے مطابق جی پی ایس سسٹم میں مسلسل خرابی کسی بھی وقت حادثے کا سبب بن سکتی ہے، متاثرہ پرواز کے کپتانوں نے متعلقہ حکام کو سی اے اے کو شکایات بھی درج کرا دی ہیں۔

  • طیارہ لینڈنگ کے وقت دو ٹکڑے ہوگیا ، ویڈیو وائرل

    طیارہ لینڈنگ کے وقت دو ٹکڑے ہوگیا ، ویڈیو وائرل

    کوسٹاریکا میں ہنگامی لینڈنگ کے دوران معروف کارگو کمپنی کا بوئنگ طیارہ تباہ ہو کر دو ٹکروں میں تقسیم ہوگیا تاہم کوئی جانی نقصان نہیں ہوا۔

    تفصیلات کے مطابق کوسٹاریکا میں سین جوس ائیر پورٹ پر ہنگامی لینڈنگ کے دوران معروف کارگو کمپنی ڈی ایچ ایل کا بوئنگ طیارہ تباہ ہوگیا۔

    طیارے نے جزیرہ باہماس سے گوئٹے مالا کے لیے اڑان بھری ہی تھی کہ فنی خرابی پیدا ہوگئی اور دوبارہ لینڈنگ کے دوران طیارہ رن وے سے پھسل کر دو ٹکڑوں میں تقسیم ہوگیا تاہم کوئی جانی نقصان نہیں ہوا۔

    کوسٹا ریکا کی سول ایوی ایشن اتھارٹی کے ڈپٹی ڈائریکٹر لوئس مرانڈا مونوز نے کہا کہ بظاہر طیارہ ہائیڈرولک سسٹم میں خرابی کا شکار ہوا اور پائلٹ نے ٹیک آف کے فوراً بعد ہنگامی لینڈنگ کی درخواست کی۔

    طیارے کی ہنگامی لینڈنگ کے بعد سین جوس ائیر پورٹ پر تمام آپریشن عارضی طور پر معطل کردیے گئے ہیں، جس کے نتیجے میں ساڑے آٹھ ہزار مسافر اور ستاون تجارتی پروازیں متاثر ہوں گی۔

    ڈی ایچ ایل اور ہوائی اڈے کے حکام کا کہنا ہے کہ وہ طیارے کو منتقل کرنے کے لیے مل کر کام کر رہے ہیں۔