ARYNews.tv | Urdu – Har Lamha Bakhabar

Tag: طیارہ گرکرتباہ

  • روس میں طیارہ گرکرتباہ، 61 افراد ہلاک

    روس میں طیارہ گرکرتباہ، 61 افراد ہلاک

    ماسکو : دبئی سے روس جانے والا مسافر طیارہ لینڈنگ کے دوران گر کر تباہ ہوگیا۔حادثے میں عملے کے چھ ارکان سمیت 61 افراد ہلاک ہوگئے ۔

    غیرملکی میڈیا کے مطابق متحدہ عرب امارات کی فضائی کمپنی کا طیارہ روس کے سرحدی شہرروستوف اون ڈون کے ائیرپورٹ پر لینڈنگ کے دوران گرکرتباہ ہوا۔

    روس کی وزارت ایمرجنسی نے تصدیق کی ہے کہ ہفتہ کی صبح بوئنگ 737-800 تباہ ہوگیااور ترجمان نے بتایاکہ بدقسمت طیارے میں 61افرادسوار تھے اور تمام جاں بحق ہوگئے۔

    ابتدائی اطلاعات میں حادثے کی وجہ خراب موسم اورکم روشنی کوقراردیا گیا ہے۔ مقامی حکام کا کہنا ہے کہ طیارہ تباہ ہونے سےایک گھنٹے قبل فضا میں چکرلگاتا رہا۔

    طیارے میں لگی آگ کو بجھا دیا گیا ہے اورجائے حادثہ پرامدادی کارروائیاں جاری ہیں۔

  • کراچی کےعلاقےگڈاپ میں پاک فضائیہ کا میراج طیارہ گرکرتباہ

    کراچی کےعلاقےگڈاپ میں پاک فضائیہ کا میراج طیارہ گرکرتباہ

    کراچی:گڈاپ میں پاک فضائیہ کامیراج طیارہ گرکرتباہ ہوگیا، طیارےنےمسروربیس سےتربیتی اڑان بھری تھی۔

    پاکستان ایئر فورس کا میراج طیارہ سپر ہائی وے پر واقع گڈاپ کے علاقے میں گر کر تباہ ہو گیا ہے، طیارہ آ بادی سے دور گرا جس کے نتیجے میں طیارے میں سوار تین افراد زخمی ہو گئے۔

    سول ایوی ایشن  ذرائع کا کہنا ہے کہ یہ طیارہ تربیتی پروازپر تھا اور کچھ دیر قبل ہی مسرور ایئر بیس سے اڑا تھا جس کو سکوارڈن لیڈر تنویر اڑا رہے تھے۔ پولیس کے مطابق طیارہ ٹول پلازے سے 15 کلومیٹر دور گرا جس کی اطلاع ایک شہری کی طرف سے کی گئی ہے۔