Tag: طیارہ

لندن: برطانوی ایئرپورٹ پر کروناوائرس کے خطرے کے پیش نظر یکے بعد دیگرے 8 جہازوں کے سیکڑوں مسافروں کو لینڈنگ کے بعد طیارے میں ہی بند رکھا گیا۔

غیرملکی خبررساں ادارے کی رپورٹ کے مطابق برطانیہ میں ہیتھرو ایئرپورٹ پر لاک ڈاؤن کیے جانے والے جہازوں میں ایک اماراتی ایئرلائن کا طیارہ بھی شامل تھا جو امریکی ریاست کیلی فورنیا سے لندن پہنچا تھا۔

انڈے ویسٹ نامی باشندے نے غیرملکی میڈیا سے گفتگو کے دوران بتایا کہ طیارے کو لینڈنگ کے بعدلاک ڈاؤن کردیا گیا اور کسی بھی مسافر کو باہر جانے کی اجازت نہیں دی جارہی تھی۔

اس کا کہنا تھا کہ کیپٹن نے تمام مسافروں کو خبردار کیا کہ کروناوائرس کے پیش نظر یہ اقدامات کیے جارہے ہیں اور اس سے پہلے بھی اسی طرح 7 جہازوں کا معائنہ کیا گیا ہے۔

مسافر کا مزید کہنا تھا کہ تھوڑی دیر بعد ایئرپورٹ عملہ آیا اور جہاز میں سے ایک مسافر کو نکال کر لے گیا جس کے بعد تمام مسافروں کو مطلع کیا گیا کہ انہیں ایک یا آدھے گھنٹے میں چھوڑ دیا جائے گا۔

رکن اسمبلی میں کرونا وائرس کی تشخیص

خیال رہے کہ چین کے شہر ووہان سے پھیلنے والے مہلک وائرس کی وجہ سے اب تک تقریباً 1500 افراد ہلاک اور 40 ہزار سے زائد متاثر ہوچکے ہیں، ایک روز قبل جاپان میں بھی کرونا کا مریض زندگی کی بازی ہار گیا۔

عالمی ادارہ صحت نے ناول کرونا وائرس کو COVID19 کا باقاعدہ نام دے دیا جبکہ دنیا بھر کے ماہرین اس وائرس کو کنٹرول کرنے کے حوالے سے تجربات بھی کررہے ہیں، امکان ظاہر کیا جارہا ہے کہ جلد ہی کوئی بڑی پیش رفت سامنے آئے گی۔

فلوریڈا: امریکی ریاست فلوریڈا میں ایک انجن والا طیارہ گر کر تباہ ہونے کے نتیجے میں معمر جوڑا ہلاک ہوگیا۔

بین الاقوامی میڈیا رپورٹس کے مطابق ایک انجن والا چھوٹا طیارہ بارٹو ایگزیکٹو ایئرپورٹ پر لینڈنگ اپروچ بنا رہا تھا کہ اس دوران ہچکولے کھاتا ہوا قریبی آبادی میں جا گرا۔

پولک کاؤنٹی شیرف آفس کا کہنا ہے کہ طیارہ ایک گھر کے کھلے مقام پر گرا، جس جگہ طیارہ گرا وہاں زمین میں گڑھا پڑ گیا اور تمام رہائشی محفوظ رہے۔

پولیس کا کہنا ہے کہ تباہ حال طیارے سے ایندھن نکل رہا تھا اور خوش قسمتی سے آگ نہیں لگی، حادثے میں ہلاک ہونے والوں کی شناخت 73 بونی پاول 76 سالہ ڈینس پاول کے نام سے ہوئی ہے۔

حکام کا کہنا ہے کہ طیارے میں سوار افراد کی موقع پر ہی موت ہو چکی تھی، ریسکیو ٹیمیں جب جائے حادثہ پر پہنچی تو دونوں سوار موت کے منہ میں جاچکے تھے اور ان کی لاشوں کو اسپتال منتقل کردیا گیا ہے۔

دوحہ: قطر ایئرلائن کی پرواز کے دوران خاتون مسافر نے بچے کو جنم دے دیا۔

غیرملکی خبررساں ادارے کی رپورٹ کے مطابق تھائی لینڈ سے تعلق رکھنے والی خاتون نے پرواز کے دوران شیرخوار کو جنم دیا۔ طیارہ قطری دارالحکومت دوحہ سے تھائی لینڈ کے شہر بنکاک جارہا تھا۔

زچکی دوران جہاز کے عملے نے ایک ڈاکٹر کی مدد سے بچے کی پیدائش کو یقینی بنایا، نازک صورت حال کے پیش نظر طیارے کی بھارتی شہر کولکاتا میں ہنگامی لینڈنگ کرائی گئی جہاں نومولود بچے سمیت ماں کو طبی امداد فراہم کی گئی۔

قطر ایئرلائن کے ترجمان نے وضاحت کی کہ طیارہ دوحہ سے بنکاک جارہا تھا تاہم خاتون کی زچکی کے بعد طبی سہولیات فراہم کرنے کے لیے بھارتی شہر کولکاتا میں ہنگامی لینڈنگ کرائی گئی جس پر ایئرلائن مسافروں سے معذرت خوا ہے۔

شیرخوار بچے سمیت خاتون کو کالکاتا میں مقامی اسپتال میں طبی امداد فراہم کی گئی، اس وقت دونوں روبہ صحت ہیں۔ خیال رہے کہ دوران پرواز بچوں کی پیدائش کا واقعہ نیا نہیں اس سے قبل متعدد بار ایسے واقعات سامنے آچکے ہیں۔

خیال رہے کہ گزشتہ سال جولائی میں بھی ایک خاتون نے نجی ایئرلائن میں بچی کو جنم دیا تھا۔