کراچی: پاکستانی ڈرامہ انڈسٹری کی معروف اداکارہ عائزہ خان کی چھوٹی بہن حبا خان کے ساتھ تصاویر سوشل میڈیا پر وائرل ہوگئیں۔
تفصیلات کے مطابق اے آر وائی ڈیجیٹل کے ڈراموں میرے پاس تم ہو، پیارے افضل اور تھوڑا سا حق میں مرکزی کردار ادا کرنے والی اداکارہ عائزہ خان نے حال ہی میں چھوٹی بہن حبا خان کے ساتھ فوٹو شوٹ کروایا جس کی تصاویر وائرل ہوگئیں۔
اداکارہ عائزہ خان نے ایک مشہور برانڈ کے لیے ماڈلنگ کی جس میں ان کی چھوٹی بہن حبا خان بھی ماڈلنگ کرتی ہوئی نظر آرہی ہیں۔
عائزہ کی بہن حبا خان کی تصاویر ناصرف سوشل میڈیا پر وائرل ہورہی ہیں بلکہ انہیں مداحوں کی جانب سے خوب سراہا بھی جارہا ہے۔
حبا خان کی نئی تصاویر وائرل ہونے کے بعد افواہیں گردش کررہی ہیں کہ وہ بھی اپنی بہن کے نقش قدم پر چلتے ہوئے ڈرامہ انڈسٹری میں قدم رکھیں گی۔
خیال رہے کہ چند ماہ قبل عائزہ خان نے اے آر وائی ڈیجیٹل کے ڈرامے ’تھوڑا سا حق‘ میں مرکزی کردار ادا کیا تھا، ڈرامے میں ان کے ہمراہ عمران عباس موجود تھے، مداحوں کی جانب سے عائزہ کی اداکاری کو خوب سراہا گیا تھا۔