Tag: عابد زبیری

اسلام آباد: صدر سپریم کورٹ بار عابد زبیری نے صدر مملکت عارف علوی کی جانب سے آفیشل سیکرٹ ایکٹ اور آرمی ایکٹ ترمیمی بل سے متعلق کیے گئے ٹوئٹ پر ردعمل دیا ہے۔

صدر سپریم کورٹ بار عابد زبیری نے اے آر وائی نیوز سے گفتگو کرتے ہوئے کہا کہ معاملہ بہت پیچیدہ ہوگیا ہے، آفیشل سیکرٹ ایکٹ قانون بن گیا ہے جس کا نوٹیفکیشن جاری ہوچکا ہے قانون تو لاگو ہوگیا ہے۔

عابدی زبیری کا کہنا تھا کہ ایشویہ نہیں ہے صدر نے بل کو واپس کیا یا نہیں کیا، قانون کے تحت صدر دستخط نہیں کرتے تو  بل کو واپس بھیج دیا جاتا ہے۔

ماہر قانون عابد زبیری نے مزید کہا کہ  12 تاریخ تک ان کے پاس وقت تھا وہ بھیج سکتے تھے، دستخط کرنا ضروری تھا کیونکہ قومی اسمبلی تحلیل ہوچکی تھی، اب معذرت کا ٹائم نہیں ہے، ایکشن ہونا چاہیے۔

ماہر قانون عابد زبیری نے کہا کہ  صدر کے دستخط کے بغیر قانون بن گیا تو اس پر کمپلین داخل کرنی چاہیے۔

صدر مملکت کے ٹوئٹ پر وزارت قانون و انصاف کا ردعمل آگیا

واضح رہے کہ عارف علوی نے اپنے ایک بیان میں دعویٰ کیا ہے کہ انہوں نے آفیشل سیکرٹ ایکٹ اور آرمی ایکٹ ترمیمی بل پر دستخط نہیں کیے بلکہ ان کے عملے نے ان کی مرضی اور حکم کو مجروح کیا ہے۔

’میں ان قوانین سے متفق نہیں تھا، عملے سے کہا تھا بغیر دستخط بلوں کو مقررہ وقت پر واپس کر دیں۔ میں نے اپنے عملے سے کئی بار پوچھا کہ بل واپس کر دیے ہیں لیکن عملے نے یقین دہانی کروائی کہ بل واپس کر دیے۔

صدر مملکت نے کہا کہ اللہ سب جانتا ہے اور یقین ہے کہ وہ مجھے معاف کر دے گا، ان لوگوں سے معافی مانگتا ہوں جو اس سے متاثر ہوں گے۔

اسلام آباد : ماہر قانون عابد زبیری نے توشہ خانہ کیس میں چیئرمین پی ٹی آئی کی گرفتاری پر کہا ہے کہ فیصلےکو ختم کرنے کا طریقہ یہی ہے کہ ہائیکورٹ میں اپیل کی جائے۔

تفصیلات کے مطابق ماہر قانون عابد زبیری نے چیئرمین پی ٹی آئی کے خلاف توشہ خانہ کیس کے فیصلے پر اے آر وائی نیوز سے خصوصی گفتگو کرتے ہوئے کہا کہ یہ فیصلہ توبہت متوقع تھا، فیصلے کے خلاف اسلام آبادہائیکورٹ میں اپیل کرنی ہوگی۔

عابد زبیری کا کہنا تھا کہ وکلا کو اسلام آبادہائی کورٹ سے ریلیف لینے کی کوشش کرنی ہوگی، پی ٹی آئی کے وکلا کے پاس اپیل کرنے کا آپشن ہے۔

ماہر قانون نے کہا کہ کرپٹ پریکٹسز یہ ہوتی ہے کہ آپ نے غلط طریقے سےالیکشن لڑا، جوڈیکلئریشن دیاگیا شاید اس کےاندر انہوں نے غلط بیانی کی، غلط ڈیکلیئریشن پر پہلے بھی لوگوں کو سزائیں ہوئی ہیں۔

عابد زبیری کا کہنا تھا کہ فیصلے کو ختم کرنے کا طریقہ یہی ہے کہ ہائی کورٹ میں اپیل کی جائے۔