Tag: عابد شیر علی

  • عمران خان بھی را کے ایجنٹ ہیں، عابد شیر علی

    عمران خان بھی را کے ایجنٹ ہیں، عابد شیر علی

    لاہور: وزیر مملکت پانی و بجلی عابد شیر علی نے الزام لگایا ہے کہ عمران خان بھی را کے ایجنٹ ہیں۔ انہوں نے کہا کہ لوڈ شیڈنگ سے نجات دلانے کے لیے پرویز خٹک کے گھر کے باہر دھرنا دیں گے۔

    لاہور میں میڈیا کے نمائندوں سے گفتگو کرتے ہوئے وفاقی وزیر پانی و بجلی عابد شیر علی کا کہنا تھا کہ عمران خان نے 14 اگست کے پرمسرت موقع پر ریلیاں شروع کردیں۔ ان کی ریلیوں کی وجہ سے ملک کو ناقابل تلافی معاشی نقصان پہنچا۔

    عابد شیر علی نے کہا کہ عمران خان بھی را کے ایجنٹ ہیں۔

    وفاقی وزیر کا کہنا تھا کہ یہ اے سی والے کنٹینروں میں بیٹھنے والے لوگ ہیں۔ یہ چاہتے ہیں کہ عوام ان کے لیے سڑکوں پر اپنی جانیں دے جبکہ یہ خود مشکل صورتحال میں باہر چلے جاتے ہیں۔

    انہوں نے کہا کہ پاکستان کو گالی دینے والوں کا پاکستان سے کوئی تعلق نہیں۔

    وفاقی وزیر پانی و بجلی عابد شیر علی اس سے قبل بھی عمران خان اور پاکستان عوامی تحریک کے قائد ڈاکٹر علامہ طاہر القادری کے خلاف نازیبا زبان استعمال کرچکے ہیں۔ ان کے ایک نامناسب ٹوئٹ پر سوشل میڈیا پر طوفان کھڑا ہوگیا تھا۔

  • شیریں مزاری بڑی ہو جائیں،عابد شیر علی

    شیریں مزاری بڑی ہو جائیں،عابد شیر علی

    اسلام آباد : وفاقی وزیر پانی و بجلی خواجہ آصف کی جانب سے تحریک انصاف کی رکن اسمبلی شیریں مزاری کو ناذیبا لفظ سے مخاطب کرنے پر دی گئی معذرت قبول نہ کرنے پراُن کی حمایت میں عابد شیر علی بھی بول پڑے۔

    تحریک انصاف کی خاتون رکنَ اسمبلی شیریں مزاری کے خلاف وفاقی وزیر پانی و بجلی خواجہ آصف کی نامناسب گفتگو سے شرو ع ہونے والے تنازعہ طول پکڑتا جارہا ہے،خواجہ آصف کی جانب سے غیر مشروط معذرت کے بعد معاملہ حل ہوتا دکھائی نہیں دے رہا ہے۔

    شیریں مزاری نے مطالبہ کیا کہ انہیں نام لے کر تضحیک کا نشانہ بنایا تھا،اس لیے خواجہ آصف اُن کا نام لے کر معذرت کریں، جب کہ خواجہ آصف کا موقف تھا کہ اسمبلی کی کارروائی نکال کر دیکھ لیجیے اگر میں نے کسی رکن کا نام لے کر بات کی ہو تو اُن کا نام لیکر معافی مانگنے پر بھی تیار ہوں.

    ابھی یہ گرما گرم بحث جاری ہی تھی کہ وزیر مملکت پانی و بجلی عابد شیر علی نے سماجی رابطہ کی ویب سائٹ پر ایک ٹیوٹ میں شیریں مزاری کو بڑا ہونے کا مشورہ دے دیا،انہوں نے کہا کہ ” شیریں مزاری یہ پارلیمنٹ ہے سکول نہیں جہاں آپ روئیں گی اور ٹیچر آپ کے آنسو پونچھے گا،بڑی ہو جائیں۔“

  • ماہ رمضان المبارک میں لوڈ شیڈنگ انتہائی کم ہوگی، عابد شیر علی

    ماہ رمضان المبارک میں لوڈ شیڈنگ انتہائی کم ہوگی، عابد شیر علی

    فیصل آباد : وزیر مملکت عابد شیر علی کا کہنا ہے ماہ رمضان المبارک میں لوڈ شیڈنگ انتہائی کم ہوگی،عمران خان اور ان کی ٹیم وزیراعلیٰ پنجاب سے ٹریننگ لے ۔

    فیصل آباد میں بینظیر انکم سپورٹ پروگرام کی چیئرپرسن ماروی میمن کے ساتھ ایک تقریب میں میڈیا سے گفتگو کرتے ہوئے عابد شیرعلی کا کہنا تھا وزیراعظم نواز شریف چند ہفتوں میں واپس آ کر ملکی باگ ڈور سنبھالیں گے،چوہوں سے جنگ کرنے والے ملک کا امن تباہ کر رہے ہیں ۔

    انہوں نے کہا کہ عمران خان کو دھوپ لگ گئی ہے جو ٹی او آر منظور نہ ہونے پر سڑکوں پر ہونے کی باتیں کر رہے ہیں ۔ انہیں ٹھنڈک حاصل کرنے کی ضرورت ہے ۔

    اس موقع پر ماروی میمن کا کہنا تھا وہ پی ٹی آئی میں کسی صورت شامل نہیں ہوں گی، بجٹ پہلے کی طرح اب بھی عوام دوست ہو گا ۔ انہوں نے قوم سے اپیل کی کہ وہ نواز شریف کی صحت یابی کے لئے دعا کرے ۔

  • وزیر مملکت پانی و بجلی عابد شیر علی کے خلاف قتل کا مقدمہ درج

    وزیر مملکت پانی و بجلی عابد شیر علی کے خلاف قتل کا مقدمہ درج

    فیصل آباد: وزیر مملکت پانی و بجلی عابد شیر علی کے خلاف گزشتہ روز بلدیاتی انتخابات کے دوران فائرنگ کے نتیجے میں ایک شخص کی ہلاکت کا مقدمہ درج کرلیا گیا۔

    فیصل آباد میں گزشتہ روز بلدیاتی انتخابات کے دوران ایک شخص کی ہلاکت اور پانچ افراد کو زخمی کرنے کا مقدمہ تھانہ ڈی ٹائپ کالونی میں درج کیا گیا ہے۔

    مقدمے میں وزیر مملکت عابد شیر علی اور رکن پنجاب اسمبلی طاہر جمیل سمیت آٹھ افراد کو نامزد کیا گیا ہے جب کہ پچس ملزمان نامعلوم ہیں۔

    دوسری جانب لاہور میں اسلحہ کی نمائش پر تحریک انصاف پنجاب کے آرگنائزر چودھری سرور کے دو گارڈز کو گرفتار کرکے مقدمہ درج کرلیا گیا۔

  • وزیر مملکت بار بار اپنا بیان تبدیل کرتے ہیں، ترجمان کے الیکٹرک

    وزیر مملکت بار بار اپنا بیان تبدیل کرتے ہیں، ترجمان کے الیکٹرک

    کراچی: کے الیکٹرک کے ترجمان کا کہناہے کہ کمپنی نے حکومت کو نہیں بلکہ حکومت کو کے الیکٹرک کو سو ارب روپے کے واجبات ادا کرنے ہیں۔

    وزیر مملکت برائے پانی وبجلی عابد شیر علی نے کہا تھا کہ کے الیکٹریک پر حکومتی واجبات کا حجم سو ارب روپے ہوگیا ہے۔

     اس بیان کی تردید کرتے ہوئے کے الیکٹریک کے ترجمان کا کہنا ہے کہ وزیر مملکت بار بار اپنا بیان تبدیل کرتے ہیں۔ کچھ دن کے پہلے تک کے الیکٹرک پر واجبات کا حجم تیس ارب روپے تھا مگراب انہوں نے بڑھا کر سو ارب کر دیا ہے۔

    کمپنی ترجمان کا مزید کہنا تھاکہ حکومت سے بجلی فراہمی کے معاہدے پر بات چیت جاری ہے۔

    واضح رہے کہ  رواں ماہ وزیر مملکت برائے پانی وبجلی عابد شیر علی نے کہا تھا کہ کےالیکٹرک کی اپنی پیداواری صلاحیت سترہ سو میگا واٹ ہے، کراچی میں بجلی کی طلب اٹھارہ سو سے دو ہزار میگاواٹ تک ہے۔

    انہوں نے کہا تھا کہ کےالیکٹرک اپنی پیداواری قوت کواستعمال کرے۔وفاقی حکومت کراچی کی بجلی پر تین روپےفی یونٹ کی سبسڈی دیتی ہے۔

  • بجلی بحران دیکھ کر وزیرِاعظم کو دکھ ہوتا ہے، عابد شیر

    بجلی بحران دیکھ کر وزیرِاعظم کو دکھ ہوتا ہے، عابد شیر

    سکھر : وزیرِ مملکت برائے پانی و بجلی عابد شیر علی نے سکھر میں گرڈ اسٹیشن کا افتتاح کردیا، عابد شیرعلی کا کہنا تھا کہ کے الیکٹرک سے سو ارب روپے کے قریب وصولیاں کرنی ہیں۔

    وزیرِ مملکت پانی وبجلی عابد شیر ایک سو بتیس کے وی گرڈ اسٹیشن کے افتتاح کے بعد میڈیا سے بات کرتے ہوئے کہا کہ بجلی بحران دیکھ کر وزیرِاعظم کو دکھ ہوتا ہے، اس سال گرمیوں میں لوڈشیئڈنگ کم ہوگی۔

      عابد شیر علی نے بتایا کہ کے الیکٹرک سے سو ارب روپے کے قریب وصولیاں کرنی ہیں، معاہدہ نئی شرائط پر ہوگا پرانی پر نہیں، وزیرِ پانی و بجلی کا کہنا تھا کہ جو بجلی کا بل ادا نہیں کرے گا، اس کو بجلی نہیں ملے گی۔

    عابد شیر علی نے نئے گرڈ اسٹیشن کے بارے میں بتایا کہ اس پر انتالیس کروڑ روپے کی لاگت آئی ہے اور بیس ہزار افراد کو اس سے فائدہ ہوگا۔

  • کے الیکٹرک کو قومی مفاد میں اضافی بجلی دیں گے، عابد شیر علی

    کے الیکٹرک کو قومی مفاد میں اضافی بجلی دیں گے، عابد شیر علی

    اسلام آباد: وفاقی وزیر عابد شیر علی نے کہا ہے کہ کراچی کوقومی مفاد میں اضافی بجلی دیں گے،کے الیکٹرک اپنی پیداواری صلاحیت بڑھائے۔

     ایک انٹرویو میں عابد شیر علی کاکہناتھاکہ کےالیکٹرک کوبجلی نہ دینے کا فیصلہ نہیں کیا گیا،کراچی کوچھ سو پچاس میگاواٹ بجلی کی فراہمی کیلئےکےالیکٹرک سے معاہدے پر بات ہو گی۔

     ان کا کہنا تھا کہ کےالیکٹرک کوبجلی دینےکافیصلہ پاکستان کےمفادمیں ہواتو ضرور کریں گے، انہوں نے بتایا کہ کراچی میں بجلی کی طلب اٹھارہ سو سے دو ہزار میگاواٹ تک ہے۔

    انہوں نے کہا کہ کےالیکٹرک کی اپنی پیداواری صلاحیت سترہ سو میگا واٹ ہے، کےالیکٹرک اپنی پیداواری قوت کواستعمال کرے۔وفاقی حکومت کراچی کی بجلی پر تین روپےفی یونٹ کی سبسڈی دیتی ہے۔

  • فیصل آباد: پی ٹی آئی ورکر قتل کیس، پولیس نے مرکزی ملزم سمیت15ملزمان کو گرفتار کرلیا

    فیصل آباد: پی ٹی آئی ورکر قتل کیس، پولیس نے مرکزی ملزم سمیت15ملزمان کو گرفتار کرلیا

    فیصل آباد: پنجاب پولیس نے پی ٹی آئی ورکر قتل کیس میں فائرنگ کرنے والے مرکزی ملزم سمیت پندرہ ملزمان کو گرفتار کر لیا ہے اور وزیر مملکت عابد شیر علی نے بھی تھانے میں اپنا بیان قلم بند کروا دیا ہے۔

    فیصل آباد کے ناولٹی پل پر فائرنگ سے پی ٹی آئی کارکن ہلاک ہواتھا۔ مقدمے میں پانچ نامزد ملزمان سمیت پندرہ افراد پولیس کے زیرحراست ہیں۔ گرفتار ملزمان میں ندیم مغل، امتیاز سراج، اس کا بھائی افتخار عرف اِتا پہلوان، زاہد ملک، پرویز جٹ بھی شامل ہیں۔

    ملزمان کی گرفتاری فوٹیجز شناخت ہونے پر عمل میں آئی ہے۔ مقدمے میں نامزد وزیر مملکت عابد شیر علی نے گزشتہ روز تھانہ سمن آباد میں ایس ایچ او کوبیان قلم بند کروایا ہے۔

    عابد شیر علی کے بیان کے مطابق سانحہ فیصل آباد سے ان کا کوئی لینا دینا نہیں ہے۔ پولیس جب بھی تفتیش کے لئے طلب کرے گی وہ پہنچ جائیں گے۔

    ایس ایچ او کے مطابق تحقیقات کے لئے جوائنٹ ایویسٹی گیشن ٹیم تشکیل دے دی گئی ہے۔

  • گوجرانوالہ میں عابد شیر علی کی ایک اور کھلی کچہری

    گوجرانوالہ میں عابد شیر علی کی ایک اور کھلی کچہری

    گوجرانوالہ: گوجرانوالہ میں وزیر مملکت برائے پانی و بجلی کی کھلی کچہری میں لوگوں نے شکایات کا انبار لگا دئیے، لوگوں کی بڑی تعداد کھلی کچہری میں پہنچ گئی، عابد شیر علی نے لوگوں کے مسائل سننے کے بعد موقع پر ہی احکامات جاری کئے۔

    وزیر مملکت برائے پانی و بجلی عابد شیر علی نے گوجرانوالہ میں ریجنل ہیڈ کوارٹر گیپکو میں کھلی کچہری لگائی اور لوگوں کے مسائل سنے ہیں، شہریوں کی بڑی تعداد بجلی کے اوور بلوں اور ریڈنگ کی کمی بیشی کی شکایات کرتی ہوئی نظر آئی ہے۔
    شہریوں کا کہنا تھا کہ ہر ماہ انہیں بجلی کے بلوں میں زائد یونٹ ڈال دیئے جاتے ہیں جن کی درستگی کے لیے گیپکو ملازمین تعاون نہیں کرتے اور انہیں زائد بل جمع کروانا پڑتا ہے، شہریوں نے کہا کہ اگر کہیں بجلی کی سپلائی میں خرابی پیدا ہو جائے تو بار بار ٹیلی فون پر کمپلین درج کروانے کے باوجود گیپکو ملازمین لائن ٹھیک کرنے نہیں آتے جبکہ ایک بیوہ عذرا کی طرف سے چار مرلہ کے گھر میں ایک لاکھ پچہتر ہزار بل کی شکایت سامنے آئی ہے۔

    لوگوں نے عابد شیر علی کو بتایا کہ شہر کے پوش علاقوں کی نسبت چھوٹے اور دیہاتی علاقوں میں بجلی کی غیر اعلانیہ بد ترین لوڈ شیڈنگ کا سلسلہ بھی جاری ہے اور اس سلسلہ میں بھی گیپکو حکام کوئی نوٹس نہیں لیتے ہیں۔

    شہریوں کے مسائل سننے کے بعد عابد شیر علی نے موقع پر ہی دو میٹر ریڈر، ایک لائن سپرٹنڈنٹ اور دو ایس ڈی او کو معطل کرنے کے احکامات جاری کیےہیں، اس موقع پر گیپکو چیف اور لیگی ارکان اسمبلی بھی ان کے ہمراہ تھے۔

  • عابد شیرعلی کو لوگوں نے گھیرلیا، گو نواز گوکے نعرے

    عابد شیرعلی کو لوگوں نے گھیرلیا، گو نواز گوکے نعرے

    جڑانوالہ : وفاقی وزیر مملکت پانی و بجلی چوہدری عابد شیر علی کے لنڈیانوالہ گرڈ اسٹیشن کے افتتاح پر اہل دیہہ نے گو نواز گو کے نعرے لگا دیئے۔

    ۔تفصیلات کے مطابق وزیر مملکت پانی و بجلی چوہدری عابد شیر علی ،وفاقی پارلیمانی سیکرٹری طلال چوہدری و اراکین اسمبلی اور فیسکو چیف فیصل آباد کے ہمراہ لنڈیانوالہ گرڈ اسٹیشن کے افتتاح کے بعد واپس جانے لگے تو اہل دیہہ کے چند افرادنے گو نوازگوکے نعرے لگانے شروع کردیئے۔

    جس پر پنجاب پولیس اور ،مسلم لیگ (ن) کے کارکنوں نے وفاقی وزیر مملکت سمیت اراکین اسمبلی کو روانہ کردیا اور پولیس اہلکار نعرے لگانے والوں کی منت سماج کرتے رہے ۔قبل ازیں انہوں نے انیس کروڑ کی لاگت سے سات ماہ کی مدت میں قائم ہونے والے گرڈ اسٹیشن کا افتتاح کیا۔