Tag: عارضی جنگ بندی

یوکرین نے روس کے دارالحکومت ماسکو سمیت کئی شہروں پر درجنوں ڈرون طیاروں سے حملہ کیا ہے حملے کے بعد 10 ہوائی اڈے بند کر دیے گئے۔

غیر ملکی میڈیا کے مطابق یوکرین نے روس کے دارالحکومت ماسکو سمیت کئی شہروں پر درجنوں ڈرون طیاروں سے حملہ کیا ہے۔ یہ حکمہ نازی جرمنی پر فتح کی سالانہ تقریب سے صرف تین دن قبل کیا گیا ہے۔ اس حملے کے بعد روس کے 10 ہوائی اڈوں کو بند کر دیا گیا ہے۔

حملے میں وولگو گراڈ کا ہوائی اڈہ بھی متاثر ہوا۔ وولگوگراڈ کو ماضی میں اسٹالن گراڈ کہا جاتا تھا۔ یہ دوسری جنگ عظیم کی سب سے خونی لڑائی کا مرکز تھا، یہاں نازی فوج کوتاریخی شکست ہوئی تھی۔

روسی میڈیا نے یوکرینی ڈرون حملوں سے سپر مارکیٹ کی ٹوٹی ہوئی کھڑکیوں اور رہائشی عمارت کی جلی ہوئی بیرونی دیواروں کی تصاویر بھی نشر کیں۔

ماسکو کے میئر سرگئی سوبیانین کا کہنا ہے کہ اس حملے میں کسی جانی نقصان کی اطلاع نہیں ملی جب کہ فضائی دفاعی نظام نے 19 ڈرون کا مار گرایا۔

اس کے علاوہ روسی علاقے وورونِیژ میں 18 اور پینزا میں 10 ڈرون طیاروں کو مار گرایا گیا۔

واضح رہے کہ یوکرین کی جانب سے یہ حملہ روس کی جانب سے عارضی جنگ بندی کی مدت شروع ہونے سے دو دن قبل کیا گیا ہے۔

روسی صدر ولادیمیر پیوٹن نے گزشتہ ہفتہ وکٹری ڈے کی 80 ویں سالگرہ کے موقع پر 8 سے 10 مئی تک تین روز کی عارضی جنگ بندی کا اعلان کیا تھا۔ تاہم یوکرینی صدر زیلنسکی نے عارضی جنگ بندی کے اعلان کو مسترد کرتے ہوئے کہا تھا کہ روس اگر خطے میں حقیقی امن چاہتا ہے تو فوری سیز فائر کا اعلان کرے۔

https://urdu.arynews.tv/russia-announces-temporary-ceasefire-with-ukraine/

روس کے صدر ولادیمیر پیوٹن نے 2022 سے جاری یوکرین جنگ کو عارضی طور پر بند کرنے کا اعلان کیا ہے اس پر عملدرآمد آئندہ ماہ ہوگا۔

روس اور یوکرین کے درمیان 2022 کی ابتدا سے جاری جنگ میں اہم موڑ آیا ہے اور روسی صدر ولادیمیر پیوٹن نے عارضی طور پر جنگ بندی کا اعلان کیا ہے۔

غیر ملکی میڈیا کے مطابق پیوٹن نے یہ اعلان وکٹری ڈے کی 80 ویں سالگرہ کے سلسلے میں کیا ہے اور جنگ بندی 8 سے 10 مئی تک نافذ العمل رہے گی۔

روسی صدارتی ترجمان کریملن کی جانب سے جاری بیان میں کہا گیا ہے کہ روس ہمیشہ سے امن بات چیت کے لیے تیار رہا ہے اور وہ یوکرین کی جانب سے بھی جنگ بندی پر عمل کی امید رکھتے ہیں۔

یہ بھی پڑھیں: روس یوکرین جنگ میں بڑی پیش رفت

اعلامیہ میں واضح کیا گیا ہے کہ جنگ بندی کے دوران یوکرین کا رویہ امن معاہدے کے لیے یوکرین کی سنجیدگی ظاہر کرے گا اور روسی فوج جنگ بندی کی کسی بھی خلاف ورزی کا بھرپور جواب دے گی۔