Tag: عارف علوی

کراچی : سابق صدر عارف علوی کیخلاف دہشت گردی کا ایک اور مقدمہ سامنے آگیا، تاہم سابق صدر نے مقدمات کی تفصیلات طلب کرنے کی درخواست دائر کی ہے۔

تفصیلات کے مطابق سابق صدر عارف علوی کیخلاف دہشت گردی کا ایک اور مقدمہ سامنے آگیا، اس حوالے سے پراسیکیوٹرجنرل سندھ نے ہائیکورٹ میں رپورٹ پیش کردی۔

جس میں بتایا گیا ہے کہ سال 2018 میں جلاؤ گھیراؤ اور ہنگامہ آرائی پر سول لائنز تھانے میں مقدمہ درج ہے تاہم ایف آئی اے میں ان کیخلاف کوئی مقدمہ درج نہیں ہے۔

سابق صدر نے مقدمات کی تفصیلات طلب کرنے کی درخواست دائر کی ہے جبکہ عدالت نے وفاق سے بھی مقدمات کی تفصیلات طلب کرلی ہے۔

عدالت نے سابق صدر کو میانوالی سمیت مختلف مقدمات میں گرفتاری سے روک رکھا ہے۔

سابق صدر ڈاکٹر عارف علوی نے کہا ہے کہ ہمارا دھرنا کامیاب ہو چکا ہے اور حکومت اپنی آخری سانسیں لے رہی ہے۔

اے آر وائی نیوز کے مطابق سابق صدر پاکستان اور پی ٹی آئی رہنما ڈاکٹر عارف علوی نے تحریک انصاف کے احتجاج کو روکنے کے لیے حکومت کی جانب سے ہر جانب کنٹینر لگانے اور رکاوٹیں کھڑی کرنے پر کہا ہے کہ ہمارا دھرنا کامیاب ہوچکا ہے، حکومت آخری سانسیں لے رہی ہے۔

عارف علوی نے اپنے بیان میں مزید کہا کہ پی ٹی آئی میں اختلافات کی باتیں وہ لوگ کر رہے ہیں، جنہیں اپنی کرسی جاتی نظر آ رہی ہے۔

انہوں نے کہا کہ بانی پی ٹی آئی عمران خان اور پارٹی کے دیگر رہنما دہشتگرد نہیں ہیں۔ حکومت ہم پر توانائیاں خرچ کرنے کے بجائے اصل دہشتگردوں کو پکڑے۔

واضح رہے کہ بانی پی ٹی آئی عمران خان کی احتجاج کی کال پر آج ملک کے مختلف علاقوں نے پارٹی رہنماؤں کی قیادت میں قافلے اسلام آباد کے لیے نکل چکے ہیں۔ بانی نے مطالبات کی منظوری تک ڈی چوک پر احتجاج جاری رکھنے کی ہدایت کی ہے۔

پی ٹی آئی رہنماؤں کا کہنا ہے کہ عمران خان کی رہائی تک احتجاج جاری رہے گا اس کے علاوہ پارٹی کے مطالبات میں 8 فروری کو چوری شدہ مینڈیٹ کی واپسی اور 26 ویں آئینی ترمیم کے خاتمے کے مطالبات بھی شامل ہیں۔

دوسری جانب حکومت کی جانب سے بھی مظاہرین کو اسلام آباد پہنچنے سے روکنے کے لیے وفاقی دارالحکومت کو چاروں جانب سے کنٹینرز لگا کر سیل کر دیا گیا ہے۔ ملتان سمیت دیگر علاقوں میں کریک ڈاؤن کر کے پی ٹی آئی رہنماؤں اور سینکڑوں کارکنوں کو گرفتار کیا جا چکا ہے۔

اس کے علاوہ پنجاب سے ملحقہ تینوں صوبوں کی سرحدیں سیل، موٹر ویز مکمل بند کر دیے گئے ہیں۔ اسلام آباد میں دو ماہ جب کہ پنجاب میں تین دن کے لیے دفعہ 144 نافذ کر کے ہر قسم کے جلسے جلوس اور اجتماعات پر پابندی عائد کر دی گئی ہے جب کہ کئی اضلاع میں رینجرز کو تعینات ہے۔

https://urdu.arynews.tv/pti-protest-muhammad-hafeez-tweet-viral-rent-a-container/

اسلام آباد : سابق صدر عارف علوی کا کہنا ہے کہ مجھ پر آرٹیکل سکس لگانا چاہتے ہیں تو یہ خواہش بھی پوری کرلیں۔

تفصیلات کے مطابق سابق صدر عارف علوی نے اسلام آبادہائی کورٹ میں غیررسمی گفتگو کرتے ہوئے کہا کہ ہمیشہ آڈیولیک اور ریکارڈنگز کیخلاف رہاہوں، کسی کومیری پرائیویٹ گفتگو سننے کاحق نہیں ہونا چاہیے۔

صحافی نے سوال کیا کہ آپ نے جس انداز سے اسمبلی تحلیل کی اس پرآرٹیکل 6 لگانے کا کہا جارہاہے؟ جس پر سابق صدر  نے کہا کہ آرٹیکل6  اگر لگانا چاہتے ہیں توکوشش کر لیں یہ خواہش بھی پوری کرلیں۔

ان کا کہنا تھا کہ یہ 1500 کیسز چلا چکے ہیں مزید بھی کیس بنادیں، یہ کوشش کر لیں مجھےبھی موقع ملےگا۔

سابق صدر نے مزید کہا کہ میں زندہ بھی اسی ملک میں ہوں اورپاکستان میں ہی رہوں گا، آرٹیکل6 کیا ہے زندگی اور موت کی جنگ،میں بھی یہاں ہی ہوں۔

اسلام آباد : سابق صدر عارف علوی کا کہنا ہے کہ اگر مذاکرات ہوں گے تو گھر کے مالک سے ہوں گے، میں صرف مذاکرات کی کوشش کررہا ہوں نتیجہ کچھ نہیں نکل رہا۔

تفصیلات کے مطابق سابق صدر عارف علوی نے گفتگو کرتے ہوئے کہا کہ میں صرف مذاکرات کی کوشش کررہا ہوں نتیجہ کچھ نہیں نکل رہا، گزشتہ دو سال سے میڈیا کے ذریعے مذاکرات ہورہے ہیں، اگر مذاکرات کی امید نہ ہو تو میں کوشش کیوں کروں گا، اگر مذاکرات ہوں گے تو گھر کے مالک سے ہوں گے۔

سائفر کے حوالے سے سابق صدر کا کہنا تھا کہ سائفرپروزیراعظم نے فیصلہ کرنا ہوتا ہے کہ یہ عوام ہے پاس جانا ہے یا نہیں۔

انھوں نے کہا کہ میڈیا نے سائفر اور نکاح کیس پر خوب کھیلا گیا ، حکومت تبدیلی سے پاکستان کو اربوں ،کھربوں کا نقصان ہوا۔

سابق صدر کا مزید کہنا تھا کہ میں اب ہمت ہار چکا ہوں کہ اس ملک میں احتساب ہوگا، ایوب خان سے لیکر آج تک احتساب ہماری ترجیح نہیں ہے۔

انھوں نے کہا کہ پاکستان میں لوگوں کو انصاف نہیں ہونے کا یقین ہے، پاکستان میں سرمایہ کاری کرنیوالوں کو خوش آمدیدکہیں گے۔

حکومت سے متعلق ان کا کہنا تھا کہ حکومت اگر بضد ہے تو اس پر مزید کھیلیں ، جہانگیر ترین کو اگر کلین چٹ ملی تو غلط تھا۔