استنبول : صدر مملکت ڈاکٹرعارف علوی نے کہا ہے کہ پاکستان اور ترکی نے دہشت گردی کے خاتمے کیلئے بے پناہ قربانیاں دیں، ہمارے گہرے برادرانہ اور تاریخی تعلقات ہیں۔
یہ بات انہوں نیوز ایجنسی اور مقامی روزنامہ کے نمائندوں کو انٹرویو دیتے ہوئے کہی، صدر مملکت نے کہا کہ ترکی مسلم دنیا کا اہم ترین ملک ہے، پاک ترک عوام کے گہرے برادرانہ اور تاریخی تعلقات ہیں۔
امن اور استحکام کیلئے دونوں ملکوں نے بےپناہ کاوشیں کیں، پاکستان کو دہشت گردی کے ناسور نے بہت نقصان پہنچایا، دہشت گردی کے باعث70ہزار انسانی جانوں، اربوں ڈالر کا نقصان ہوا۔
صدر نے مزید کہا کہ پاکستان اور ترکی نے دہشت گردی کے خاتمے کیلئے بےپناہ قربانیاں دیں، دنیا کو دہشت گردی کے خاتمے کیلئے دونوں ممالک کی کوششوں کا اعتراف کرنا چاہیے۔
ڈاکٹرعارف علوی نے بتایا کہ حکومت کم آمدنی والے طبقے کیلئے50لاکھ گھروں کے منصوبے پرکام کررہی ہے اس سلسلے میں ہم ہاؤسنگ کے شعبے میں ترک تجربات سے استفادہ چاہتے ہیں، پاکستان دنیا بھر کے ملکوں کے ساتھ بہتر تعلقات کا خواہاں ہے، پاکستان چاہتا ہے کہ افغانستان میں امن قائم ہو۔
اسلام آباد : صدر مملکت ڈاکٹرعارف علوی کا کہنا ہے کہ اسرائیلی طیارے کی پاکستان آمد کی خبربے بنیاد ہے، اسرائیل کے ساتھ کسی قسم کے تعلقات استوارنہیں کیے جا رہے۔
تفصیلات کے مطابق ترکی روانگی سے قبل صدرمملکت نے اسلام آباد ایئرپورٹ پرمیڈیا سے گفتگو کرتے ہوئے کہا کہ کمرشل فلائٹ سے ترکی جا رہا ہوں۔
ڈاکٹرعارف علوی نے کہا کہ ترکی نے کشمیرسمیت ہرمعاملے میں ہمیشہ پاکستان کا ساتھ دیا، دنیا کی سازشوں کے باوجود ترکی میں جمہوریت قائم ہے۔
انہوں نے کہا کہ مالی بحران میں ساتھ دینے پر سعودی عرب کے شکرگزارہیں، سعودی عرب نے ہمیشہ کی طرح پاکستان کی طرف دوستی کا ہاتھ بڑھایا۔
صدرمملکت نے کہا کہ پچھلے ادوارمیں پیدا شدہ مالی بحران سے نمٹنے میں کچھ وقت لگے گا، مالی بحران میں کم سے کم سانس لینے کی کیفیت پیدا ہوئی، حکومت کوکریڈٹ جاتا ہے۔
ڈاکٹرعارف علوی نے کہا کہ اسرائیلی طیارے کی پاکستان آمد کی خبربے بنیاد ہے، اسرائیل سے تعلقات سے متعلق کوئی بات زیرغورنہیں ہے۔
انہوں نے کہا کہ پاکستان نے تاریخی اعتبارسے ہمیشہ فلسطینیوں کا ساتھ دیا، پاکستان کشمیر اور فلسطین میں مظالم دنیا کے سامنے لایا۔
صدر مملکت نے کہا کہ وزیراعظم پاکستان نومبرکے پہلے ہفتے میں چین جائیں گے، وزیراعظم کے دورہ چین میں سرمایہ کاری پربات ہوگی۔
سندھ میں گورنر راج کی خبروں سے متعلق صدر عارف علوی نے کہا کہ سندھ میں گورنرراج کی خبروں میں کوئی صداقت نہیں، سندھ کی ترقی کے لیے صوبائی حکومت سے تعاون کریں گے۔
کراچی: کل کراچی کے حلقے این اے 247 پر ضمنی الیکشن ہونے جا رہا ہے، یہ وہی سیٹ ہے، جوعارف علوی کے صدر پاکستان بننے کے بعد خالی ہوئی۔
نئی حلقہ بندیوں کے بعد اب این اے 247 ڈیفنس، کلفٹن، دہلی اور ٹی این ٹی کالونی، صدر، بزنس روڈ ،کراچی کینٹ، سول لائنز، کھارادر، لائٹ ہاؤس، کالا پل، گورا قبرستان پر مشتمل ہے۔ 2018کے انتخابات میں اس حلقے سے تحریک انصاف کے عارف علوی فاتح ٹھہرے۔
این اے 247 کراچی کا سب سے بڑا حلقہ ہے، یہاں ووٹرز کی تعداد ساڑھے پانچ کے لگ بھگ ہے۔ ماضی میں ڈیفنس، کلفٹن، صدر ،دہلی ٹی این ٹی کالونی، بزنس روڈ پر محیط تھا اور این اے 250 کہلاتا ہے۔
ایئرمارشل اصغر خان، کیپٹن حلیم احمد صدیقی، عبدالستار افغانی اور خوش بخت شجاعت
اِسے 2002 کی حلقہ بنیادوں میں یہ نام دیا گیا، البتہ گذشتہ انتخابات سے قبل اس میں این اے 248 اور این اے 247کے اولڈ سٹی ایریا کے حصے شامل کیے گئے۔
1970 میں اس حلقہ کیا نام تھا؟
اگر ماضی میں جھانکیں، تو سن 70 سے کراچی ساﺅتھ کے اس حلقے کو شہر کی سیاست میں نمایاں حیثیت حاصل رہی۔ اس وقت یہ NW133کہلاتا تھا۔ یہاں پیپلزپارٹی کے بیرسٹر کمال اظفر کافی سرگرم تھے، مگر انتخابی سیاست میں وہ خود کو منوانا نہ سکے۔ 1970 میں انھیں آزاد امیدوار مولانا ظفر احمد انصاری کے ہاتھوں شکست کا سامنا کرنا پڑا۔
یہ بڑا دل چسپ پہلو ہے کہ 2013 اور 2018 میں یہاں سے الیکشن جیتنے والے پی ٹی آئی کے عارف علوی ان کے پولنگ ایجنٹ تھے۔
نو ستارے بہ مقابلہ بھٹو
1977 میں ذوالفقار علی بھٹو اور نو ستاروں کا مقابلہ تھا۔ مجموعی طور پر توپیپلزپارٹی نے کامیابی اپنے نام کی، البتہ کراچی ساﺅتھ کے اس حلقے میں، جو اب NA190 ہوگیا تھا، پاکستان نیشنل الائنس کے ممتاز لیڈر ایئر مارشل ا صغر خان نے معرکہ سر کیا، پی پی کے بیرسٹر کمال اظفر دوسرے نمبر پر رہے۔ البتہ یہ الیکشن مارشل لا لے کر آئے۔ ضیا دور میں غیرجماعتی انتخابات ہوئے۔
1988 اور 1990 میں اس حلقے میں کیا ہوا؟
اب اس حلقے کا نام این اے 191ہوگیا تھا۔ 1988 اور 1990 کے عام انتخابات میں یہاں سے سید طارق محمود کامیاب ہوئے، جو پہلے آزاد اور بعد ازاں حق پرست پینل سے اترے۔ دونوں بار انھیں ایم کیو ایم کی سپورٹ حاصل تھی۔
مسلم لیگ ن کی برتری
آنے والے دو انتخابات میں مسلم لیگ ن کراچی ساﺅتھ میں چھائی رہی۔کیپٹن حلیم احمد صدیقی نے 1993 اور 1997 میں این اے 191 کا معرکہ اپنے نام کیا۔ دو سال بعد ملک میں پرویز مشرف کا مارشل لا لگ گیا۔ بعد میں کیپٹن حلیم مسلم لیگ ق کا حصہ بن گئے۔
جب یہ حلقہ این اے 250ہوا
2002کے انتخابات میں یہ حلقہ این اے 250 کہلایا۔ متحدہ مجلس عمل کے عبدالستار افغانی نے اس حلقے میں نسرین جلیل کو شکست دی، مگر کچھ عرصے بعد ان کا انتقال ہوگیا، جس کے بعد ایم کیو ایم کے کیپٹن اخلاق حسین عابدی نے ادھر سے کامیابی حاصل کی۔
اِسی حلقے سے 2002 میں ممنون حسین بھی نواز لیگ کے امیدوار رہے، وہ کام یاب تو نہ ہوئے، لیکن 11 سال بعد وہ صدر بن گئے۔
2008 کے انتخابات میں ادھر ایم کیو ایم کی خوش بخت شجاعت اور مرزا اختیار بیگ میں کانٹے کا مقابلہ ہوا، جو خوش بخت شجاعت کے نام ہوا۔
مستقبل کے صدر پاکستان کی کامیابی
2013 میں این اے 250شہر قائد میں قومی اسمبلی کی واحد سیٹ تھی، جو تحریک انصاف نے جیتی، مگر اس پر خاصا ہنگامہ ہوا۔الیکشن والے روز اس حلقے میں انتخابی سامان اور عملے کی عدم موجودگی کے سبب پولنگ تاخیر کا شکار ہوئی۔
بعد میں مخصوص علاقوں میں دوبارہ پولنگ ہوئی، متحدہ نے پورے حلقے میں دوبارہ الیکشن کا مطالبہ کیا، جو نہیں مانا گیا، جس پر ایم کیو ایم نے بائیکاٹ کر دیا۔ یوں عارف علوی اس نشست پر فاتح ٹھہرے۔
نئی حلقہ بندیوں کے بعد قومی اسمبلی کا یہ حلقہ 247 کہلایا۔ اس بار عارف علوی نے 90 ہزار 907 ووٹ لیے، جو کراچی میں عمران خان کے 91 ہزار 373 ووٹوں کے بعد سب سے زیادہ بنتے ہیں۔
حروف آخر
21اکتوبر 2018کو عارف علوی کی چھوڑی ہوئی اس نشست پر انتخاب ہونے جارہا ہے، اس روز دو صوبائی اسمبلی کے نشستوں پر بھی الیکشن ہوگا۔ بہ ظاہر پی ٹی آئی کی پوزیشن مضبوط ہے، البتہ حتمی فیصلہ الیکشن والے دن ووٹرز ہی کریں گے۔
ان کا کہنا تھا کہ پاکستان میں 30 دن کاپانی ذخیرہ کرنے کی گنجائش موجود ہے، تھرمیں پانی کی کمی کی وجہ سے بچے انتقال کر رہے ہیں. پانی کو محفوظ اور ذخیرہ کرنا بنیادی مسئلہ ہے.
صدرعارف علوینے کہا کہ پانی زندگی ہے اوربطور قوم ہمیں اسے محفوظ بنانا ہے، پائیدار ترقی کے لیے پانی کے مسئلے کوحل کرنا ہوگا، پانی کےذخیرے کے لئے بڑے ذخائر کی تعمیر ناگزیر ہے.
رسالپور: صدر مملکت ڈاکٹر عارف علوی نے پی اے ایف اصغر خان اکیڈمی میں پاسنگ آؤٹ پریڈ سے خطاب کرتے ہوئے کہا کہ پاک افواج کسی بھی چیلنج سے نمٹنے کی صلاحیت رکھتی ہے۔
تفصیلات کے مطابق رسالپور میں پی اے ایف اصغر خان اکیڈمی میں پاسنگ آؤٹ پریڈ ہوئی۔ صدر عارف علوی تقریب کے مہمان خصوصی تھے۔
صدر عارف علوی کی آمد پر سربراہ پاک فضائیہ ایئر چیف مجاہد انور خان نے ان کا استقبال کیا۔
پاسنگ آؤٹ پریڈ سے خطاب کرتے ہوئے صدر مملکت عارف علوی کا کہنا تھا کہ تقریب میں شرکت باعث فخر ہے، تربیت کسی بھی کیڈٹ کی زندگی کا اہم حصہ ہے۔
صدر نے کہا کہ کامیاب ہونے والے کیڈٹس کو مبارک باد دیتا ہوں۔ یاد رکھیں قوم کی امیدوں پر پورا اترنے کے لیے آپ پر ذمہ داری ہے، آپ قائد کی فکر کے مطابق معیاری پاک فضائیہ کا حصہ ہیں۔
انہوں نے کہا کہ پاک افواج کسی بھی چیلنج سے نمٹنے کی صلاحیت رکھتی ہے۔ پاکستان کی طرف کسی بھی قسم کی مہم جوئی کا منہ توڑ جواب دیا جائے گا، ارض پاکستان کی حفاظت پر معمور مسلح افواج کے بیٹے ہر وقت تیار ہیں۔ پاکستان امن کا خواہش مند ہے اور ہمسایوں سے بہتر تعلقات کا خواہاں ہے۔
انہوں نے کہا کہ حکومت مسلح افواج کی ضروریات پورا کرنے کے لیے کوشاں ہے، دہشت گردی کے خلاف جنگ میں پاک فضائیہ نے کلیدی کردار ادا کیا۔ قوم اور افواج کی کوششوں سے دہشت گردوں کو شکست دے چکے ہیں۔
پریڈ میں 140 جی ڈی پائلٹ، 86 انجینئرنگ کیڈٹ، 96 ایئر ڈیفنس اور 21 ایڈمن کورس کے کیڈٹ شامل تھے۔
اسلام آباد: صدر مملکت ڈاکٹر عارف علوی کا کہنا ہے کہ پاکستان جوہری ہتھیاروں کی دوڑ میں شامل نہیں ہوگا، پڑوسی ملک کے تجربات خطے کو جوہری ہتھیاروں سے پاک کرنے میں رکاوٹ ہیں۔
تفصیلات کے مطابق صدر مملکت ڈاکٹر عارف علوی نے تقریب سے خطاب کرتے ہوئے کہا کہ جوہری ٹیکنالوجی کے استعمال سے متعلق قانون سازی کی ضرورت ہے۔ پاکستان جوہری ہتھیاروں کی دوڑ میں شامل نہیں ہوگا۔
انہوں نے کہا کہ پاکستان دنیا میں جوہری عدم پھیلاؤ کا حامی ہے، پاکستان خطے کے تمام ممالک میں امن کا خواہشمند ہے۔ پاکستان خطے میں امن و استحکام چاہتا ہے۔
صدر مملکت کا کہنا تھا کہ مسئلہ کشمیر خطے میں تنازعہ کی بنیادی وجہ ہے، اقوام متحدہ کشمیر سمیت تمام عالمی تنازعات حل کروانےمیں کردار ادا کرے۔ پاکستان کا جوہری پروگرام آئی اے ای سے کے قواعد کے مطابق ہے۔
انہوں نے کہا کہ حکومت سماجی شعبے کی ترقی کے لیے پرعزم ہے۔ عالمی امن کو لاحق خطرات سے مشترکہ طور پر نمٹا جا سکتا ہے۔ پڑوسی ملک کے تجربات خطے کو جوہری ہتھیاروں سے پاک کرنے میں رکاوٹ ہیں۔
انہوں نے مزید کہا کہ جدید ٹیکنالوجی کے استعمال سے متعلق بھی عالمی سطح پر قانون سازی کی ضرورت ہے۔ پاکستان جنوبی ایشیا میں تذویراتی استحکام کا حامی ہے۔ ایٹمی توانائی کے استعمال سے ماحولیاتی آلودگی کو کم کیا جا سکتا ہے۔
کراچی: صدر مملکت ڈاکٹر عارف علوی کا کہنا ہے کہ شہری درخت لگائیں اور کچرا جگہ جگہ نہ پھینکیں۔ کسی کے لیے اپنے گھر کے باہر جھاڑو دینا بے عزتی کی بات نہیں۔
تفصیلات کے مطابق صدر پاکستان ڈاکٹر عارف علوی نے کراچی میں گرین اینڈ کلین مہم کا آغاز کر دیا۔
اس موقع پر صدر پاکستان کا کہنا تھا کہ حضور نے پیغام دیا صفائی نصاف ایمان ہے، ہر انسان کے لیے روحانی اور جسمانی پاکیزگی ضروری ہے۔ کچرے کو اس کی مقررکردہ جگہوں پر پھینکیں سڑکوں پر نہیں۔
انہوں نے کہا کہ وسیم اختر صاحب میری درخواست پر یہاں تشریف لائے۔ شہری درخت لگائیں اور کچرا جگہ جگہ نہ پھینکیں۔ کسی کے لیے اپنے گھر کے باہر جھاڑو دینا بے عزتی کی بات نہیں۔
انہوں نے کہا کہ کوشش کروں گا حلقے میں پانی کی قلت کا مسئلہ حل کروا سکوں۔
میئر کراچی وسیم اختر کا کہنا تھا کہ کراچی کے بنیادی مسائل بہت زیادہ ہیں ان میں الجھے ہوئے ہیں، جلد کراچی میں کھلیوں کے مقابلے منعقد کروائیں گے۔
انہوں نے کہا کہ حکومت سندھ کو سانحہ عاشور کی تحقیقات پر توجہ دینی چاہیئے، تحقیقات میں سنجیدگی نظر آنی چاہیئے قیمتی جانیں ضائع ہوئی ہیں۔
وسیم اختر نے مزید کہا کہ رابطہ کمیٹی اور پوری پارٹی اس وقت ضمنی الیکشن میں مصروف ہے، الیکشن کے بعد اس معاملے پر فاروق بھائی سے بات کریں گے۔ ابھی ہم اپنی چھینی ہوئی سیٹیں واپس لینے کی کوشش کر رہے ہیں۔
اسلام آباد: صدرمملکت عارف علوی کا کہنا ہے کہ صحت کی انشورنس کے ذریعے غریبوں کو تحفظ فراہم کرنا ہوگا.
ان خیالات کا اظہار انھوں نے وزارت قومی صحت کے دورے کے موقع پر کیا. صدرمملکت کو وفاقی وزیر، سیکریٹری وزارت، ڈی جی ہیلتھ نے بریفنگ دی.
اس موقع پر صدر ڈاکٹرعارف علوی نے کہا کہ عوام کو صحت کی سہولتوں کی فراہمی حکومت کی اولین ترجیح ہے.
[bs-quote quote=” بچوں کو دیے جانے والے حفاظتی ٹیکوں کو سو فی صدی قینی بنانا ہوگا” style=”style-7″ align=”left” author_name=”ڈاکٹر عارف علوی”][/bs-quote]
ڈاکٹر عارف علوی کا کہنا تھا کہ عوام کو طبی سہولتوں کی فراہمی کے لئےاداروں کو کردار ادا کرنا ہوگا.
انھوں نے کہا کہ خوراک و صحت کےمعاملات میں عوامی آگاہی مہم کی ضرورت ہے، خوراک کی کمی سے بچوں پرانتہائی مضراثرات مرتب ہو رہے ہیں.
عارف علوی کا کہنا تھا کہ بچوں کو دیے جانے والے حفاظتی ٹیکوں کو سو فی صدی یقینی بنانا ہوگا. صحت کی انشورنس کےذریعےغریب کوتحفظ فراہم کرنا ہوگا.
اسلام آباد: صدر مملکت ڈاکٹر عارف علوی کا کہنا ہے کہ یوم عاشور ہمیں شہدائے کربلا کی عظیم قربانیوں کی یاد دلاتا ہے۔ آج کے دن ہمیں اسوہ حسینی کو یاد رکھنا ہے۔
تفصیلات کے مطابق صدر مملکت ڈاکٹر عارف علوی نے یوم عاشور کے موقع پر قوم کے نام پیغام میں کہا کہ یوم عاشور ہمیں شہدائے کربلا کی عظیم قربانیوں کی یاد دلاتا ہے۔
انہوں نے کہا کہ اعلیٰ مقاصد، استقامت اور حق کے لیے کسی قربانی سے دریغ نہیں کرنا چاہیئے۔ واقعہ کربلا ایثار و قربانی کا درس دیتا ہے۔
صدر مملکت نے مزید کہا کہ حق و باطل کی لڑائی اس دور میں بھی جاری ہے، ایثار و قربانی کے جذبے کو فروغ دینے کی ضرورت پہلے سے کہیں زیادہ ہے۔
یاد رہے کہ آج دنیا بھر میں نواسہ رسول ﷺ حضرت امام حسینؓ اور ان کے اہل و عیال کی المناک شہادت کی یاد منائی جارہی ہے۔ ملک بھر میں مجالس و ماتمی محافل برپا کی جارہی ہیں جن کے لیے سخت سیکیورٹی انتظامات کیے گئے ہیں۔
اسلام آباد: نو منتخب صدر ڈاکٹر عارف علوی نے پارلیمنٹ کے مشترکہ اجلاس سے آج پہلا خطاب کیا۔ ان کا کہنا تھاکہ قائد اعظم انصاف اور عدل والا پاکستان چاہتے تھے۔ خطاب کے موقع پر مسلم لیگ ن نے اجلاس سے واک آؤٹ کیا۔
تفصیلات کے مطابق پارلیمنٹ کا مشترکہ اجلاس آج شام چار بجے شروع ہوا ، تلاوتِ قرآن پاک کے بعد صدرِ مملکت ڈاکٹر عارف علوی نے پارلیمنٹ کے ممبران سے خطاب کرتے ہوئے ملک میں جمہوریت کے سفر کے تسلسل پر خدا کا شکر ادا کیا ۔
ان کا کہناتھا کہ موجودہ حکومت نے نیا پاکستان بنانے کا عزم کیا ہے ، اور وہ اسی نعرے پر منتخب ہوکر اسمبلیوں میں آئے ہیں، نئے پاکستان کی سب سےبڑی شناخت پروٹوکول کاخاتمہ ہے۔
خطاب کا آغاز
خطاب کے آغاز پر صدر عارف علوی کا کہنا تھا کہ میری اس ایوان سےبطوررکن پرانی وابستگی ہے اور اپنی ذمہ داریوں کی ادائیگی کے لیےجوکرسکتاتھا، وہ ایمانداری سےانجام دیا۔ ان کا کہنا تھا کہ نئےپاکستان کی سب سےبڑی شناخت پروٹوکول کاخاتمہ ہے،نئےپاکستان کی ایک اور شناخت غیرضروری اخراجات کاخاتمہ ہے۔کفایت شعاری اورسادگی پالیسی کےتحت رقم کابڑاحصہ بچایاجاسکتاہے، یاد رہے کہ ترقیاتی منصوبوں کےعلاوہ قرض کی ادائیگی کے لیے بھی ہمیں رقم رکھناپڑتی ہے۔
صدر مملکت کا کہنا تھا کہ قائداعظم اور علامہ اقبال انصاف و عدل والا پاکستان چاہتےتھے۔ہمارا سیاسی نظام عدم استحکام رہا، لیکن خوش آئندہےگزشتہ3اسمبلیاں مدت پورےکرنےمیں کامیاب رہیں۔ صدر ِ مملکت نے ملکی مسائل پر گفتگو کرتے ہوئے کہا کہ ہمارابڑامسئلہ گروہی مفادات وبےپناہ کرپشن ہے۔ایمان کی خواہشات میں ہی حکومتوں کی کامیابی ہے،بیرونی اوراندرونی قرضوں پرخصوصی توجہ کی ضرورت ہے۔
انہوں نے کہا کہ ہمیں سادگی اختیارکرکےنمودونمائش سےبچناہوگا، ہمارےسامنےریاست مدینہ کاماڈل موجودہے۔ صدر مملکت کا کہنا تھا کہ نئے پاکستان میں سر اٹھا کر چل سکیں گے،قومیں مسائل سےدوچارہوتی ہیں اورمسائل سےباہربھی نکلتی ہیں،زندہ وباہمت قومیں مسائل سےگھبرایانہیں کرتیں۔ صدر مملکت کے مطابق ہماری قوم نےبہت سےمسائل دیکھےاوران سےباہربھی نکلے۔
ملک کے بنیادی مسائل پر گفتگو کرتے ہوئے ان کا کہنا تھا کہ مختلف رہائشی منصوبوں پرکام کرکےروزگارورہائش کابندوست ہوسکتاہے، انہوں نے توقع کا اظہار کیا کہ حکومت ہرشعبےمیں روڈمیپ مرتب کرےگی، اورسیزپاکستانی شوق سےپاکستان کی تعمیرمیں حصہ لیناچاہتےہیں، حکومت کو چاہیے کہ عوام کےجذبات کودیکھتےہوئےملک کی سمت کودرست کریں۔
صدرِ مملکت کاکہنا تھا کہ ہمیں پاکستان میں احتساب کےاداروں کومضبوط کرنےکی ضرورت ہے۔
پانی اور بجلی کے مسائل
پاکستان میں جاری پانی کی قلت پر گفتگو کرتے ہوئے ان کا کہنا تھا کہ ہم پانی کی قلت کاشکارہیں،پانی کابےدریغ استعمال ہورہاہے،بلوچستان وسندھ کےمختلف علاقےخشک سالی کاشکارہیں۔ ان کا کہنا تھا کہ ملک کو گلوبل وارمنگ سےبچنےکے لیے شجرکاری ونئےڈیم بنانےہوں گے، امیدہےعوام چیف جسٹس ووزیراعظم کی ڈیموں کی تعمیر کے لیے چندے کی اپیل کامثبت جواب دیں گے۔
ڈاکٹر عارف علوی کا کہنا تھا کہ بجلی کےترسیلی نظام پربھی توجہ دینےکی ضرورت ہے اور بجلی چوری کےسدباب کے لیے بھی خصوصی انتظامات اس وقت کی اہم ضرورت ہیں۔شمالی علاقہ جات کاماحول بجلی پیداکرنےکیلئےسازگارہے۔
پاک فوج کو خراج تحسین
ڈاکٹر عارف علوی نے کہا کہ افواج پاکستان کو انسداددہشت گردی پرکریڈٹ دیناچاہتاہوں، انسداددہشت گردی کے لئے دنیاکو ہم سےسیکھناچاہیے۔
اس موقع پر صدرعارف علوی نے شہدا کو بھی خراج تحسین پیش کیا۔
پاکستان کی خارجہ پالیسی
صدر پاکستان کا کہنا تھا کہ بھارت کے ساتھ برابری کی سطح پر تعلقات چاہتےہیں، الزام تراشی کسی مسئلےکاحل نہیں ، مقبوضہ کشمیر کواس کےحق سےمحروم رکھناغلط ہے۔
انھوں نے کہا کہ اقوام متحدہ کومقبوضہ کشمیرسےمتعلق اپناکرداراداکرنا چاہیے، کشمیری عوام کی سیاسی،سفارتی اوراخلاقی حمایت جاری رکھیں گے، کشمیری عوام کی سیاسی،سفارتی اور اخلاقی حمایت جاری رکھیں گے۔
انھوں نے پاک چین تعلقات سے متعلق کہا کہ سی پیک کی وجہ سےخطےمیں سرمایہ کاری میں ا ضافہ ہورہاہے، روس کےساتھ تعلقات کواہمیت دیتےہیں۔ ترکی کےساتھ تعلقات خصوصی نوعیت کےحامل ہیں۔
انھوں نے مزید کہا کہ افغانستان میں امن پاکستان کی خوشحالی کے لئےضروری ہے، وسطی ایشیاکےممالک کےتوانائی کےمنصوبوں پرکام کریں گے۔
مسلم لیگ ن کا واک آؤٹ
مسلم لیگ ن نے اجلاس میں بات کرنے کی اجازت نہ ملنے پر ایوان سے واک آؤ ٹ کیا ، واک آؤ ٹ سے قبل اسپیکر اسد قیصر نے مسلم لیگ ن کے رہنما ایاز صادق کو مخاطب کرکے کہا کہ آپ خود اسپیکر رہے ہیں ، رولز جانتے ہیں ، آج قانون کے مطابق صدر کے علاوہ کوئی اور بات نہیں کرسکتا ۔
