Tag: عارف علوی

اسلام آباد: صدر مملکت ڈاکٹر عارف علوی نے کہا ہے کہ وبا کا مقابلہ معاشرے کے تمام طبقات کی کوششوں سے کیا جاسکتا ہے، کرونا کی وجہ سے بہت سے جیلنجز ہیں۔

تفصیلات کے مطابق صدر مملکت سے سی ای او ٹیلی نار عرفان وہاب اور چیئرمین ہلال احمر ابرارالحق نے ملاقات کی، اس موقع پر سی ای او ٹیلی نار نے کرونا کے خلاف 61 ملین روپے مالیت کا عطیہ پیش کیا۔

ملاقات کے موقع پر عارف علوی کا کہنا تھا کہ صاحب حیثیت طبقے کو حکومتی امداد کی کوششوں کی حمایت کی ضرورت ہے، وبا کی وجہ سے بہت سے معاشی اور معاشرتی چیلنجز کا سامنا ہے۔

پاکستان میں کرونا سے مزید 83 افراد کا انتقال

صدر پاکستان نے ٹیلی نار کی جانب سے غریب خاندانوں کی مدد کی بھی تعریف کی۔

خیال رہے کہ پاکستان میں کرونا وائرس انفیکشن سے متاثرہ افراد کی تعداد بڑھ کر 2 لاکھ 37 ہزار 489 ہو گئی ہے، کیسز کی تعداد کے لحاظ سے 213 ممالک میں پاکستان دنیا کا 12 واں ملک ہے۔

گزشتہ چوبیس گھنٹوں کے دوران ملک میں 2,980 نئے کیسز سامنے آئے، جب کہ مزید 83 مریض جاں بحق ہو گئے، نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 237,489 افراد متاثر ہو چکے ہیں، جب کہ اموات کی تعداد 4,922 ہو گئی ہے۔

اسلام آباد: صدر مملکت ڈاکٹر عارف علوی نے کہا ہے کہ برآمدات کے لیے آموں کی کوالٹی میں بہتری کی ضرورت ہے۔

تفصیلات کے مطابق صدرمملکت کی زیر صدارت پاکستانی آموں کی برآمدات بڑھانے سے متعلق اجلاس ہوا جس میں وزیر قومی تحفظ خوراک وتحقیق سید فخر امام، آل پاکستان فروٹ،ویجٹیبل ایکسپورٹرایسوسی ایشن کے عہدے داران نے شرکت کی۔

اجلاس میں صدر مملکت کو ایکسپورٹرز کو درپیش مسائل کے بارے میں بریفنگ دی گئی۔اس موقع پر ڈاکٹر عارف علوی کا کہنا تھا کہ برآمدات کے لیے آموں کی کوالٹی میں بہتری کی ضرورت ہے۔

صدر مملکت نے کہا کہ استعدادکار،تکنیکی مہارت میں اضافے کے بغیر برآمدات میں اضافہ ممکن نہیں ہے،پاکستانی آموں کی برآمدات کے لیے جدید مارکیٹنگ حکمت عملی اپنانے کی ضرورت ہے۔

ڈاکٹر عارف علوی نے کہا کہ موجودہ سہولیات میں بہتری،جدید باغبانی کے طریقے متعارف کرائے جائیں،تمام اسٹیک ہولڈرز کی مشاورت سے مربوط حکمت عملی تیار کی جائے۔انہوں نے مزید کہا کہ کاشت کار،حکومت اداروں اور ایکسپورٹرز میں رابطہ یقینی بنایا جائے۔

یاد رہے رواں ماہ 9 جون کو پاکستان سے ایران کو آم کی برآمدات میں مشکلات پر فروٹ اینڈ ویجیٹیبل ایسوسی ایشن (پی ایف وی اے) نے وفاقی وزارت داخلہ سے مدد طلب کی تھی

اسلام آباد: صدر مملکت ڈاکٹر عارف علوی نے کہا ہے کہ کشمیری اپنے حق خودارادیت کے لیے جدوجہد کو منطقی انجام تک پہنچائیں گے، امریکی جریدے میں خاکوں سے بھارت کے کشمیریوں پر مظالم کو بےنقاب کیا گیا۔

تفصلات کے مطابق ملک کے صدر ڈاکٹر عارف علوی نے سماجی رابطے کی ویب سائٹ ٹوئٹر پر ٹوئٹ کیا کہ بھارت گزشتہ 3 دہائیوں سے مظلوم کشمیریوں پر ظلم ڈھارہا ہے، مقبوضہ کشمیر میں بھارت کا طویل ترین لاک ڈاؤن جاری ہے۔

انہوں نے کہا کہ 3عشروں سے کرفیو اور ہڑتالوں سے کشمیریوں کی زندگی اجیرن ہوگئی ہے۔

The Longest Lockdown. Life in Indian Occupied Kashmir has been punctuated by military curfews & strikes for 3+ decades. Excellent Op-art opinion by Malik Sajad in NYT. The misery of the innocent under brutal occupation. IOK shall be free انشاللہhttps://t.co/6BuLECkRU0

— Dr. Arif Alvi (@ArifAlvi) June 12, 2020

صدر نے مقبوضہ کشمیر کی صورت حال اجاگر کرنے کے لیے امریکی جریدے نیویارک ٹائمز کی جانب سے شایع کی گئیں تصویری خاکوں کی تعریف۔ صدرمملکت نے خاکے کو فن کے ذریعے اظہار رائے کی شاندار مثال قرار دیا۔

خیال رہے کہ کرونا وبا کے باوجود مقبوضہ کشمیر میں انٹرنیٹ اور ٹیلی فون کی بندش جاری ہے۔ کرونا کے تناظر میں بھارتی اقدامات کے باعث لاکھوں مزدور بےروزگار ہوگئے ہیں۔

علاوہ ازیں وادی میں ریاستی دہشت گردی بھی جاری ہے، یکم جنوری سے اب تک متعدد کشمیری شہید کیے جاچکے ہیں۔ مودی اپنے تمام ناپاک عزائم استعمال کرکے بھی کشمیریوں کی جدوجہد آزادی نہیں روک سکا۔

اسلام آباد: صدر پاکستان ڈاکٹر عارف علوی کا کہنا ہے کہ این ڈی ایم اے جنگی بنیادوں پر دن رات کام کر رہا ہے۔

تفصیلات کے مطابق صدر مملکت ڈاکٹر عارف علوی نے گلگت بلتستان کا دورہ کیا،چیئرمین این ڈی ایم اے محمد افضل، عثمان ڈار اور مشیر صحت ڈاکٹر ظفر مرزا بھی ان کے ہمراہ تھے۔

گلگت بلتستان کے لیے 10 ہزار اور اسکردو کے لیے5 ہزار ٹیسٹنگ کٹس مہیا کردی گئیں، امدادی سامان میں حفاظتی سوٹس،دستانے،فیس ماسک ،شیلڈز سمیت طبی آلات بھی شامل ہیں۔

معاون خصوصی برائے صحت ڈاکٹر ظفر مرزا نے بریفنگ کے دوران بتایا کہ پورے پاکستان میں ضرورت کے مطابق امدادی سامان پہنچایا جا رہا ہے، این ڈی ایم اے کے تعاون سے سامان کی ترسیل کا عمل 24 گھنٹے جاری ہے۔

معاون خصوصی عثمان ڈار نے صدر مملکت کو بریفنگ کے دوران بتایا کہ گلگت سے ٹائیگر فورس میں ہزاروں نوجوان رجسٹرڈ ہوئے ہیں،
وزیراعظم کی ہدایت پر رجسٹریشن میں 5 روز کی توسیع کی گئی ہے۔

انہوں نے مزید کہا کہ گلگت میں انٹرنیٹ مسائل کے باعث بہت سے نوجوان رجسٹرڈ نہیں ہوسکے،معاملے پر وزیراعظم کو اعتماد میں لے کر نوجوانوں کو سہولت دی جائے گی۔

صدرِ پاکستان نے بہترین کوششوں پر خراج تحسین پیش کرتے ہوئے کہا کہ مشکل وقت میں قومی اداروں میں ہم آہنگی وقت کی ضرورت تھی،این ڈی ایم اے جنگی بنیادوں پر دن رات کام کر رہا ہے۔

ڈاکٹر عارف علوی کا مزید کہنا تھا کہ نوجوانوں کا کردار انتہائی اہم ہے،نوجوان قومی خدمت کے لیے خود کو آگے لائیں۔

کراچی: صدر مملکت ڈاکٹر عارف علوی کا کہنا ہے کہ چین کی تعمیروترقی کا سفر تاریخ کی ایک سنہری مثال ہے۔

تفصیلات کے مطابق صدرِ پاکستان ڈاکٹر عارف علوی نے چینی ہم منصب صدر شی جن پنگ سے ملاقات کی۔ وزیر خارجہ شاہ محمود قریشی، وزیر منصوبہ بندی اسدعمر بھی ملاقات میں موجود تھے۔

اس موقع پر ڈاکٹر عارف علوی کا کہنا تھا چین کی دور اندیش قیادت، عوام نے ہر مشکل کا جوانمردی سے مقابلہ کیا، جس طرح چین نے کرونا کے چیلنج کا مقابلہ کیا وہ قابل تقلید ہے۔

صدر مملکت کا کہنا تھا کہ چین کی تعمیر وترقی کا سفر تاریخ کی ایک سنہری مثال ہے، چین کے سماجی ومعاشی ترقی اور غربت کے خاتمے کے لیے اقدامات مثالی ہیں۔انہوں نے کہا کہ سی پیک چین کی دور اندیشی،خطے کی ترقی کے لیے قابل عمل وژن کا عملی نمونہ ہے۔

ڈاکٹر عارف علوی نے کہا کہ ٹڈی دل چیلنج سے نمٹنے کے لیے چینی حکومت کے تعاون کےمشکور ہیں، زراعت کے شعبے کی ترقی کے لیے چینی تجربے سے استفادہ کرنا چاہتے ہیں۔

صدر مملکت عارف علوی کی چینی وزیراعظم سے ملاقات

اس سے قبل صدر مملکت ڈاکٹر عارف علوی اور چینی وزیراعظم لی کی چیانگ کے درمیان بیجنگ کے گریٹ ہال میں ملاقات ہوئی تھی۔

صدرِ پاکستان ڈاکٹر عارف علوی کا کہنا تھا کہ پاکستان اور چین ہر آزمائش پر پورا اترنے والے دوست اور آہنی برادرز ہیں جو ہمیشہ ایک دوسرے کے ساتھ کھڑے رہے ہیں۔

اسلام آباد: صدر مملکت ڈاکٹر عارف علوی کا کہنا ہے کہ کرونا وائرس سیاسی نہیں قومی مسئلہ ہے، سب کو کردار ادا کرنا ہے۔

تفصیلات کے مطابق صدرِ پاکستان ڈاکٹر عارف علوی نے سماجی رابطے کی ویب سائٹ ٹویٹر پر اپنے پیغام میں کہا کہ کرونا کو پھیلنے سے روکنے کے لیے سخت،آسان اقدامات کی ضرورت ہے، کرونا وائرس سیاسی نہیں قومی مسئلہ ہے۔

انہوں نے اپنے پیغام میں مزید کہا کہ کرونا وائرس کے خلاف جنگ ہے، سب کو کردار ادا کرنا ہے۔

Preventing Coronavirus from spreading requires national awareness & strict compliance of simple measures by all of us. It is not a political issue but a national issue. The war hero’s role is yours thru ur weapons of social media & ur phone messages. Don’t stop until we have won.

— Dr. Arif Alvi (@ArifAlvi) March 14, 2020

خود کو کروناوائرس سے محفوظ رکھنے کے لیے 5 آسان طریقے

واضح رہے کہ رواں ماہ 11 مارچ کو عالمی ادارہ صحت نے کرونا وائرس کو عالمگیر وبا قرار دیا تھا، یہ وائرس اب تک 114 ممالک میں پھیل چکا ہے اور اب تک ایک لاکھ سے زائد افراد متاثر جبکہ 5 ہزار سے زائد ہلاک ہوچکے ہیں ۔

اسلام آباد: صدر مملکت ڈاکٹر عارف علوی کا کہنا ہے کہ پاکستان میں خواتین ہر شعبے میں کردار ادا کر رہی ہیں۔

تفصیلات کے مطابق خواتین کے عالمی دن پر ایوان صدر میں تقریب سے خطاب کرتے ہوئے صدرِ پاکستان ڈاکٹر عارف علوی نے کہا کہ ہر خاندان میں بچے کی پہلی درسگاہ ماں کی گود ہوتی ہے۔

ڈاکٹر عارف علوی کا کہنا تھا کہ پاکستان میں خواتین ہر شعبے میں کردار ادا کر رہی ہیں، تعلیم کے شعبے میں بھی خواتین کلیدی کردار کر رہی ہیں۔ انہوں نے کہا کہ تعلیمی اداروں میں پوزیشن ہولڈرز میں لڑکیوں کی تعداد زیادہ ہوتی ہے۔

صدر مملکت نے کہا کہ خواتین کو ہر شعبے میں مواقع ملنے چاہئیں، ترقی یافتہ ممالک میں خواتین کے مسائل کے حل کی کوشش کی جاتی ہے،خواتین کو اداروں میں سہولتیں فراہم کرنا ضروری ہیں۔

آج پاکستان سمیت دنیا بھر میں خواتین کا عالمی دن منایا جارہا ہے

واضح رہے کہ آج پاکستان سمیت دنیا بھر میں خواتین کا عالمی دن منایا جارہا ہے، اس دن کا مقصد خواتین کی سماجی، سیاسی اور اقتصادی جدوجہد کو خراج تحسین پیش کرنا ہے۔

کراچی: صدر مملکت ڈاکٹر عارف علوی کا کہنا ہے کہ وفاقی حکومت صوبے کے اسٹیک ہولڈرز کو ساتھ لے کر چلنا چاہتی ہے۔

تفصیلات کے مطابق صدر پاکستان ڈاکٹر عارف سے گورنر سندھ عمران اسماعیل نے ملاقات کی جس میں سندھ کے لیے وفاقی حکومت کے ترقیاتی منصوبوں، معیشت میں بہتری کے لیے کیے گئے اقدامات پر بھی تبادلہ خیال کیا گیا۔

اس موقع پر صدر مملکت نے کہا کہ وفاقی حکومت صوبے کے اسٹیک ہولڈرز کو ساتھ لے کرچلنا چاہتی ہے، عوام کے مسائل کے حل کے لیے سیاسی نمائندوں کی شمولیت ضروری ہے۔

ڈاکٹر عارف علوی کا کہنا تھا کہ وفاقی حکومت عوام کے مسائل کے خاتمے کے لیے اقدامات کر رہی ہے،عوامی فلاح و بہبود کے لیے شروع کیے گئے کئی منصوبے اس بات کا ثبوت ہیں۔

دوسری جانب گورنر سندھ عمران اسماعیل کا کہنا تھا کہ عوام کی ترقی وخوشحالی وزیراعظم کی ترجیحات میں شامل ہے، صوبے کے مسائل کا حل باہمی گفت وشنید سے نکالا جاسکتا ہے۔

سندھ میں یوتھ منسٹر ہی نہیں، نوجوان کہاں جائیں: عثمان ڈار

یاد رہے کہ تین روز قبل وزیراعظم کے معاون خصوصی عثمان ڈار نے سندھ حکومت پر تنقید کرتے ہوئے کہا تھا کہ حکومت سندھ کا حال یہ ہے کہ صوبے میں یوتھ منسٹر ہی نہیں۔