Tag: عاطف اسلم

ممبئی: بالی ووڈ کے دبنگ خان نے انتہا پسندوں کے آگے گھٹنے ٹیکتے ہوئے اپنی نئی آنے فلم سے عاطف اسلم کا گانا نکلوادیا۔

بھارتی میڈیا کے مطابق بھارت کی جانب سے پلواما حملے کے بعد سے پاکستان کے خلاف محاذ آرائی کا سلسلہ جاری ہے، بالی ووڈ کے سلطان نے بھی انتہا پسندوں کے آگے ہار گئے انہوں نے اپنی نئی آنے والی فلم ’نوٹ بک‘ سے عاطف اسلم کے گانے کو نکال دیا۔

سلمان خان نے اپنے پروڈکشن ہاؤس خان فلمز کو ہدایت جاری کی ہے کہ فوری طور پر عاطف اسلم کا گانا فلم سے نکال کر کسی بھارتی گلوکار کی آواز میں گانا ریکارڈ کیا جائے۔

مزید پڑھیں: بھارت نے پاکستانی گلوکاروں کے گانے ہٹادئیے

دبنگ خان کے مطابق عاطف اسلم کے گانے کے نکلنے سے کوئی فرق نہیں پڑے گا بھارتی گلوکار اس گانے کو ایک سے دو دن میں مکمل کرلیں گے۔

خان فلمز کی نئی فلم ’نوٹ بک‘ کے ذریعے بھارتی اداکار پرونتن بہل اور ظہیر اقبال ڈیبیو کررہے ہیں۔

واضح رہے کہ بھارتی شاعر جاوید اختر اور ان کی اہلیہ شبانہ اعظمی بھی حالیہ پاک بھارت حالات کے سبب دورہ پاکستان منسوخ کرچکے ہیں یہی نہیں کپل شرما نے بھی تین بار پاکستان کا دورہ کرنے کی کوشش کی لیکن وہ ناکام رہے۔

یاد رہے کہ نوجوت سنگھ سدھو کو بھی پاکستان مخالف بیان نہ دینے پر دی کپل شرما شو سے نکال دیا گیا تھا، کپل شرما کا کہنا تھا کہ سدھو کو شو سے نکالنا مسئلے کا حل نہیں ہے۔

ممبئی: بھارت کی مشہور میوزک کمپنی نے انتہا پسند تنظیم کے آگے گھٹنے ٹیکتے ہوئے پاکستانی گلوکاروں کے گانے ہٹا دئیے۔

تفصیلات کے مطابق پلوامہ میں ہونے والے حملے کے بعد بھارت بوکھلاہٹ کا شکار ہوگیا ہے، بھارتی ریاست مہاراشٹر میں نونریمان سینا کی دھمکی پر بھارت کی نامور میوزک کمپنی نے سوشل میڈیا پر پاکستانی گلوکاروں کے گانے ہٹادئیے۔

انتہا پسندوں نے میوزک کمپنیوں کو دھمکی دیتے ہوئے کہا ہے کہ ’پاکستانی گلوکاروں کے ساتھ کام کرنا بند کیا جائے ورنہ ہم اپنے انداز میں ایکشن لیں گے۔

واضح رہے کہ مقبوضہ کشمیر میں کشیدگی کے بعد بھارت کی جانب سے پاکستانی گلوکاروں کو اکثر دھمکیاں موصول ہوتی آئی ہیں اور پلوامہ حملے کے بعد بھارت کا یہی ردعمل سامنے آیا ہے۔

بھارت میں بیشتر گلوکاروں جیسے عاطف اسلم، راحت فتح علی خان کو خاص مقبولیت حاصل ہے اور بھارتی عوام کی بڑی تعداد پاکستانی گلوکاروں کے گانے سننا چاہتی ہے۔

مزید پڑھیں: شیو سینا کی دھمکی، استاد غلام علی کا کنسرٹ ملتوی

لیکن اب بھارت کی جانب سے سوشل میڈیا پر ان گلوکاروں پر پابندی عائد کردی گئی ہے۔

یاد رہے کہ چند برس قبل بھارتی انتہا پسند تنظیم شیو سینا کی دھمکیوں پر بھارت میں استاد غلام علی خان کا کنسرٹ منسوخ کردیا گیا تھا۔

استاد غلام علی خان کو ممبئی میں بھارتی مایہ ناز غزل گائیک جگجیت سنگھ کی برسی کے موقع پر فارم کرنا تھا، اس کے بعد پونا میں اسی ہفتے ایک اور کنسرٹ بھی شیو سینا کی دھمکیوں سے منسوخ ہوا تھا۔

خیال رہے کہ بھارتی اداکار بھی پاکستانی گلوکاروں کی مقبولیت سے خائف نظر آتے ہیں، بھارتی گلوکار ابھیجیت سنگھ نے پاکستانی گلوکاروں کو تنقید کا نشانہ بنایا تھا۔

لاہور: معروف پاکستانی گلوکار عاطف اسلم نے ویلنٹائن ڈے کے موقع پر ’بارش‘ کے نام سے نیا گانا ریلیز کردیا۔

تفصیلات کے مطابق عاطف اسلم کا نیا گانا ’بارشیں‘ ریلیز کردیا گیا جسے مداحوں کی جانب سے کافی پسند کیا جارہا ہے، گانے میں عاطف اسلم کا ساتھ بھارتی اداکارہ نشرت بھروچا نے دیا ہے۔

گانے کی ویڈیو میں عاطف اسلم افسردہ دکھائی دے رہے ہیں کیونکہ ان کی دوست ان کو چھوڑ کر چلی گئی ہیں، گانے کے بول ہیں ’بارشیں یوں اچانک ہوئیں تو لگا تم شہر میں ہو۔‘

گانے ’بارشیں‘ کے بول بھارتی کمپوزر آرکو پراوو مکھرجی نے دئیے ہیں، عاطم اسلم کے نئے گانے کو یو ٹیوب پر ایک کروڑ 6 لاکھ 15 ہزار سے زائد افراد دیکھ چکے ہیں۔

ان کے نئے گانے کو سوشل میڈیا پر بہت پسند کیا جارہا ہے، اس سے قبل عاطف اسلم کا گانا ’بارہ بجے‘ ریلیز ہوا تھا جسے مداحوں کی جانب سے بے حد پسند کیا گیا تھا۔

یہ پڑھیں: ’ چابی تو دے‘، عاطف اسلم مہنگی گاڑی سے اتر کر رکشے میں بیٹھ گئے

ایک بھارتی صارف کمار روہت نے گانے کو پسند کرتے ہوئے لکھا کہ ’عاطف بھائی آپ کی آواز بالکل الگ ہے اس کا کوئی مقابلہ نہیں ہے۔‘

ایک اور صارف نے بارشیں گانے کو پسند کرتے ہوئے لکھا کہ آپ آواز کے شہنشاہ ہیں۔