Tag: عافیہ صدیقی

  • ڈاکٹر عافیہ صدیقی پر ساتھی قیدی کا حملہ، دفتر خارجہ کا رد عمل

    ڈاکٹر عافیہ صدیقی پر ساتھی قیدی کا حملہ، دفتر خارجہ کا رد عمل

    اسلام آباد: ڈاکٹر عافیہ صدیقی پر دوران قید ساتھی قیدی کے حملے پر دفتر خارجہ نے رد عمل میں‌ کہا ہے کہ پاکستانی سفارت خانے نے امریکی حکام سے یہ معاملہ اٹھایا ہے۔

    تفصیلات کے مطابق ترجمان دفتر خارجہ نے ڈاکٹر عافیہ صدیقی کے حوالے سے ردِ عمل میں کہا ہے کہ 30 جولائی کو عافیہ صدیقی پر ساتھی قیدی کے ذریعے حملے کے بارے میں معلوم ہوا، واشنگٹن میں ہمارے سفارت خانے نے امریکی حکام سے یہ معاملہ اٹھایا۔

    ترجمان دفتر خارجہ نے کہا کہ واقعے کے بعد پاکستانی قونصل جنرل نے عافیہ صدیقی سے ملاقات کی ہے، انھیں کچھ معمولی چوٹیں آئیں، لیکن وہ ٹھیک ہو رہی تھیں، متعلقہ امریکی حکام کو اس سلسلے میں شکایت درج کرا دی گئی ہے۔

    ڈاکٹر عافیہ صدیقی کا پاکستانی قونصلر جنرل سے ملاقات سے انکار، رپورٹ میں انکشاف

    ترجمان کے مطابق امریکی حکام کے ساتھ واقعے کی مکمل تحقیقات اور عافیہ صدیقی کی حفاظت یقینی بنانے کی بات کی گئی، ترجمان نے کہا کہ قونصل جنرل کی ہر ممکن کوشش ہے کہ عافیہ صدیقی کی مناسب طریقے سے دیکھ بھال ہو۔

  • ’’افغان طالبان نے عافیہ صدیقی کی رہائی کا مطالبہ کردیا‘‘

    ’’افغان طالبان نے عافیہ صدیقی کی رہائی کا مطالبہ کردیا‘‘

    واشنگٹن: امریکی تجزیہ کار مائیکل کوگیل نے انکشاف کیا ہے کہ افغان طالبان نے امریکا کے سامنے عافیہ صدیقی کی رہائی کا مطالبہ رکھا ہے۔

    تفصیلات کے مطابق امریکی دارالحکومت واشنگٹن میں عافیہ صدیقی پر لکھی گئی کتاب کی تقریب رونمائی ہوئی، اس موقع پر امریکی تجزیہ کار مائیکل کوگیل نے اےآروائی نیوز سے گفتگو کرتے ہوئے انکشاف کیا کہ طالبان ڈاکٹر عافیہ صدیقی کی رہائی چاہتے ہیں اسی لیے انہوں نے ٹرمپ انتظامیہ کے سامنے یہ مطالبہ رکھا ہے۔

    انہوں نے کہا کہ شکیل آفریدی کے بدلے عافیہ صدیقی کی رہائی کا کوئی امکان نہیں ہے، البتہ اب امریکا طالبان مذاکرات میں عافیہ صدیقی کی رہائی کا مطالبہ بھی شامل ہوجائے گا۔ خیال رہے کہ فریقین نے اس معاملے سے متعلق تصدیق نہیں کی۔

    خیال رہے کہ عافیہ صدیقی کی زندگی اور ٹرائل پر لکھی جانے والی کتاب کے مصنف داؤد غزنوی ہیں، اس کتاب میں عافیہ کی پاکستان میں موجودگی سے لے امریکا میں قیدوبند کی زندگی پر مختصر داستان پیش کی گئی ہے، اس کتاب کی واشنگٹن میں تقریب رونمائی ہوئی۔

    مصنف داؤد غزنوی کا کہنا تھا کہ کتاب لکھنے کا مقصد عافیہ صدیقی کے معاملے پر آگاہی پیدا کرنا ہے، بیرسٹر داؤد غزنوی سپریم کورٹ میں عافیہ صدیقی کے مقدمے کی پیروی بھی کرچکے ہیں۔

    خیال رہے کہ افغانستان میں امن واستحکام کی خاطر امریکی صدر نے طالبان سے ایک مرتبہ پھر مذاکرات کا عمل دوبارہ شروع کرنے کا عندیہ دیا ہے، ڈونلڈ ٹرمپ کی جانب سے دوبارہ مذاکرات کا ارادہ طالبان کی قید سے امریکی اور آسٹریلوی پروفیسرز کی رہائی کے نتیجے میں کیا ہے۔

  • حکومت ڈاکٹر عافیہ کے کیس سے پوری طرح آگاہ ہے: وزیر خارجہ

    حکومت ڈاکٹر عافیہ کے کیس سے پوری طرح آگاہ ہے: وزیر خارجہ

    اسلام آباد: وزیر خارجہ شاہ محمود قریشی نے اپنے تحریری بیان میں کہا ہے کہ موجودہ حکومت ڈاکٹر عافیہ کے کیس سے پوری طرح آگاہ ہے۔

    تفصیلات کے مطابق آج ڈپٹی اسپیکر قاسم سوری کی زیر صدارت قومی اسمبلی کے اجلاس میں عافیہ صدیقی کے معاملے پر وزیر خارجہ شاہ محمود کا تحریری بیان پیش کیا گیا۔

    وزیر خارجہ شاہ محمود کا کہنا تھا کہ وزیر اعظم عمران خان کے دورۂ امریکا سے پہلے عافیہ صدیقی کی ہم شیرہ نے ملاقات کی تھی، انھوں نے دفتر خارجہ میں بھی ملاقات کی تھی۔

    شاہ محمود قریشی نے قومی اسمبلی کو بتایا کہ ڈاکٹر عافیہ کی واپسی کا معاملہ وزیر اعظم کے دورۂ واشنگٹن میں اٹھایا گیا ہے۔

    یہ بھی پڑھیں:  امریکا شکیل آفریدی کو مانگ رہا ہے، چاہتے ہیں عافیہ صدیقی کو بھی رہائی ملے: گورنر سندھ

    انھوں نے تحریری بیان میں کہا کہ حکومت ڈاکٹر عافیہ کے کیس سے پوری طرح آگاہ ہے، حکومت عافیہ صدیقی کی واپسی کے لیے وسائل بروئے کار لاتی رہے گی۔

    خیال رہے کہ امریکی صدر ڈونلڈ ٹرمپ سے ہونے والی ملاقات میں ایک سوال کے جواب میں وزیر اعظم عمران خان نے کہا تھا کہ عافیہ صدیقی کے کیس پر بھی بات کی جائے گی، بعد ازاں انھوں نے امریکی میڈیا کو خصوصی انٹرویو دیتے ہوئے شکیل آفریدی اور عافیہ صدیقی کے تبادلے کو امکانی قرار دیا۔

    یاد رہے پاکستانی خاتون عافیہ صدیقی کو نیو یارک کی ایک عدالت نے 86 برس کی قید کی سزا سنائی تھی، عافیہ صدیقی امریکا کے بین الاقوامی سطح پر مشہور تعلیمی ادارے میساچوسیٹس انسٹیٹیوٹ آف ٹیکنالوجی میں زیر تعلیم رہ چکی ہیں اور وہ ایک ذہین نوجوان سائنس دان تصور کی جاتی تھیں۔

  • ’امریکا شکیل آفریدی کو مانگ رہا ہے، چاہتے ہیں عافیہ صدیقی کو بھی رہائی ملے‘

    ’امریکا شکیل آفریدی کو مانگ رہا ہے، چاہتے ہیں عافیہ صدیقی کو بھی رہائی ملے‘

    کراچی: گورنر سندھ عمران اسماعیل نے کہا ہے کہ امریکا کافی عرصے سے ڈاکٹر شکیل آفریدی کو مانگ رہا ہے، ہم چاہتے ہیں ہماری بیٹی ڈاکٹر عافیہ کو بھی رہائی ملے۔

    تفصیلات کے مطابق گورنر سندھ عمران اسماعیل نے میڈیا سے گفتگو کرتے ہوئے کہا کہ پہلی دفعہ پاکستانی قوم فخر سے کھڑی ہے، امریکی صدر نے پاکستانیوں کی تعریف کی ہے۔

    گورنر سندھ نے کہا کہ پاکستان میں میڈیا بالکل آزاد ہے، میڈیا کو شاید اتنی آزادی بھارت میں بھی حاصل نہیں ہے۔

    واضح رہے کہ گزشتہ روز وزیر خارجہ شاہ محمود قریشی نے کہا تھا کہ دورہ امریکا مثبت سمت میں چل رہا ہے، شکیل آفریدی کے معاملے پر ابھی کسی فورم پر بات نہیں ہوئی ہے۔

    مزید پڑھیں: شکیل آفریدی کے معاملے پر ابھی کسی فورم پر بات نہیں ہوئی: شاہ محمود قریشی

    خیال رہے کہ گزشتہ روز امریکی صدر ڈونلڈ ٹرمپ سے ہونے والی ملاقات میں ایک سوال کے جواب میں وزیر اعظم عمران خان نے کہا تھا کہ عافیہ صدیقی کے کیس پر ابھی بات کی جائے گی.

    بعد ازاں انھوں نے امریکی میڈیا کو خصوصی انٹرویو دیتے ہوئے شکیل آفریدی اور عافیہ صدیقی کے تبادلے کو امکانی قرار دیا تھا.

    یاد رہے کہ پاکستانی خاتون عافیہ صدیقی کو نیویارک کی ایک عدالت نے 86 برس کی قید کی سزا سنائی تھی، عافیہ صدیقی امریکا کے بین الاقوامی سطح پر مشہور تعلیمی ادارے میساچوسیٹس انسٹیٹیوٹ آف ٹیکنالوجی میں زیر تعلیم رہ چکی ہیں اور وہ ایک ہونہار نوجوان سائنس دان تصور کی جاتی تھیں۔

  • شکیل آفریدی کے معاملے پر ابھی کسی فورم پر بات نہیں ہوئی: شاہ محمود قریشی

    شکیل آفریدی کے معاملے پر ابھی کسی فورم پر بات نہیں ہوئی: شاہ محمود قریشی

    واشنگٹن: پاکستانی وزیر خارجہ شاہ محمود قریشی نے کہا ہے کہ شکیل آفریدی کے معاملے پر ابھی کسی فورم پر بات نہیں ہوئی.

    ان خیالات کا اظہار انھوں نے اے آر وائی نیوز کے پروگرام الیونتھ آور میں گفتگو کرتے ہوئے کیا، انھوں نے کہا کہ دورہ امریکا مثبت سمت میں چل رہا ہے.

    شاہ محمود قریشی نے واضح کیا کہ وزیراعظم نے کہا تھا عافیہ صدیقی اور شکیل آفریدی کے تبادلے پر غور ہوسکتا ہے.

    وزیرخارجہ نے کہا کہ ماضی کو دفن کرکے مستقبل کی طرف بڑھ رہے ہیں، دورہ امریکا سے نئے باب کاآغاز ہوا ہے.

    انھوں نے کہا کہ وزیراعظم عمران خان کیپٹل ہل میں ارکان کانگریس سے خطاب کریں گے، کیپٹل ہل میں کانگریس ارکان کی اتنی بڑی تعداد پہلے کبھی نہیں آئی.

    مزید پڑھیں: ڈونلڈ ٹرمپ سے ملاقات میں نہ تو امداد مانگی، نہ ہی ہم امداد چاہتے ہیں، عمران خان

    خیال رہے کہ گزشتہ روز امریکی صدر ڈونلڈ ٹرمپ سے ہونے والی ملاقات میں ایک سوال کے جواب میں وزیر اعظم عمران خان نے کہا تھا کہ عافیہ صدیقی کے کیس پر ابھی بات کی جائے گی.

    بعد ازاں انھوں نے امریکی میڈیا کو خصوصی انٹرویو دیتے ہوئے شکیل آفریدی اور عافیہ صدیقی کے تبادلے کو امکانی قرار دیا تھا.

  • نیپ میں کالعدم تنظیموں کے حوالے سے ہمارا موقف واضح ہے، اسد مجید خان

    نیپ میں کالعدم تنظیموں کے حوالے سے ہمارا موقف واضح ہے، اسد مجید خان

    ہیوسٹن: امریکا میں تعینات پاکستانی سفیر اسد مجید خان کا کہنا ہے کہ آئی ایم ایف سے قرض لے کر چین کا قرضہ اتارنے کا تاثرقطعی طورپرغلط ہے۔

    تفصیلات کے مطابق امریکا میں پاکستان کے سفیر ڈاکٹراسد مجید خان نے اے آروائی نیوز سے خصوصی گفتگو کرتے ہوئے کہا کہ عافیہ صدیقی کیس میں کافی قانونی پیچیدگیاں ہیں۔

    انہوں نے کہا کہ امید ہےعافیہ صدیقی کیس میں کوئی صورت نکل آئے گی، شکیل آفریدی کا ڈاکٹرعافیہ صدیقی کے کیس سے کوئی تعلق نہیں۔

    ڈاکٹراسد مجید خان نے کہا کہ نیپ میں کالعدم تنظیموں کے حوالے سے ہمارا موقف واضح ہے۔

    پاکستانی سفیر نے کہا کہ آئی ایم ایف کے ساتھ مذاکرات آخری مرحلے میں ہیں، آئی ایم ایف سے قرض لے کر چین کا قرضہ اتارنے کا تاثرقطعی طورپرغلط ہے۔

    پاکستان کا کالعدم تنظیموں‌ کے حوالے سے اہم قدم

    یاد رہے کہ پاکستان کالعدم تنظیموں کے خلاف عالمی قوانین کے تحت کام کر رہا ہے۔ کالعدم تنظیموں کے اثاثہ جات سے متعلق بھی سخت اقدام کیے گئے ہیں۔

    اسی باعث فنانشل ایکٹ ٹاسک فورس (ایف اے ٹی ایف) کی بلیک لسٹ میں پاکستان کا نام شامل نہیں کیا گیا۔

  • عافیہ صدیقی قوم کی بیٹی ہے وہ واپس ضرور آئے گی، شہریار آفریدی تقریر کے دوران جذباتی ہوگئے… وڈیو دیکھیں

    عافیہ صدیقی قوم کی بیٹی ہے وہ واپس ضرور آئے گی، شہریار آفریدی تقریر کے دوران جذباتی ہوگئے… وڈیو دیکھیں

    اسلام آباد: وزیرمملکت برائے داخلہ شہریار آفریدی نے کہا ہے کہ ڈاکٹر عافیہ صدیقی قوم کی بیٹی ہے وہ پاکستان واپس ضرور آئے گی۔

    یوتھ سمٹ میں دھواں دھار خطاب کرتے ہوئے شہریار آفریدی کا کہنا تھا کہ پاکستانی قوم اب جاگ چکی ہے، اب پاکستان دنیا بھر کے مسلمانوں کی آواز بنے گا، ہم اپنے اتحاد سے ملک اور اسلام دشمنوں کو منہ توڑ جواب دیں گے۔

    اُن کا کہنا تھا کہ اب پاکستان کےفیصلے ملک میں ہی ہوتے ہیں، ماضی کی طرح اب باہر سےکسی کی کال سن کر فیصلے نہیں کیا جاتا۔ اُن کا کہنا تھا کہ پٹھان کبھی سبزہلالی پرچم کےخلاف نہیں بولا اور اگر آج کوئی بول رہاہے تو وہ بیرونی اشاروں پر بول رہا ہے۔

    مزید پڑھیں: عافیہ صدیقی سے متعلق جلد خوش خبری سننے کو ملے گی، وزیر مملکت

    وزیرمملکت کا کہنا تھا کہ اگر کوئی قانون شکنی کرے گاتو چاہیے وہ کوئی بھی ہو اُسے منہ توڑ جواب دیاجائےگا، پاکستان میں ہر مذہب کے ماننے والوں کو برابر حقوق دیے جاتے ہیں۔

    اُن کا کہنا تھا کہ بھارت اور اسرائیل مسلمانوں پر حملے کررہے ہیں، مودی کو ہم نے ٹف ٹائم دیا اور میں دو ٹوک پیغام دیتا ہوں کہ اگر تم باز نہ آئے تو پاکستانیوں کو کمزور نہ سمجھنا کیونکہ ہم بھرپور منہ توڑ جواب دیں گے۔

    یہ بھی پڑھیں: ڈاکٹرعافیہ صدیقی کو “دخترپاکستان ” کا خطاب دیا جائے ، وزیراعظم سے مطالبہ

    شہریار آفریدی کا کہنا تھا کہ ڈاکٹر عافیہ صدیقی قوم کی بیٹی ہے اور وہ پاکستان واپس ضرور آئے گی۔ اُن کا مزید کہان تھا کہ آج کل ہمارے نوجوانوں کے جذبے کو نہ جانے کیا ہوگیا کہ ہم جیتے ہوئے میچ بھی ہار رہے ہیں، نوجوانوں کو ایک دوسرے پر تنقید کے بجائے محنت پر توجہ دینا ہوگی۔

    تقریب کے اختتام پر شہریار آفریدی نے پاک فوج کے حق میں فلک شگاف نعرے بھی لگوائے جن کا شرکا نے پرجوش انداز میں جواب دیا۔

  • عافیہ صدیقی سے متعلق جلد خوش خبری سننے کو ملے گی، وزیر مملکت

    عافیہ صدیقی سے متعلق جلد خوش خبری سننے کو ملے گی، وزیر مملکت

    اسلام آباد: وفاقی وزیر مملکت برائے پارلیمانی امور اور سینیٹر علی محمد خان نے کہا ہے کہ عافیہ صدیقی سے متعلق قوم کو جلد خوش خبری سننے کو مل سکتی ہے۔

    میڈیا سے گفتگو کرتے ہوئے رکن قومی اسمبلی علی محمد  خان نے عافیہ صدیقی کی رہائی اور وطن واپسی کا امکان ظاہر کرتے ہوئے کہا کہ قوم کو جلد خوش خبری سننے کو ملے گی۔

    قبل ازیں پنجاب اسمبلی میں تحریک انصاف کی مخصوص نشست پر نامزد رکن اسمبلی سیمابیہ طاہر نے ایوان میں قرار داد جمع کرائی جس میں مطالبہ کیا گیا ہے کہ عافیہ صدیقی کو ’دختر پاکستان‘ کا خطاب دیا جائے اور اُن کی رہائی کے لیے سفارتی سطح پر بھرپور اقدامات کیے جائیں۔

    مزید پڑھیں: ڈاکٹرعافیہ صدیقی کو “دخترپاکستان ” کا خطاب دیا جائے ، وزیراعظم سے مطالبہ

    خیال رہے حکومت پاکستان نے امریکی جیل میں قید عافیہ صدیقی کی رہائی اور اور انہیں وطن واپس لانے کی کوششیں تیز کردی ہیں۔ اس ضمن میں غیر مصدقہ اطلاعات ہیں کہ طالبان نے امریکا کے ساتھ ہونے والے مذاکرات میں قیدیوں کی رہائی کے لیے فہرست دی جس میں عافیہ صدیقی کا نام بھی شامل ہے۔

    یاد رہے اس سے قبل خواتین کے عالمی دن کو ڈاکٹر عافیہ صدیقی سے منسوب کرنے کی قرارداد جمع کرائی گئی تھی، جس کے متن میں کہا گیا تھا 8 مارچ کو ڈاکٹر عافیہ صدیقی کے صبرو استقلال اور عظمت کو سلام کرتے ہوئے انہی کے نام سے منسوب کیا جائے اور اقوام متحدہ سمیت انسانی حقوق کی تمام بین الاقوامی تنظیموں سے اپیل کی جائے کہ وہ ڈاکٹر عافیہ صدیقی کی رہائی میں کردار ادا کرے۔

    یہ بھی پڑھیں: وزیراعظم ایک اور دیرینہ مسئلہ حل کرانے کے قریب، عافیہ کی رہائی کے لیے کوششیں تیز

    علی محمد خان کا مزیند کہنا تھا کہ نوازشریف کا معاملہ اُن کے اور نیب کے درمیان ہے، وفاقی اور صوبائی حکومتیں علاج کے لیے تمام وسائل بروئے کار لارہی ہے اور ہم سہولیات بھی فراہم کریں گے۔

  • وزیراعظم ایک اور دیرینہ مسئلہ حل کرانے کے قریب، عافیہ کی رہائی کے لیے کوششیں تیز

    وزیراعظم ایک اور دیرینہ مسئلہ حل کرانے کے قریب، عافیہ کی رہائی کے لیے کوششیں تیز

    اسلام آباد: وزیراعظم عمران خان ایک اور دیرینہ مسئلہ حل کرانے کے قریب پہنچ گئے، امریکی قید میں موجود عافیہ صدیقی کی رہائی اور پاکستان لانے کی کوششیں تیز ہوگئیں۔

    تفصیلات کے مطابق طالبان مذاکرات کے حتمی مراحل میں عافیہ صدیقی کی رہائی کے امکانات روشن ہوگئے، جلد عافیہ صدیقی کی وطن واپسی ممکن ہے۔

    وزیراعظم عمران خان کی عافیہ صدیقی کی رہائی کے حوالے سے کی جانی والی کوششیں اور محنت کے ثمرات نظر آرہے ہیں، عافیہ کی وطن واپسی کے امکانات مزید روشن ہوگئے۔

    سفارتی ذرایع کا کہنا ہے کہ امریکا کچھ قیدیوں کی رہائی پر سنجیدگی سے غور کر رہا ہے، پاکستان پہلے ہی عافیہ صدیقی کی رہائی کے لیے سفارتی رابطے کر چکا ہے۔

    خواتین کے عالمی دن 8 مارچ کو ڈاکٹر عافیہ صدیقی کی رہائی کے لیے سینیٹ میں قرارداد پاس کی گئی تھی، قرارداد کے مطابق کئی بار امریکا سے رہا کرنے کے لیے کہا گیا لیکن ایک نہ سنی گئی، حکومت کو چاہیے عافیہ کی رہائی کے لیے سنجیدہ اقدامات کرے۔

    یاد رہے کہ ڈاکٹر عافیہ صدیقی کو سنہ 2010 میں امریکی عدالت نے افغانستان میں امریکی فوجیوں پرحملہ کرنے کے الزام میں 86 سال قید کی سزاسنائی تھی، وہ ٹیکساس کی جیل میں قید ہیں۔

    سینیٹ میں ڈاکٹر عافیہ صدیقی کی رہائی سے متعلق قرارداد متفقہ طور پر منظور

    امریکا کے دعوے کے مطابق عافیہ صدیقی کو افغان جنگ کے دوران افغانستان سے گرفتار کیا گیا تھا، عافیہ صدیقی پر امریکی فوجی کے قتل کا الزام عائد کیا گیا تھا تاہم عافیہ صدیقی نے ہمیشہ اس الزام کی تردید کی ہے۔

  • جب تک نواز شریف کے پراجیکٹس کا آڈٹ چل رہا ہے پی اے سی چیئرمین ہمارا ہونا چاہیے: فواد چوہدری

    جب تک نواز شریف کے پراجیکٹس کا آڈٹ چل رہا ہے پی اے سی چیئرمین ہمارا ہونا چاہیے: فواد چوہدری

    اسلام آباد: وفاقی وزیرِ داخلہ فواد چوہدری نے کہا ہے کہ نواز شریف کے پراجیکٹس پر شہباز شریف کو چیئرمین کیسے لگا سکتے ہیں، جب تک نواز شریف کے پراجیکٹس کا آڈٹ چل رہا ہے پی اے سی چیئرمین ہمارا ہونا چاہیے۔

    فواد چوہدری اے آر وائی نیوز کے پروگرام الیونتھ آور میں گفتگو کر رہے تھے، انھوں نے کہا کہ شہباز شریف جیل سے باہر ہوئے تو انھیں چیئرمین پی اے سی لگا دیجیے، جب ہمارے منصوبوں کا آڈٹ ہو تو بلاول یا شہباز شریف کو چیئرمین لگا دیں۔

    [bs-quote quote=”اپوزیشن پارلیمنٹ میں قبرستان کی خاموشی چاہتی ہے، عافیہ صدیقی کا معاملہ پیچیدہ ہے ہم مثبت پیش رفت چاہتے ہیں، افغانستان کے ساتھ بہت سے سرحدی مقامات پر باڑ لگ گئی ہے۔” style=”style-7″ align=”left” color=”#dd3333″ author_name=”فواد چوہدری” author_job=”وفاقی وزیرِ اطلاعات”][/bs-quote]

    وزیرِ داخلہ کا کہنا تھا کہ اپوزیشن پارلیمنٹ میں قبرستان کی خاموشی چاہتی ہے، پارلیمنٹ کو قبرستان نہیں بننا چاہیے، مشاہد اللہ خان سے ہماری ذاتی لڑائی نہیں ہے، اپوزیشن چاہتی ہے ہم یہ باتیں نہ کریں تو ماحول ٹھیک رہے گا، چیئرمین سینیٹ بھی اپوزیشن کی باتوں کو زیادہ اہمیت دیتے ہیں۔

    خورشید شاہ نے 1996 کی پچھلی تاریخوں سے ایک لاکھ 63 ہزار لوگ مختلف اداروں میں بھرتی کیے، اس کا اثر یہ ہوا کہ اداروں میں لوگ ایک دن بھی دفتر نہیں آئے مگر اب پنشن لے رہے ہیں، لوگوں کو نہیں بتا سکتے انھوں نے کیا کیا اور ان کے ساتھ کیا ہونا چاہیے۔

    فواد چوہدری نے کہا کہ عافیہ صدیقی کا معاملہ پیچیدہ ہے، ہم مثبت پیش رفت چاہتے ہیں، حکومت سنبھالی تھی تو امریکا سے تعلقات بہت خراب تھے اب بہتر ہو رہے ہیں۔ پاکستان کا عالمی دنیا میں لیڈر شپ کا کردار بڑھتا جا رہا ہے، یمن کے معاملے پر بھی آفیشل سطح پر بات چیت آگے بڑھ چکی ہے۔


    یہ بھی پڑھیں:  معاشی دہشت گردی کے ذمہ دار کا تعین کرنے کے لیے کمیٹی بنائی جائے: فواد چوہدری


    وزیرِ اطلاعات نے کہا کہ کے پی کے پولیس آفیسر طاہر داوڑ کے معاملے پر وزارتِ خارجہ حکام سے بات چیت ہوئی ہے، ان کی شہادت پر سینیٹ میں واضح پالیسی مؤقف جائے گا، پاکستان کے کسی بھی اہل کار یا سفارت کار کی حفاظت افغانستان کی ذمہ داری ہے۔ نظام میں خامیاں رہی ہیں، بہت سے سرحدی مقامات پر باڑ لگ گئی ہے۔

    آسیہ بی بی کیس کے سلسلے میں فواد چوہدری نے کہا کہ اس معاملے پر ریویو پٹیشن سپریم کورٹ میں ہے، وہ جو فیصلہ کرے حکومت آئین کے تحت عمل در آمد کی پابند ہے، آسیہ کا نام ای سی ایل میں نہیں، وہ چاہیں توملک سے باہر جا سکتی ہیں، چوں کہ معاملہ ابھی عدالت میں ہے اس لیے عدالت کے فیصلے کو دیکھا جائے گا۔