Tag: عالمگیر وبا

کرونا وائرس سے ہلاکتوں کا سلسلہ جاری، تعداد 114,253 ہو گئی

کراچی: نئے اور مہلک وائرس کو وِڈ نائنٹین سے پھیلنے والی عالمگیر وبا نے دنیا کا پیچھا نہیں چھوڑا، ہلاکتوں کا سلسلہ بدستور جاری ہے، مجموعی اموات 1 لاکھ 14 ہزار 253 تک پہنچ گئیں۔

تفصیلات کے مطابق دنیا کے 210 ممالک میں کرونا کے متاثرہ افراد کی تعداد 18 لاکھ 53 ہزار سے تجاوز کر گئی، وائرس سے اموات 114,253 ہو گئیں جب کہ وائرس سے 4 لاکھ 23 ہزارسے زائد مریض صحت یاب ہو گئے ہیں۔

امریکا وائرس سے ہلاکتوں اور کیسز کی تعداد کے لحاظ سے بدستور دنیا کا سر فہرست ملک ہے، جہاں کرونا وائرس سے اب تک 22 ہزار 115 افراد ہلاک ہو چکے ہیں، متاثرہ افراد کی تعداد بھی بڑھ کر 5 لاکھ 60 ہزار سے تجاوز کر گئی۔ ہلاکتوں کی تعداد میں اٹلی دوسرے نمبر ہے جہاں 19,899 مریض وائرس سے مر چکے ہیں، جب کہ مریضوں کی مجموعی تعداد بڑھ کر 1 لاکھ 56 ہزار سے زائد ہو گئی ہے۔

اسپین وائرس سے ہلاکتوں کی تعداد کے لحاظ سے تیسرے نمبر پر ہے تاہم کیسز کی تعداد کے لحاظ سے اسپین کا نمبر امریکا کے بعد دوسرا ہے، جہاں ہلاکتیں 17,209 ہیں اور 1 لاکھ 66 ہزار سے زائد افراد وائرس سے متاثر ہوئے۔ اموات اور کیسز کی تعداد کے لحاظ فرانس چوتھے نمبر پر ہے جہاں وائرس 14 ہزار 393 جانیں نگل چکا ہے اور 1 لاکھ 32 ہزار سے زائد متاثر ہیں۔

برطانیہ میں کرونا وائرس سے اموات 10 ہزار 612 ہو گئیں، جب کہ 84 ہزار سے زائد متاثر ہیں۔ ایران میں وائرس سے اموات کی تعداد 4474 ہو گئی، اور 71 ہزار سے زائد متاثر ہیں، بیلجیئم میں 3600 افراد ہلاک ہو چکے ہیں جب کہ 29 ہزار سے زائد متاثر ہیں، چین میں 3341 افراد کرونا وائرس سے ہلاک ہوئے جب کہ 82 ہزار سے زائد متاثر ہوئے، جرمنی میں وائرس 3022 جانیں نگل گیا، جب کہ 1 لاکھ 27 ہزار سے زائد متاثر ہیں، نیدرلینڈز میں کرونا 2737 جانیں نگل گیا اور 25 ہزار سے زائد متاثر ہیں۔

برازیل میں کرونا سے 1230 اموات، 22 ہزار سے زائد افراد متاثر ہوئے ہیں، ترکی میں وائرس 1198 جانیں نگل گیا جب کہ 56 ہزار سے زائد افراد متاثر ہیں، سوئٹزرلینڈ میں 1106 افراد کرونا وائرس سے ہلاک ہو چکے ہیں اور 25 ہزار سے زائد متاثر ہیں، سوئیڈن میں 899، کینیڈا میں 717، پرتگال میں 504، انڈونیشیا میں 373، آسٹریا میں 350، ایکواڈور میں 333، بھارت میں 331، سعودی عرب میں وائرس سے 59 اموات ہوئیں۔

اپریل 13, 2020
کرونا ویکسین آیندہ ہفتے سے متاثرہ افراد پر آزمائی جائے گی

آکسفورڈ: کرونا وائرس کے خلاف ویکسین تیاری کے آخری مرحلے میں داخل ہو گئی ہے، آیندہ ہفتے سے ویکسین وائرس سے متاثرہ افراد پر آزمائی جائے گی۔

غیر ملکی میڈیا کے مطابق آکسفورڈ یونی ورسٹی کے جینرز انسٹیٹیوٹ کی ریسرچ ٹیم کی سربراہ نے دعویٰ کرتے ہوئے کہا ہے کہ کرونا کے خلاف ویکسین تیاری کے آخری مرحلے میں ہے، یہ ویکسین آیندہ ہفتے متاثرین پر آزمائی جائے گی۔

پروفیسر سارہ گلبرٹ کا کہنا تھا کہ ریسرچ ٹیم کو آیندہ ہفتے بڑی کامیابی کی امید ہے، حکومتی منظوری کے بعد ویکسین جلد مارکیٹ میں ہوگی، آکسفورڈ یونی ورسٹی کے جینرز انسٹی ٹیوٹ میں ویکسین کے لیے تجربات جاری ہیں۔

عالمگیر وبا نے دنیا تہ و بالا کر کے رکھ دی، مزید ہلاکتیں

یاد رہے کہ تین دن قبل آکسفورڈ یونی ورسٹی کے ماہرین نے کہا تھا کہ ان کی تیار کردہ ویکسین کے نتائج اگلے 6 ماہ میں موصول ہوں گے جس کے بعد اس ویکسین کی افادیت کا اندازہ ہوگا۔ ویکسین کی تیاری کا کام 20 جنوری کو شروع کیا گیا تھا اور اس کی تیاری میں آکسفورڈ جینر انسٹی ٹیوٹ اور آکسفورڈ ویکسین گروپ کلینکل ٹیمز نے حصہ لیا۔

اس کی آزمائش کے لیے کئی سو رضا کاروں کی رجسٹریشن کا عمل بھی مکمل کیا جا چکا ہے، جینرز انسٹی ٹیوٹ کے ڈائریکٹر پروفیسر ایڈریان ہل نے کہا تھا کہ ان کی تیار کردہ ویکسین بچے، بوڑھے اور وہ افراد بھی استعمال کر سکیں گے جو پہلے سے کسی بیماری کا شکار ہوں گے جیسے ذیابیطس، یہ ویکسین قوت مدافعت کو مضبوط کرنے پر کام کرے گی۔

خیال رہے کہ برطانیہ پانچواں سر فہرست ملک ہے جہاں کرونا وائرس سے سب سے زیادہ ہلاکتیں ہوئی ہیں، اب تک وائرس سے 9,875 مریض مر چکے ہیں جب کہ 79 ہزار افراد کو وائرس لگ چکا ہے، جن میں سے صرف 344 مریض ہی صحت یاب ہو سکے ہیں جب کہ ڈیڑھ ہزار کی حالت تشویش ناک ہے۔

اپریل 12, 2020
اطالوی وزیر اعظم نے وبا روکنے کے لیے مشکل فیصلوں کی ذمہ داری قبول کر لی

روم: اطالوی وزیر اعظم نے کرونا وائرس کی وبا کی روک تھام کے لیے کیے گئے مشکل فیصلوں کی ذمہ داری قبول کر لی۔

غیر ملکی میڈیا کے مطابق اٹلی میں لاک ڈاؤن میں 3 مئی تک توسیع کر دی گئی ہے، لاک ڈاؤن میں توسیع کا اعلان اطالوی وزیر اعظم جوسیپی کونٹے نے کیا، انھوں نے کہا کہ فیصلہ مشکل ہے لیکن وقت کی ضرورت ہے۔

اطالوی وزیر اعظم جوسیپی نے واضح طور پر کہا کہ اس مشکل فیصلے کی تمام تر ذمہ داری قبول کرتا ہوں، امید ہے 3 مئی کے بعد کاروبار بحال ہو جائیں گے، لیکن 3 مئی کے بعد بھی محتاط رہنا ہوگا، اگر 3 مئی سے قبل حالات بہتر ہو گئے تو پابندیاں پہلے ہی ختم کر دیں گے۔

عالمگیر وبا نے دنیا تہ و بالا کر کے رکھ دی، مزید ہلاکتیں

جوسیپی کونٹے کا یہ بھی کہنا تھا کہ ایسٹر کی چھٹیوں میں بھی لاک ڈاؤن کی پابندی کرنی ہوگی، ملک کرونا کے دوسرے فیز میں داخل ہو چکا ہے، احتیاط کرنا ہوگی، ماہرین سے مسلسل رابطے میں ہوں، حکومت شہریوں کے لیے ہر فورم پر آواز اٹھائے گی۔

خیال رہے کہ چین کے بعد اٹلی دوسرا ملک تھا جہاں نیا اور مہلک وائرس کو وِڈ نائنٹین بے پناہ تباہ کن ثابت ہوا، اٹلی میں بہت تیزی سے وائرس کا شکار ہو کر لوگ مرنے لگے اور ایک ہی ہفتے کے دوران ہلاکتوں میں اٹلی نے چین کو بہت پیچھے چھوڑ دیا تھا۔ تاہم اب دو دن سے امریکا نے ہلاکتوں میں اٹلی کو بھی پیچھے چھوڑ دیا ہے۔

اٹلی دنیا کا دوسرا ملک ہے جہاں وائرس سے سب سے زیادہ ہلاکتیں واقع ہو چکی ہیں، اب تک 19,468 وائرس سے مر چکے ہیں جب کہ متاثرہ افراد کی مجموعی تعداد 152,271 ہے۔

اپریل 12, 2020
عالمگیر وبا نے دنیا تہ و بالا کر کے رکھ دی، مزید ہلاکتیں

کراچی: نئے اور مہلک وائرس کو وِڈ نائنٹین سے پھیلنے والی عالمگیر وبا نے دنیا تہ و بالا کر کے رکھ دی ہے، بڑی تعداد میں مزید ہلاکتوں کے بعد مجموعی اموات 1 لاکھ 8 ہزار 837 تک پہنچ گئیں۔

تفصیلات کے مطابق دنیا بھر میں کرونا کے متاثرہ افراد کی تعداد 17 لاکھ 80 ہزار سے تجاوز کر گئی، وائرس سے اموات 108,837 ہو گئیں جب کہ وائرس سے 4 لاکھ 4 ہزارسے زائد مریض صحت یاب ہو گئے ہیں۔

امریکا وائرس سے اموات اور متاثرہ افراد کی تعداد کے لحاظ سے سب سے زیادہ متاثرہ ملک ہے، جہاں اب 20 ہزار 580 افراد ہلاک ہو چکے ہیں، جب کہ 5 لاکھ 33 ہزار سے زائد افراد وائرس سے متاثر ہو چکے ہیں۔ دوسرے نمبر پر سب سے متاثرہ ملک اٹلی ہے جہاں کرونا وائرس کے 19,468 مریض جانوں سے ہاتھ دھو چکے ہیں، جب کہ 1 لاکھ 52 ہزار سے زائد افراد متاثر ہوئے ہیں۔

اسپین میں بھی تیزی سے ہلاکتوں کا اضافہ دیکھنے میں آیا جس کے بعد اب وہ تیسرا ملک بن چکا ہے جہاں سے سب سے زیادہ ہلاکتیں ہوئیں، اب تک 16,606 افراد کو وِڈ نائنٹین کا شکار ہو کر مر چکے ہیں جب کہ 1 لاکھ 63 ہزار سے زائد افراد متاثر ہیں۔ فرانس ہلاکتوں کی تعداد کے لحاظ سے چوتھا سر فہرست ملک ہے جہاں 13,832 مریض ہلاک ہوئے ہیں اور متاثرہ افراد کی تعداد 1 لاکھ 29 ہزار سے زائد ہے۔

تازہ ترین: کرونا وائرس سے پاکستان میں 86 اموات، کیسز کی تعداد 5038 ہو گئی

برطانیہ میں کرونا وائرس سے اموات 9875 ہو گئیں، 78 ہزار سے زائد متاثر ہیں، ایران میں کرونا وائرس سے اموات کی تعداد 4375 ہو گئی، جب کہ 70 ہزار سے زائد متاثر ہیں، وائرس سے بیلجیئم میں 3346 افراد ہلاک ہوئے اور 28 ہزار سے زائد متاثر ہیں۔ چین میں اب تک 3339 افراد کرونا وائرس سے ہلاک ہو چکے ہیں جب کہ مجموعی طور پر 82 ہزار سے زائد متاثر ہوئے، خیال رہے کہ کرونا وائرس چین کے شہر ووہان سے دنیا بھر میں پھیلا۔

جرمنی میں یہ وائرس 2871 جانیں نگل گیا ہے، اور ایک لاکھ 25 ہزار سے زائد متاثر ہیں، نیدرلینڈز میں 2643 جانیں تلف ہو چکی ہیں جب کہ 24 ہزار سے زائد متاثر ہوئے، برازیل میں کرونا سے 1140 اموات ہوئیں اور 20 ہزار سے زائد افراد متاثر ہیں، ترکی میں وائرس 1101 جانیں نگل چکا ہے جب کہ 52 ہزار سے زائد متاثر ہیں، سوئٹزرلینڈ میں 1036 افراد کرونا وائرس سے ہلاک ہوئے اور 25 ہزار سے زائد متاثر ہیں۔

سوئیڈن میں 887، کینیڈا میں 653، پرتگال میں 470، آسٹریا میں 337، انڈونیشیا میں 327، ایکواڈور میں 315، بھارت میں 288، سعودی عرب میں 52 اموات ہو چکی ہیں۔

اپریل 12, 2020
ملک میں کرونا سے اموات 66 ہو گئیں، 4601 افراد متاثر

اسلام آباد: پاکستان میں کو وِڈ نائنٹین کے مریضوں کی تعداد بڑھ کر 4 ہزار 601 ہو گئی ہے، نئے کیسز کی تعداد میں تیزی سے اضافہ ہو رہا ہے، جیسے جیسے ٹیسٹ کیے جا رہے ہیں ویسے ویسے مریضوں کی تعداد بھی بڑھتی جا رہی ہے۔

اے آر وائی نیوز کے مطابق کرونا وائرس پر کمانڈ اینڈ آپریشن سینٹر کے آج جاری اعداد و شمار میں کہا گیا ہے کہ ملک میں وائرس کے باعث اموات کی تعداد بڑھ کر 66 ہو گئی ہے، گزشتہ 24 گھنٹوں کے دوران 284 کیس سامنے آئے جب کہ 4 مزید اموات رپورٹ ہوئیں۔

سی این او سی کے مطابق صوبہ جات کے لحاظ سے کرونا کیسز کو توجہ کے ساتھ مانیٹر کیا جا رہا ہے، اب تک صوبہ پنجاب کیسز کی تعداد کے لحاظ سے سر فہرست ہے، جہاں 2279 کیسز رپورٹ ہو چکے ہیں، دیگر صوبوں کی مانند پنجاب میں بھی لاک ڈاؤن جاری ہے۔

کرونا وائرس سے اموات 1 لاکھ کے قریب پہنچ گئیں

پاکستان میں کرونا وائرس کے کیسز کا آغاز ہوتے ہی سندھ اس کا شکار ہوا، جہاں تفتان بارڈر سے گزرتے ہوئے ایران سے آنے والے زائرین کی وجہ سے سندھ کے مختلف شہروں میں وائرس پھیلا، تاہم سندھ حکومت کی جانب سے فوری رسپانس کی وجہ سے کیسز کی بڑھتی رفتار میں کمی آئی، اب تک صوبے میں 1128 کیس رپورٹ ہو چکے ہیں۔

صوبہ خیبر پختون خوا میں کو وِڈ نائنٹین کیسز کی تعداد بڑھ کر 620 ہو گئی ہے، وبا کو کنٹرول کرنے کے لیے خیبر کے کئی اضلاع میں لاک ڈاؤن کیا جا چکا ہے، گزشتہ روز گیلپ سروے میں یہ انکشاف ہوا تھا کہ پاکستان کے تمام صوبوں میں کرونا وبا کو کنٹرول کرنے کے لیے کیے جانے والے اقدامات کے لحاظ سے پختون خوا وہ صوبہ ہے جہاں عوام سب سے زیادہ مطمئن ہیں۔

کمانڈ اینڈ آپریشن سینٹر کے اعداد و شمار کے مطابق بلوچستان میں اب تک 219 کرونا کیس رپورٹ ہو چکے ہیں، گزشتہ دنوں بلوچستان میں ڈاکٹرز اور دیگر طبی عملے نے کرونا وائرس کے حفاظتی سامان کی حکومت کی جانب سے عدم فراہمی پر شدید احتجاج کیا تھا، جس پر پولیس نے جانب سے ان پر بدترین تشدد بھی کیا گیا، خیال رہے کہ ڈاکٹرز اس وقت پاکستان سمیت پوری دنیا میں فرنٹ لائن سولجرز کا کردار ادا کر رہے ہیں، تاہم کوئٹہ پولیس نے طبی عملے کے ساتھ بہت برا سلوک روا رکھا۔ ڈاکٹرز کی ایسوسی ایشن کا کہنا تھا کہ حفاظتی سامان نہ ہونے کے سبب خود ڈاکٹرز بھی کو وِڈ نائنٹین پھیلانے کا سبب بن رہے ہیں۔

ادھر گلگت بلتستان میں 215 اور آزاد کشمیر میں 33 کیس رپورٹ ہو چکے ہیں، جب کہ وفاقی دارالحکومت اسلام آباد میں کرونا وائرس کے اب تک 107 تصدیق شدہ کیس سامنے آ چکے ہیں۔

اپریل 10, 2020
عالمگیر وبا کرونا وائرس سے اموات 1 لاکھ کے قریب پہنچ گئیں

کراچی: عالمگیر سطح پر نئے اور نہایت مہلک ثابت ہونے والے وائرس کو وِڈ نائنٹین سے اموات کی تعداد 1 لاکھ کے قریب پہنچ گئی۔

تفصیلات کے مطابق ورلڈ ہیلتھ آرگنائزیشن کی جانب سے کرونا وائرس سے پھیلنے والی وبا کو عالمگیر وبا قرار دیا جا چکا ہے، اس وبا کی زد میں اب تک 210 ممالک اور علاقے آ چکے ہیں، اور 95,739 اموات واقع ہو چکی ہیں۔

دنیا بھر میں کرونا وائرس سے متاثر ہونے والے افراد کی تعداد بھی 16 لاکھ سے تجاوز کر گئی ہے، جب کہ اب تک صرف ساڑھے تین لاکھ مریض ہی صحت یاب ہو سکے ہیں۔ سب سے زیادہ کیسز امریکا میں سامنے آئے ہیں، جن کی تعداد ساڑھے 4 لاکھ سے بھی زیادہ ہے۔

ہلاک افراد کی تعداد کے لحاظ سے امریکا دوسرے نمبر ہے جہاں اب تک 16,697 مریض کرونا کا شکار ہو چکے ہیں، امریکا میں نیویارک کرونا سے سب سے زیادہ متاثرہ شہر ہے جہاں 7067 افراد ہلاک ہو چکے ہیں جب کہ وائرس سے متاثرہ افراد کی تعداد 1 لاکھ 61 ہزار سے زائد ہے۔ پہلے نمبر پر تاحال یورپی ملک اٹلی ہے جہاں ہلاکتوں کی تعداد بڑھ کر 18,279 ہو گئی ہے جب کہ مجموعی مریضوں کی تعداد 1 لاکھ 43 ہزار سے زائد ہے۔

ڈاؤ یونی ورسٹی میں کرونا وائرس سے متعلق بڑی تحقیق

اسپین میں بھی بہت تیزی کے ساتھ کو وِڈ نائنٹین کے مریضوں کی تعداد بڑھ رہی ہے، امریکا کے بعد اسپین دوسرا ملک ہے جہاں سب سے زیادہ کیسز سامنے آ چکے ہیں، اور اب تک 1 لاکھ 53 ہزار سے کیسز تجاوز کر چکے ہیں جب کہ اموات کی تعداد بڑھ کر 15,447 ہو گئی ہے، اموات کی تعداد کے لحاظ سے اسپین دنیا کا تیسرا بڑا متاثرہ ملک ہے۔

فرانس کرونا وائرس سے اموات کی تعداد کے لحاظ سے چوتھا بڑا اور کیسز کی تعداد کے لحاظ سے پانچواں ملک ہے، فرانس میں ہلاکتیں 12,210 تک پہنچ گئیں جب کہ 1 لاکھ 17 ہزار سے بڑھ گئی ہیں۔ برطانیہ میں اگرچہ کیسز کی تعداد دیگر ممالک کے مقابلے میں کم ہیں لیکن اموات کی تعداد کا تناسب زیادہ ہے، اب برطانیہ میں کرونا وائرس سے 7,978 افراد ہلاک ہو چکے ہیں، جب کہ مجموعی متاثرہ افراد کی تعداد 65 ہزار ہو گئی ہے۔

بیلجئم میں کرونا وائرس سے 2523 افراد ہلاک ہوئے جب کہ 24983 افراد متاثر ہو چکے ہیں، نیدرلینڈز میں 2396 افراد ہلاک اور 21762 افراد متاثر ہیں، ایران میں کرونا وائرس سے 4110 افراد ہلاک جب کہ 66220 افراد متاثر ہیں، سعودی عرب میں کرونا سے 44 افراد ہلاک جب کہ 3287 افراد متاثر ہیں، بھارت میں وائرس سے 227 افراد ہلاک ہو چکے ہیں اور 6725 افراد متاثر ہیں۔

اپریل 10, 2020