Tag: عالمگیر وبا

بارسلونا: اسپین میں کرونا وائرس کی وبا کی صورت حال ایک بار پھر تشویش ناک ہو گئی ہے، 3 صوبے کرونا کے آگے بے بس ہو گئے ہیں، وزیر اعظم سے ایمرجنسی کا مطالبہ بھی کیا گیا ہے۔

غیر ملکی میڈیا کے مطابق اسپین کے صوبے کاتالونیا نے مرکزی حکومت سے ایمرجنسی نافذ کرنے کی درخواست کی ہے، ادھر حکومت نے کہا ہے کہ کرونا وبا بے قابو ہونے کے باعث رات میں کرفیو نافذ کیا جائے گا۔

ہسپانوی وزیر اعظم سانچیس نے قوم کو خبردار کر دیا ہے کہ کرونا کے باعث آنے والے مہینے مشکل ہیں، صورت حال بہت زیادہ خراب ہو گئی ہے، دوبارہ لاک ڈاؤن سے بچنے کے لیے نقل وحرکت محدود کر دیں۔

وزیر اعظم نے عوام سے اپیل کی ہے کہ وہ ملاقاتوں اور سماجی میٹنگز کو کم سے کم کر دیں، کیوں کہ اسپین میں کرونا کیسز اور اسپتالوں میں مریضوں کی تعداد بڑھتی جا رہی ہے۔

واضح رہے کہ اسپین کرونا وائرس کیسز کی تعداد کے لحاظ سے دنیا کے 215 ممالک میں سے 5 ویں نمبر پر ہے، جہاں کیسز 11 لاکھ 10 ہزار سے تجاوز کر چکے ہیں، جب کہ اموات بڑھ کر 34,752 ہو چکی ہیں۔

ادھر یورپی ملک جمہوریہ آسٹریا میں بھی کرونا وائرس کی دوسری لہر شدید ہونے لگی ہے، جہاں ایک روز میں کرونا سے متاثرہ افراد کی تعداد 2435 ہو گئی ہے۔

آسٹریا میں اب تک مجموعی متاثرہ افراد کی تعداد 71844 جب کہ کرون سے اموات 942 ہو چکی ہیں، آسٹریا کے وزیر اعظم نے بھی عوام کو ایس او پیز پر سختی سے عمل درآمد کی ہدایت جاری کی ہے۔

شنگھائی: دنیا بھر میں کرونا وائرس انفکیشن سے اموات کی تعداد ساڑھے 11 لاکھ کے قریب پہنچ گئی، کرونا کی اس دوسری لہر میں گزشتہ چوبیس گھنٹوں کے دوران 6 ہزار 500 افراد ہلاک جب کہ 4 لاکھ 90 ہزار افراد میں وائرس کی تصدیق کی گئی۔

شنگھائی کی نجی سافٹ ویئر سلوشن کمپنی کی ریفرنس ویب سائٹ ورلڈومیٹر کے اعداد و شمار کے مطابق دنیا بھر میں نئے کرونا وائرس کو وِڈ نائنٹین سے ہلاکتیں 11 لاکھ 49 ہزار 300 ہو گئی ہیں۔

یہ مہلک وائرس اب تک دنیا کے 215 ممالک اور علاقوں میں 4 کروڑ 24 لاکھ 97 ہزار انسانوں کو متاثر کر چکا ہے، دوسری طرف وائرس سے لگنے والی بیماری سے اب تک 3 کروڑ 14 لاکھ 29 ہزار مریض صحت یاب ہو چکے ہیں۔

چین سے نمودار ہونے والے اس وائرس نے سب سے زیادہ تباہی امریکا میں پھیلائی، اب تک وائرس سے امریکا میں 2 لاکھ 29 ہزار افراد جانوں سے ہاتھ دھو چکے ہیں جب کہ متاثرہ افراد کی تعداد 87 لاکھ 46 ہزار ہے، جن میں 56 لاکھ 98 ہزار مریض صحت یاب ہو چکے ہیں، گزشتہ چوبیس گھنٹوں کے دوران امریکا میں کرونا وائرس کے 83 ہزار نئے کیسز رپورٹ ہوئے۔

بھارت میں کرونا بدستور بے قابو ہے، ایک دن میں مزید 54 ہزار کیسز رپورٹ ہوئے جب کہ 656 اموات ہوئیں، مجموعی متاثرین کی تعداد 78 لاکھ 14 ہزار سے تجاوز کر گئی ہے، جب کہ اموات 1 لاکھ 17 ہزار ہو چکی ہیں۔

برازیل میں کرونا وائرس سے ہلاکتیں بڑھ کر 1 لاکھ 56 ہزار ہو گئی ہیں اور متاثرہ افراد کی مجموعی تعداد 53 لاکھ 55 ہزار سے تجاوز کر چکی ہے۔ روس میں وائرس سے اموات 25 ہزار 500 سے زائد ہیں جب کہ متاثرہ افراد کی تعداد 14 لاکھ 80 ہزار ہو چکی ہے۔

شنگھائی: دنیا بھر میں کرونا وائرس انفکیشن سے اموات کی تعداد 11 لاکھ 23 ہزار سے تجاوز کر گئی، کرونا کی اس دوسری لہر میں گزشتہ چوبیس گھنٹوں کے دوران 4 ہزار 300 افراد ہلاک جب کہ 3 لاکھ 38 ہزار افراد میں وائرس کی تصدیق کی گئی۔

شنگھائی کی نجی سافٹ ویئر سلوشن کمپنی کی ریفرنس ویب سائٹ ورلڈومیٹر کے اعداد و شمار کے مطابق دنیا بھر میں نئے کرونا وائرس کو وِڈ نائنٹین سے ہلاکتیں 11 لاکھ 23 ہزار 180 ہو گئی ہیں۔

یہ مہلک وائرس اب تک دنیا کے 215 ممالک اور علاقوں میں 4 کروڑ 6 لاکھ 61 ہزار انسانوں کو متاثر کر چکا ہے، دوسری طرف وائرس سے لگنے والی بیماری سے اب تک 3 کروڑ 3 لاکھ 62 ہزار مریض صحت یاب ہو چکے ہیں۔

امریکا اور بھارت میں اب بھی کرونا وائرس بے قابو ہے، چین سے نمودار ہونے والے اس وائرس نے سب سے زیادہ تباہی امریکا میں پھیلائی، اب تک وائرس سے امریکا میں 2 لاکھ 25 ہزار افراد جانوں سے ہاتھ دھو چکے ہیں جب کہ متاثرہ افراد کی تعداد 84 لاکھ 56 ہزار ہے، جن میں 55 لاکھ 3 ہزار مریض صحت یاب ہو چکے ہیں۔

بھارت میں بھی کرونا بدستور بے قابو ہے، ایک دن میں مزید 46 ہزار کیسز رپورٹ ہوئے، مجموعی متاثرین کی تعداد 75 لاکھ 97 ہزار سے تجاوز کر گئی ہے، جب کہ اموات 1 لاکھ 15 ہزار ہو چکی ہیں۔

برازیل میں کرونا وائرس سے ہلاکتیں بڑھ کر 1 لاکھ 54 ہزار ہو گئی ہیں اور متاثرہ افراد کی مجموعی تعداد 52 لاکھ 51 ہزار سے تجاوز کر چکی ہے۔ روس میں وائرس سے اموات 24 ہزار 300 سے زائد ہیں جب کہ متاثرہ افراد کی تعداد 14 لاکھ 15 ہزار ہو چکی ہے۔