نیویارک: عالمی ادارہ برائے تعلیم کے مطابق بچوں کی تعلیم کا ہدف پورا نہیں کیا جاسکا،عالمی رہنماء بچوں کو تعلیم دینے میں ناکام رہے ہیں، ایشیا میں پاکستان تعلیم میں کےفروغ میں ترقی نہیں کرسکا۔
اقوامِ متحدہ کے تعلیم سے متعلق ادارے یونیسکو کا کہنا ہے کہ عالمی رہنماؤں کی جانب سے دنیا بھر کے بچوں کو دوہزار پندرہ تک پرائمری تعلیم دلوانے کا وعدہ پورا نہیں کیا جا سکا۔
یونیسکو کی رپورٹ کے مطابق پانچ کروڑ اسی لاکھ بچوں کو اسکول تک رسائی حاصل نہیں جبکہ دس کروڑ بچے اپنی پرائمری تعلیم مکمل نہیں کر سکیں گے۔
نائیجریا، چاڈ اور نائجر میں سب سے کم پیش رفت ہوئی جبکہ ایشیا میں پاکستان تعلیم کے فروغ میں نمایاں ترقی کرنے میں ناکام رہا۔